المساعد الشخصي الرقمي

عرض الإصدار الكامل : تحذير هام (كمال الأجسام يشوه العضلات )

SHANT
06-10-2002, 11:43
حذرت دراسات جديدة أجريت في أستراليا من أن حمل الأثقال وتدريبات كمال الأجسام التي تنفخ العضلات قد تعرض الرجال للإصابة بما يعرف بمتلازم التشوه الشكلي العضلي. وقال الباحثون في جامعة فكتوريا في ميلبورن بأستراليا إن هذا المتلازم يؤثر بصورة رئيسة على الرجال ويثير قلقهم ومخاوفهم وعدم رضاهم عن أشكال أجسامهم ككل وليس جزءاً واحداً فقط.


ووجد هؤلاء بعد متابعة مجموعتين من متدربي الأثقال في النوادي الرياضية الأمريكية 24 مصابين بالمرض و30 غير مصابين أن المصابين أقل ثقة بالنفس وأقل رضا عن أشكال أجسامهم ويعتقدون أنهم أقل جاذبية وأضعف صحة من غيرهم, ولا يحبون مظهر أجسامهم وعضلاتهم وأوزانهم وأعربوا عن قلقهم من منظر الأرداف والأوراك والفخذين والأرجل.

و السؤال الكم يا شباب ...
خصوصي اللي بروحوا لكمال الاجسام ...
مكن نعرف شو سبب اختيار هذه الرياضة ؟؟؟
يللا شاركونا
أمير عربي
06-10-2002, 12:30
و لي
الله يصلحك يا شانت على هالخبرية .... لعمش ...
يعني معقولة واحد بيروح على النادي تبع كمال الأجسام بملء إرادته و بعدين بيجي بيقول انو مانو واثق بحالو ؟؟؟
لكن ليش عم بيروح ؟؟ يعني النادي ليش موجود غير لبناء العضلات و إعطاءها الشكل المطلوب ؟؟؟
يعني كمال الأجسام من أفضل الرياضات شرط انا تمارس بأصولها و دون زيادة أو نقصان إلا بعد الدراسة
و هادا رأيي
شكرا
SHANT
06-10-2002, 17:43
لا دخيلك لا تزعل
اخي امير عربي ;)
انا شخصيا بروح على رياضة كمال الاجسام
بس ما خفت من الخبرية ... ليش ؟؟؟
لانو بعرف حالي ما رح اوصل لحال الادمان
و هون المشكلة ...
الادمان على هذه الرياضة بشكل غير طبيعي و الوصول بالجسم الى حجم البالون
و حضرتك قلت هالكلام
يعني كل شي بالمعقول ما بضر
;)

تكملة الخبر
ونبه العلماء في المجلة البريطانية للطب الرياضي إلى أن الرجال الذين يذهبون إلى النوادي الرياضية بهدف زيادة كتلتهم العضلية ونفخها أكثر عرضة للإصابة بمتلازم التشوه العضلي الذي ينتج كأحد المضاعفات السلبية لحمل الأثقال.
Eagle
08-10-2002, 14:49
أنتة بتصدق هالكلام ؟؟

كلام مو صحيح لأنو كمال الأجسام بناء للعضلة مو أبرة بالعضل :)
Yasso
08-10-2002, 15:39
والله أنا
رايح سجل بنادي

بس مو كل النوادي برامجها راكزة

ممكن يا أخ SHANT تقللي انت أي هو النادي

اللي بتردادو ؟؟

والسلام
SHANT
08-10-2002, 15:48
اخ Eagle
انا مهمتي اوصلكم آخر الاكتشافات
و اكيد العلماء بيعملوا مئات التجارب قبل الوصول للنتيجة
يعني اذا عرفنا اكتر مو مشكلة ;)
و على فكرة بكمال الاجسام في ابر بالعضل و تناول بروتينات ...
بس شو ... الهن ضرر مو طبيعي لوظائف الجسم الاخرى
و مشكور على مشاركتك
و خلينا نشوفك و مشاركاتك في زاويتنا
SHANT
08-10-2002, 16:23
اخ Yasso
قبل ما تسجل باي نادي اسأل اللي بروحوا لهنيك
اذا في مدرب خاص او نادي تجاري (كل مين ايدو الو )
لان وجود المدرب ضروري لتعليمك الحركات بشكل صحيح
و غير هيك بعد ما تسجل ... بلش شوي شوي برفع الاثقال
و لا تحمل الاوزان الكبيرة من الاول ... لانو بناء العضلة بشكل
تدريجي يعطي جمالية اكتر و غير هيك صحي اكتر
و كان من ودي قلك شو النادي اللي بروح عليه بس انت بالشام
و انا مو بالشام ... ;)
يللا خيرها بغيرها
Yasso
08-10-2002, 17:25
شكرا إلك يا أخ SHANT

على هالنصيحة يللي رح دوّر من خلالها

على أحسن نادي عنّا بالحي لأنو في عنا بالحي

اكتر من 8 نوادي لكمال الأجسام و انشالله نلاقي شي واحد ظريف


والسلام
Eagle
08-10-2002, 21:36
روح لنسجل سوا اخ شانت نقلون بس تاكد منون اول مشان ماتصلنا معلومة غلط وهل لندور على احسن نادي لنقوي عضلاتنا sh:questio sh:ohmy
Yasso
09-10-2002, 18:47
والله ييا أخ ShanT و يا أخ Eagle

انتو من وين ؟؟


حابب نصير صحبة اكتر

وخلينا نشوفكم
Eagle
09-10-2002, 20:19
اخ Yasso فكرة حلوة

انا من فسط الشام وأنتة؟؟؟
SHANT
09-10-2002, 21:13
و لو .. ليش لا
بنصير صحاب و نطلع عالمستقبل ببرنامج اصحاب ;)
عمبمزح ...
انا من حلب ...( صدمة ) مو هيك طلعت بعيد من الشام
بس مو مشكلة ...
مين قال الصحبة بتنقاس بالمسافة ;)
ابعتولي رسائل خاصة لناخد ايميلات بعضنا .. اذا مافي سئلة
و احلى شباب و الله :)
Yasso
13-10-2002, 20:34
بس يا أخ SHANT عندي سؤال


هللق الإبر اكيد ما بتنفع

طيب ليش ؟؟؟؟؟
Eagle
13-10-2002, 20:59
أوكيه أنا موافق بس الفكرة أنو الإبر أخي ياسو بتأذي لأنها بتنضرب بالعضل .
يعني ممكن تعمل مضاعفات خطيرة خطيرة جدا

بس سمعت عن الحبوب انو بتضر كمان ليش بقى؟؟
ARNOLD
13-10-2002, 21:07
هادا الكلام مو صحيح أبداً و انا عندي شواهد يمكن في عالم دخلت هالمجال عن جهل و صار عندها إصابات و يمكن عاهات ..
بس انا عندي الاثباتات انو لعبة كمال الأجسام هي الأولى رياضياً
و هي الأقدم على الإطلاق بين الرياضات ..
انا ماعمبحكي هيك كوني بطل بهي اللعبة بس انا بعرف كل شي عن
كمال الأجسام تاريخياً و طبياً ..
على كل حال لأي استفسار حول هالموضوع ويلي بدو أي سؤال عن هاللعبة انا جاهز أكيد ..







syrian ARNOLD
Yasso
13-10-2002, 21:08
والله هالسؤال مو إلي هادا للأخ شانت

بس الحبوب بعتقد بتأثر عالمعدة أول شي

مشان هيك ينصح بأخذها مع الطعام
Yasso
13-10-2002, 21:17
طيب لو سمحت

بجي شرح موسع عن الأبر و منافعها و مضارها ومنافعها

والحبوب كمان
NOKIA22
13-10-2002, 21:22
انا مارسة الحديد (4) شهور ;) بس ماشاءالله ؟

طلعة بنتيجة جيده جداّ :cool: ؟

وكان يدربني واحد مصري من العشر الاوائل في مصر ؟

بس من دوون منشطاط ولى ابـــــــــــر :eek: ؟

بعدين تركت الحديد لاهل الحديد ؟

والحمد لله مافيني شي مثل الحصان sh:happy sh:happy

تحياتي لكم ورياضة طيبة ؟ ســــــــلام sh:hi
Yasso
13-10-2002, 21:32
عفوا يا أخ ايغل لهذا اتأخير


انا بالأصل من فسط الشام بس هللق ساكن

بمشروع دمر


ابعتلي رساة خاصة مشان نكمل

وأذا حدا بدو يشاركنا أهلا و سهلا
SHANT
14-10-2002, 15:04
عفوا لتاخير الرد
مين قال الابر ما بتنفع :eek:
ولو... بتفخ عضلاتك بصورة غير طبيعية
و ذلك نتيجة تناول جرعات مفرطة من الهرمونات و البروتينات
و اكيد كل شي غير طبيعي بضر ...
انت شو خسران ابعد عن الشر و غنيلو
مارس الرياضة بشكل طبيعي و شوف النتيجة ;)

و سلامي الك yasso

و لجميع الاعضاء
Eagle
04-11-2002, 21:06
يا شباب اسف للتأخير بس سجلت بنادي والنتيجة أنو عضلاتي ما شاء ء الله يخز العين من عيونكون صاروا متل الفجل
اخي ياسو صارت معي شغلة وأنابالنادي وخربطت بعضلة فكرتها طلعت بعد تلت تيام أم ألي المدرب أنو هادا كوعك مو عضلة ..

بس والله عم بتعب وبيجوز أطلع ع بطولة الجمهورية بعد خمس تيام أدعولي
بس برد نوهلكون أنو الإبر مو منيحة لأنو بتبخش العضل..

أخي ياسو انا مابعرف ابعت ايميل أبعتلي أنتة بالله
وشكرا لمعلوماتكون



sh:hi
SHANT
05-11-2002, 19:35
يللا بيض وجهنا يا eagle بالبطولة
و اكيد نحن معك .... و لو ما بدها اتنين يحكوا فيها

على فكرة من لم يساهم في الموضوع ننتظر آرائكم
او لنطرح سؤالا جديدا لماذا تمارس رياضة كمال الاجسام ؟؟؟ خاص للشباب

و السؤال الثاني للصبايا ..
ايلفت انتباهك الشاب ذو العضلات المفتولة اكثر من الشاب العادي ؟؟؟؟

يللا شالركونا آرائكم
Eagle
09-11-2002, 20:54
يا أخي سؤالك صعب كتير

انا بلعب حديد لأني بدي صير صاحب عضللات وأتبهور فيون إدام الناس هي اولا وتانيا لنو قوة الجسم شيحلو مثلا إذا علقت خناقة لازم تضرب الضرب ماتردوا يعني يكون بوكسك ما يتنى
.

اما مشان الصبايا فأكيد كمال الأجسام شغلة مهمة إلون لأنو بيحبوا صاحب العضلات بيجنون وخصوصا العضلة النافرة لبرا يعني المفتولة وبس
:)
SHANT
10-11-2002, 13:05
يعني معقولة ... كل هالعضلات مشان شقفة خناقة او البهورة
ليك انا بقلك ... انو تنمية العضلات لها اهمية في تنظيم و تسريع دوران الدم
في الجسم .. و هي فائدة لا يستهان بها
و اه شي هي رياضة ...

اما بالنسبة للصبايا بظن انو اغلبهم ما بحبوا العضلات النافرة
ما بعرف هيدا رايي

ولا شو ؟؟؟؟
Eagle
17-11-2002, 15:36
كلامك مو مزبوط اخي شانت
البنات بيحبوا العضلات المنفرة والماكنة ونسبة كبيرة منون بيحبوا الشباب أصحاب العضلات

وحتى في منون بيحبوا هنه يكون عندون عضلات

حتى سأل الصبايا:)
MAD
12-11-2003, 14:02
تحياتي للجميع


ان يكون الرجل له جسم منسق وعضلات منفوخة ..هادا احسن من ان يكون نحيفا



نفخة هواء بطيير ..



ومشان البنات ...مابدها حكي.. دغري

بس ما بحبوا المنفوخ كتير ويلي مو مخلي ابرة ولا شراب يعتب عليه


-----------------

الان احسن شئ اذا الواحد بدو ينفض جسمو ..شو ياخذ مع التدريب ؟؟؟


ســـــــــــــــلام




sh:hi sh:hi
الدوسي
30-04-2007, 20:52
ابغا بروتين ماله اضرار يكون بودره
borkan
09-04-2008, 19:54
حبيبي مالاحظت انو في تناقض بكلامك
كيف بتقول كمال اجسام وبنفس الوقت بتقول تشويه الجسم
يعني لوكانت هيك ما كنا شفنا ابطال من جميع الجنسيات لان الرياضة هي بالذات كل الرياضات بتمارسا وبتلجأ الها
لاعب كرة القدم والمضرب والسلة و... و.... كلهم يحتاج لتقوية عضلة معينه فيلجأ لتمارين الحديد في صالة كمال الاجسام
اما عن الدراسة فالعلماء يعطيهم العافية عالمجهود ولكن لايجب ان نأخذ كل دراسة على محمل الجد
اليوم بالذات روح اقرا عالعربية.نت انو دراسة لعلماء بتقول اذا اكل الانسان 6 الى 7 بيضات باليوم بيكون معرض للموت المبكر
ممكن ناخد هالدراسة بعين الاعتبار واذ بدراسة جديدة بعد كم اسبوع بتناقض هالشي
وصارت باكثر من خبر علمي جديد
فكمال الاجسام لعبة رائعة ولكل شيء بالدنيا محاسن ومساوء
وانصحكم بزيارة
www.al-abtal.com
yasser & yasser
09-04-2008, 23:24
بغض النظر ..


وكل شي زاد عن حده ... بيصير مو طبيعي ...
يعني في ناس معهم هوس .. وبيصير أشكالهم .. غريبة ...
لا تنسى للسيدات .. للي بيصيرو عاهات .. بعد ما تصير أجسامهم .. متوحشة ...
borkan
10-04-2008, 07:18
عزيزي ياسر
مزبوط كلامك بس نحنا عبنحكي على الرياضة الطبيعية ما عبناقش الشاذ والسيء فيها
هاد موضوع تاني الافراط
بس بشكل عام الرياضة جميلة كمال الاجسام لاغبار عليها
كرة القدم على سبيل المثال او العاب القوى تصبح سيئة اذا اخذ اللاعب منشطات وهرمونات وما الى ذلك من المحرمات دوليات للرياضات
بس نحنا عبنقول عالرياضة الصحية التي تخلو من الاستخدام الخاطئ السيء
ودمتم سالمين :)