المساعد الشخصي الرقمي

عرض الإصدار الكامل : موت أحسن من الحب من طرف واحد ...أو عيش وتروك قلبك .. بترتاح

~SadnesS~
28-10-2002, 14:41
مرحبا ياعالم .... بس بدي قول إنو أنا من وقت ماحبيت .... من وقت ما خفق قلبي لإنسانة .... حسيت مشاكل العالم كلا وقعت عليي ... كل هدا وبدون ماأعرف إذا هي بتحبني أو لا .... أنا كنت وقتا منتهي من قصة حب مع وحدة ... للإسف مابتحبني يعني بسمحلكون ماتموها قصة حب .... قصة عذاب منيح .... حبيتا كتير بس هي لا ... قتلا قالتلي إنت متل أخي ..... غيرتلي حياتي ... تغيرت ... صرت غير شخص .... وأنا بحالة الحب مع هديك تعرفت على وحدة وقالتلي إنو بتحبني .... حاولت حبا أو أعطيا وش بس ماقدرت .... وقتها تعرفت على الملاك يلي بحبو هلق ......حبيتا ... كنت أعتبرا متل إختي ... بس مابعرف شو صرلي ... حبيتا ... لك أنا ماعم دور على الحب .... مابعرف ليش عنجد أنا بحس إنو المشاكل هي عم دور عليي وتلحقني من محل لمحل ... وحان الوقت لقلا ..... وقتلا .... قالتلي عامر بدك ياني قلك بحبك وإنا معتبرتك كأخ ... مابعرف شو صرلي لما هيك صار فيني .... حسيت حالي رح موووت ... مابعرف بس هي بتعرف حالة وبقلا بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك ...... وبدي ياكي ورح تحبيني .... ومن مشاكل إكتشفت إنو البنت إذا بدا شي بتاخدو ... بس الشب إذا بدو بنت مابياخدا ... والشب إذا حب مابحب بيعبد .... أما البنت فما بتعبد .. البنت بترتبط ... شكراااااااا وفشت خلقي شوي ... باااااااااااااااااااااااااي
~SadnesS~
28-10-2002, 14:45
كاتب الرسالة الأصلية : ~SadnesS~
مرحبا ياعالم .... بس بدي قول إنو أنا من وقت ماحبيت .... من وقت ما خفق قلبي لإنسانة .... حسيت مشاكل العالم كلا وقعت عليي ... كل هدا وبدون ماأعرف إذا هي بتحبني أو لا .... أنا كنت وقتا منتهي من قصة حب مع وحدة ... للإسف مابتحبني يعني بسمحلكون ماتموها قصة حب .... قصة عذاب منيح .... حبيتا كتير بس هي لا ... قتلا قالتلي إنت متل أخي ..... غيرتلي حياتي ... تغيرت ... صرت غير شخص .... وأنا بحالة الحب مع هديك تعرفت على وحدة وقالتلي إنو بتحبني .... حاولت حبا أو أعطيا وش بس ماقدرت .... وقتها تعرفت على الملاك يلي بحبو هلق ......حبيتا ... كنت أعتبرا متل إختي ... بس مابعرف شو صرلي ... حبيتا ... لك أنا ماعم دور على الحب .... مابعرف ليش عنجد أنا بحس إنو المشاكل هي عم دور عليي وتلحقني من محل لمحل ... وحان الوقت لقلا ..... وقتلا .... قالتلي عامر بدك ياني قلك بحبك وإنا معتبرتك كأخ ... مابعرف شو صرلي لما هيك صار فيني .... حسيت حالي رح موووت ... مابعرف بس هي بتعرف حالة وبقلا بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك ...... وبدي ياكي ورح تحبيني .... ومن مشاكل إكتشفت إنو البنت إذا بدا شي بتاخدو ... بس الشب إذا بدو بنت مابياخدا ... والشب إذا حب مابحب بيعبد .... أما البنت فما بتعبد .. البنت بترتبط ... شكراااااااا وفشت خلقي شوي ... باااااااااااااااااااااااااي
ChoCaholiC
24-12-2002, 08:40
أخ سادنس....
بتعرف... يعني بالأول كنت عم قول.. شبو هاد...
بس بعدين حسيت انو فعلاً الله يعينك و يساعدك..

بس اسغربت انو انت مواليد ال 86.. يعني عمرك17 سنه.. و حكيت انك مرقت بأكتر من تجربه..
يعني شبك.. لسا الدنيا قدامك... ما ح تطير... و ما ح تاخد غير نصيبك..
بنصحك تترك الامور تمشي لحالا.. و يللي بقدمو رب العالمين خير..

صدقني... بكرا بس تتزكر تجارب قديمه.. بتضحك.. حتى لو كنت انت بوقتا عم تتعامل بصدق.. بس بيجي يوم بتحس انو كله كان ولا شي...

ازا كنت من هواة الافلام.. في فلم.. أنا متاكدة انو ح يحللك مشكلتك.. أو عل قليله ح يرحيك.. و لو جزئياً..

الفلم اسمه

SERENDIPITY
بطولة
kate bekinsale & john cusack

شوفه.. و ادعيلي...
الألم
24-12-2002, 08:46
اخي سادنيس :

الحب من طرف واحد هو مشكلة كبيرة جدا جدا و الحق معك بكل ما تحمل الكلمة من معنى و الله يعينك فعلاً

و لكن لتجعل أنت ذلك الحب قمة في الطهارة و الصدق نعم فالذي يحب لا يكره أبداً أقول لك و بكل قوة

تمنى لمن تحب الحياة السعيدة المليئة بالصدق و الطهارة و أيضاً قلها و بكل قوة (أتمنى لها الأفضل نعم أتمنى

من اللله أن يبعث لها الأفضل من كل الجهات )

و في النهاية صديقي الخيرة في مااختار الله (الدنيا قسمة و نصيب )

اخوكم

الألم
Soul
22-01-2003, 13:41
رح أكتب قصتي..
أول الشي أنا بنت و عمري 16 سنة..
و من قبل سنتين ..تعرفت على شب .. أو ما بقدر قول أني تعرفت عليه لأن هو ابن الجيران!!
و حسيت أنو هالشب رح يكون شي كتير كبير بحياتي .. و بالفعل كان قصة حبي يلي يمكن كون عشتها و عم عيشها بخيالي..
و كل ما كنت أتطلع فيه كنت حس أنه بعيونو في شي كتير حلو و كنت حاسة أنه هو كمان يمكن يكون عم يفكر فيني.. و مرت الأيام و كانت الابتسامة الصغيرة تنرسم على وجهه كل ما أصدف فيه..و كنت ما بتتخيل السعادة يلي كنت حس فيها لما شوف ابتسامته أو أتطلع بعيونه ..
و مرت الأيام و أنا كنت كل يوم تقريبا" شوفو.. و كنت عم أتخيل أحلى قصة حب معاه..
بس بعد فترة سنة و بهالسنة ما صار في أي تقدم ظاهر غير أني كنت عم حبو أكتر و أكتر و الحيرة بديت بقلبي .. يعني يا ترى هو بيحبني متل ما أنا بحبو أو بيفكر فيي متل ما بفكر فيه؟
و كل هالأفكار كانت عم تعلقني فيه لأن صار هو الوحيد و محبتي لالو هي الشي الوحيد يلي عم فكر فيه..
بس مع الأيام كنت عم حس أني عنجد بحاجة لحدا يكون حدي.. شخص كون عارفة أنو هو بيحبني أو هيك يعني..و لأني بحبه هاد شي أنا أكيدة منه بس يلي ما كنت متأكرة منه هو ازا كان بيحبني أو لأ..و هالشي كان كتير شاغل بالي.. لحتى اجى يوم و قررت أغرب و أ جدب قرار بحياتي.. قررت أني أنساه و كنت مفكرة أني أنساه هو الحل و أنه القصة سهلة.. بس حدا بيقلك أنه كان صار كل شي بحياتي..كل شي..
و بالفعل كان عأساس هاد قراري و خبرت رفقاتي بيلي عم فكر فيه فكلهم وافقوني لأنهم كانو عارفين بيلي عم يصير معي..
بس مين رح يقدر ينسى شخص صار معه موجود بكل دقيقة و لو أنه بخيالي بس!!
و المشكلة أني بفترة قريبة من هالقرار تعرفت على شخص كان و لا أطيب من قلبه و قلت لحالي أنه رح أبقى حبه و أنسى حبي القديم و مرت فترة و تعلقت فيه لأنه كان أفضل شخص تعرفت عليه..
بس و بيوم من الأيام اكتشفت أني ما نسيت شي أبـــدا" من يلي مضى..و مرة و بعد فترة تقريبا" شهرين من بداية قصة حبي الجديد صدفت بابن الجيران !!
و لما شفتو تأكدت أني ما نسيت الأيام يلي قضيتها عم فكر فيه..و لا يوم!!
و لأني عرفت أديش هالشخص يلي تعرفت عليه كان طيوب كنت بفضل أني أبعد عنه لحتى ما سببلو أي شي يزعجو .. يعني يمكن أنه هالحب يلي ما قدرت أبعد عنه ممكن رح يضايقه..و أنا حبيت كل شي فيه و ما ني حابة أزعجه بأي شي..
و انتهت قصة حبي الجديدة..
و القديمة بقيت بقلبي و بعدها لهلأ ..بعد سنتين..عايشة معي..
و بعتقد أني رح أبقى بحبو ..