بدي حاكيكن بس لا تجادلوني كتييير

[R@MI]

إذا كان هالقسم للواحد يحكي عن مشاكلو أو عن حالو فأنا هون لأحكي معكن بخصوص مشكلتي يلي خلص منها معظمكم و هي

البكى لوريا

يعني أد ما حكينا ما منخلص

أنا بعتبرها سبب كل المشاكل

مع الأهل و الأصدقاء كل شي

يعني لازم ديما ندرس بالميتة 10 ساعات هدا إذا ما كان أكتر

بكل الأحوال أنا هي مشكلتي الكبيرة و بس

هالمشكلة ما بتهم معظكم بس بتهم الأقلية

:(

يعني نحن مناكلها و مو حدا حاسس فينا

يا شباب شوية دعم معنوي ساعدونا فيه ما بدنا أكتر من هيك

؟
؟
؟
؟
؟
؟
؟
؟

sh:ohmy أنا هلأ عمأكتب هالموضوع قريب الساعة 3 وش الصبح و معظمكم نايمين و عميحلموا

و أنا و هالكم مسكين من طلاب البكالوريا سهرانين :( دراسة دراسة دراسة

الله يخلصنا من هالمشكلة على خير

;)

[جورية]

بسم الله الرحمن الرحيم
اصدقائي الغاليييييييييييييييييييين
السلام عليكم و رحمة الله و بركاته


اخي الكريم
برحب فيك بمنتدى الشباب العربي الذي يضم
الشباب العربي من كل انحاء العالم ببيت يسوده الحب و التعاون
و المحبة الاخوية الصادقة فاهلا و سهلا بك

اخي الكريم
انا لا ارى مشكلة بمشكلتك التي كتبتها الان
هل تعلم ان العمل فرض على كل مسلم و مسلمة
و اول من نزل القران على سيدنا محمد كان كلمة اقرأ
فهل مشكلتك العلم؟؟؟؟؟؟؟؟؟؟
اخي الكريم ما في شي بيجي بالساهل ابدا
كل شي بهل الدنيا بده تعب و اجتهاد و مثابرة
اذا هلء من كم كتاب عم تقول مشكلة اذا بدك تدرسهم
لكان بكرا شو بدك تحكي وقت بدك تشتغل؟؟؟؟؟؟؟؟؟
لك مليون ساعة دراسة و لا ساعة شغل وحدة
و اذا بدك الصراحة و بدك حل لمشكلتك فكر بالمستقبل
اذا اخدت شهادة وضعك رح يكون غير عن واحد بدون شهادة
بشهادتك بتقدر تفوت للجامعه و تكمل و تبني مستقبلك من هل الشهادة
اما اذا تركت المدرسة و اكتفيت بشهادة الاعدادي مثلا فانو مستقبل رح يستناك؟؟؟؟؟؟
ممكن تقلي انو كتار عالم و ناس و خصوصي بهل المرحلة الزمنية
انو ما عندهم شهادة الا سادس و صاروا فوق العالم
انا بجاوبك انو هدول بيكونوا بنوا مستقبلهم من هنن و صغار من الصفر
و بتحدا اي واحد ما تعذب و تمرر و داق المر و الزل لحتى بنى حاله
و صار تاجر فوق الريح بدون شهادة يعتمد عليها
او في منهم ناس مولودين و بتمهم معلقة ذهب متل ما بيقولوا
هدول لا بيهمهم شهادة و لا غيرها بسسسسسسسسس
وقت هل المعلقة بيتغير لونها و بيصير لونها نحاسي يا ترى
شو رح يصير بهل الزلمة يلي ما معه شهادة يستند عليها؟؟؟؟؟؟؟؟؟؟؟؟؟
لهيك الله يرض عليك كلها كم شهر زمان و بتاخد الشهادة و بتصير
بتتحكم بمستقبلك متل ما بدك و اذا طلعت اول خطوات مستقبلك بتكون خطواتك ثابتة
و اعلم اننا هنا اخوان و اخوات لك اي شي بدك ياه نحنا بخدمتك
اي شي مدايقك فحنا هون منسمعك و منفهمك و منساعدك باذن الله
فضفض ما عندك و لا يكون الك اي هم و نحنا كمان منسهر مو بس انته
و ربي يوفقك و يكون معك و مع كل بنات و شباب الشهادات يا رب
و الله الموفق

[R@MI]

شكرا لك إخت جورية
الحقيقة قنعتيني شوي

شكرا لك
بس يعني بصراحة طلعت روحي من هلأ وما بعرف شو بدي قلك بس أنا مليت
و مو عارف شو بدي أعمل :rolleyes:

:rolleyes:

[SooS]

لا تشكيلي لأبكيلك !!!

لا تعليق sh:ohmy

[sama7]

السلام عليكم

فعلا اخي كلام جورية مزبوط .... كفت ووفت sh:eye

عندنا مثل بقول ( وجع ساعة ولا وجع كل الساعات )

كنا طلاب ودرسنا والحمد لله جبنا علامات مرتفعة كمان وتخرجنا مهندسين وتعال شوف هلا

وليييي بس يا ريتها ترجع ايام الدراسة .... sh:angry

انت بتكون سهران تدرس وانا بكون سهرانة ادرس مشروع ... ومصيبة لو بدي اعملله تمديدات كمان ,, يعني سهر وضو الكمبيوتر وعيون بتتعب sh:ohmy مو لاني ما بدرس مرتاحة

نصيحة من اختك ... ما تضغط نفسيتك وقت الدراسة ... ارتاح وقت تحتاج بدك راحة ... وادرس بالاوقات اللي بتشعر فيها انك مركز .... انشاء الله بالتوفيق sh:happy


سماااااح sh:hi

[R@MI]

شكرا لك أخت سماح على النصيحة
:)

SooS الله يعينك الظاهر حضرتك مو نافد :D


الله يعيننا كلنا

[R@MI]

sh:ohmy
حبيبي أنس حطيط إيدك على الجرح و الله

هدا معناها انو أنا معي حق ما هيك ؟


sh:ohmy sh:ohmy

[osama_brd]

أخي R@MI ...

يعني ما هو العمل برأيك ؟؟؟
هل هناك حل وسطي لحل هذه المشكلة ؟؟؟
أظن أنه لا حلول لهذا الأمر وذلك لأن الدراسة والعلم كما قالت جورية واجب علينا وهو الأساس الذي نؤسس به أنفسنا من أجل مستقبل جميل نحلم به ونطمح لتكوينه ...


أسامة

[R@MI]

حبيبي أسامة أنا ما عمأتزمر من موضوع الدراسة بالعكس هدا واجبي إني أدرس
بس المشكلة انو هالدراسة رح تكون على الفاضي و أنا متأكد من هالشي sh:ohmy

و لا تقولي لأ مو على الفاضي لأنو تعب هالأيام كلها يمكن يطير!!!!!!!!!!!!

[R@MI]

حاج تفتحلنا جروحاتنا و بعدين أنا رح أعمل يلي عليي و أدرس و الباقي على الله
و يعني الواحد بالأخير ما بياخد غير نصيبه فشو ما جمعت و شو ما دخلت مو فارقة معي
لأني بصراحة مليت و قرفت من كتر الحكي يلي حكينا و كلو على الفاضي
يا جماعة أنا متشائم جدا من هالسنة و السنة يلي بعها
و كل يلي بطلبه من رب العالمين انو ما يصير معي دكتوراه في البكالوريا

:(

[ingeneur]

أخ رامي..
جورية الغالية كفّت ووفّت بحكياتها الحلوين..
قصة البكلوريا ماشية عليك وعلى غيرك.. يعني مانك لحالك!!;;)

دير بالك على دراستك والله يوفقك ويوفّق الجميع..sh:hi

[جورية]

بسم الله الرحمن الرحيم
اصدقائي الغالييييييييييييييييييييييين
السلام عليكم و رحمة الله و بركاته


و الله يا انوس كلامك صحيح مية بالمية
هون الدراسة سهلة كتير كتيررررررر مو متل عنا ابدا
هون الاعتماد الكلي على الفهم و بس و ما بيعتمدوا على البصم متل عنا
و هون اذا ما نجحت ببعض المواد فيك تعيدهم بالصيف
و بتنجح و عادي الوضع مو متل عنا بدك تعيد سنة كاملة اذا بس
مرضت لا سمح الله ايام الامتحان يعني و الله لو الواحد بس رشح و طلعت حرارته
ما بيقدر يعمل امتحانه فجد شغلة صعبة كتير و الله
و برايي انو لازم يغيروا هل القوانين لانه كل شي بهي الدنيا عم يتغير
و خصوصي انو الواحد بده يستفيد من المعلومات يلي عم ياخدها مو بس يدرس على الفاضي و بس
فاخي الكريم عندك حلين ما الهم ثالث ابداااااااااااااا
اما بتتوكل على الله و بتستنى لحتى يغيروا المنهاجsh:ohmy
او تتوكل على الله و تقول حسبي الله و نعم الوكيل و تدرس و تشد همتك و الك الله
:(
و الله صعبة بعرف هل الشي بس انته ادرس و اعمل يلي عليك و الباقي على الله
يعني ما تحملهااااااااا هي لحالها مصيبة فشلون لو تزيدها كمان
و شوف نحنا هون موجودين معك شو عندك فضفضة احكيها
و بدك تحكي اي شي عن البكى لوريا رح نسمعك ما تاخد هم
بس خلصونا منها بقى و شدوا همتكم انته و باقي الصبايا و الشباب و الله يوفقكم يا رب
و بس ليصير الفحص رح افتح موضوع خاص الكم لحتى كل الموجودين هون
يدعولكم و يشدوا عزماتكم بس قلي امته الفحص الاخير لاني هون بامريكا مو دريانة بشي عندكم
و الله الموفق

[NEKOLAS]

شو بدنا نعمل ياانوس
احسن شي بقدر قولوا لاحول ولاقوة الى بالله
الله يكون مع طلابناsh:hi

[R@MI]

فعلا لا حول و لا قوة إلا بالله أحسن شي

و الله يعيننا و يخلصنا من هالمرض يلي أسمه بكالوريا

:(

[Jahood]

أخي العزيز..

سأحكيلك عن تجربتي الذاتية وأنت قيمها..
أنا كنت من المتفوقين في الإعدادي (مجموع التاسع كان 260) ولما وصل الموضوع للبكالوريا، كان هناك عدة عوامل في التأثير على نفسيتي :
1- عامل العمر فبصراحة في سنة البكالوريا 17-18 تكون قمة الهرمونات مفرزة في الجسم وتؤثر على جميع وظائفه بحسب إفادة الأطباء ، فمنهم من يتأثر بها سلبيا ومنهم من يسيطر عليها تبعا لعوامله المحيطة (الأهل والأصدقاء والحالة الاجتماعية والعاطفية الخ..) وأنا كنت من الظروف الأولى
2- المنهاج: بسبب معرفتي امناهج الدول الأخرى (مجاورة وأجنبية) فكانت لا توجد عندي أدنى قناعة بدراسة منهاجنا وكتبنا التي لا أزال أراها متخلفة لحد بعيد ، ومن يضعها لا يفقهون شيئا عن وسائل التعليم وأصول التدريس لذلك فكنت ادرس ماأراه يشدني وأترك ما أراه كلاما منثورا.
3- كان عندي رؤية خاصة بدراسة التسويق والدعاية : وبالتالي لم أهتم لدخول جامعاتنا (صاحية السمعة العطرة ) كونها لا تحتوي على هذا التخصص ، يعني بصراحة مش فارقة معي الدخول إلى الجامعة في هذا البلد.
لذلك كان مجموعي متواضعا ، سررت به كثيرا لدخولي معهد المتوسط التجاري وتخرجت منه بمجموع جيد للسببين الثاني والثالث أعلاه ومن ثم قمت بتطوير قدراتي الشخصية كالتلي:
---لعل مفتاح أي عمل الأن والذي اسشفيته من حوالي 7 سنوات هو اللغة الإنكليزية والكمبيوتر----وفعلا لم
أدخر جهدا لدراستهما كونهم مفتاح العمل.
وفعلا بسبب هاذين السببين عرض علي العمل كمدير تسويق في شركة كبيرة بالمملكة من دون النظر لشهادتي واستمريت فيها لمدة أربعة سنوات ومن ثم استقلت لأسباب خاصة.
ومن ثم عملت كمدير مبيعات في شركة سورية مهمة لمدة ثلاث سنوات حتى الأن.
ولا تنسى انني صاحب شهادة معهد تجاري فقط....لذلك ، إن استطعت ملك قدراتك العقلية والذهنية باتجاه الدراسة هذه السنة دون أن تؤثر فيك او تكون لديك عقدة من العلم فلا بأس وإلا فلا تكون من الناس الذين دخلوا الجامعات بعد دراسة 10 ساعات في اليوم أثناء البكالوريا ومن بعدها قرفوا العلم وحتى الأن يزاولون لعبة التخرج من الجامعة كل سنة بسنتين.
والله يوفقك..والعلم لا يتوقف عند البكالوريا السورية أو غيرها..بل مجالاته كوجودة في كل مكان وها نحن نرى الجامعة المفتوحة والجامعة الافتراضية وحتى معاهد التدريس الخاصة..

[R@MI]

مشكور حبيب Jahood الحقيقة قصتك بتخلي الواحد يتقائل شوي ;)

:)

[سنسونة]

السلام عليكم ورحمة الله
إخوتي الأعزاء صبايا وشباب
ياجماعة حاجة نتف بريشنا يعني بجوز البكلوريا السورية قديمة شوي (مو كتير هه) لكن عن جد بتضمن أصول المعلومات يعني بتحوي المعلومات الأساسية لمدخل كل علم .
أولا أنتو يلي عم تنتفو بريش الشهادة السورية !!!! وين تعلمتو ووين درستو لك مو عيب بعد هالجهد تنكروا معروف أساتذتكم بجوز يكون بعضهن مو منيح بس أكيد مو كلهن .
ثانيا بحب قولكن أنو الدكتورة تبعي بكلية العلوم التي نالت الدكتوراه من فرنسا قالت لنا أنو الطالب يللي بدو يعمل دكتوراه بفرانسا , لازم يعمل دبلوم ومعظم الطلاب يللي عاملين دبلوم بالدولة تبعهن بعيدولن ياه لكن الدبلوم السوري ما بينعاد وبينحط عالراس ؟؟؟؟؟؟ صدقا هاد كلام صحيح عن جد.
ثالثا يا حبيباتي دخلكن هلأ كل طلاب البكلوريا بالعالم بيضللوا حافظين المعلومات يللي درسوها بالبكى لوريا؟؟؟؟
بقى الله يرضى عليكن حاجة حكي على بلدكن يلي كبركن وعلمكن !!!!!!!!
بعدين أخي r@me بدك نصيحة أخت لأخوها ؟؟؟؟ لا تاكل هم يعني متل ما قلك أخوك Jahood أنت دروس وبس يعني أعتبره متل أي مرحلة انتقالي بس خليك عم تدرس ووقت تتعب لا تحكي مع حدا لأنو بعصبوك أكتر يعني أنا برأيي بس تتعب وقف عالشباك و أنظر للأفق !!!!! لغروب الشمس !!! أو لشروق الشمس !!! وأو للنجوم بالسما و القمر وبدي وصيك بس تطلع على السما قول ( ربنا ما خلقت هذا باطلا سبحانك فقنا عذاب النار) .
بعدين لا تنسى ربك لأنك أكيد أنت بحاجة إلو!! يعني اذكر الله شوي, وادعي........ لأنو الله سبحانه ما بضييع ولا دعاء تأكد من هاد الشي تماما وبدك أحسن وقت للدعاء ؟؟؟؟ هو وقت قبل أذان الفجر يعني إذا كنت عم تدرس حكّم راحتك قبل الفجر وأدعي وأطلب وأتمنى من ربك يلي خلقك لأنو هو وحده يلي بيقدر يساعدك وما حدا بهالكون بيقدر يقدملك قشّة .
المحبة سنسونة

[SLM]

فعلا يا إخوان ..

الطالب السوري بيحفظ وبيبلع بالباكالوريا المعلومات بلع ,والتي ليس لها أي فائدة في حياته المستقبلية , وكثير منها ليس من الضروري أبدا أن يحفظها الواحد .

يعني أنا مو ضروري كون مرجع في المادة الفلانية , وربما اعتبارا من العام المقبل , لن أحتاجها في حياتي أبدا , إنما الضروري أن يكون عندي آلية العمل على المادة , والتعامل معها إذا ما احتجت لعمل بحث معين فيها .
يعني موضروري أحفظ كتاب الفيزياء في العلمي أو الجغرافيا في الأدبي , بل معرفة آلية حل المسائل ومعرفة المراجع وكيفية الرجوع إليها عند الحاجة , إلى أن أصبح مختص بالمادة في الجامعةت , عندها أبدأ بدس المعلومات وحفظ المراجع ..

وهذا ينطبق على جميع المواد , مجرد أنك تختص بمادة معينة , فيكون من الإبداع أنك تحفظ أصولها ومراجعها , وأما باقي المواد فلم تعد بحاجة إليها بذاتها , إنما تحتاج آلية التعامل معها , وإسم المراجع الصحيحة مثلا للمواد الأدبية , وكيفية التفكير بالحلول الرياضية والفيزيائية واستخراج القوانين من المراجع , لتعينك عند الحاجة فقط

طبعا أنا عمأتكلم في مسألة كبيرة على فهمي وهي المناهج , فهذا رأيي الشخصي , الذي قد يكون قاصر , إنما هذا ما أعتقده .

على كلٍ الله يوفق طلاب الباكالوريا السنة وياخد بإيدهم , وأنا عمفكر أني عيد الباكالوريا وأدخل طب أسنان .
بس لسه ما تبلورت الفكرة بذهني لأنها تتعارض مع مشاريع أخرى ...

والله الموفق للجميع

[ingeneur]

أخي رامي..
خلص لا تاكل هم الدعاء ، الكل هون داعيلكن يا أهالي البكالوريا ، الله الهي يوفقكن ولا يضيّعلكن تعب..
وهي الست جورية بدها تفتح موضوع وقت الامتحان كرمال عيونكن ، يالله يا عمّي ما حدا قدكن!!;)
وكلامها لسنسونة حلو كتيرلو بتنفذه..
توكّلوا على الله ولا تقصروا لأن لكل مجتهد نصيب..!!sh:eye
ونرااااااااااااااااكم
sh:hi

[R@MI]

تحية شكر لجميع الأعضاء
في الحقيقة لا أعرف كيف أشكرك على تجاوبكم معي

:)

و لكن للأسف أنا ما رح أدم بكالوريا هالسنة sh:ohmy

[shababdaim]

العزيز رامي :cool:

الله يعينك والله مش بس الشباب السوري بيعاني من الدش واللت الفاضي في

المناهج ويللي مالو معني ابدا .........وبطلع من المدرسه من هون وبتنسي كل يللي

درستو لانو مالو فائدة ولا شي بس هيك .....منهجنا فعلا مش مدروسه زي ما ذكرتو

وزي ما وضح الاخ سلم اكثر .....بس شو بدك تساوي اخي الصغير رامي :rolleyes:

انت لازم تتقيد بيللي موجود وتتوكل علي الله وتدرس لحتي تنجح وتدخل جامعة

وبعدين تتخرج وتصير شي مهم في البلد :cool: وشيللي حكاية انك ما رح تقدم

بكلوريا هي السنه انا ما حبيتها ابدا .....ليش يا اخي لالا لا .........يلا توكل علي الله

وادرس وان شاء الله ربك معك يسترها ويمشيها علي خير ..........واحنا من هون

بندعيلك :cool: اوكي

فعلا زي ما قالت جوريه الدراسه هون سهله كثير ......طبعا انا اولادي لسه ما وصلو

الي المراحل العاليه في التعليم .....الكبير في 2 متوسط ......بس الدراسه هون تعتمد

اكثر علي المشاهدة والملاحظه عن طريق الزيارات ......والرحلات

الاشتكشافيه .......والدروس العمليه .........وما بعتمد علي الشرح والدش

يللي ....موجود في بلادنا ....... حتي الفصول الابتدايه .....لما بدرسوهم اشياء

عمليه مثل فصول السنه ....بيطلعو برة بيشوفو ايش صاير وكيف التحولات الجويه

وغيرة ........ولو كان الدرس علي المساحه مثلا في الرياضيات .....بيطلعو علي

الساحه بيقيسو .....بيكون عندهم اجهزة تشبه اجهزة المهندسين بيشتغلو

بيها ........وعلي طول فيه اشغال بيرجع بيها الطالب الي البيت من صنع

يدو ......طيارات سيارات ...بيوت اشياء مثل هيك .......والطفل بيحب الشغله .....وما

يمل منها ....ونفس الوقت بيفهم بطريقه مبسطة مصغرة ....ولما يكبر بيلقي نفسو

جاهز لدراسه الجاده والتي في النهايه ....بطلع علماء

وعشان هيك هم متفوقون علميا عنا .....يللي بيخرجو علماء هم مش احنا .......واذا

صادف وخرجنا عالم ......بيحير لايلقي ادوات يشتغل عليها

يا عم خليها علي الله واسفه انا طولت في الكلام

يلا يا رامي روح ادروس واذا حسيت بمملل تعال واشكي واحنا بنسمعلك

وتقبل تحياتي

شباب دائم :cool:

[storm girl]

بصرا حة يا أخ رامي
انااذا بدي واسيك ...بكون عم واسي حالي
لأنو سنة الجاية وعليي خير ...ومن هلأ اكلة هم البكالوريا
بس بدي قللك أنو انت لما بتقول انو هي مصيبة وما بتنحل...وغيرها
فأنت اللي عم تزيدها على حالك....خدها ببساطة...
ادرس اللي بتقدر عليه...sh:eye والباقي على الله
وكل واحد منا الا ما يمر بهالمرحلة ...ويشكي متل اللي قبلو
بس كلنا عم نخلص منها...ومن بعدها كل واحد بيقول
أنو هي السنة كانت احلة سنة عندو....والله يوفقكsh:hi

[Caesar]

وينك اخي رامي...انا مريت بهالشغلة وما بظن انو في حدا تعب وانقهر من البكالوريا اكتر مني......ليك...الشغلة الوحيدة اللي لازم تركز عليها هي دراستك....لانو وينك...البكالوريا ما بدا غير راحة نفسية....يعني لازم ما ترد على اللي بيقلك انو المعدلات وما المعدلات....هدا كلو حكي بياثر عليك بشكل سلبي....و اتذكر انو اللي فاتو على الجامعة درسوا ويمكن اكتر منك...ممكن يكون الطلاب السوريين مظلومين بس اتذكر انو بس الطلاب السوريين...مو لحالك.....منشان هيك الله يرضى عليك ادرس وريحلي نفسيتك...لانو عن جد...انت ما بدك غير انو تريح نفسيتك......والله يوفقك...

[mahmud-d]

أخ رامي
مابدي كتر حكي عليك يعني همك بيكفيك والشباب كفوا ووفوا
بس بدي أقول لك أنا مررت بمرحلتك ومعي 3 بكالوريات
2 علمي وواحدة أدبي
بس بدي أنصحك نصيحة ركز ع المعلومات التي تقدر تحصل علامات منها أكثر وأعرف من أين تؤكل الكتف كما يقولون
الشغلة مو بكثرة ساعات الدراسة بل بالتركيز بقراءة المعلومة وتفهمها
أكثر من حل أسئلة السنوات السابقة لأن معظم الأسئلة تتكرر


وبالتوفيق ان شاء الله ....... محمودsh:hi

[tiger4u]

مشكلة مناهجنا أنها تكبد الطالب ما لا طاقة له به .. فهي تعتمد على الحفظ الصم أما المناهج الحديثة والمتطورة فهي تعتمد على الاستقراء والاستنتاج أي على تحليل المعلومات أكثر من حفظها .. لهذا فإن طالبنا يعاني الأمرين في حفظ كم هائل من المعلومات التي لا يفيده منها في حياته العملية إلا القليل القليل .

لذلك أقول للأخ R@mi .. ليس لك إلا الصبر

[lolyana]

السلام عليكم و رحمة الله و بركاته :

كلامك صحيح جورية .....و كما قلتي عندكم اسهل

أعرف فتاة كانت تعيش هناك ..لكن جدت ظروف و عادت إلى هنا ...و هي بسن البكالوريا ....و طبعاً أهلا و هي تلبكوا بخيالن ...مشان كيف بدها تقدم
طبعاً من جميع النواحي ...و هي ميالة للفرع العلمي ...و هيهاااات ..نحنا اللي بنعرف عربي ما عم نفلح ...و خاصة إنو كانت عم تحلم بفرع يعتبر عندنا مرموق



بس بالنهاية و بعد مدة حوالي السنة و بعد الأخد و الرد ..عادت لأمريكا و نجحت و دخلت الفرع الذي تريده و ما حدا حس عليا

بالوقت الذي كنا فيه مازلنا نصارع حتى نبلغ النجاح ..( محسوبتكن )

بس بالأخير نجحنا بعد عراك دام ( س )

و بالنسبة إلك رامي من أولها أحسن ...و يالله ما بقى شي ( عضة كوساي )

و صدقني إنك تنجح هلأ أحسن مليون مرة إنك تعيدا ...و سأااااال مجرب و لا تسأل حكيم

[zeus33]

اولا احب ان اشد على يد كل طالب من طلاب الشهادة الثانوية (البكلوريا )
واقول كان الله في عونك
انا كنت من اكبر المعانين من البكلوريا و واجهت صعوبات شتى حتى نجحت بالامتحان وبدات الصعوبات من اول يوم فتحت كتب الدراسة لغاية تقديمم اوراق الى دائرة الامتحانات لغاية دخول قاعة الامتحان و تسلم المجموع
و انتظار المفاضلة و تقديم الطلبات وانتظار ساعة الفرج بفارغ الصبر لتحصل
على معهد في بعض الاحيان لا يلبي طموحك
لذا عندي بعض النصائح الى طلاب البكلوريا بشكل عام
لا تقترب من اي نوطة تباع في المكتبات او التي يقوم ببيعها بعض الاساتذة
حاول دائما الاعتماد على الاساتذة الذين يقومون بالتلخيص على الكتاب المقرر لانه في هذه الحالة يكون استاذ فاهم النمهاج
لا تعتمد على التوقعات بتاتا
لا تضغط بالدراسة لساعات طويلة لست انت قادر على احتمالها
اذا ام تفهم الفقرة اتركها و لا تكمل بل انتقل الى فقرة اخرى جديدة
لا تحاول دراسة المواد الصعبة في فترة واحدة بل حاول دائما ان تجعل بيناه مادة سهلة الحفظ و الفهم
ولا تحاول ابدا ان تؤكد على فقرة دون غيرها لان في ذلك خطر كبير على مجموعك
و في النهاية اقول اتمنى التوفيق للجميع
وسلااااااااااااااااااام
sh:hi