المساعد الشخصي الرقمي

عرض الإصدار الكامل : شو مشان ..!!!! قال go ahead قال !!!

SooS
12-04-2003, 17:40
في برنامج "يا ليل يا عين" سأل المذيع فريق الشباب عن معركة بدر فلم يعرفوا فانتقل السؤال لفريق الصبايا فقالت ممثلة فريق الصبايا: هو حصل اكسدان بين قروب من المسلمين وقروب من الكفّار، وميرسي لألله أن قروب المسلمين ربح

==========================================

ألقت قناة المستقبل لقاء بالطلاب في الجامعة الأمريكية في لبنان، وسأل المقابل سؤال قال فيه: مين منكن بيأدر يؤول نبزه عن معركة الخندق؟ قامت إحدى الصبايا وقالت: لما جاء المشركين بدهم يغزو المدينة، جمع الرسول أصحابه وقالهم: شو بدنا نعمل؟؟؟ الـّوه سلـّمان الفارسّي: بدنا نعمل تونيل حولين المدينة...
الّـوه الرسول : اوكيه سلـّمان قو أهيد!!!!!!




sh:questio
tiger4u
12-04-2003, 20:01
سوس .. عن جد عم تحكي ولا عم تمزحي
osama_brd
12-04-2003, 22:24
يعني للأسف فعلاً أخت سوس أنه في ناس في بعض الدول وخاصة لبنان وقت بتحكب بتحكي بهذه الطريقة والأغرب أن بعض شباب هذا اليوم يتكلم بهذه الطريقة


أسامة
SooS
13-04-2003, 13:44
أخ tiger >> شو جاية اتسلى أنا ؟؟ طبعا جد .. sh:questio
أخ أسامة .. بالفعل هالناس مدري شو قصتها .. يعني ماعاد يعرفوا يحكو كم كلمة بدون مايدخلوا سبعين كلمة بالاجنبي !!!

وعجبي (( لجورية ;) ))
قاسم
13-04-2003, 14:07
على قولة جورية.....وعجبي؟؟؟؟
SooS
13-04-2003, 21:31
يعني عن جد وعجبيييييي
shababdaim
24-04-2003, 00:11
أأأأأأأأأأأخ يا سو من موضوعك شو عمل فيا

انا قريتو من اول ما حطتيه وررحت نسختو وبعثو لاحد اصدقائي من لبنان ........ويللي صار انو الولد عاطي الباسورد تبعو لبعض اصحابو من لبنان ايضا ..........فزعلو مني كثير وبهدلوني بهدله مؤدبه طبعا ........بس عرفت منها انو مو كل البنانين هيك .فتحياتي لرجال ونساء لبنان ..بس مو ليللي بيتكلمو علالتونيل ....وقو اهيد :rolleyes:


سلام احلي سووووووس

اختك شباب دائم
SooS
24-04-2003, 06:03
هههههههه
تعيشي وتاكلي غيرها :p
بس أنا ماقصدت بهالموضوع اللبنانية بس .. لأنو في ناس من غير جنسيات وبتحكي بنفس الأسلوب .. الله يهدينا ..:rolleyes:

شكرا لمرورك..sh:hi
nice_queen
24-04-2003, 08:15
ضحكتينى من قلبى
لك صحى نحن هون مضطرين نحكى انجليزى فى بعض المجالات
وبعض الاسواق
بس وصل معهم الموضوع لشرح معارك دينيه قديمه
يعنى فعلا الموضوع بضحك
شباب دائم
معلش ,بسيطه ,خديها عادى ,وقو الاهد وبعتى ايميلات لكل اللى
بتعرفيهم
انا مابسترجى يمكن يعتبروها مسخره

لك اذا بنصفن بالموضوع مابتصدق ..او بتصدق لانو كل الحكى صاير
ملغوم بالانجليزى

شكرا سوس
مع تحيات
اختك
نايس كوين
:D :D :D :D
sh:hi
SLM
24-04-2003, 12:38
السلام عليكم ورحمة الله وبركاته ..

شكرا أختي سوس , والله هالموضوع جارح مشاعري منذ فترة ..

ومن أمثاله أنو لما كان عندي دش , أول أحداث سبتمبر , جمعلك المذيع على قناة ( زين ) , طرش للاممهن من شي ناصية حارة بلبنان , أكبر واحد فيهن متر ونصف ...

والسؤال , ما رأيك بأحداث سبتمبر ..

وشوفي الأجوبة اللي بتكب وبتعمي .. وكل واحد دغري طبعا أخد بوزيشن (( جينيرال مانيتجر )) على ما بيلفظوها الأكارم .. وبلش يسرد بالتحليلات العظيمة , ويتكلم عن أمراء الجهاد كأنهن رفآتو بالحارة ..

إي والله عيب ... عيب .. لك عيب تتسمو على العرب , وأنتو بهالوضع ..

لك أذا الرابطة الوحيد اللي بقيت للبناني (المتحضر) بالعرب
هي اللغة العربية .. إيه حافظ عليها يا أخي ..

لك عالأقل .. أذا حدا استسفهكن وقرر يسلخكن صاروخين , يمحي بيروت عن الخارطة , بيقول لحالو ( هدول عرب .. ما ينقدر )

أما أذا صرت لا ملحق عنب الشام ولا بلح اليمن .. فما حدي رح يسمي عليك ..

الله يهديهن بس على كل حال , بعرفلك شباب لبنانيين ..

غير شكل عن هيك تماما .. زلم بتعجبك , غير هيك ..

بقى لا يزعلو مني اللبنانيين , أنا عمبحكي من حرقة قلبي على الوضع العربي .. اللي صار وضع (شرق أوسطي) , وما عاد وضع عربي ...

وإلا لبنان فيها الخير .. مثل ما فيها التفقيس

أخوكمSLM
wasim
24-04-2003, 16:05
لا تعليق :(

http://members.lycos.co.uk/wasimhalabi/goahead.JPG
shababdaim
24-04-2003, 16:54
طبعا معك حق انو مو بس البنانيين بتكلمو هيك ...فيه كمان كثير بلدان بيتكلمو كلام غريب وبدخلو ستين كلمه اجنبي في الجملة الواحدة ......

بس لاني بعرف هذا الشب من لبنان .....ودائما بتكلم مع علي لهجته بعض اللبنانين وطريقه كلامهم الغربيه ...فلقيت الموضوع مناسب ,,,وطبعا هو بيتقبل المزح من عندي علي لهجتهم .......بس انا ما بعرف انو اصحابو بيدخلو لعنوانو sh:ohmy sh:ohmy

بس يالله شو بدنا نساوي يا سوووووووووس :(

نايس كوسن ..........انا كمان حرمت خلاص sh:ohmy


قال مرسي لله قال .........ما احلها كلمة الحمد لله ........بتفتح النفس

وبتنسي الهموم .الحمد لله علي كل حال :cool:

سلامي للجميع

شباب دائم :cool:
SooS
24-04-2003, 18:37
nice queen
شكرا لمرورك sh:hi

slm
عجبتني هي أطول واحد طولو متر ونص:D لك كيف انتبهتلها !!

wasim
شكرا عالتوقيع sh:hi

شباب دايم ..
خلص صار لازم تتوبي ومابقى ترسلي شي من هالحكي لحدا لبناني !!sh:eye