نادي الموسيقا التصويرية [الأرشيف] - شباب لك شباب كل العمر

قاسم

04-05-2003, 20:58

مرحبا....

هي فكرة ...شو فكرة...سوبر فكرة....طيب أنا رح بلش من عندي....

وعنجد أنا كتير من الناس اللي بحب اسمع أغاني المسلسلات والموسيقا تبعها..

الموسيقى تبع مسلسل أيام الغضب...ما رايكم بها....
أعتقد أن هذه الموسيقى من أجمل ما لحن لمسلسل تاريخي يمثل حقبة كان الشعب فيها يعاني من الاستعمار ومن الفقر والجوع ...
وقد جاءت ألحان هذه الموسيقى لتعبر بحق عن الواقع الأليم الذي عاشه ((ضرغام )) شخصية البطولة الذي كانت تمثل الشعب بأكمله....

أما عن أغنية المسلسل ... فهي أغنية جميلة جداً فمؤخراً قمت أنا وبعض من أصدقائي الموسيقيين والعازفين بإعادة تورزيعها ونحن نتدرب عليها الآن مع فرقة كورال لنقدمها مع مجموعة من الأغاني القومية والوطنية...
وكلمات الأغنية متناسقة ومتناغمة جداً مع الألحان وإليكم الكلمات...

طالع من العتمات.....يا شمس الرجا...
رافع الآهات ..... يا نبع السخا....
يارايح عالموت......راضي بالفدا...
يامن أول صوت.....لبيت الندا...
..يا ويل العد .....
يا قلب لا تبقى..... خايف من الزمان....
واللي بحب بيرضى....وبيلاقي الأمان....
إيييييييييه وقال لربي....
وشرايين قلبي عم ترسم صلاة.......
آآآآآآآآآآآآه ه ه ه ه ه
جاي لكل النااااااس....
هالة هالة ...هيا هيا..
هالة هالة ... يا حرية..
يالله نطوي العدا طيا...
يالله نكوي العدا كيا ...
بلادي تضوي بقلبي ضيا ...
ومحلا النومة على ديا ...
ودمي يروي ترابا ريا.....

يا وادي الفدا....يا روح الأرض...
عطر هالمدا.....يا زهر المجد...
قالوا أوعى الغضب...
أوعاك من النار وقلت محلا الغضب....
يا محلا أنواره....
يا حامل روحك على كفك.....بالوفا ما في حدا قدك...
ضميت الهنا بالهنا أرضك....
أرضك أهلك...لا ما بتهلك...
عزا عزك.... ذلا ذلك....
والحكي عنا عنا صلاة....
والموت لأجلهالأجلها حياة....
والموت لأجلها حياة...
آآآآآآآآآآآآآآآآآآآآآآآآآآآآآآآآآآآآآه

وبنظري أن هذه الأغنية كأغنية قومية تعد من أفضل الأغاني التي تعبر عن معنى الاستشهاد في سبيل الوطن وتعبر عن غضب الشعب من المستعمر كما تعبر عن الحب وعن الكثير من المعاني الانسانية الظاهرة......

ودمتم...
قاسم...

tiger4u

05-05-2003, 18:40

شكرا لجعفر وtweety على هالتفاعل مع الموضوع وشكرا كتير لقاسم على كلمات الأغنية .
أنا شخصيا أحب ألحان سمير كويفاتي بشكل فضيع فهو موسيقار مبدع . كما أنني أعشق ألحان طاهر مامللي وطارق الناصر وعاصم البني . وللأسف فقد بحثت عن سيديات لهم ثلاثتهم ولم أفلح وأنا أبحث الآن عن طريق الإنترنت .
أتمنى من الأخ قاسم أن يزودنا كلما استطاع بما لديه من كلمات الأغاني أو أي أشياء أخرى قد يجدها مفيدة .

قاسم

17-05-2003, 19:17

ما رأيكم يا شبااااااب بموسيقى مسلسل الرجل الآخر.....

بالحقيقة هي من أنواع الموسيقى الجميلة جداً بحيث أنها مليئة بالأحاسيس والمشاعر التي تملاً مشاهد المسلسل.....الذي يتحدث في قصته عن شخصية تدعى مختار العزيزي حيث يكون هذا الأخير مدير عام شركة عامة ويقوم بعمليات الفساد والسرقة إلى أن يُسرق ويُضرب ويفقد ذاكرته ليعود إنسان جديد....
نحن لسنا بصدد الحديث عن المسلسل...و لكن ما يتضمنه المسلسل من مشاعر وأحاسيس من حيث التوبة...والشوق إلى الأب.... والعطف علي الولد المتخلف عقلياً ...كل هذه المشاهد ....كانت الموسيقى التصويرية المرافقة للمسلسل تعبر عنها وبصورة واضحة ...
ناهيك عن استخدام آلة الكمان بطريقة درامية مذهلة في عزف الموسيقى في المشاهد الحساسة والعاطفية... أما في مشاهد المفاجاءات والصدمات كان صوت البيانو الباص والمنخفض موسيقياً هو العامل الرئيسي في الدهشة وعامل المفاجأة.......

كان هذا تحليلاً بسيطاً لموسيقى مسلسل الرجل الآخر.......

شو عندكن آراء يا شبااااااب....

tiger4u

17-05-2003, 23:01

الموسيقى التصويرية لمسلسل الرجل الآخر (تأليف مجدي صابر إخراج مجدي أبو عميرة وبطولة ميرفت أمين ونور الشريف ) هي للموسيقار الشاب والمبدع ياسر عبد الرحمن وقد بدأت إبداعات هذا الفنان منذ مسلسل المال والبنون ( أوائل التسعينات ) فمن حظر المسلسل ولم تعلق بباله أغنية علي الحجار في مقدمة المسلسل ( قالو زمان دنيا دنية غرورة ).
تتميز ألحان ياسر عبد الرحمن بالسلاسة وبتقمصها للحالة الإنسانة التي تظهر في المشهد تقمصا مدهشا.
ومن ألحانه الرائعة والتي أعشقها كثيرا موسيقا مسلسل للعدالة وجه آخر ( تأليف مجدي صابر وإخراج محمد فاضل والبطولة ليحيى الفخراني ودلال عبد العزيزة ) وخصوصا الأغنية التي تظهر في المشهد الأخير من المسلسل ( ما يهمناش ) حيث سمحت قصة المسلسل المؤثرة لياسر عبد الرحمن أن يتألق في وضع جمل موسيقية رشيقة ومؤثرة جدا حيث تتحدث قصة المسلسل عن رجل ثري وطيب ومن أهل الخير وابن عائلة كبيرا جدا يتضح بعد ذلك أنه لا يمت لهذه العائلة بصلة لكنه انتحل شخصية أحد أفرادها لأنه لقيط في مجتمع ينظر إلى اللقطاء نظرة سيئة ويكأنهم مسؤولون عن أخطاء آبائهم . حيث يستغل أعدائه انكشاف هذا السر الخطير في حياته ويبدؤون بمحاربته والنيل من سمعته .

أشكر قاسم لتحليله لموسيقا مسلسل الرجل الآخر وأتمنى أن يكون قد سمع موسيقا للعدالة وجه آخر وأن يحللها لنا أيضاً .

sh:hi

tiger4u

20-05-2003, 19:58

على فكرة فقد أخطأت باسم أحد المسلسلات وهو للعدالة وجه آخر والصحيح هو ( للعدالة وجوه كثير ) وهو يعرض الآن على قناة الإمارات الساعة الخامسة مساءا بتوقيت دمشق .

tiger4u

09-06-2003, 19:08

سأتابع معكم أعزائي الحديث عن الموسيقا التصويرية فقد ذكرني بالموضوع رؤيتي لموقع الموسيقار الرائع المصري عمر خيرت .

لا أعتقد أنه يوجد أحد لم يستمع إلى هذا الفنان الرائع فمن أهم أعماله

مسلسل ضمير أبله حكمت

فيلم ليلة القبض على فاطمه

مسلسل عم أحمد

فيلم مافيا

وغيرها الكثير الكثير من الإبداعات .. وأعتقد أننا في سوريا نحفظ على ظهر قلب الموسيقا المميزة لمهرجان بصرى الثقافي .. هذه الموسيقا أيضا من إبداع عمر خيرت .

وللراغبين بالتعرف أكثر على هذا الموسيقار إليكم الموقع الرسمي له

omarkhairat.tk

ويوجد فيه معلومات كافية عنه وبعض نغمات الموبايل لمن يود تحميلها على جهازه

وتقبلوا فائق تحياتي

sh:hi

قاسم

03-09-2003, 12:31

لاشك في أن الموسيقار عمر خيرت فنان متميز له أسلوبه وطابعه الخاص في التلحين والتوزيع الموسيقى ولاسيما في الموسيقى التصويرية للأفلام السينمائية وهو يحرص باستمرار على طبع هذه الموسيقى على الاسطوانات إضافة إلى مقطوعاته الموسيقية المتميزة وقيامه بإعادة التوزيع الموسيقى لبعض الأعمال المتميزة ....

كما أن عمر خيرت هو صاحب موسيقى وأغاني فيلم سكوت حنصور من بطولة الفنانة لطيفة واخراج يوسف شاهين,,,,,

ترقبوا تحليل لموسيقا مسلسل الرجل الآخر....
وستكون أيضاً لنا وقفة مع استعانة بعض المسلسلات بقطع موسيقية عالمية مثل مسلس أبيض ابيض .... تابعوا معنا لاحقاً ...

مع تحياتي للأخ تايجر

caser.net

03-09-2003, 18:16

أخي تايغر فور يو فكرة كثيرررر حلوة الله يعطيك العافية

بس وين اللنكات لسه ما شفنا شي

sh:questio sh:eye

tiger4u

03-09-2003, 20:55

الأعزاء

قاسم
شكرا على إعادة إحياء للموضوع وعلى المعلومات الهامة التي قدمتها عن الموسيقار عمر خيرت
ونحن بانتظار الدراسة التي وعدتنا بها

caser.net
شكرا لمشاركتك بالموضوع .. وبالنسبة للينكات فقد وضعت موقع عمر خيرت .. ومادام الموضوع قد تنشط فسأبحث عن المزيد

وشكرا للجميع

قاسم

25-11-2003, 05:13

تخرج الموسيقار عمر خيرت من معهد الكونسرفتوار و كان أول دفعة به حيث أن أن مؤسس المعهد كان عمه الموسيقار والمهندس المعماري أبو بكر خيرت.
عزف الدرامز عندما كان عضواً في فرقة Le Petit Chat . وحصل أيضا علي دبلوم بالمراسلة من جامعة ترينيتي بإنجلترا ،

كان أول موسيقي مصري ينزل موسيقي تصويرية علس شرائط كاسيت.
ومن أبرز أعماله السينمائية ليلة القبض علي فاطمة , قضية عم أحمد ,اليوم السادس ,الإرهابي,إعدام ميت,النوم في العسل,توت عنخ آمون,خالي بالك من عقلك , الخادمة,سكوت هنصور,النعامو والطاووس،مافيا
وفي التلفيزيون ألف موسيقي غوايش,ضمير أبلة حكمت,اللفاء الثاني,القضاء في الإسلام ,وجه القمر
كما ألف موسيقي مسرحية كارمن وأوبريت 100 سنة سينما و باليه العرافة و العطور السحرية....

عمر خيرت تعلم و درس البيانو على يد المايسترو الايطالى فينسينزواكارو و قد حصل الفنان عمر خيرت على جائزة أحسن موسيقى تصويرية عام 1989 من الجمعية المصرية لفن السينما عن فيلم الهروب من الخانكة و جائزة أحسن موسيقى لفيلم النوم فى العسل من الجمعية المصرية كما حاز على جائزة أحسن موسيقى من اتحاد الأذاعة و التليفزيون لفيلم البحث عن توت عنخ أمون و قد قام بوضع موسيقى أوبريت تل العمارنة فى الأحتفال بعيد الإعلامين عام 1996 و افتتاحية و نشيد سكندريات العالم فى نفس العام كما قام الفنان عمر خيرت بتلحين و توزيع بعض الأغانى منها أغنية عارفة لعلى الحجار و أغانىو قصائد مسرحية كارمن و التى غنتها سيمون و منها "خذنى لاننى احب الحياة-وحدى بلا احباب و اخرى" و كانت اخر اغانية اغنية " زى ما هى حبها"لمدحت صالح فى فيلم مافيا.

tiger4u

27-11-2003, 18:23

شكرا للأخ العزيز قاسم على هذه المعلومات عن الموسيقار ( عمر خيرت ) ذو الموسيقا الآسرة .
أحب كثيرا عندما أكتب أن أستمع لوسيقاه التي تدخلك من دون أن تشعر إلى عوالم رائعة .

نسر الشام

27-11-2003, 19:19

مرحبا ... شلون الشباب ؟؟
أنا حابب علق على بعض المبدعين ...

طاهر مامللي : أبدع موسيقا بقعة ضوء اللي كلنا حبيناها ودندناها .. وحالياًموسيقا مسلسل ( ذكريات الزمن القادم ) الرائعة فعلاً ..

طارق الناصر : أبدع كثيراً في مسلسلات الفانتازيا مثل الجوارح والكواسر

سمير كويفاتي : أغلب الأعمال المشتركة بين أيمن زيدان وباسل الخطيب .. وحتى الآن الجميع يذكر موسيقا مسلسل ( هوى بحري ) .. بالإضافة إلى إبداعاته مع زوجته ذات الصوت العذب ( ميادة بسيليس ) وجميعنا أحب أغنياتها في مهرجان الأغنية السورية متل أغنية ( ما في شي مستاهل .. ما في شي حرزان بكرا كل شي رايح .. نيالو الرضيان .............. )

طارق العربي طرقان : قدم الكثير في مسلسلات الأطفال خاصة التي يدبلجها مركز الزهرة في دمشق .. الكابتن ماجد وكونان وووووووو وأغلب هذه الأعمال .. اسمعوه في سبيس توون

عمار الشريعي : من الذي لم يحفظ موسيقا رأفت الهجان عن ظهر قلب .. رغم أنه كفيف إلا أنه عبقري فعلاً .. يظهر حالياً على شاشة ( دريم) في برنامج ( سهرة شريعي ) .. لموسيقاه نكهة مميزة فعلاً ..

رضوان نصري : مثل مسلسل ( جميل وهناء ) والعديد من الأعمال الأخرى .. موسيقاه خفيفة ربما لأنه عمل أكثر للمسلسلات الكوميدية ..

فاهيه دمرجيان : عمل في مسلسلات الأطفال وبعض الأعمال الدرامية أيضاً ..

هذا ما أسعفتني ذاكرتي به حالياً .. وأنا أيضاً بحثت عن سيديات ولم أجد ..

ويا شباب : وين اللينكات ؟؟؟؟؟؟؟؟؟؟؟؟؟؟؟؟

تحياتي

نصير

06-03-2004, 11:38

الأخوة في موقع شبابلك
السلام عليكم

بادرة جميلة جداً منك أخي تايغر
تشكل الموسيقا التصويرية جزء كبير من اهتمام كبار العازفين والموسيقيين عبر العالم .. وعندما تتحدث عن موسيقا تصويرية فأنت حتماً تتحدث عن عمار الشريعي وعمر خيرت وطاهر مامللي وبالحقيقة أنا التقيت بالموسيقار طاهر مامللي .. ماذا أقول لكم عنه .. إنه فنان ومبدع بجد ...

الأستاذ نصير....

MSB4ever

06-03-2004, 14:38

مرحبا شباب
عندي الكم موقع فية اغاني المسلسلات السورية بعتقد رح يعجبكم:
http://www.dmtktk.com/mayada/dramasongs/index.htm
للاسف مافيه اعمال الفنان طاهر مامللي فيه لسمير كويفاتي
شوفو وخبروني رايكم فيه

Sweet_Nany

06-03-2004, 16:20

السلام عليكم ورحمة الله وبركاته..

فكرة كتير حلوة ..

يمكن الموضوع م شفتو قبل هيك..

بس بدي اطلب منكن هالطلب..

غنية مسلسل الزير سالم موجودة عندكن شي..؟؟

تحياتي

سويتو

MSB4ever

07-03-2004, 06:38

بس انا بنظري اهم اعمال قدمها طاهر مامللي هي مسلسلي الفصول الاربعة واللذي لم يقف فيه عند ما ابدعه المؤلف العالمي فيفالدي بل اضاف بعض المقطوعات الجميلة

اما مسلسل الزير سالم فموسيقاه صادقة وتعبر عن البيئة ومؤثرة فعلا في اللحظات الحزينة

اختي Sweet_Nany :
انا مسجل بعض حلقات المسلسل عالكومبيوتر وممكن طالعلك الغنية منهم ولايهمك :D

tiger4u

07-03-2004, 11:05

أعزائي

نسر الشام
شكراً على تعليقاتك الرائعة ..

نصير
جيت والله جابك ..
من خلال لقائك مع الفنان ( المتميز ) طاهر مامللي .. هل عرفت منه إن كان له أقراص ليزرية تحوي أعماله موجودة في الأسواق ..

MSB4ever
مشكور جداً جداً على الموقع .. ياريت نشوغ مواقع لكل المبدعين السوريين أو العرب بشكل عام

سويت ناني
ياهلا عزيزتي .. شكراً لمرورك الكريم

sh:scared

RMK

07-03-2004, 14:43

يعطيكم العافيه قي كمان موسيقى مسلسل ارابيسك و مسلسل لن اعيش قي جلباب ابي لعمار الشريعي و موسيقى مسلسل نهاية رجل شجاع التي هي اكثر من رائعه و زاد من روعتها المناظر الخلابه في المسلسل.

MSB4ever

07-03-2004, 14:56

بضم صوتي لصوتك اخي Tiger4u بالنسبة لاعمال المبدع طاهر مامللي
تفضل اخي RMK هاي هيى غنية مسلسل نهاية رجل شجاع:
http://www.biznaseducation.com/rummusic/music/ya%20rooh-rum.mp3

RMK

07-03-2004, 15:02

http://www.waziza.com/mp3ar2.htm
http://www.sis.gov.eg/realpg/html1/classfrm.htm
و هي اللينكات

Za3bour

08-03-2004, 19:06

MSB4ever

09-03-2004, 06:52

غريبة انا منزل الغنية من حوالي شهرين
OK انا بحاول سوي upload للغنية على اي website باقرب وقت ممكن

MSB4ever

09-03-2004, 15:44

ياجماعة لازمني website سوي upload للاغاني اللي طلبتوها وهيى الزير سالم ونهاية رجل شجاع فاذا حدا بيعرف رجاء لا يبخل علينا

tiger4u

09-03-2004, 19:04

أخي MSB4ever
يا ريت لو تذكر لنا كم يبلغ حجم المقطوعتين لكي ندلك على ما تفعله

Za3bour

10-03-2004, 00:28

ياجماعة لازمني website سوي upload للاغاني اللي طلبتوها وهيى الزير سالم ونهاية رجل شجاع فاذا حدا بيعرف رجاء لا يبخل علينا

هي موقع مجاني لعيونك بيعطي 50MB و كتير سهل و أهم شي أنو في ميزة Remote Linking يعني فينك تحط صور و تعرضها هون
التسجيل كتير سهل بس قللي اذا لقيت صعوبات sh:hi

http://members.domaindlx.com/eusmain.aspx

سلام

Sweet_Nany

10-03-2004, 00:47

يعطيكن العافية يا جماعة..

بس لا تنسو غنية مسلسل صلاح الدين .. اللي غنتها أصالة..

كمان الغنية رائعة..

ناهيكن عن الموسيقى التصويرية اللي بتعطي للصورة حركة موسيقية غير الدور المقال..

بس وين بلاقي غنية الزير سالم!؟!؟!!؟؟!؟

حيرتونا :)

يعطيكن العافية على كل حال..

تحياتي

سويتو

MSB4ever

10-03-2004, 06:39

شكرا لكم اخوتي واخواتي عالرد:

Tiger4u: غنية مسلسل الزير سالم حجمها 1.33 MB، وغنية مسلسل نهاية رجل شجاع حجمها 2.59 MB .

Za3bour: شكرا كتير عال Website ورح سجل فيه وحط عليه الاغاني انشالله.

Sweet_nany: غنية الزير سالم جاهزة بس كنت عبدور على Website حط الاغاني عليه اما غنية مسلسل صلاح الدين فهي موجودة عندي وانشالله قريبا بجيبها.

MSB4ever

10-03-2004, 07:42

شكرا اخي Za3bour عل Website شكله اشتغل

وهيى غنية مسلسل الزير سالم :
http://ee.domaindlx.com/Abdulghafour/Alzeersalem.wav

وهيى غنية نهاية رجل شجاع:
http://ee.domaindlx.com/Abdulghafour/BraveManEnd.wav

طبعا بتعرفو شغلة Save Target as

Za3bour

10-03-2004, 09:35

و لو بدنا شغلة تحرز sh:eye و شكرا كتير عالأغاني :D
و أنا بضم صوتي ل Sweet_Nany و يا ريت تحطلنا غنية صلاح الدين منكون ممنونين.

سلام

MSB4ever

10-03-2004, 14:40

خلص تكرموا بكرة بتكون جاهزة انشالله ولايهمكن

قمر

10-03-2004, 19:29

حلو كتير كتير كتير هالموضوع والله , ياريتني شفتو من قبل
بس ماصار شي , الحقيقة مافي شي غير شكر جزيل عالموقع الحلو ,
وانصح الذين لم يتابعو مسلسل هوى بحري بسماع اغنيته الرائعة .. كذلك مسلسل نساء صغيرات ..

بالنسبة لي اروع موسيقى تصويرية سمعتها وكلمة رائعة ربما قليلة هي موسيقى مسلسل خان الحرير " الجزء الاول " , احساس متناهي والحان عذبة , لكن للاسف مابتذكر من مؤلفها
وياريت لو حدا عندو ياها بكون شاكرة :)

حقيقة الموضوع جديد ويستحق المتابعة , شكرا للتايغر ;)

MSB4ever

11-03-2004, 06:40

اختي قمر الشام مؤلف غنية مسلسل خان الحرير هو طاهر مامللي بس للاسف ماعندي الغنية

MSB4ever

11-03-2004, 06:47

اما غنية مسلسل صلاح الدين بتشوفوها على هاللينك
http://ee.domaindlx.com/Abdulghafour/salahdeen.wav

واسف لانو الـ Quality تبعها مو عالي حاولت سويه بس التسجيل غلط على كل حال بيمشي الحال ;)

Za3bour

11-03-2004, 09:06

اما غنية مسلسل صلاح الدين بتشوفوها على هاللينك
http://ee.domaindlx.com/Abdulghafour/salahdeen.wav

يسلمووووووووووووووووووووووووووووووووووووووووووو يا رب

سلام

tiger4u

11-03-2004, 11:37

شكرا شباب على هالتفاعل ..
هللق صار فينا نقول صار عنا نادي للموسيقا التصويرية
أخت قمر شام أول شي كيفك ووين هالغيبة ؟؟؟
تاني شي موسيقا خان الحريري أعتقد إنها لعاصم البني وسأحاول أن أتأكد ..

وتقبلوا فائق محبتي

نصير

11-03-2004, 12:18

الأخ تايجر
الفنان طاهر مامللي بحسب ما قال لي أنه لم يطرح أعماله سابقاً في الأسواق ضمن سيديات أو كاسيتات ... ولكن هناك مشروع من هذا النوع سيعمل عليه في الأيام المقبلة .... ولكن أعتقد أنه يوجد في دمشق عند بعض المحلات موسيقا تصويرية لبعض المسلسلات ومنها لطاهر مامللي ولكنها طبعاً تسجل وتوزع بطريقة غير شرعية .,...

شكر للأخ الذي وضع تسجيلات بعض الأعمال الفنية

الأستاذ نصير

Sweet_Nany

13-03-2004, 00:27

بشكركم جميعا وخصوصا..

اخي.. MSB4ever .. (( عطينا اسم اسهل..))

شكرا كتير لمجهودكم معنا..

تحياتي..

سويتو

MSB4ever

13-03-2004, 06:55

انتي نقيلي اسم :D :p
شكرا الكم جميعا

Za3bour

15-03-2004, 04:18

انتي نقيلي اسم :D :p
شكرا الكم جميعا
شو رأيك بالزير سالم :rolleyes: ؟

سلام و بانتظار روائع تانية

Alan

15-03-2004, 05:44

تحياتي أخMSB4ever
بالنسبة لغنية نهاية رجل شجاع ....يعني غدرتنا ...هادي مانا النسخة الأصلية للغنية ...على كل حال يعطيك العافية ...عم نعذبك معنا
يا شباب شو رأيكون بأنو نحول شوي بأتجاه الأفلام الأجنبية واغانيها الرائعة متل فيلم المصارع ....
بالنسبة لغنية بقعة ضوء ....ما في حدا خرج يدلنا عليها او ينزلنا ياها
ومنشوفكون عن قريب

MSB4ever

15-03-2004, 06:28

شكرا للجميع عالرد:
Za3bour: جساس احسن :D
Alan: اسف على هالغلط بس انا بتصدق اني ماشفت المسلسل بس جبت الغنية من الـ WebSite تبع المؤلف نفسه
اما بالنسبة لاغاني فيلم المصارع او Gladiator فهي موجودة كلها عندي وايضا اغنية بقعة ضوء ورح حاول حط اللي بقدر عليه بالقريب العاجل انشالله

Alan

17-03-2004, 05:52

له يأخي MSB4ever عندك ياهون وبعدك ساكت .....الله يسامحك بس ...عم نستاك
شو يا شباب بدنا مشاركتكون بالنسبة للافلام الأجنبية

MSB4ever

17-03-2004, 06:12

ولايهمك انشالله بدي حطهم باقرب وقت ;)

MSB4ever

18-03-2004, 18:23

انشالله باقي الاغاني رح حطهم تباعا وهي غنية مسلسل ربيع قرطبة الحان طاهر مامللي واداء السوبر ستار رويدا عطية:
http://ee.domaindlx.com/Abdulghafour/qortoba.wav

الهره

21-03-2004, 16:54

يسلموو tiger4u على الموضوووع الحلوو ..
بس انا حابه اطلب اغنيه المسلسل اخر الفرساااان؟؟؟

و شكراا ...

الهره

MSB4ever

22-03-2004, 19:15

آخر الفرسان
موجودة على هاللينك:
http://ee.domaindlx.com/Abdulghafour/the Last cavalier.wav
تحياتي للجميع sh:hi

Alan

23-03-2004, 05:41

أخ MSB4ever تحياتي .....ناطرينك ....بالنسبة لبقعة ضوء ....يسلمو كتير

MSB4ever

23-03-2004, 06:56

اسف عالتاخير
اليوم انشالله بتكون جاهزة ولايهمك ;) :d

MSB4ever

24-03-2004, 06:49

بقعة ضوء:
http://ee.domaindlx.com/Abdulghafour/SpotLight.wav
و Sorry عالتاخير

Alan

25-03-2004, 07:37

يسلم هاليدين .......عزبتك معي ....

Za3bour

25-03-2004, 09:13

الله يعطيك العافية

طلب صعب كتير

المال و البنون (علي الحجار)
سلام

MSB4ever

25-03-2004, 10:36

شكرا للجميع عالرد:
Alan: ولايهمك مافي شي من واجبك واي شي تاني انا حاضر.
Za3bour: للاسف ماعندي ياها لسبب انو الاغاني اللي عندي بس لمسلسلات سورية.

تحيـــ sh:scared ـــاتي لكم

الهره

26-03-2004, 23:40

.... MSB4ever ...

يسلموو على الينك لكن للاسف ما زبط معي !!!!
ما بعرف ليش sh:questio ...

الهره

MSB4ever

27-03-2004, 10:55

ضلي حاولي بيصير يعني مثلا حاولي بعد يوم
http://ee.domaindlx.com/Abdulghafour/the Last cavalier.wav
لانو ممكن يكون من كتر ما عبيستخدم اللينك

nour111

13-05-2004, 08:58

طيب الرابط تبع نهاية رجل شجاع ما عم يفتح بعد اذنكن الي عندو الغنية يعطيني رابط غير هاد و شكرااااااااا مقدما

MSB4ever

14-05-2004, 08:46

شباب حدا يعطيني اي موقع استضافة لنزل الاغاني عليه...

saaud

24-05-2004, 02:09

تفضل http://www.powow.com

قمر

27-05-2004, 14:10

ياريت حدا يحطلنا وصلة لربيع قرطبة , الوصلة الموجودة مااشتغلت عندي للاسف :(

وبالمناسبة شكرا saaud عالموقع ;)

MSB4ever

28-05-2004, 17:27

i am sorry for late
i will be back soon to upload these songs
bye

saaud

03-06-2004, 06:19

UP للرفع

WAELSISI

12-08-2004, 02:32

[/SIZE]أصدقائى أنا صديق جديد من مصر و قد أحببت جدا هذا الموضوع فأنا أعشق المسلسلات السورية و لكنى للأسف أفشل فى الدخول على مواقع الأغانى خاصة موقعdomainlx و الذى أغانى ربيع قرطبة و صلاح الدين و غيرها فأرجو اخبارى ماذا أفعل و أرجو مكالمتكم لى على الايميل الخاص بى و هوaser_eg7y@hotmail.com و شكرا.

MSB4ever

13-08-2004, 21:34

شباب وصبايا اللي بيلزمة اي غنية ببعتله ياها من المسنجر ...
لانو تلات ارباع المواقع مو شغالة...

كنعان مخيم

23-08-2004, 14:31

المسلسل المصري الليل واخره
اغنية يا شمس يا منورة غيبي وهي بصوت الفنانة مي فاروق
واغنية البداية والنهاية بالمسلسل بصوت على الحجار
هل بامكان احد الزملاء اضافتها
وشكراااااااا

tiger4u

25-08-2004, 16:59

الأعزاء

waelsisi
مرحبا بك في الموضوع وفي المنتدى .. وشكراً لمرورك الكريم

MSB4ever
بعد إذنك ولو فيها تعب عليك .. ياريت تعيد تحميل الأغاني على شي موقع لأنو هالشي أسهل من الإرسال بالماسنجر خصوصاً بالنسبة للمقيمين في سوريا ..

كنعان مخيم
أتمنى أن تكون هذه الأغاني عن أحد الأعزاء

وشكراً للجميع

MSB4ever

25-08-2004, 18:25

اخي Tiger الاغاني جاهزين وعبيستنوا بس المشكلة بالمواقع اللي كلها مابتسمح انو يكون حجم الملف اكتر اكتر من 200 كيلو بايت، وعبدور وماعبشوف .... لانو الموقع لازمني حتى لشغلات تانية كمان... بتمنى اي حدا عنده موقع من هون ولا من هون يعطيني ياه لحتى فورا يكونو عندكم...
شكرا جزيلا...

syrian_smile

05-09-2004, 17:20

علي الحجار..
ملك الأداء و الاحساس..

المال و البنون
المال و البنون..استماع. (http://egyptian.salmiya.net/songs/elhajjar/ram/hajjar4.ram)

الليل و آخره
الليل و آخره ..استماع (http://egyptian.salmiya.net/songs/elhajjar/ram/hajjar15.ram)

و هي صفحة علي الحجار بركي بتحبوا تسمعوا شي.
http://egyptian.salmiya.net/songs/elhajjar/

تحياتي..

tiger4u

07-09-2004, 00:46

شكراً سيريان سمايل على الأغنيتين الرائعتين

ولو أني كنت أتمنى أن نستطيع تحميلها بالإضافة إلى الاستماع لها

شكراً جزيلاً ويا مرحبا بك في الموضوع

syrian_smile

07-09-2004, 09:21

شكرا أخ تايغر ..

المال و البنون
للحفظ (http://egyptian.salmiya.net/songs/elhajjar/rm/hajjar4.rm)

الليل و آخره
للحفظ (http://egyptian.salmiya.net/songs/elhajjar/rm/hajjar15.rm)

WAELSISI

11-09-2004, 03:48

السلام عليكم أرجو من لديه أغنية مسلسل صقر قريش أن يضعها هنا و شكرا.

Sweet_Nany

11-09-2004, 07:58

مرحبا يا جماعة...

انا عندي اقتراح .. بعد شكر مجهوادات اخي مصعب MSB4ever بهالموضوع وجهد الجميع وكل من شاركونا..

والاقتراح هو بعد تطوير الوصلات جعلها تتضمن رد واحد وكل ما زاد شي على الموضوع بيتم اعادة الرد هاد..

وانشالله يعجبكن..

تحياتي اخي مصعبMSB4ever ..

أختك دوما..

سويتاية

MSB4ever

11-09-2004, 12:48

الاخت سويت ناني :
المشكلة اللي انا قلتها انو اي موقع انترنت مابيعطيكي حجم لكل ملف اكتر من 250 كيلو والاغاني اللي انا مسجلها ممكن نقص حجمها بس الـ Quality بدو يضيع حتما ومهما نقص حجم الملف بيبقا مو مسموح بالموقع..

اخي WAELSISI : اغنية صقر قريش للاسف كانت عندي وهلا مو موجودة ..كان بودي ساعدك :eek: .

alzer

24-09-2004, 20:23

أول شي حابب سلم على كل الاعضاء... كيفك تايغر بيك
وفي عندي طلب وما حسنت لا قي غير هون ويلي هو غنية مسلسل الزير سالم
يعني عن جد ما حدا لح يصدق انو شفت المسلسل اكتر من 17 مرة وحاليا هو عم يطلع الفضائية السورية ... يعني فيكن تقولي تابعت المسلسل على كل الفضائيات ... المهم ما بدي وجعلكن راسكن ..... الموقع يلي نازلة عليه الغنية مالو شغال ........ فبتمنا من عندو هالغنية انا بجي لعندو من شان احصل عليها .... واذا في يجبللي الابيات العشرة يلي بينقالو بالمسلسل بكون فضل....هاد هو طلبي .... لأنو اللينكات يلي موجودة هون مالها شغالة ......ويلي حابب يقرا قصة الزير سالم في يدخل على هاد اللينك :
http://almosafir.8m.net/zeer1.htm
وهي الابيات العشرة يلي كانو وصية كليب لأبو ليلى المهلهل :
هديت لك هديه يامهلهل عشر أبيات تفهمها الذكاه
أول بيت أقوله أستغفرالله أله العرش لايعبد سواه
وثاني بيت أقول الملك لله بسط الآرض ورفع السماء
وثالث بيت وصي باليتامى واحفظ العهد ولاتنسى سواه
ورابع بيت أقول الله اكبر على الغدار لاتنسى أذاه
وخامس بيت جساس غدرني شوف الجرح يعطيك النباه
وسادس بيت قلت الزير أخي شديد البأس قهار العداه
وسابع بيت سالم كون رجال لآخذ الثار لاتعطي وناه
وثامن بيت بالك لاتخلي لاشيخ كبير ولافتاه
وتاسع بيت بالك لاتصلح وأن صالحت شكوت للاله
وعاشربيت أن خالفت قولي فأنا وياك الى قاضي القضاه

واخر شي يلي بلاقي طلبي عنو انو يراسلني على ايميلي :maw151@mail2world.com
يلالالالالالالالالالا سلالالالالالالالالالالالالالالالالاممممممممممممممم ممممممممم

soso22

26-09-2004, 21:34

مساء الخير ..
هذا موقع مجاني , يمكن من خلاله تحميل ماتشاؤون من ملفات وبأي حجم

http://www.hala.cc/

_________________
_________
___

سوسو

tiger4u

27-09-2004, 03:08

أهين alzer

شكراً عالمشاركة والمرور الطيب المفيد

soso22

يسلموا عالمشاركة وعالموقع

يالله أخي MSB4ever .. شدلي همتك وجرب الموقع

MSB4ever

27-09-2004, 11:13

شباب (وصبايا طبعا ;) ) اللي بده نغمة الزير سالم يكتبلي ايميله هون او برسالة خاصة لانو احسن طريقة ابعتها ايميل...لان اخر موقع موشغال...

MSB4ever

28-09-2004, 21:40

اخي alzer شيك على ايميلك اللي ابعتلي ياه
تحياتي sh:hi

MSB4ever

30-09-2004, 01:18

الزير سالم
تحميل (http://members.lycos.co.uk/mosab2004/Alzeer.wma)
لحفظ الملف يرجى الضغط بزر الماوس الايمن>>>Save Target As

MSB4ever

30-09-2004, 01:25

ربيع قرطبة

تحميل (http://members.lycos.co.uk/mosab2004/qurtoba.wma)
لحفظ الملف يرجى الضغط بزر الماوس الايمن>>>Save Target As

MSB4ever

30-09-2004, 01:43

الموت القادم الى الشرق
تحميل (http://members.lycos.co.uk/mosab2004/almawt.wma)
لحفظ الملف يرجى الضغط بزر الماوس الايمن>>>Save Target As

Sweet_Nany

30-09-2004, 02:52

يعطيك العافية يا مصعب..

يبعتلي حمى والله تبعت معنا بهالموضوع.. :o

ومالي عرفانة شو بدي قلك..

شكرا كتير..

تحياتي لالك خيو..

اختك دوما

سويتاية

MSB4ever

30-09-2004, 10:36

ولايهمك سويتوو بس هدول اللي قدرت عليهم مبارح...اليوم انشالله رح ضيف كام وحدة جديدة...
بس يكون الـ Quality زابط (واضحين)؟

MSB4ever

30-09-2004, 11:48

ليل المسافرين
تحميل (http://members.lycos.co.uk/mosab2004/layl.wma)
لحفظ الملف يرجى الضغط بزر الماوس الايمن>>>Save Target As

raghad

30-09-2004, 15:34

ممكن اطلب موسيقا تل الرماد

Tamim_j

30-09-2004, 16:17

ياريت يا اخوان حدا يكون عندو الموسيقا والأغنية الرائعة لمسلسل نهاية رجل شجاع

صرلي شي سنة عم دور عليها وأنا ايا موسيقى تصويرية لفلم أجنبي بدبرلو ياها

يا روح لا نحزني
يا قلب ضلك هني
زوار جينا على الدني
والعمر تذكار

tiger4u

01-10-2004, 02:34

شكراً لأخي مصعب سوبر ستار الموضوع

لحقت حالي وسيفت المقاطع قبل ما يصير شي مشكلة بالموقع

أحلى شباب والله
:)

MSB4ever

01-10-2004, 13:47

اخوة التراب (الجزء الاول)
تحميل (http://members.lycos.co.uk/mosab2004/torab.wma)
لحفظ الملف يرجى الضغط بزر الماوس الايمن>>>Save Target As

alzer

01-10-2004, 16:18

مرحبااااااااااااااا
شكرا كتير على غنية الزير ........ بس اذا في عندك الابيات العشرة يلي بينقالو بالمسلسل....
بكون عندي عيد ....
غنية نهاية رجل شجاع .....
وشكرا

Tamim_j

02-10-2004, 15:45

يا شباب أغنية نهاية رجل شجاع
بليز

WAELSISI

26-11-2004, 11:59

هذا الموقع عليه أغانى مسلسلات مصرى سورى و غيرها
www.salmiya.net
أختار الرابط the songs و منه أختار ARABIC SONGS

قاسـم

26-11-2004, 22:24

السلام عليكم

موسيقى رأفت الهجان الرائعة من ابداعيات عمار الشريعي

هذه هي

موسيقا المقدمة (http://gulf.salmiya.net/songs/mosalsalat/rm/mosalsalat28.rm)

موسيقى تصويرية (http://gulf.salmiya.net/songs/mosalsalat/rm/mosalsalat27.rm)

مع التحية :) :)
قاسم - عمان

tiger4u

27-11-2004, 04:44

شكراً للأخوين العزيزين على إضافاتهما الرائعة

الآن صار لدينا مكتبة موسيقا تصويرية لا بأس به

لكنني لا زلت أطمح بالمزيد :o

قاسـم

27-11-2004, 10:50

السلام عليكم

أخي تايجر
مادامك تطمح بالمزيد
فسيعطيك قاسم كل ما تريد
اطلبهم في أي وقت تشاء
وبيكونوا عندك قبل العيد :D :D :D

أبو حميد اليوم رح حطلك شغلة بتحبها ...

الموسيقى التصويرية لمسلسل الرجل الآخر (تأليف مجدي صابر إخراج مجدي أبو عميرة وبطولة ميرفت أمين ونور الشريف ) هي للموسيقار الشاب والمبدع ياسر عبد الرحمن وقد بدأت إبداعات هذا الفنان منذ مسلسل المال والبنون ( أوائل التسعينات ) فمن حظر المسلسل ولم تعلق بباله أغنية علي الحجار في مقدمة المسلسل ( قالو زمان دنيا دنية غرورة ).
تتميز ألحان ياسر عبد الرحمن بالسلاسة وبتقمصها للحالة الإنسانة التي تظهر في المشهد تقمصا مدهشا.

شارة البداية والموسيقا التصويرية لمسلسل الرجل الآخر (http://gulf.salmiya.net/songs/mosalsalat/rm/mosalsalat114.rm)

شارة النهاية لمسلسل الرجل الآخر (http://gulf.salmiya.net/songs/mosalsalat/rm/mosalsalat115.rm)

مع التحية :) :)
قاسم - عمان