عرض الإصدار الكامل : يا جماعة....غنية بديت مزح قام قلبت ...جد.....
wa7di ana
21-08-2003, 19:25
والله شي غريب...
يعني أو ل ما طلعت غنية (جاي تسنبل وراي سمرا وأنا الحاصودة)...
كلياتنا فكرناها جزء من مزحة ...متل أغاني غيرها (أبو يوسف) (جفلة) .وووو
وصرنا نمزح ونضحك عليها لأنوا حلوة بترقص ولغتها جديدة وخصوصا لما بيقول المطرب (يا عرب يا عرب..) يعني بالمشرمحي - أغنية ميكروباصات وتكاسي -
بس اللي خلاني استغرب أنو محمد اسكندر (المطرب اللبناني) صار يغنيها في برنامج بيبسي ميوزيكا ... قلنا معليش بتلبقلوا كمان لأنوا هو مطرب شعبي بعض الشيئ.
راح ملحم زين خاطر بسمعته الفنية في برنامج سوبر ستار وصار يغني الغنية أمام لجنة الحكم (الياس الرحباني ، وعبد الله القعود) حتى عبد الله ما فهم من فين جايب هالغنية وسألوا عليها ... قام قللوا ملحم هي من التراث اللبناني ؟؟؟؟sh:ohmy
بس الطامة الكبرى لما شفت فنان كبير وهو عاصي الحلاني يغنيها في مهرجان قرطاج وجرش كأنها جزء من أغانيه والتي لا بمكن تفويتها للجمهور...!!sh:angry
شو صار فينا...معقول (سمرا وأنا الحاصودة ) تاخد كل هالصدى.....رايح جن
بسم الله الرحمن الرحيم
اصدقائي الغالييييييييين
السلام عليكم و رحمة الله و بركاته
اخي وحدك انته بهل العالم غريب
من زمان يا سيدي اصبحت الاغاني و الموسيقا موضة بس
يعني ما عاد في طرب او احترام للكلمات و بكل صراحة
ما عاد في احترام للمستمعين يلي نحنا منهم
فالقطار ماشي و مو معقول يضلوا بمحتطتهم لازم يركبوا
قطار السرعة و الموضة و يلي دارج هل الايام
و من كتر انحطاط الحياة و قسوتها اصبحنا نتجه للغريب
للشاذ للمختلف فتجدنا نغني غناء مو مقتنعين فيه و لا
بيناسب اذوقنا بس بدنا نطلع عن طورنا بدنا شي
مختلف عن الطبيعي لانو الحياة طلعتنا عن طورنااااااااااااااا
هذا تفسيري سيدي و اظن لو ام كلثوم لسه ما ماتت
بظنها هي كمان رح تغني (تحت التينا) و فريد الاطرش(سمرا و انا الحاصودي)
و عجبي
الاميرة تومي
21-08-2003, 19:57
مرحبا أخوي
خدها برووح سبورت وزيادة
يعني المطرب ماهمه بوقتنا الكلمة أو شو عم يقول
المطرب همه هز خصر الجمهور
يعني غنية بترقص بتضرب بالسوق
بيغنيها نو بروبليم
غنية محترمة وبنت عالم وناس وهادية والواحد بينطرب لما بيسعها
مو ضرورية .... منشان شو نسمع متل الخلق .. بس لازم نرقص
تحياتي
تومي(تمارا)
رح اعترف اني اول فترة كنت اسمع هالغنية ما كنت احبها ابدا
لما كان حدا من الشباب يحطلنا ياها بالاذاعة كنا كلنا نطالب المود يسكته ويسحب المايك منه ... واذا بقيت غصب عنا كنا نترك الروم كلنا
بس والله انها بتذكرني بايام زمان لما كنا كلنا نجتمع بالروم كانت ايام ولا احلى
وعلى فكرة من جديد انتشرت هالاغنية هون في فلسطين ووين ما تروح بتسمعها والكل بيحبها ... حتى في الاعراس بيغنوها وبدبكو عليها
انا شخصيا بحب الذكرى الحلوة اللي فيها
وحبيتها اكتر لما سمعت ملحم غناها
sh:hi
وينك يا ام كلثوم و يا عبد الحليم و يا ............ تجوا تسمعوا هل الاغاني يلي مالا لا معنى و لا لحن و بل احرى مطربين هل الايام ما بهمون الكلمات و لا اللحن بهمون بس عرض الملابس و الماكياج و ..........
قل ماسافر من حوالي ست سنوات
طلع مغني بدوي في محافظتي
وكانت الكلمات شو بدي قول
يعني سينما وكان الكل بيضحك على الكلمات
لكن رغم ذلك انشهر المغني وصار مطلوب
تصوروا كان هناك مقطع يقول:
وانا ارككب بواري الصوبية
المصيبة انو حتى المغتربين اشتروا شرايط
والحفلات صارت جماهيرية
الظاهر انو الناس ملوا الكلمات المنمقة
في عصر لم يعد فيه شئ منمق
(ملاحظة )
انا حتى الان لم اسمع هذه الاغنية
ياريت تحطوها بالاذاعة
:D :D
osama_brd
21-08-2003, 23:39
بس هذا أسمه غش واعتداء على حقوق الغير sh:angry ..
يعني كيف بيدعي هذا الملحم أنه هذه الأغنية من التراث اللبناني ؟؟؟
هذا اسمه سرقة حقوق ويجب أن لا نسكت عليه أبداً :p ....
يالله مو مشكلة يعني بهيك غنية مو مشكلة أبداً أنه يكون في سرقة للحقوق
أسامةsh:hi
wa7di ana
22-08-2003, 21:15
يعني إن شاء الله بهالموسم الصيف يجي على بال فناننا العظيم بشي غنية على ذوقه (ضاربة...ضاربة) كمان
بس يا ريت تكون عن (التركتور هالمرة ، منشان تكون مودرن ) ويا ريت يحكيلنا شو صار بعد ما راحوا عالمستشفى .... مع أبو فهد!!!!
ولازم ما ينسى يحكي عالأجانب مو بس العرب كل مرة.... منشان انتشار الأغنية في الغرب .
وينزلها بـ دي في دي ...لأنو هادا فن عظيم مو حيا الله.
وخاطركن... وسامحونا مشان الأنبياء
عاشق الشام
22-08-2003, 23:32
مصيبة حقيقية ياجماعة دخليكن ولولولولوللووووا معي على تراثنا الفني .
إزا مثل هؤلاء الحثالة يدعون أن هالمهزلة ولا أسميها أغنية هي من التراث .
وليس المهم هنا هو مصدرها لبناني أو سوري أو نيكاراغوي sh:angry
المهم فعلاً هو أن يقف العقلاء من عشاق الفن الحقيقي والتراث يداً واحدة للتصدي لمثل هالآفات المدسوسة في مجتمعنا العربي .
وعملية إفشاء هالأمراض السرطانية بينا بحجة أنو الشعب بيحبها وأنها أغاني شعبية هي حجة واهية لأن الجميع شاهد كيف الناس كلها ومن كل الأعمار سلطنت على أغاني أم كلثوم ووديع الصافي ووردة في برنامج السوبر ستار .
ياجماعة إزا وصل فينا الانحطاط لدرجة أنو يصير شعبان عبد الرحيم أو شعبولا كما يسمى هو الناطق الرسمي باسم مشاعر ملايين العرب والمعلق الحصري على مشاكلنا السياسية والاجتماعية فقولوا على التراث والفن السلام .
الفاتحة على روح المرحوم دخيييييلكن . والسلام
Kadim4ever
23-08-2003, 13:02
هيك شي ...حرام نسميه اغنية
أرجو تصليح هذا المسمى في بقية المناقشات
مع تحياتي
Kadim4ever
أنا معكم أنها مهزلة كبيرة بتوجع القلب
والأسوء من هيك أنو في جمهور كبير لهذه الأغاني
شو صار بالذوق العام ياجماعة!!!!!!!!!
وأنا معك يا أخ عاشق الشام أنو يعني لما يصير شعبولا
مطرب الجماهير يعني الواحد ماعد يسمع أغاني أشرفلو
( مع أنو رأيي أنو شعبولا ليس هو المذنب وإنما المستمعين لأغانيه
والذين رفعوه لهذه المرتبة هم المذنبون فلو لم يسمع له أحد
لعاد لمهنته الأصلية كمكوجي وترك الغناء ولكنه وجد باب رزق
واتفتحله)والله شو رايكم
syrianfbi
23-08-2003, 15:43
تسنبل وراي سمرا وانا الحاصودي
مابو بالزرع غزيل عودي عديارك عودي مابو بالزرع غزيل عودي عديارك عودي
سمرا وانا الحاصودي
مابز بالزرعل غزيل حصرم لسا العنقودي
وسميرا انا الحاصودي
عـــــــــــــــــــــــــرب عــــــــــــــــــــــــرب
syrianfbi
23-08-2003, 15:49
قلو الشرف علي الديك
انو
الفنان ملــــــــــــــــــــــــــحم زين غناها
تانيا
عفكرة هو مجرد شخص بدوا يترزق علىالجدبان
كل واحد حطها بهالميكروا وصارت موضة
لا واحلى شي عندي سيدي خفلة لالو (اجاني هدية)
بيجي المقدم
الفنان الكبير استاز المدري شو صاحب الصوت المدري شو
الفنان الكبير الاستاز علي الديك
sh:angry
على قولة اللي عنا
الشرا موب عليه الشرا علينا حنا
:o
عيب علينا
لا وانا اللي عم احكي حافظها sh:tounge
wa7di ana
23-08-2003, 18:37
حبيباتي روقوا شوي....
الفن في منه المنيح وفي منه العاطل ، وهادا موجود في كل زمان ومكان .
مو ضرر أنو نشوف كل الألوان ، لكن المهم أنه نتذوق الفن الراقي !
يعني الأستاذ الكبير (علي الديك) صار يطلع على المحطة الفضائية السورية اللي كانت دائما بتقول أنه هي محطة الفن الراقي والملتزم !!!!!!!!!!!
شو هالتناقض اللي فايت في بعضه .
رحم الله أمريء عرف مقدار نفسه ....
عاشق الشام
23-08-2003, 18:44
حابب إرجع أكد أنو المشكلة أبداً مو بالجمهور والدليل شوفو حفلات كاظم وفيروز والعمالقة الكبار
تجد جماهير من كل الأعمار والأجناس وحتى أجانب يستمعون ويطربون للحن الجميل والكلمة المعبرة .
الحق كله على الإعلام الموجه من جهات قاصدة تخرب عقول وأزواق الأجيال العربية كلها
وبالنهاية رح يتحول علي الديك لعبد الوهاب " موسيقار الأجيال الحديثة "
وساعتها على التراث السلام . سلام :(
vBulletin v3.6.4, Copyright ©2000-2008
Translated by SyriaNobles