من هو شيطان ام جني؟؟قصة واقعية مرعبة

[ديالا]

انا انطبق علي قول ليلة متل قفا الكيلة اكيد انتو عم تتسالو عن السب اوكي انا رح خبركم هاد مبارح اول مافتت بالنوم حست انو ماما عم بتئول (هففف) من صوت الجيران وفجاة ما بلاقيها وبعدين بحس متل ماحدن دب ووزنه شي100كيلو نط عليي انا مفكرة حالي بمكان وانا اصلا بمكان تاني بعدين ئلت بسم الله بسرعة بعدين بروح عني وبعد خمس ثواني بشم ريحة ورق عم بيحترق فبئوم من غرفتي على امل انو لاقي حدن من اهلي صاحي مشان احكيلوا فبلاقي اختى الكبيرة مو جايها نوم فبئلها على اللي صار وهي مو مصدقة و عم تتضحك علي فانا حبيت عبي لمامي مي مشان تشرب ومنو بخبرها باللي صار بعدين صحيت وخبرتها وانا لاحظت انو ماما وهينايمة مو مرتاحة مشان هيك صحيتها اوكي بعدين لما عرفت اخدتني على غرف النوم التانية اللي عنا ياها وقعدت تقرئلي قران وهيك وماما وهي عم تقرا عليي كمان بدو يعملو فيها حركات انو بدهم يخوفوها بس ماما ماشالله حولها عملت حالها مة شايفتهم ...وتاني يوم الضهر ماما خبرتني انو ئبل ما صحيها كان في شي بارد جدا على رجليها اكرمكم الله...... وبعدين لما ماما راحت على الشغل خبرت زميل من زملاءها على اللي صار . وخبرها انو كل هاد من كتر ما عم نسمع اغاني وما بنئرا قران كتير. وطبعا هاد الرجال ماشاالله عليه فهمان وواعي؟؟....
وعطانا وصفة من ايات وهيك وبصراح ة انا كنت مو مامنة بالجن بس لانو الله خبرنا عنها بامن فيها بتمنى انو ما ترتعبوا بس اللي نط عليي اسو ( الجاثوم) وهاد بنط عليك ازا كنت نايم طب او على ضهر سو لازم نام على جنبنا الليمين وعلى فكرة الجاثوم هو جني شيطاني وبتمنى انو ماعاد يتكرر هل الامر معي لانو حاسة كانو صار معي حالة نفسية بانهم حاطين عليي ما بعرف بس انشالله بكون تفكيري غلط وشكرا الكن للانكون عطيتوني مجال لحتى احكي مغامرة مرعبة اكيد مارح انساها واكيد بحي ئلكون انو لا تسمعوا اغاني كتير وخففوا من الافلام السكسية لانو هنن هيك بحبوا وشكرا الكم مرة تانية بااي

[KAYSAR]

ما بعرف شو قصة الأعضاء الجدد هاليومين كترانين و مواضيعون الشائكة و الحلوة بصراحة لفتت نظري و كأنون متفقين أنو يدخلو و يسجلو سوى أو أنون يكونوا أعضاء اساسيين و حابين يغيرو اسمهم فبيسجلوا عن جديد

على كل ما علينا خلينا بالموضوع

أنا صار فيني شي مقارب للي حكيتيه أخت ديالا بس كان على النحو التالي

أنا مغترب برات سوريا و ساكن بسكن جماعي و طبعا نحنا 6 بالشقة انا و واحد من الشباب بغرفة و الاربعة التانين بغرفة و بيوم من الأيام بعد ما سهرنا للفجر رحنا حطينا كل واحد راسو على مخدتو و نام و أنا منهم و بعد ما نمت و غرقت بالنومة أجيت بدي اقلب من الطرف اليساري للطرف اليميني و أنا عم حاول أقلب حسيت انو في شي كابس علي من كتفي اليمين و مثبتني و كانو مو حاببني أقلب على طرفي اليمين بس كنت وقتها لساتو قلبي نايم قلت و انا و نايم حاول مرة تانية بس بقوة أكبر فلاقيت أنو الضغطة أشتدت علي هون أنا فتحت عيوني و صرت واعي على حالي و على يلي عم يصير ففكرت أنو حدا من الشباب أو يلي نايم معي بالغرفة عم يتغالظ علي بس و حاولت مرة ثالثة لكن الضغطة صارت أكبر يعني كأنو شي شاحنة قلاب كابستني أو شي طن من الحديد كابسني و هون أنا كنت بكامل وعي و حتى بتذكر أنو الحيط كان بوشي تعوذت من الشيطان و خفت كتير أول شي فكرت أنو صار معي شلل مؤقت حركت أيدي اليمين لقيتها عم تحرك حركت رجلي اليمين لقيتها عم تحرك .....؟ أيه sh:ohmy

شو عم يصير معي صرت قول لحالي قريت كم اية و ضغطت بأقسى قوة عندي و صرخت و أنا عم أظغط و حسيت أني بعمري كلو ما أستعملت طاقة و قوة قد يلي أستخدمتها و قلبت و أنا و عم أصرخ أأأأأأأأأيييييييييهههههههههه
و فعلا قدرت أني أقلب بس بعد شو بعد ما فيقت رفيقي بالغرفة كان نايم يا حرام و فاق مرعوب من صوتي فكرني عم احلم و قلي شو فيك ياسر ما إلك بالعادة تشوف منام ما في أهدى من نومك انت شو صرلك قلتلو و لا شي سامحني أنو زعجتك شريك قلي و لا يهمك بس المهم أنت بخير قلتلو أيه قلي أكيد قلتلو أيه أكيد و رجعنا نمنا بس أنا ما غمضتلي عين حتى فاقوا الشباب و رحت على الشغل و انا طول نهاري عم فكر بالموضوع و بالسهرة و نحنا سهرانين كلنا و السيجارة شغالة سالني رفيقي يلي بالغرفة التانية شو صاير معك مبارح قلتلو و الله يا أبو شريك القصة من كيت على كيت على كيت بالأول ضحك و ضحكوا الشباب على حكي و كنت متوقع هالشي أنا أو ردت هالفعل هادي منهم لأنو شي مو طبيعي و طنشت أنا و قلي رفيقي معليش هاد أخطبوط كان زاير عنا مبارح أتضحكت انا ههههههههههههه و قلتلو (بايخة ) المهم بلا طول سيرة بعد شي خمس أيام و انا نايم بامان الله ما لقيت غير رفيقي يلي بالغرفة التانية و هو نفسو يلي قلي أنو الأخطبوط كان زاير عنا ما لقيتو غير عم يصيح ياســــــــــر فركدت من غرفتي لغرفتوا لقيتو عم يرجف كلو سوى و الشباب عم يهدوا فيه
و لك شو في يا مصطفى خير شبك قلي و هو عم يرجف و كأنو مربوط لسانو يا حرام من الفزعة قلي بتتذكر يلي صار معك من شي خمس ايام قلتلو أيه قلي صار معي نفس الشي و صار يبكي تصوروا يا جماعة شب عمره 30 سنة صار يبكي من الفزعة المهم تمينا قاعدين جنبو بالغرفة كلياتنا و حتى رفيقي يلي بالغرفة فاق و اجى للغرفة كمان و قعدنا جنبو حتى هدي

و لليوم ما بنعرف شو هاد يلي كان كابس علينا أنا و هو و لا رح نعرف بس كل يلي عرفتو و حسيت فيه أنو كان شيء غريب ما صار معي بيوم من الايام و لا معو

هادي قصتي و الله أعلم

[ديالا]

شكرا على مشاركتك اخي العزيز بس والله ماخبي عليك انو انت اللي كان الزم يكت هل الموضوع مو انا اما رفيئك اللي بكي دوائوا عندي ههههههه وبشكرا على مشاركتك وبحب ئلك انو التجربة مو متل الكلام لانو نحنا منئدر نو صف شو صارر بس شو حسينا انا بالحئيئة ما كان عندي القدر على هل الشي واخير بشكراك مرة تانية وئصتك كانت كتييييييييييير حلوة وسلام sh:hi

[shababdaim]

اختي ديالا

اخي قيسر

ادخلو هون ..ورح تقرو قصص ارعب من قصصكم بمئة مرة ........بحذركم القصص ما رح تخليكم تنامو اليل ..عن جد .....وخصوصا حكايتي ..

الموضوع جد انا ما بهز فيه بعد الرعب يللي شفتو وعرفتوsh:ohmy

تفضلو


http://www.shabablek.com/vb/showthread.php?s=&threadid=16021


sh:ohmy

سلام

اختكم

شباب دائم :(