s... الدنيا بلا الوان ...s

[sama7]

كتيرة الالوان بهالدنيا ... سواء الالوان الرئيسية او امتزاجها لتكوين درجات مختلفة من الوان جداد ... ومو كلها حلوة او بالاحرى ممكن انا حب لون حدا غيري يكره وبالعكس اني اكره لون انت بتحبه كتير

كل لون الو معنى ... ونفس اللون ممكن يمثل معنى غير لكل واحد ...
شو بتمثل الالوان النا ...
واذا اختفت كل الالوان اي لون رح نحب انو يرجع ....

[الألم]

و الله يا سماح بالنسبة الي انا بعشق اللون الاسود لانو بشعر في الو برستيج خاص فيه

و بسمع انو ملك الالوان كمان و منشان هيك ان طارت الالوان بتمنى يرجع اللون الاسود كلون طبعا

و معو كمان لو سمحتيلي بلوم هوا الابيض لانو بيعبر عن النقاء و هادا الشي عم نفتقدوا هي الايام

اخوكم

الالم

[sama7]

هلا اخي طارق ...
فعلا الاسود ملك الالوان ... لو نحكي عن الاسود رح ناخد عدة جوانب لمعناه
لون الركازة والرسمية ... بس رح بحكي عن استعماله بشكل سلبي

- لو تشوف رفيق الك بيوم لابس اسود في اسود
اول كلمة بتنقال ليش حادد !!! او على مين حادد !!

- مثلا لما يكون واحد حقود بتقله البك اسود

- لما تقول عن واحد سجل موقف مو حلو بتكون تسجلتله نقطة سودة

- الاسود لون الظلام والابيض لون النور وفرق كبير بين الظلام والنور

اللون الاسود بيخوف sh:scared

الابيض ابيض ما عليه كلام ... او انا ما عندي عليه سلبيات sh:questio

البك ابيض اخي طارق ... sh:hi

[zanzoon]

والله يا عزيزتي سماح الألوان هي جزء لا يتجزأ من شخصيتنا....والدنيا بلا ألوان مو دنيا....اتخيلي الطبيعة مثلا بلا ألوان....!! مستحيل لإن أجمل شي بالطبيعة هي ألوانها....وانعكاس هالألوان على نفسنا هو اللي بيعطيها جمال روحي اكتر ما يكون حسي.

بالنسبة لإلي فالألوان اللي بحبها بتختلف من وقت لوقت حسب مزاجي....بس إجمالاً بلاقي باللون الزهر والموف جمال خاص.


.،.،.،.،.

[Greater]

االبني مش أكثر مني عليكي محروق....


الأحمر أبيض أصفر..
الأزرق زهري أخضر...

الكستنائي ، اللهلوبي ...
البنفسجي ، كلوا بيشتغل ...


أحلى لون عندي هو اللون المكربلائي على مصار...

أبشع لون عندي هو الزهري بدون منافسة ... يعني قال الله " بينك"

[sama7]

السلام عليكم ....

فعلا زنزون الطبيعة ما الها طعم بدون الوان ....
وحياتنا مرتبطة ارتباط وثيق فيها ....

الالوان بتاثر عالنفسية والراحة
وعالاغلب صرنا نربط الالوان بشغلات من الواقع هيي بتعطي معنى للون

مثلا الاحمر مربوط بالدم والدم يعني عنف
او الاحمر لون النار والنار اشتعال وغليان

الاصفر مربوط بالغيرة وكمان بنور الشمس الذهبي

جريتر شو هوي اللون اللي بتحبه ؟
(( أحلى لون عندي هو اللون المكربلائي على مصار )) اول مرة بسمع فيه sh:questio


انا احلى االوان عندي اللون النهدي .... Purple

سماح

[GODFATHER]

يعني ما فهمت عليكي كتير اختي سماح

بس انا بخاف انه يختفي اللون الاسود والاخضر

الحياة بدونهم ما الها طعمة...

[حنون الحلو]

أنا بشارك زنزون الرأي بأن الدنيا مو حلوة بلا
ألوان.
بس بالنسبة ألي أهم الشي ما يختفي
اللون الأزرق من الدنيا لأن مافي أحلا من
لون السما والبحر...
تحياتي.

[الحلوة]

ولي لك شو يختفو الألوان بلا ألوان مافي حياة

كيف بدنا نشوف الوردة الحمرا حمرا وكيف بدنا نشوف البحر الأزرق أزرق ما بيصير لو اختفو الألوان بجن لأني أنا بتنغم بألوان الأشياء

وخصوصي الألوان الهادية والفاتحة

متل الزهر بالمرتبة الأولى والموف أو البنفسجي الفاتح والسماوي والأبيض

والأسود مهم كتير

بس قولتكم لو اختفى ما بنرتاح من يللي قلبون أسود

[tiger4u]

بالنسبة لي فأنا أعشق اللون الأزرق لأنه مريح نفسياً
فإذا كنت تعباناً وهموم الدنيا تضغط عليك .. مالك إلا أن تجرب النظر إلى السماء أو إلى البحر وسترتااااااااح جداً .

[Sweet_Nany]

السلام عليكم ورحمة الله وبركاته..

سموحة الغالية..

بالنسبة الي..

اللون اللي بعطيه هيبة كبيرة الأسود..

واللون اللي بلون هاد السواد بحياتي هو الزهر..

بحس الزهر لون طفولة وبراءة البنوتات..

وبحب اللون الأبيض بحسو لون ملائكي ما بعرف ليش..

وللرسم بحب استخدم اللون الأزرق والرمادي ما بعرف ليش بحسو رائع..

وتحياتي..

اختكم

سويتووو

[QuEeNa]

تختفي الألوان ..

من وين أجتك هالفكرة .. sh:scared

بالنسبة لالي ما رح أتحمل انو اللون الاحمر يختفي ..

منشان الناس يضل عندها قلوب .. sh:tounge

و اللون الاحمر بحياتي بيعطيني كل الدفا .. و بدونو رح اشعر ببرد قارص

كمان بجنبو بحب اللون البنفسجي ..

لون رومنسي .. و بيعطي نعومة كبيرة ..

الأسود لون راقي كتير .. بس كتحديد للأشياء ..




سمااااااااااح أوعي هه تعمليها و تخفيلنا الألوان .. sh:ohmy sh:ohmy


بتعمليها sh:eye

[sama7]

السلام عليكم جميعا"

اخي العراب GODFATHER الموضوع شو بتعنيلك الالوان ... ولو اختفت كل الالوان متل ما بيشو اخفالنا الصور :D اي لون بتحب يرجع ... وهاد الشق انت جاوبت عنو
امتزاج الاخضر مع الاسود حلو فعلا ... تحياتي

اخي حنون الحلو انا كمان بشارك زنزون الرأي بان الدنيا ما الها طعمة بلا الوان ...
الازرق من الالوان اللي ما بحبها بالدنيا رح قلكم ليش بالاخر :D
بس ما بقدر بنكر انو لون السما والبحر هادي كتير

اختي الحلوة اكيد كل لون لازم يبان مشان نشوفه ونشوف الحمرا حمرا والزرقا زرقا والحلوة حلوة sh:eye ... رايك لو يروح اللون الاسود بتصير قلوب الناس بيضا ؟!! بتمنى يزول اللون الاسود من قلوب الناس بس مشان ما يزعل عامر

اخي تايجر مع اني ما بحب اللون الازرق بس بدون مجاملة مشاركاتك الزرقاء تشدني وتلفت انتباهي جدا" ... فعلا لون السما والبحر كتير هادي وبيريح ... يمكن مع اللون كمان شعور السعة والافق البعيد فيهم بيريح ... تحياتي

اختي الحبيبة Sweet_Nany من زمان بقول عنك ام الزوء ومو غريب يكون امتزاج الالون في حياتك كله زوء ونضارة ... فعلا اللون الزهر كتير ناعم خصوصا في مشاركاتك sh:hi

مين هون QuEeNa ... حولتيني من اللون الكاتبة فيه ... يعني خفيتي الالوان لحالك بدون ما تستني مني اشارة ... sh:ohmy
سؤالك محرج رح الك من وين اجت الفكرة .... وفعلا اجت من افلام زمان ... الفكرة مو بعيد تخيلها ببساطة لاننا شفنا افلام الابيض / اسود يعني فينا نتخيل صورة بلا الوان .. بس لو كانت حياتنا هيك ... كيف رح بنحس ... عرفتي من وين اجت اللفكرة sh:happy
الله يخليلنا الاحمر والاسود والابيض وكل الوان الدنيا ...

رح قلكم ليش بكره اللون الازرق والكحلي وكل شي الو علاقة بالازرق ... بمدرستي الابتدائية كان المريول المدرسي لونه ازرق مقلم مع ابيض ... ولمدة ست سنوات دراسة الابتدائية كان لازم نلبس بنطلون جينز ازرق تحت المريول والمريول نفسه ازرق والجاكيت او الجارزة كحلي حتى اسود ممنوع ... وبما اني كنت صغيرة وما بقرر لبسي لحالي كل ما بدي اشتري بنطلون او بلوزة جديدة كانت ماما تشتريلي ياهم ازرق قال شو مشان اقدر البسهم عالمدرسة ... كنت مشتهية بلبسي احمر او اصفر او اي شي بس مش ازرق ... وكبرت وكبرت معي العقدة ... وهلا لو ببقى بنفس اللبس طول عمري ما بفكر اشتري شي ازرق ولو انقطعت كل الوان الدنيا من السوق ... sh:angry

تحياتي للجميع ....

[juventus]

بما أني عاشق لفريق اليوفنتوس.........
فأنا أيضا" عاشق لألوانه كلها...............يعني الأبيض والأسود ( البيانكونيري)
وبحب اللون الأزرق والأخضر وما بتخيل أي شي بالدنيا بدون هالونين....................
وبصراحة بكره اللون الرمادي ما بعرف مدري كيف بحسوا.........؟؟؟؟؟؟؟ sh:tounge

[Ghiath]

سلام

مرة قرأت في كتاب خاص بالألوان أنه لا يمكن تكوين حضارة بدون مليونين لون
لا حدا يسالني ما بعرف شلون حسبوها

بالنسبة للألون أحب البنفسجي - الأزرق - الأخضر

[nisreen a]

لغه الالوان رائعه والاروع ماتثيره في قلوبنا الالوان

بالنسبه لي يتقلب مزاجي حسب اللون

اجد نفسي في الاسود ودائما باكل خناقه لان بلبسوا كتير بس بحبوا كتير واحب الرمادي ايضا

وبحب شوف الابيض والازرق الغامق

يعني هيك وتحياتي لك سماح ياقمر ولالوانك

[sama7]

اخي juventus الابيض والاسود متناقضات واجتماعهم حلو متل ما قال القاضي في ( مسرحية شاهد مشفش حاجة ) يا ابيض يا اسود مفيش لون رمادي ... تحياتي لفريق اليوفنتس

اخي ghith كيف يعني مليونين لون ؟؟ من وين بيجيبو مليونين لون .... يمكن مو اصدهم الالوان كالوان .... بيجوز اصدهم تنوع المواضيع والطرق

حبيبة البي nisreen a امتزاج الابيض مع الازرق يذكرني بالبحارة ولباسهم الموحد
فعلا الالوان تؤثر في نفسياتنا .. اذا فرحانين او مزعوجين
بتهيالي المزعوج ما بيلاقي ولا لون حلو sh:questio

تحياتي ...