المساعد الشخصي الرقمي

عرض الإصدار الكامل : s... الخجل من لبس النظارة الطبية ...s

sama7
12-12-2003, 19:36
http://www.kidseyes.com/images/new1.jpg http://www.kidseyes.com/images/new2.jpg http://www.kidseyes.com/images/new3.jpg [IMG]

مشكلة ضعف النظر بيعانو منها كتير شباب وصبايا ... كبار وصغار ... وحتى اطفال كمان
في بعض منهم بلبسو العدسات اللاصقة مشان يتجنبو لبس النظارة الطبية .... وبعضهم بخجلو من فكرة ان يلبسو النظارة بشكل عادي في الحياة اليومية بالمدرسة والجامعة والشغل

الي رفيقة كانت تلبس عدسات لاصقة وعملتلها مشاكل بعيونها والتهابات ... وصار لازم تتركها وتلبس النظارة حسب راي دكتور العيون ... بقيت فترة تعاني من الفكرة ... وخجلانة من لبسها فترة ... وهلا عم تتقبل الفكرة شوي شوي ...

اكيد في اعضاء بلبسو نظارة طبية او الهم اصحاب واخوان بلبسوها ... في منهم سمعو عن اصحاب عانو من نفس المشكلة ولا كانت عادية

انا عن نفسي ما بلبس نظارة ( الحمد لله ) :cool:
osama_brd
12-12-2003, 20:03
اذكر أول يوم لبست نظارة شعرت أن كل الناس تنظر إلي وكنت أهرب من عيون الناس وكأنني أرتكبت أمر حرام أو عيب ...
ولكن بعد 5 سنوات صار الأمر عادي وصرت إن لم أكن أرتدي النظارة فأشعر أنني غريب

أسامة
myimad
12-12-2003, 20:45
أنا ما عندي ضعف نظر ولكني لبست نظارة منشان الإكسسوار
juventus
12-12-2003, 20:48
ليش خجل.........؟؟؟؟؟؟؟؟؟؟؟؟؟؟؟؟؟؟؟؟؟؟؟ sh:ohmy
شو عاملين يلي بيحطوا نظارات......؟؟؟؟؟؟؟؟؟؟ مثلا" أنا معي نقص ربع درجة يمين ونصف يسار
وما بحط النظاراة ألا عند العمل على الكمبيوتر وعند مشاهدة التلفاز والدراسة.........
يعني ما بحطها ألا للضرورة...وعلى فكرة كل مين شافني فيها قال لي...أنك بالنظارة أحلى
..........بس ما بحطها على طول من شان ما اتعود عليها.......... sh:tounge
zanzoon
12-12-2003, 21:30
الخجل من لبس النظارة شعور طبيعي في البداية بس ما يستمر....فالنظارة تعتبر إضافة غريبة غير محببة للوجه....وبعتقد أنو الوجه بيبقى أجمل بلا نظارة...
أنا بستعمل نظاراتي الطبية بالبيت....وعدسات لاصقة خارج البيت....بس ممكن إذا كنت مستعجلة أو إذا كان مشواري قصير إني ضل بالنظارة....ما في مشكلة...

بتذكر أول ما حطيت نظارات كنت مستحية كتير....ومعلقتهم برقبتي دون ما حطهم....فإجت أنسة الصف وحطتلي ياهم... :p


.،.،.،.،.
المشرق
12-12-2003, 21:51
أنا شخصيا ما بلاقيها عيب وبحب الي بحطوا نضارات
قمر
13-12-2003, 01:58
انا بحط نظارات والحمد لله ,
اي والله الف الحمد لله , بشكر ربي اللي خلقني بشوف , في حين غيري مابيعرف هالنعمة , وبحمده كمان على انه هالمشكلة مو كبيرة والحل موجود وفي نظارات , وبشكره اكتر واكتر لما بلاقي انه العدسات اللاصقة قضت على المشكلة نهائيا ..

من جهتي ماعندي اي حساسية تجاه هالموضوع , بالعكس عادي جدا , انا بستعمل العدسات اللاصقة خارج البيت دائما , وصديقاتي واغلب معارفي مابيعرفوني بالنظارات .. مو لاني بستحي منن ابدا , لكن لانه النظارات بياخدو على الوجه ..
حتى بتذكر منيح اول ماشعرت بقصر في النظر والدكتور قال لي البس نظارات ماعطيت فرحتي لحدا :) , لاني كنت ولا زلت بحب النظارات , ومعجبة كتير بهالاختراع , وبستغل هالمناسبة لحتى اشكر اللي اكتشفهن وبهديه الاغنية القادمة :p

خدوا الدنيا ببساطة , وهي فعلا مو مشكلة قدام المصايب اللي بنسمع فيها

والله ظريف موضوعك ياسماح وجديد , شكرا لك
almoon
13-12-2003, 02:07
انا من جهتي حطيت نظارة و عدسات و ما خليت شي يعتب علي بس بعدين عملت عملية الليزيك و الله يمكن احسن شغلة ساويتها بحياتي و بنصح كل و احد بحط نظارة يعملها بس بكفي لما الواحد بفيق الصبح ما بدور على نظارته و الله شعور ثاني
juventus
13-12-2003, 09:55
.........على فكرة أنا مرة جربت العدسات الاصقة وحسيتها كتير غليظة وما ستحملتها أكتر من عشر دقائق... sh:tounge
أخي الكريم almoon أنا كنت راح أعمل متلك عملية الليزيك بس وقت ما رحت لعند الطبيب بلش يضحك علي قال لي أنو ما في داعي لأنه لا يوجد نقص كبير بالدرجات في عيوني........
وقال لي أن هكذا نوع من العمليات للأشخاص الذين يحملون نقص كبير بالدرجات وبحاجة الى نظارات ضخمة ووووووو sh:ohmy
nisreen a
13-12-2003, 11:55
ياسماااااااااااح لك يسلمون عالموضوع ;)

انا كمان مابلبس نظاره بس

جد احيانا بتمنى انو البس نظاره لان بحس حالي ببين عاقله وهيك

يعني بتمنى انو مايكون عندي ضعف بس هيك البسها

بس يالله بلاها احسن

sh:eye تحياتي للي بيحطوووووووووا والي مابيحطووووووووا
tiger4u
13-12-2003, 12:43
سأحكي لكم قصتي مع النظارة وأعتقد أنكم ستستغربون منها

كانت عندي في الماضي رغبة قوية بلبس النظارة لا أعرف لماذا ( ربما لأسباب نفسية كامنة ) ..
وكنت كلما ذهبت إلى طبيب العيون عندما أعاني من تعب في عيوني أقول في نفسي ادعي يا ولد يكتبلك نظارة ..
يأخذ الطبيب بالنظر والحملقة إلى عيوني ثم يضع اللوحة المشهورة المكتوب عليها حرف E المشقلب بعدة إتجاهات ثم يفحصني بجهاز لا أعرف اسمه .. والخلاصة يقول لي : نظرك عشرة على عشرة ولا تحتاج سوى إلى دواء لحساسية العيون .
أنا : يعني ما يلزمني نظارة دكتور ؟
الدكتور : أبداً أبداً .. نظرك تمام .. عشرة على عشرة ..
أنا : تأكد مليح دكتور الله يرضى عليك .. يمكن ضاعت منك شي درجة هون ولا هون
الدكتور : شو استاذ .. بدك تعلمني شغلي ؟
أنا : استغفر الله .. ما قصدي .. يالله على كل حال شوبدنا نساوي .. كله نصيب

وهكذا اخرج من العيادة حزين مكسور الخاطر

ولكن ومنذ حوالي السنتين أخذ عملي يتطلب مني أن أجلس حوالي 8 ساعات يومياً على الكمبيوتر .. هذا عدا عن ساعات الجلوس أمام التلفاز .. وأخيراً وبعد استشارتي للطبيب قال لي أن نظارة مضادة للأشعة يمكن أن تريحني وتريح الحساسية التي دوختني وهكذا فصلت نظارة ( على كيف كيفكن ) .. أرتديها عندما أجلس أمام الكمبيوتر او التلفاز .

وتحقق الحلم أخيراً

قصة غريبة .. ماهيك ؟؟؟
Eng.Mohammad
13-12-2003, 13:12
هو ما موضوع خوف بقدر ما هو موضوع عادة
يعني انا رحت على دكتور لعيون لانو عيني كانت عم توجعني و كنت ماني حابب يوصفلي نظارة لانو صراحة موضوع إني حط جسم غريب على وجهي ايرافقني ويين مارحت موضوع صعب اكتير بس بالعادة و مع مرور الوقت بتروح,بس الحمد لله طلعت حساسية ما اكتر و نفدنا :D
بس عندي رفيقي بيلبس نضارات للتغير يعني مافي لا ضعف ولا شي

يعني من الآخر: ولله في خلقه شؤون




sh:hi


محمد
الألم
13-12-2003, 16:01
انا بالنسبة الي مابخجل من هيك امر و عندي كمان مشكلة بعيوني بس شو المشكلة

انا مابعرف و بصراحة السبب هو الاهمال بس مو اكتر من هيك اما بالنسبة للخجل لاء انا بعيد

عن هيك وضوع .

اخوكم

الالم
GODFATHER
13-12-2003, 16:47
انا لبست النظارة لمدة اسبوع وبعدين ضاعت النظارة مني

ومن سنة ونص لحد الان ما عاد لبست النظاره .. لانها بصراحة ما عجبتني sh:happy
sama7
13-12-2003, 19:44
منيح كتير انو عرفنا تجارب الاعضاء مع النظارة الطبية ...
بعض قصص مهضومة ومنها تشابه في المشاعر كمان ...

اخي اسامة شعورك عادي لان انت بتكون حاسس شي متغير فيك ... انا شفتك بالنظارة كنت عادي .... هلا لو تشيلها ما بعرفك يمكن sh:questio

اخي عماد\بو احمد ممكن تكون اكسسوار بعرف صديقة الي بتلبسها normal glass مو لضعف ولا شي

اخي juventus مش عاملين شي اللي بحطو نظارة بس ببقى تغير وبدو شوية تأقلم
اكيد احلى مع نظارة او من دون sh:eye

زنزون عجبني تصرف الانسة تبعك ... كمربية بتعرف الشعور يمكن عند الطلاب لما يلبسو النظارة الطبية وانو ممكن حدا يتردد في لبسها

اخي المشرق اكيد عادي وفعلا بعض احيان بيكونو احلى

اختي قمر الشام

لاني كنت ولا زلت بحب النظارات , ومعجبة كتير بهالاختراع , وبستغل هالمناسبة لحتى اشكر اللي اكتشفهن وبهديه الاغنية القادمة وسكرو ودنيكم منيح لاني انا اللي رح غني :D ... طبيب عيون افهم بالعين .... لا لا رح نحكي جد
اسعدني جدا شعورك اختي ورضائك ببساطة بما هو مقسوم ... فعلا في شغلات الواحد بيشوفها بتهون ادامها مشكلة ضعف النظر ... تحياتي

اخي almoon ذكرتني باخي لما بحكي معو بلبس النظارة بعدين بيخليني عيد كل اللي قلته قال بالنظارة بسمع اوضح sh:ohmy ... ادعو الله ان يحفظ لك نعمة النظر ولنا جميعا

اخي juventus انا بعرف ناس عملت العملية لانهم ما بحبو يلبسو النظارة وما تحملو العدسات متلك ... حسوها غليظة فقررو يعملو العملية ... يمكن دكتورك حب يشجعك مشان تلبس النظارة ... بس مو شرط يكون العامل عملية لابس نظارة ضخمة ابل sh:eye

حبيبتي nisreen a انتي عاقلة اكيد بالنظارة ومن غيرها .... بتمنى يبقى نظرك 6/6 ديما"

اخي البشمهندس tiger4u اصلا مين قال انو بقدر بتخيلك من غير نظارة sh:scared يمكن مشان الصورة اللي تحت معرفك ... قصة طريفة جدا" تجربتك الطويلة مع النظارات الطبية وتشوقك للبسها ... ما بدي انفضح بس طول عمري بجرب نظارات اخواتي وبفكر يا ربي ليش ما لبست نظارة ... وخلصت هندسة خمس سنوات وشغل تلت سنوات امام الكمبيوتر بس الحمد لله ما احتجت للنظارات الطبية ولهلا بحس نظري قوي :cool: منيح انو تحقق حلمك ... ملاحظة اخي : النظر بيكون 6/6 مو 10/10

اخي العزيز Eng.Mohammad فعلا لله في خلقه شؤون ... وفكرة لبس النظارة متل ما الت جسم غريب يرافقك وين ما رحت ومو بس هيك كمان بيتدخل بتغيير شكلك الخارجي يعني الفكرة شوي بتولد شعور تردد وبعدين بمشي الحال

اخي طارق بزعل منك هيك ... شو اهمال وما اهمال ... الصحة ما فيها لعب ... بتحمل حالك وبتروح عالدكتور وبتفصل نظارة وبتبعتلنا صورتك بالنظارة ... انت قلت ما في مشكلة وقعت لحالك :D ... الف سلامة ابو شريك sh:eye

اخي العراب النظارة ضاعت بعد اسبوعين ولهلا بتدور عليها ... يمكن ما اهتميت تلاقيها لانها ما عجبتك ... بس اذا لازمة وحدة جديدة دير بالك على عيونك هه

تحياتي للجميع ... للي بحو واللي ما بحطو ( ملطوشة من نسرين)
بتمنى للجميع استقبال غير مشوش ووضوح في الصورة