أرجوا ان تساعدوني

[souriana]

لو سمحوتي لا تحكموا علي من أول مرة
أنا مشكلتي أنو عاقلة و بصدق كل شي بينقلي (قلبي طيب زيادة على اللزوم) و هذا الشي خلى رفقاتي يحسبوني اني جدبة مشكلتي انو دخلت الجامعة و في هالجامعة تعرضت لكتير مشاكل و هي متل الادمان على الشات و انا من النوع يلي بصدق اي كلام حلو بينقلوا كنت ادخل على الشات و اتعرف على شباب و كوني كنت فاضية اشغال طالبة مستجدة تعلقت بالشباب يلي كنت احكي معن وبعدين مرت سنة و انخطبت و خطيبي كتيير انسان دين و مثقف و حباب بس مشكلتي أنو انا ما بعرف شو بدي مرت السنين و تعلقت بشخص من الانترنت و كتيرحبيته وهو انسان كتير ديين وحباب بينصحني دائما انو أدير بالي على حالي و كنا نتقاتل دائما لأنو عرف هو أنو انا مخطوبة وعم بحكي معو فكان يقلي ما بصير هيك حرام و الله ما بعرف شو بدي اعمل هالانسان كتييرحبيته و تعلقت فيه ما بعرف شو بدي أعمل رفقاتي كتيير نصحوني بس أنا ما عم رد عليهم شو أعمل ما بعرف؟ كيف بدي انساه


ارجوا انكم تنصحوني و تساعدوني

[رونــــي]

عزيزتي souriana انت فتاة مسلمة و عاقلة كما قلت و طيبة القلب ..ز ان كلامك مع الشاب الاخر هو خطا و ذلك لانك تخونين خطيبك و هذا حرام .. ان كنت حقا لا تحبين خطيبك ... و لا تستطيعين ان تكملي الدرب معه .. صارحيه و افسخي ما بينكما ... فصدقيني ستكون صدمة الفسخ اهون عليه من صدمة الخيانة ... و لكن عذا الشاب من على النترنت ... هل يا ترى هو الشاب الذي تريدين ... هل هو سيخطبك و يؤمن لك الاستقرار اذا فسخت انت و خطيبك .... هل يا ترى انت على استعداد ان تخسري كليهما للابد .... مساعدتي لك تنحصر بان اقول لك فكري فكري .. و فكري جيدا ... فربما كان ما تمرين به امتحان من الحياة ... و ان لقنتك الحياة درسا ... فصدقيني سيكون مؤلما هذا الدرس ... استهدي بالله و لا تدمري حياتك من اجل ايا كان حتى الحب فصدقيني ... سينسى .....

اختك ....
رونــــي..*

[Eng.Mohammad]

هذه نصيحتي و عن تجربة فمعرفة النت هي معرفة مؤقتة و قد تتفاجئين بمور الوقت أن ما بنيتي عليه معرفتك بذلك الشب باطل.
إن كنتي لا تحبين خطيبك فيجب أن تفسخي الخطبة و ان تحترمي هذا الرجل الذي أحبك و وثق بك لكن نصيحتي لكي أن تبتعدي عن شاب النت هذا لأن معرفة النت معرفة سطحية بمرور الوقت تتلاشة كما تتلاشه الغيوم في يوم صيفي مشمس.

تحياتي

محمد

[sama7]

اختي الحبيبة ...

عالم النت بيعيشك بحياة خيالية .. غير ملموسة
لما تفكري بالشخص اللي بالنت عم تفكري بصفاته الحلوة وبعالم حلو سهل ما في مشاكل ولا سلبيات .. انا بنصحك تستخيري وشوفي كيف ربنا رح يوضحلك الامور .... وتعرفي انو عالم النت عالم مثالي لانو بعيد ... مو واقع ملموس
بيجوز لو تشوفي الشخص اللي عم تحكيه بالنت لمرة واحدة تحسي اديش بعتي خطيبك برخيص

بتمنى تفكري منيح بالموضوع .... وتستخيري اهم شي

بالتوفيق sh:hi

[Eng.Mohammad]

ذكرتيني أختي سماح بموضوع الاستخارة
هناك فتاة أعرفها كانت تحب شب فاستخارت فوجدت معنى الاستخارة جميل و مع مرور الوقت أكتشفت أنها لم تعد تحبه فاستخارت مرة أخرى علها ترى كابوسا ليرضيها فكان هذا فتركته.
أعلم لا علاقة لكلامي بالموضوع لكنها طرفة واقعية حصلت مع صديق لي
لله في خلقه شؤون.


تحياتي

محمد

[sama7]

اخي الغالي محمد ...
انا مجربة الاستخارة كتير .. وما بترتبط بالعادة بحلم معين ولا بشعور غير
ربنا بيوضح الامور وبتصير لحالها للطريق الصح
بتلاقي الاحداث تسير بطريق لا يمكن ان تندم عليه
والدليل ما حصل مع الفتاة الي عم تحكي عنها sh:eye
بغض النظر عن الاحلام

تحياتي sh:hi

[رونــــي]

ما بقللك غير فكري منيح و متل ما قالت سماح ........ لا تكوني عم تبيعي الغالي بالرخيص لانو ادا بعتي .. ما في شي بالعالم بيقدر يرجعو ...... و ما بقول غير انو تطلبي من الله العون بهي المشكلة ..... و سلامي ... وان شا الله تلاقي حل قريبا ....
رونــــي..*

[Eng.Mohammad]

أعلم تماما أختي سماح أن الأحلام لا علاقة لها بالاستخارة لكن جرت العادة على القول إن كان المنام مريح فالاستخاره معناها جيد و لكن أختي الغالية ما قصدته أنها جعلت الاستخارة على هواها.

لكي مني تحياتي

محمد