المساعد الشخصي الرقمي

عرض الإصدار الكامل : عام 2003 كيف كان معك وشو امنيتك لســـــ2004ـــــنة ؟؟؟؟؟؟؟؟؟؟

اللاذقية
28-12-2003, 10:44
أخواني الاعزاء ئربت نهاية السنة وبدنا نبدا بسنة جديدة طبعاً هيدي السنة كانت ضيف علينا ويمكن كانت ضيف ثئيل على البعض ويمكن كانت ضيف مرح وسعيد على البعض الأخر
وانا كنت من المغضوب عليهم هيدي السنة يعني ئطعت معي كل يوم مشكلة وكل يوم اصعب من يوم لهيك بتمنى من ربي تكون هيدي سنة 2004 خير على كل الناس وخير على اهلي وعلي
وبتمنى بسنة 2004 كل الناس تحئئ امنياتها وانا بتمنى أنو كل انسان اذاني يندم ويحاول يغيير روحو ويخليها كلها صفاء ونقاء
وانا بتمنى من الكل يدخل ويكتب كيف مرئت معو سنة 2003 وشو بتتمنى بسنة 2004
DAN DON
28-12-2003, 10:59
والله يا اختي الاذقية شكراً على الموضوع

متل ما قلتي السنة الماضية مرت بمرارتها و حلاوتها وبقي منها شوية تعب و شوية ذكريات

بالنسبة لي السنة 2003 حملت بعض النجاحات و شوية مواقف سعيدة وكتير غم وتعب باااااااااااال

يمكن مافني هلق الا انو اتذكر الايام الحلوة يلي مرت و الهم يكتم الفرحة يلي بتحملها الذكريات الحلوة

لانو الحزن اكبر واكتر تأثير من الفرح يلي بيهروب يوم بعد يوم

وشكراً مرة تانية لانك خليتي ذاكرتي ترجع كتير لورا وتتذكر كتير شغلات حلوة راحت عن بالي

والسنة القادمة بتمنى تكون احسن ولو بنتفة صغيرة لانو مالي طماع.


التوقيع : مهموم قصدي دن دون
tiger4u
28-12-2003, 14:37
شكراً لك أختي اللاذقيو على هالموضوع الحلو ..

للأسف كان عام 2003 مريراً على العرب وخاصاً لنا نحن السوريون فقد أصبحنا بين فكي كماشة .. الأمريكان على يمينا والعدو الصهيوني على يسارنا ..

خلينا برا السياسة شوي .. بالنسبة للصعيد الشخص فالكثير من الأحلام والمشاريع تأجلت إلى العام القادم والذي أتمنى أن يكون عام خير للجميع

المحب لكم
tiger4u
SooS
28-12-2003, 14:52
كل سنة لها حلوها ومرها ..
ربيعها وشتائها ..
لكل سنة يوم بهجة خاص ..
ويوم دمعة لا ينسى..
نحن من نجعل من أيام السنة قصة تروى ..
وذكرى مدى الحياة ..
تحياتي أختي اللاذقية .. وكل عام وانت بخير
ghiathmo
28-12-2003, 16:21
تحياتي

سنة جديدة عم تمر علينا...نحن اليوم أكبر سنة ومن أعمارنا نقصت سنة....شو اللي حققناه يا ترى؟؟؟

بتصور أنا لو كنت بقدر أختار لاخترت حذف العام 2003 من حياتي ....يعني اللي شفناه كعرب من الذل في هالعام كان بقدر قرن....راحت العراق....كل يوم استشهاد عدد من أخوتنا الفلسطينيين.....خلافات بين العرب...وما خفي كان أعظم

ونيال اللي لسه ما ولد ........ع الأقل لما يكبر رح يقول أنا جيت بعد ما احتلوا العراق...ما كنت كبير وممكن دافع عن أرضي....

على الصعيد الشخصي...كمان كانت سنة مش ولا بد....بتمنى الأيام اللي جاية تكون أحسن من اللي راحت.. ويارب يكون عندي من النشاط ما أقدر حقق فيه بعض أحلامي .......يمكن اللي بخليني شوي متفائل أني لسه عندي أمل

شكرا لاذقية ع الموضوع
sama7
28-12-2003, 18:57
السلام عليكم ....

موضوع حساس لاني ما حبيت عام 2003 ابدا ... sh:angry

لو بايدي بمحيه ... وبفشق لعام 2004 مباشرة
صارت ماسي بهادي السنة ...

حصار مخيم جنين ...
الاغلاق ومنع التجول في مدن الضفة ..
القصف والاغتيال في غزة ....
وكملت بسقوط العراق ...

:(
الألم
28-12-2003, 21:43
والله اخت لاذقية بانسبة الي اعوام عم تمر مافي فرق بينها ابدا .

بتمنا بالعام الجديد 2004 (بصراحة مالي عرفان شو اتمنى بس ربي يسعد الجميع )

اخوكم

الالم
SeRpEnT
28-12-2003, 22:27
تمضي الأيام وتمضي الشهور وتمضي السنين والعمر يمضي........

فعلا سنة مليئة بالأحداث المزعجة التى نتمنى الا تعود الينا

أتمنى أن تكون سنة 2004 سنة خير وبركة علينا وعليكم باذن الله

وأهم شيئ باذن الله تعالى من الأوائل في امتحان الشهادة الثانوية


رشيدو sh:hi
shababdaim
28-12-2003, 22:31
اولأ بتمني اختي اللاذقية انك تكوني قضيتي اوقات سعيدة بمناسبة العيد ;)

علي الصعيد العربي والاسلامي فعدد النكبات ولا حرج ..... sh:scared وانا انصح من ياتي بعدي ان لا يتحدث عنها sh:tounge

اما علي الصعيد الشخصي فلا اهتم كثيرا بدخول عام او خروج اخر .....وبصراحه اكثر احس بشي من الحزن عند قرب نهاية كل سنة .........لأن عاما كاملا من عمرنا قد مضي ...ولا اعرف اذا قبلت فيه اعمالنا ......ام انها ذهبت هباً منثوراً ......... :(

علي كل بتمني الخير للجميع كل يوم وكل سنة

تحياتي

شباب دائم ;)
nizar
28-12-2003, 22:35
مرحبا

ككل نهاية عام .. كل عام و أنتم بخير !!

بإختصار شديد العام الذي يمر أسوأ من سابقه ، و للأسف حصيلة الأحداث المأساوية ثقيلة جدا على العرب و المسلمين في كل مكان ..

بالطبع لست بصدد ذكر الأسباب و المتسبب أو المتسببين لأنه أمر سخيف للغاية و نحن نشعر بالضياع في مساحة لا تتعدى الربع متر !!

أدعوا الله عزوجل الرفق في أمة حبيبه صلى الله عليه و سلم ، و لنا -بكل تأكيد- في العام القادم موعد القدر .


أخوكم نزار
جيسيكا
28-12-2003, 22:52
بونسوار
صراحة انا بعتبر هى السنه ابشع سنه مرئت بحياتي بس يلا الحمدالله على كل حال.
اما بالنسبه لامنياتى فبتمنى ان السلام يعم العالم كلو وبتمنى انى انجح هى السنه 2004 بالبكالوريا وازا ئعدت الك شو بتمنى اى ما بخلص لبعد سنتين على العموم موضوعك حلو يا مزهرية.وشكرا
osama_brd
28-12-2003, 23:07
عام 2003 هو ككل الأعوام سوى أننا كنا ندعو في صلاتنا لله سبحانه وتعالى لأن تتحرر بلد ومناطق معينة واليوم صرنا ندعو الله أن تتحرر بلد أخرى أضافية ... أتمنى أن لا يكون الحبل على الجرار ...

على الصعيد الشخصي أتمنى أن تكون سنة جدية تتغير بها حياتي للأفضل وهذا ما اتمناه ...
أمنياتي للعام 2004 أن تعود بلادنا المحتلة كلها لنا وأن يحقق الله سبحانه وتعالى حلمي بالصلاة في المسجد الأقصى وأن تكون سنة خير وسلام للكل وأن ينصرنا الله تعالى بنصر من عنده ...
كما أتمنى أن تتحقق كل أحلامي وأحلام الجميع

أسامة
QuEeNa
29-12-2003, 09:21
مرحبا ..

يا الله شو ضحكت لما شفت الردود .. كنت مفكرة بس أنا يلي حسيت سنة 2003 سنة نكد .. :D

يمكن بتأثير كبير من الوضع العام و السياسي .. و بتأثير كمان من الوضع الشخصي ..

بصراحة ..بصعوبة عم بذكر مواقف حلوة مرت عليي بعام 2003 .. او بالأحرى ما عم بذكر..

أكيد الحمد لله على كل شي ..

أمنياتي لعام 2004 .. بتلاقوها بأغنية لمحمد فؤاد .. اسمها " يا رب "

والحلم الكبير بالتحرير ما بعتبرو أمنية لعام 2004 .. لأنو حلم كل العمر ..


sh:hi
rasha_s
29-12-2003, 10:14
مرحبا
كل عام وانت بخير جميعا
سنة 2003 مرت بحلوها وبمرها بسعادتها وبحزنها
يمكن حصل معي مواقف سيئة بتمنى كنت ما تصير بس بالمقابل حصل معي مواقف حلوة ويمكن هي المواقف كنت بتمناها والله حققلي امنيتي ومن خلالها تغير مجرى حياتي كلو
بس نهايتها ما كان سعيد ابدا
بتمنى من كل قلبي انو عام 2004 يكون كلو سعيد وما اشعر بانو في يوم مر حزين او كئيب
وبتمنى يكون سعادة وحب وامل وصحة عالجميع يارب

تحياتي
اللاذقية
29-12-2003, 12:55
تحياتي للجميع أنا شفت كل الردود
و مستغربة كتير انو نحن الشباب عنا هيك مأسي يعني ولا واحد منا مرتاح
فعلاً الأمر غريب

بتمنى إلكون اخواني من كل ئلبي تكون سنة 2004 خير وانتصارات
وتحئئ فيها كل انامنينا بس ئولو يا رب

أختكم المحبة
اللاذقية
juventus
10-02-2004, 13:01
....... يا لطيف شو أني غليظ...........يعني بعد مضي شهر ونص على بداية السنة الجديدة حتى شاركت بهالموضوع بس .......على فكرة انا ما شفتوا لهلء.....وقتها كان عندي أمتحانات بالجامعة وكنت مشغول وحتى ليلة راس السنة أضيتها بين الكتب والمحاضرات.........
بالنسبة للعام الماضي......كان اميز عام بالنسبة ألي حققت فيه أحلام كتيرة كنت أحلم فيها وكان نقطة بداية لحياة جديدة....طبعا" هذا الأمر لا يخلو من بعض اللحظات الصعبة والمشاكل التي مررت فيها.......................
ولكن هي حال الدنيا......................
بس أجمل شي كان في نهاية العام وهو تعرفي على انسانة جدا" جدا" جدا" جدأ" رائعة
وكان ختام هالسنة متل ما بيقولوا ختامها مسك........وان شاء الله تكون هالسنة الجاية أفضل من الرايحة علي وعليكم..........................