*بقايا الأمل أنقطع نهائيآ *(محتاجه لمساعدتكم)

[عاشقة كاظم]

مرحبا

ماني عارفه شو اكتب
اعذروني لو كتبت كلام مو مفهوم
مشكلتي اني متخرجه من البكلوريا صار لي سنه ولهلأ ما نقبلت بالجامعه
وأخر أمل بالنسبه الي هي السنه قبولي بأحد المعاهد أول أمس النتائج طلعت وما لقيت اسمي ما بين المقبولات للأسف
كمان كان فيه تسجيل بكليه أسمها خدمة المجتمع بفلوس كان التسجيل فوري بس لكثرة عدد المتقدمات صار في مقابله وفحص طبي وإذا كنت مشيت بالمقابله ما راح أمشي
بالفحص الطبي نهائيآ
مشكلتي ما عاد عندي امل وما صرت متفأله مثل ماكنت قبل ما تطلع النتيجه وحاسه انو كل الأبواب
تسكرت بوشي والله بيعلم أني وعم أكتب هالموضوع وأنا قلبي بيتقطع من البكي هذا عدا ما اصابني من مرض (فقر دم) وضيق تنفس بسبب نقص الهيموجلوبين بدمي صايره مثل السمكه الي بتطلع من المي بتموت ما اطلع من البيت اهلي يطلعو وبضل لحالي يحاولو فيي أطلع ما بيقدرو
شو بدي أحكي حاسه حالي ضايعه
تعبانه كتير وماني عارفه شو اساوي
انصحوني خففو عني عينوني
توجهت الكون لأنو ما بحب أشكي همي لحدا من أهلي وعارفه أنكم راح توقفو معي بهالمحنه لأنكم
أخوه وأخوات لي
حاسه حالي راح أختنق


تقبلو تحيات أختكم الضائعه

[MSB4ever]

له يا اختي عاشقة كاظم هيى مو عجبتني منك

لقلك شغلة:
بيقولو اذا شاف مصيبة غيرو هانت عليه مصيبتو
انا صار لي سنتين متخرج من البكالوريا ولهلا مادرست لسببين
اولا: الفرع اللي بدي ادرسه نادر جدا
تانيا : الدراسة بمصاري وغالية كتير

هلا هادا الشي انا لا أحبطني ولاسوى معي فقر دم ولاشي بل تغلبت عليه وبديت اشتغل ، فمثلا انا كنت بدي ادرس هندسة الـ Multimedia والمونتاج التلفيزيوني وماشفت هالفرع بس ما وقفت واصبت باحباط وحطيت اني بدي ادخل هالمجال يعني بدي ادخلو وتعرفت على واحد بالتلفيزيون وبديت اشتغل بهالمجال وهالبرامج اللي بدهم كانو يعطوني ياها بالجامعة بذلت جهد ودرستها (موكلها) لحالي هي بغض النظر عن الجامعة

آسف للإطالة بس حسيت انو قصتي متشابهة لحد كبير مع قصتك

بعدين نسيتي انو عندك اصدقاء بالمنتدى بيحبوكي وبيعزوكي

ارجو ترجعي للمنتدى وانتي واثقة من نفسك اخت النا بهالعائلة الكبيرة المترابطة وبتمنى تحولي كل شي عيوب او عقبات لمزايا



مع السلامة

[nour111]

غاليتي اياك و الياس في طرق كتير المهم نحن نفكر و نشوف شو منحب و نصر على الحصول عليه
و الله و الله انو حاسة فيك لانو كانت هي مشكلتي بس يمكن بظرف شوي اصعب و كثيرا ما اتعب بس انا بدي ادرس تصميم كرافيك و ما رح اتنازل عن لي بدي ياه طوال ما الله معي و عم يعيني انا خلصت بكالوريا علمي من ثلاث سنين و الى الان و انا احاول الدخول الى الجامعة و ما عم اقدر صدقيني السنة و النصف التي اقضيتها هنا كل يوم بالجامعة عم حاول
سجل و ما عم اقدر مية عقبة بطريقي غير الغربة و صعوبتها
انا بس حابة قول لك ان الفرج سوف ياتي يوما دون ان ندري فقط علينا الايمان و العمل
توكلي على الله و بدأي فورا بالتفكير ماذا تحبين و كيف الطريق للوصل ليس المهم شهادة
تعلق على الحائط او انو المهم معي شهادة قدام الناس انسي الناس و انسي كل شيء
و فكري انت ماذا تريدين و مشوار الألف ميل يبدأ بخطوة و علمي دائما ان لك بيت ثاني
و اخوة في شبابلك مستعدين دائما لمساعدتك
يمكن انا عم قول هذا الحكي لنفسي قبل فالنساعد بعضنا على تتمة المشوار
يمكن ان اكون منحمسة لانني منذ فترة كنت اتمنى ان اسمع كلمة تساعدني من احد
وجدتها فعلا هنا في شبابلك
بقى الله يرضى عليك قومي غسلي وجهك و سمعينا اخبار حلوة
اختك نور

[DAN DON]

الاخت عاشقة كاظم

طولي بالك شوي مافي بالدنية مشكلة والها ميت حل فكري شوي بهدوء
المشكلة انو مابعرف نظام الدراسة في المملكة

بس روقي وحتلاقي الحل وتفائلي بالسنة الجديدة

يعني كل مشاكلك بالسنة الماضية

[الألم]

عاشقة كاظم :

عليكي انو ماتستسلمي لليأس بالبداية و تكوني بقدر الامكان أقوى من هي الأزمة يلي انتي فيها

بمعنى تاني هي الشغلات بتمرق على الكل يوم حلو و يوم مر و بهي الحالة في عدة احتمالات

ممكن ربك عم يختبر صبرك و امتحان من الله ( نقص من الأموال و الأنفس و الثمرات و بشر الصابرين)

بعدين ياعاشقة ليكي رح الك شغلة صدقيني الدنيا مارح توقف ابدا عندك او عند مشاكلك ابدا

و نصيحة مني الك ان حبيتي خدي فيها لانو مجربة انتي حاولي اقصى جهدك انو تعدلي الامور

مثلا عيدي البكالوريا او اختاري اي معهد بتلاقي فيه احتياجاتك او مابعرف فيدك بهي الناحية لانو

مابعرف شو اهدافك بس بكل الاحوال ياعاشقة ان تميتي هيك مارح تروح غير عليكي لوحدك

منشان هيك انتبهي لحالك و لصحتك و كوني قوية بقدر الايمان يلي بداخلك بالله .

اخوكم

الالم

[خالد270]

الأخت عاشقة كاظم .. أنا خالد من الرياض ..تحية طيبة أقدمها من أرض الرياض الغالية لك ولي جميع من يقراء مداخلتي .. طبعاً هاي أول مشاركة لي ويشرفني أنها بتكون مرتبطة بعمل إنساني نبيل .. عزيزتي لقد اطلعت على مشكلتك وهي فعلاً مشكلة طالما عانا منها الكثير من الشباب والشابات .. ولكن هناك الأمل أولاً بالله سبحانه وتعالى ثانياً بعبادة فقد قال عز من قال ( وسخرنا بعضكم لبعضٍ سخريا ) ..المهم إذا واقف قبولك على الفلوس (المصاري) يشرفني أن أقدم لك هذه الخدمة الخالصة لوجه الله لا أريد جزاءً ولا شكورا لا أريد ألا الدعاء فقط بريدي(MBK_555@HOTMAIL.COM ) h) أجدد التحية أنا خالد ودمتم سالمين.

[مهندنت]

أختي عاشقه هوني عليكي ...... فكلنا نمر بهذه الظروف

فهذه أقدار قد كتبها الله سبحانه وتعالى، وفيها حكمته التي لا يعلمها إلا هو ,, وقد يكون منها ما ذكره اخي الالم من انه قد يكون ابتلاء وامتحان من الله عز وجل ,,, والله عز وجل اذا أحب قوما ابتلاهم .

وإليك قاعدة تسيرين عليها في جميع ما يهمك من أمور حياتك، وذلك بقوله – صلى الله عليه وسلم –: "احرص على ما ينفعك واستعن بالله ولا تعجز، وإن أصابك شيئاً فقل: قدر الله وما شاء فعل" فهذا الحديث فيه توجيهات مهمة:

و كوني على يقين , بأن ما أصابك لم يكن ليخطأك ....... فكل شيء مكتوب علينا منذ أن كنا في بطون أمهاتنا .

كوني قوية الايما ن بلله عز وجل , وتوكلي عليه حق التوكل

يقول – صلى الله عليه وسلم –: "لو أنكم تتوكلون على الله حق توكله لرزقكم كما يرزق الطير تغدو خماصاً وتعود بطاناً".

( قُل لَّن يصيبنآ إلاّ ما كَتَبَ اللهُ لنا هُوَ مَولانا وعلى اللهِ فليتَوكَّل المؤمنونَ).

(وعسى أن تَكرَهُوا شيئاً وهوَ خيرٌ لَكُم وعسى أن تُحِبوا شيئاً وهُوَ شَرٌ لكُم) .

اذن أختي الكريمه فالتتوكلي على الله عز وجل قبل كل شيء .. و من ثم حاولي الأخذ بالاسباب التي قد تخفف عنك ما تجدينه من مشاكل .

أيضا حاولي الأخذ بالاذكار الوارده في هذه الظروف عسى الله أن ينفعك بها

مــــــــــــن هــــــــــــــــــنـــــــــــــــــــــا (http://www.werathah.com/islam/athkar.htm)

أيضا هنا مشاركه جميله عن ما قيل في الصبر (http://www.shabablek.com/vb/showthread.php?threadid=26316)

وفقنا الله واياكي الى كل خير .

[sama7]

السلام عليكم ...

اختي العزيزة عاشقة كاظم
الدنيا ما بتوقف عند جامعة ولا جامعتين ... بعرف ناس بيتوقفو عن الدراسة فترة وبعد الفصل الاول بيقدمو مشان يبلشو الفصل التاني ... او بيقدمو السنة اللاحقة ... ان تصل متاخرا افضل من ان لا تصل ابدا ...

ما تهكلي هم واكيد رح تقدري تلاقي التخصص اللي بتحبيه في كلية او معهد قريبا كان او بعيدا ... وبهالوقت اللي ما انقبلتي فيه فكري تشغلي وقتك بشي تاني وحطي الدراسة هدف ادامك مشان تكوني عم تستفيدي من وقتك وادامك هدف كمان ...

فيكي تاخدي دورات كمبيوتر مثلا او اي نوع تخصص بمراكز تقدري فيها تعبي وقتك بشي مفيد ... وقدمي عن جديد بالفصل التاني او الاول الجايي .... وان شاء الله بتتوفقي بحياتك اختي الغالية ...

اختك سماح sh:hi

[عاشقة كاظم]

أخيMSB4ever
أنا ماعندي مشكله أدرس أي شئ المهم أني أكمل دراسه وأغتنم وقت فراغي الكبير
بس مو معناتها أني مو حاطه ببالي مجال بدي أدرسو لأ بالعكس بس بعد ماشفت وقاسيت
قلت بلاها هالشغله عادي لو درست شئ غير الي بدي أياه
وصدقني لو نسيت أنو الي أخوه وأخوات بالمنتدى قبل ما يكونو أصدقاء ما كنت شكيت ألكم حالي


أختي nour111 فعلآ ظروفك أثرت فيي والى زادني أنك مغتربه وصار لك تلات سنين متخرجه
بصراحه ماني عارفه شو بدي قول حاسه نفسي ضعيفة أيمان وصبر أمام أيمانك وصبرك
فعلآ من شاف مصيبة غيرو هانت عليه مصيبتو
الله يرجعك لأهلك سالمه ويوفقك يارب



أخي دندون النظام الي عندنا زفت والي زايد عليه الواسطه
بصراحه أنا بقدر حط الي واسطه تساعدني على الي أنا فيه بس ما ني حابه الفكره
أبدآ بعتقد في ناس أزيد من حالتي ومتخرجين صار الون سنين متخرجين واولون اختي الكبيره
يعني لو بدنا كانت اختي هلأ باقي لها سنه وتتخرج بس ما نحب نتعامل بهالطريقه (........)



أخي الألم بعتقد أنو مافي نظام إعادة بكلوريا عنا هون والمعاهد حالها حال الجامعات
وبعدين حتى لو كان في نظام أعادة بكلوريا ما راح عيدها شو ما ر اح يصير لأني عشت فيها أقسى أيام دراسه بحياتي ومجموعي والحمدالله تمام وبالنسبه الي مافيه عليه أي كلام
وصدقني عندي أيمان كبير بربي



الأخ خالد شكرآ لعرض المساعده ولكن أنا والحمدالله أموري ماشيه وبيي مستعد يدفع عمرو منشان نتعلم أنا مشكلتي مو مشكلة مصاري مشكلتي مشكلة الفحص الطبي
مره أخرى شكرآ



أخي مهند شكرآ الك على الوصلات الي حطيتها وكلماتك الرائعه التى قد تكون بعث في قلبي
الصبر والتفاؤل من جديد



أختي الغاليه سماح أنا هلأ عم قدم على دورة رسم وعم أستنى الرد
وبتمنى يكون قريب منشان أشغل حالي شوي ويتغير وضعي للأحسن وحتى أطلع من حالتى المأساويه وشكرآ ألك




أخوتي أخواتي بشكركم من كل قلبي على ردودكم والله يعلم أنها بعثت في قلبي بعض الأمل بعد ما كنت عليه
وفعلآ لم أخطأ لما توجهت بهمومي الكون
فعلآ انتم أخوة لي قبل أن تكونو أصدقاء
أشكركم جزيل الشكر

تحياتي وخالص محبتي لكم

[الألم]

اله ييسر الك امرك بالخير و ينور البك و دربك بالصحو الهداية يا اخت عاشقة كاظم .

بتمنى انا و كل الاخوة او نكون ادرنا نخفف عنك شوي

الالم

[عاشقة كاظم]

شكرآ لدعائك أخي
والحمدالله ما قصرتو
وقفتكم جنبي ومواستي لا تقدر بثمن

لكم مني جزيل الشكر وخالص المحبه

[Naserhaq]

لو ما كنتي عاشقة كاظم وراكضة وراه وورا أغانيه ما كان صار فيكي هيك
مشكلتك محلولة بس تنسي كاظم وتلتفتي لحياتك ومستقبلك ودراستك

[Greater]

كيفك يا عاشقة كاظم.


مرحبا بالأول،

ثانيا، أتمنى منك ان تقولي: " ربي خرلي واستخرلي".
وما معناه إنما الله يختار لنا الأفضل.

أرجو منك أنو تحطي ورقة وقلم أمامك، وتفكري في كافة السبل،

هل يمكنك الدراسة في جامعة خاصة؟
هل يمكنك أعادة البكلوريا كما عندنا في سوريا؟

هل يمكنك دراسة دورارت متخصصة في مجالات كالكمبيوتر مثلا ( تصميم، طباعة ، اخراج، جرافيك، برمجة) ومن ثم تفتح أمامك أبواب العمل.

هل يمكنك عمل دورات متخصصة في اللغات، ( كالترجمة مثلا)

إن اغلق امامك باب، فإن أبواب السماء تفتح، ومنها يأتي الفرج.

بيقولوا عنا بسوريا: " قوم يا عبدي لقوم معك."


ملاحظة:
---------
لا يمكن لكل انسان أن يملك في الحياة كل شيء، ولكن يمكنه أن يختار من بين الأشياء التي يريد، ويدفع مقابل اختياره الأشياء الأخرى.


وشدي الهمة،
من طلب العلى سهر الليالي.

[amr.h]

شبك حظك خيلة أنت إذا قدرتي توصلي للبكالوريا غيرك للبكلوريا ما عبحسن يوصل خلي الطابق مستور sh:eye

[shirin]

أختي العزيزة عاشقة كاظم.....أنا لن أزيد على ما قاله الأخوة ومشكورين جداً على هذه المشاعر الطيبة وعن جد طالما في عنا هيك شباب وصبايا فنحن بألف خير
عزيزتي ليس المهم أن يكون معنا شهادات معلقة على الحائط نفتخر بها لأن مجتمعنا مليء بالأطباء الذين لا يفقهون شيء أو المحامين أو........الخ , المهم أن ننجح بما أخترناه لأنفسنا , أبحثي في نفسك ما هي الموهبة التي تملكينا ونميها وثابري عليها وستكونين راضية عن النتيجة ويمكن من خلالها تستطيعين الوصول لما تريدينه وما تصبو له نفسك,فتشي عن ذاتك وعن قدراتك ومن جد وجد علك تحققين ما حلمين به وتمنياتي لك بالتوفيق والنجاح والسعادة

[الاميرة تومي]

عااادي كبري راااس
انا حاليا بالبكلووريا ...........
واقسم بالله اني عم ابكي عليها ........... قبل اسبوووع استلمت شهاادتي
والله شي بوطي الرااس ......
باابا كان يقوول لماما ماشااء الله بنتك راح تجيب 100 من 100 قد مانها عم تذاااكر
تسدئي ولا بكيفك .. كنت امسك المادة من الساعة 6 المغرب للساعة 5 الصبح
وبالاخر ............ ولا شي
لا تزعلي ولا تشيلي هم ..........
اذا بدك تهوني على حالك .......... خلي التفكير بالموضوع اخر همك
انا اخواتي الشبااب خلصوو البكلوووريا من سنتين هي السنة لقوا جامعة .......
تخيلي الحالة اللي كانوو فيهاا ....... كنا راح نسفرهم على الههند بس قال نحنا مافينا ندرس هنيك ......... وقررنا نبعتهم على روسيااااااا بس خليها لالله
فياشيخة كبري راااس ........
بس انتي وين عايشة ..؟؟
تحياتي
تومي

[amr.h]

بعد كل هالكلام ونقطع الأمل خلص ان شاء الله برجع الأمل بمجهودنا يعني مجهود الموقع

مثل ما قالت شيرن مو المهم يكون عنا شهادات معلقة على الجدران الأفضل أن تكون الموهبة هي عملك المفضل هذا أحسن شي أنا الحمد لله بعرف أشتغل على كتير برامج بس لما بجي حدا بعرض علي أشتغلو شي برنامج بمصاري برفض لأنو هي موهبة أبحثي عن الموهبة و خلي إيمانك بربك كبير و لا تطلعي على المر سومة صورتو

تحت إسمي لأنو هو العبخليكي تفقدي الأمل


لا إلاه إلا الله


sh:hi