المساعد الشخصي الرقمي

عرض الإصدار الكامل : اعمال يدويه

aven
12-01-2004, 12:11
مرحبا

من الاعمال اليدويه الحلوة الايتامين و هوه نوع من شغل الابرة بيشبه الكانافا كتير بس القطبه بتختلف فيه.
انشالله يعجبوكن القطعتين اللي حطيتن و بتمنى اذا حدا من الصبايا عندو اعمل ينزللنا ياها .


http://aven.jeeran.com/213%20copy.jpg


http://aven.jeeran.com/211.jpg

بانتظار ارائكمsh:scared
Seemo
12-01-2004, 16:22
مرحبا شريكة.....

شريكة كل يوم و التاني عم اكتشف فيكي شغلات جديدة....
عن جد الله يعطيكي العافية....

أنا كتير بحب هاد النوع من الديكور....يلي بتحسيه انو بسيط و رائع بنفس الوقت.....

كتير كتير حلوين و بانتظار المزيد شريكة.....


لأخوكي سيمو
nisreen a
12-01-2004, 18:36
اي والله يا افو كتير حلوين

والالوان رايقين كتير و بتبين فيهم البساطه الي افتقدناها

جد كتير حلوين بس انا مابعرف اعمل شي بالمره هيك

انا بمل بسرعه وبعصب ومالي خلق بس بحبهم كتير

حتى زر مابعرف خيط كتر مالي كسوله بهالشغلات اليدويه

سلموا افوووووووو الحلوه على اللوحات

نسرينا
nawalzayzafoun
27-01-2004, 06:50
كتير كتير حلوين aven وانا بحب هل الشغل
راح دور اذا بلاقي اعمال جديدة
تسلم ايديك يا رب
ليندا
27-01-2004, 12:21
مرحبا انا كتير بحب الاعمال اليدوية بس ما بعرف اشتغل الايتامين وين ممكن اتعرف على هيك اعمال ولك جزيل الشكر
aven
04-04-2004, 15:16
شريكي ناش و نسرين و نوال و ليندا شكرا لمروركم بالموضوع .
ليندا رح حاول اشرح المرة الجايه طريقه الشغل .
و هي صورة جديدة انشالله تعجبكم


http://aven.jeeran.com/ppp.jpg
فرح العمر
05-07-2004, 21:11
حلوه تجنن
تسلمي
aven
20-10-2004, 23:51
مرحبا من جديد

عطوني رايكم حلوة مو؟؟؟؟

http://aven.jeeran.com/ooo2.jpg

sh:scared
Amiro
21-10-2004, 02:14
أحلى عااااااااااااااااااااااااااااالم

باي
Seemo
21-10-2004, 03:04
شركرك........

يسلم هل الادين يا رب....

سبق و قلتلك اني بحب هيك نوع من الأعمال.....
و ما رح ضيف شي جديد لأني شريكة كالعادة متنبل ساوي شي.....طافي و خالص

مشان هيك يسلم اديكي و كتريلنا منهم لأنو طولتي علينا هل المرة

تشااااااااااااو
ليندا
21-10-2004, 09:18
كتير حلوة طلبت اذا كان من الممكن انو اتعرف على كيفية العمل ولكي جزيل الشكر
ليلك ( ليندا )
aven
21-10-2004, 23:00
مرحبا

اميرو و شريكي ناشو و ليندا شكرا لمروركم .

و ليندا تكرم عينك و سوري عالتاخير بس ان شالله هالكم يوم رح حاول نزل الطريقه بالصور .
و شكلها عجبتكم انشالله ما بطول بالي بعدها sh:scared
ياسـر
22-10-2004, 15:51
اول شي الاعمال جميله جد جدا

تاني شي أنو شو منشان أول صوره للأعمال اليدويه كانت بتاريخ 12-01-2004 وتاني صوره كانت بتاريخ 04-04-2004 وتالت صوره كانت امبارح بتاريخ 21/10/2004 يعني صراحه الله يعطيكي العافيه يارب عما تقعدي تشتغلي على كل قطعه اربع او خمس شهور sh:ohmy والله مو شي سهل

بس بجد روعه وتسلم ايديكي يارب وننتظر المزيد.....

أمـــــــــيـ™ـــــــــر
DaViD
22-10-2004, 16:12
أخت aven (( أفو )) بهنيكي على هالشغلى الرائعة .................... فعلاً حلوة كتير كتير ويسلموا ايديكي ............. :)
ghiathmo
22-10-2004, 22:04
آفو :
الحقيقة أخدتني الدهشة لما كنت عم شوف آخر إنتاج إلك
كتير حلوة لدرجة الروعة
بتمنى لك المزيد من التفوق والنجاح
aven
29-10-2004, 23:54
مرحبا

اول الشي شكرا كتير الك اخي امير
تاني شي الفارق بالوقت بينن لاني كنت منقطعه عن الشغل فين و بالعكس ما بياخدو وقت كتير كل وحدة منن اخدة مني شهر و اقل من الشغل تقريبا".

الله يهنيك ديفيد و شكرا لمرورك.

غياث شكرا كتير الك و ان شالله يعجبوك البقيه متلها .

ليندا رح حاول اشرحلك طريقه العمل قدر المستطاع و بعتقد انو الصور مبينه الطريقه .

ممكن اختيار الرسمه من بوردا بتنباع بالسوق و كل رسمة بيجي معها رسم تفصيلي للرسم و للالوان متل الصورة رقم ( 2 )

العمل يكون بيخيوط D M C و تكون على شكل شلل الخيط فيها بيحتوي على 6 خيوط يقص منها الخيط بالطول المطلوب و ياخذ منه ثلاث خيوط ( يعني بيشنغل بتلت خيطان )

بالبدايه يحدد مكان الرسم على القماش بواسطه عد المربعات على الرسم و تطبيقها على القماش
صورة ( 1 )
http://aven.jeeran.com/eee2.jpg
صورة ( 2 )

http://aven.jeeran.com/eee.jpg

بصورة رقم ( 2 )بنشوف انو كل لون في الو رمز عالرسمة و رقم و عن طريق عد الرموز يمكن العمل و تحديد مكان القطبه على القماش .
و الصورة رقم ( 1) ببين كيف شكل القطبه بشغل الايتامين بيكون على شكل اشارة X ..
يرجى الضغط على الصور و تكبيرها لتكون اوضح.
ليندا ان شالله كون قدرت وصلك الطريقه بشكل واضح و اذا في اي استفسار انا جاهزة . sh:hi
ليندا
03-11-2004, 02:28
شكرا كتير كتير كتير لح حاول بعد العيد ان شاء الله وخبرك اول باول
aven
09-07-2005, 22:45
باك من جديد

http://aven.jeeran.com/0221.jpg

http://aven.jeeran.com/0230.jpg

ان شالله يكون عجبوكم ....
sh:hi
ياسـر
09-07-2005, 23:15
اي يا ولكم باك باحلى آفو والله

أعمال رائعة وحلوه كتير بجد الله يعطيكي الف عافيه

أمــيــرsh:hi
aven
13-07-2005, 22:36
مراحب

الله يعافيك يا رب امير و ان شالله يعجبوك البقية كمان و هي وحدة جديدة بس خبرتي بالفوتوشوب مو كتير منيحة , يعني اكتر من هيك ما قدرت خليها تبين انها صينية .
http://aven.jeeran.com/0250.jpg

sh:hi
aven
17-08-2005, 18:58
http://aven.jeeran.com/sasa.jpg

sh:hi
Seemo
17-08-2005, 20:10
و أنا عم قول وين غاطة شريكة....

هي قطعة حلوة بدها هيك غطة....

خلص سامحتك أنا....بامكانك متابعة حياتك بشغل عادي جداً

يسلم هل الادين شريكة....أخر قطعة كتير رايئة
aven
17-08-2005, 23:09
مية هلا شريك
الحمد لله انو عجبتك

منشان تعرف اني غطاتي مو متل غطاتك ;)
ليندا
18-08-2005, 02:41
افو حرام عليكي ارحميني بتعقد شو هاد

جاية لعندك خلص بس امتى مابتكوني بالبيت مشان اشفط اللوحة يلي بدي ياها
aven
03-09-2005, 23:42
باكوووو

هلا ليندا خلص انا مو بالبيت بالوقت الي بدك ياه .
و هي وحدة جديدة رح نزلها ان شالله تحبوها كمان .


http://aven.jeeran.com/1425.jpg

sh:hi
ياسـر
05-09-2005, 15:27
آفو جد لوحة رائعه ومتعوب عليها
يسلموا ايديك ,,,,,

أمــيــرsh:hi
ليندا دخيلك بطريقك وقت بدك تزوري آفو شفطيلي شي لوحه الي :asefff:
ليندا
08-09-2005, 17:17
افو ماعاد عندي رد
مشي الحال
لك شوهاد شو هاد
اخ امير شو بتدفع عل الوحة ;)
aven
10-09-2005, 22:45
امير و ليندا اهلا و سهلا فيكم و الحمد لله الي عجبتكم كمان
و اصبح ستنو القطعه الي عم اشتغل فيها هلا لاني حتى انا محتارة كيف بدي اشفطها :yaturaa:
SooS
10-09-2005, 23:04
آفو ..

مافكرتي تعملي معرض ؟!

( وش على أد مااندهش باللوحات ماعاد يعرف يعلق )