عرض الإصدار الكامل : بتحب تتعرف علــــــــى امــــــــــي!!!!طيب حول لــــــــــهون شوي
nisreen a
19-02-2004, 00:35
تأملت أمي وكأني اسرق النظرات إليها لأول مره !
ترتشف قهوتها الصباحيه صامته
وجهاز الريمونت في يدها . يرن الهاتف آه كم تكره الرد عليه ومن بين بضع مكالمات
تجيب على واحده لا ادري لما هذا العداء بينها وبين هذا الجهاز الذي يخترق حريتها
مساء تدخل غرفتها
ترتدي ملابسها وتنتعل حذائها وقبل أن تغلق الباب تقول كلمه واحده أنا رايحه
أتخيلها تقود سيارتها إنها وراء المقود الآن تمشي بسرعة تارة
وتارة بهدوء تتمنى أحيانا لو تجاوزت جميع السيارات او ارتفعت سيارتها وطارت
فوق السيارات ولكن بحق هي سائقه ماهره بتكسر شوي ع العالم وبدوبل السيارات
وتتجاوز السرعة المطلوبة وأحيانا الاشاره الحمراء وتأتينا المخالفات بالجملة . لعلها الآن وصلت إلى قاسيون وهو جبل في دمشق يرتادوه الناس الذين يحبون العزلة مساء
تتجول بالسيارة تارة بملامح عبوس وأخرى باسمه ضاحكه الهواء يلفح وجهها
الدافئ أه كم اشتاق إليك يا أمي حين تعود اقبل يدها وقدميها تبعدني عنها حتى لا اكرر
ذلك مستقبلا تعود بعد سويعات
من يرى أمي يقول.. كم هي ناشفة وشايفه حالها والاهم إنها لا تحاول أن تصلح صورتها
ولا تجملها يمكن _ إذا كنت سعيد الحظ وصارت الالفه بينك وبينها وبالصدفة تكتشف
قلب وعقل أمي وطيبه وذكاء أمي وحتى مرحها وخفة دمها العجيبة وأي تعليق منها يجعلني اضحك من قلبي
ولكن آه من وسواس أمي........
يربكني و لا أستطيع أن افعل شيئا إلا بإذن منها بالرغم من بيتنا المتواضع فإنك تجده غاية في النظافة حدودي تقف عند عتبة المطبخ
الدخول ممنوع إلا لطعام معدودة هي الأيام التي مسكت فيها الاسفنجه
وجليت بضع كؤوس وقليلة جدا عدد المرات التي قدحت فيها الغاز
واه شو بيصير لما ساوي مشروبي المفضل ( المته ) ...
بيد خل أخي من الباب يخلع ملابسه على الغسيل وشراشفه ومناشفه وبصير يصرخ
بأعلى صوته : سأجعل بكره بيتي كله صراصير .. مليت من النظافة
ولما يدخل حدا لبيتنا بيقول البلاط عم يلمع وصار شفاف من المسح وتستطيعون النظر الى الجيران عبره
عافاكِ الله وقواكِ
وأخواتها وأهلها بيقولو هذا الاستحمام الثاني ولا الثالث يا ترى؟؟
تسرح شعرها الأشقر وتضع لمسات خفيفة جدا على وجهها الفاتن
تأتي خطيبه أخي لزيارتنا ومنتعشا سوا
وممنوع حدا يساعد أمي بترتيب المائدة أو غسل الصحون أو مسح الطاولات
إنها أمي اختصر كل المسافات .. اختصر كل الكلمات... بروعة أمي وعشقي لها
احبك يا أمي .........
بتمنى يعجبكم ياغاليين ................ نسرينا
حلو الموضوع والفكره احلى ----
يسلمو كتير نسرين ---
الفراشة
آه ما اروعك يا امي...........
عندما تعرفت عليك اول الامر كنت خائفة ان لا تحبيني
كنت خائفة ان لاانسجم معكم
لكن المفاجأة كانت انني احببتك واحببتيني
احببتك فعلا كما الفتاة تحب امها وربما اكثر بكثير
لم اشعر اني غريبة بينكم في يوم من الايام
لم تعامليني الا كما تعملين ابنتك او احسن
كنت احلم دائما بام حنون
ام بمعنى الكلمة
ام ارتاح عندماانظر الا عيناها اللتان تشعان حب وحنان ودفء دون ان تتكلم
ام تضحي بكل شي لاجل سعادة ابنائها ولو على حساب نفسها
وفعلا وجدت فيك كل ذالك واكثر بكثير
هنالك اشياء لايمكن التعبير عنها بالكلمات انت تملكينها
كم انا سعيدة لانضمامي لاسرتكم
كم انا سعيدة لانني اصبحت ابنتك الثانية
الله يخلينا ياكي يا احلى ام بهالدنيا كلها
وديمك فوق راسنا
الله يقدرنا ونردلك ولو جزء صغير من افضالك علينا
بحبك كتيرررررررررررررر يا اغلى واحن ام .................
تحياتي
كلام رائع ,,,, بحق اروع انسانه ,,,
هنيئا لك والدتك ,,,
الغاضبه
الله يخليلك ياها نسريناااااااااااااااااااااااااااااااااااااااااaaaa aaaaaaa
Sweet_Nany
19-02-2004, 16:45
الله لا يحرمنا من امهاتنا..
جعلك الله من المطيعين لها..
تحياتي لوالدتك ..
سويتو
nisreen a
19-02-2004, 20:36
فراشه الغالي
شكرا صديقتي على المرور ....
رشا ياسمينه البيت ...
انتي بتعرفي انو شو مارديت مابعطيكي جزء من شعورك يااحلا اخت بالعالم
الغاضبه انتي الرائعه ...
الله يخليكي ويسلمك .....
ARNOLD
شكرا الكككككككك وانا اسمي نسرينا بالالف لان احلىىىىىىىىىىى هي وفرت رساله خاصه ;)
سويتو القمررررررررر الغاليه الي بمووووووووووووووت فيكي
شكرا الك والله يخلي كل الامهااااااااااااااااااااااااااات
شكرا ............. نسرينــــــــــا
Kadim4ever
19-02-2004, 22:13
الله يخليلك امك ويهنيكي فيها ويهنيها فيكي...
والله يحفظلنا امهاتنا اجمعين ...
قولوا آمين...........آمين sh:eye
الجنة تحت أقدام الأمهات
تحياتي
Kadim4ever
ghiathmo
19-02-2004, 22:38
نسرينو الشريرة
إذا عم تكتبي هالمواضيع الحبابة مشان تنعفي من الجلي والشطف اللي أصلا ما بتعمليهم...فهي بعيدة عنك....ورح أبعت لأمك رسالة خاصة عرفها شو قصدك من الكتابة
بس أمانة بتوصليها
نص الرسالة:
أمي الغالية
أشتاق لدمشق في وجنتيك...وأحب حياتي لوجودك فيها.....ويعجز قلمي عن بثك أحاسيس ونجواي
فأنت أكبر يا أماه من كل ما يقال...في أي زمان أو مكان....أنت التي نام الحب في مقلتيها ...وسهر الشوق على راحتيها...فانتشليني من وهدة الضياع
ملاحظة:
أمي العزيزة...نسرينو بدها تهرب من شغل البيت...ولذلك عم تحط هيك مواضيع...فلا تسمحي لها بأنو تاكل بعقلك حلاوة...وشديها ع الشغل فورا اللي بتحبو.......الجلي
ااااه يانسرين قديش حبيت كلامك وقديش وجعلي قلبي لاني مشتاقة لامي كتيييير.
اسلوبك حلو وشفاف وصادق
شكرا الك
شباب أنا بتمنى أنو شي مرة و حدة بحياتي أشوف أمي بنظرتكم لأني ما بعرف نظرت الأم
بعرف بس العياط و الصياح و البهادل
بتمنى لما أقول لأمي بحبك ما تقلي كذاب
الله وكيلكم لما بشوف ولد بيركض علىأمه و بيلفها و بتلفو بقول ليش
ما هو هذا الحب هل هو أقوى من أن يحب شخص حبيبته
بتمنى ضمني أمي و أبكي و أبكي
بتمنى أنو ...........
بس الحمد لله أنو أمي دينة كتير كتير
الموضوع كثير حساس أخت نسرينا
و بنصح اللي ما عندو أم لا يقرا أي شي في الموضوع
آسف كتير كتير أخت نسرينا
nisreen a
22-02-2004, 16:40
كاظم فور ايفر .............
شكرا الك ياغالي وتسلم يارب واميييييييييييين الله يخلي كل الامهات يارب
شكرا ياغالي على المرور ;)
غيااااااااااااااااااااااااثوووووووووووووووو....... .....
لك شو ماعملت بضلك شرير مو بيدك ان طلعت او نزلت بضل هيك
ال عم مسح جوخ ال .......... ماشي ياغياثو منتحاسب
بس الامانه وصلت لامي وقريتها كل شي وكتير حبت كلماتك الشريره متلك اصلا انت معزوم
عنا على حجار مسلوقه ممممممممم بتجنن بما انو اكلتك المفضله
بس بجد بيجنن كلامك ياغياث رغم انك شرير جد ياغياث انت اكابر ومحترم كتير كتير وفعلا مافي منك
بس الحساب مو ناسيتوووووووووووووووووووووو .......
شام ... احلاااااااا اسم بالدنيا تسلمي يارب حبيبه البي
وانشالله تشوفي امك والله يخليلك ياها يارب شكرا على مرورك
وخلينا نشوف مشاركاتك اكتر لان اسمك بيجنن
عمر ................... انشالله مفكر اني كتبت هالموضوع ويعني مابتخانق مع امي
لك غلطااااااااان مافي حدا مابيكون بينو وبين اهلو مشاكل . ولاتحكيلي عن العياط بعرفووووو لأن
وكل ام الها طريقتها بالتعبير عن امومتها
يعني نحن منتخيل الام متل الي بالافلام والمسلسلات وهيك بس جد بكره بتشوف انو هالايام بتجنن
وبتبكي عليها ... صدقني انو اد ماحدا حبك مابيكون متل الام انا ماكنت صدق هالحكي
بس والله لما شوف الدنيا داقت عليا ومامعي حدا بحس انو امي معي
وهي الوحيده الي بتسامحني اد ماغلطت معها وهيك
الام غير شكل كل يوم بكتشف انو بحب امي اكتر
بقى خلينا نستغل الوقت ونحس بأمنا اكتر
شكرا لكل الي مروا على الموضوع العائلي
يااكابر
نسرينا
الله يخليكي لأمك ويخليها إلك شمعة تنورلك دربك
الأم هي نبع الحنان الذي لا نرتوي منه أبداً
شكراً عالموضوع
Eng.Mohammad
22-02-2004, 21:45
أختي نسرينا:
الله يخليلك والدتك و تم فوق راسك يا رب.
كم أتمنى أن تكون السنة كلها 21 من آذار، حتى نحتفل بأمهاتنا دائما، نتذكر ما أروعهم حينما يغضبون و حين يخافون علينا.
لن أنسى تلك العيون و تلك الدموع التي انهمرت من عينك يا غاليتي أمي الحبيبة و أنتي تودعيني.
لن أنسى دموعك التي طالما شاركت عينك المكان، و رسمت لنفسها طريقا لن يخيب أملك من بعده و لن يضيع إن شاء الله.
اسمحي لي نسرين أن أهديكي أنت و والدتك هذه الأغنية التي طالما أبكتي و تبكيني كل ما استمعت إليها..
أحن إلى خبز أمي و قهوة أمي و لمسة أمي (http://music.6arab.com/marcel..ommi.ram)
محمد
nisreen a
26-02-2004, 16:02
اخي الغالي كتير وكتير وكتير تايفر فور يو
شكرا الك كتير والله يسلمك يارب
مافي منك انت يااكابر
محمد لك شو احكي بس ................
الله يسلمك والغنيه بتجنن
شكرا محمد وانت بتعرف غلاوتك عندي
نسرينا
سوsu30خوي
26-02-2004, 18:34
أختي نسرينا ... الله يخليلك أمك ...
ويخليلي أمي وأم كل أخ أو أخت هون ...لأ وبالعالم كله ...
تحياتي
أمي الحبيبة - زكي ناصيف (فيروز)
أمي يا أمي الحبيب نفح الرياحين و الورود
أين أبتساماتك الرطيبة تسمو بإشراقة الوجود
و لأسم أمي الجميا لحن في القلب أحلى من النسيم
لا وجه قد لاح فيه حسن يرقى إلى وجهها الكريم
هل لي سوى حبك العظيم أحيا به الوعد بالنعيم
روحاُ بأرجائه أهيم طفلاُ لأحضانه أعود
أمي و هل لي سوى يديك أرجوهما منة السماء
أبوابها طوع راحتيك إن تسألها يسمع الرجاء
يا من حلا بإسمها النداء يا من تسامى بها العطاء
إن زمت جوداُ من السماء من غير نعماك لا تجود
ألقاك في نجمة الصباح في مبسم الزنبق الرطيب
في زرقة البحر في الاقاح أمي و في دمعة الغريب
و الشمس تدنو من الغروب كأنها وجهك الحبيب
يا وجه أمي لا تغيب أماه أنشودة الخلود
السلام عليكم ورحمة الله وبركاته
*************
أعجبتني القصة التالية كثيراً ... حتى أنني لم أستطع أن أمنع دموعي ..
بعد 21 سنة من زواجي، وجدت بريقاً جديداً من الحب. قبل فترة بدأت أخرج مع امرأة غير زوجتي، وكانت فكرة زوجتي حيث بادرتني بقولها: "أعلم جيداً كم تحبها"... المرأة التي أرادت زوجتي ان أخرج معها وأقضي وقتاً معها كانت أمي التي ترملت منذ 19 سنة، ولكن مشاغل العمل وحياتي اليومية 3 أطفال ومسؤوليات جعلتني لا أزورها إلا نادراً.
في يوم اتصلت بها ودعوتها إلى العشاء سألتني: "هل أنت بخير ؟ " لأنها غير معتادة على مكالمات متأخرة نوعاً ما وتقلق. فقلت لها:
"نعم أنا ممتاز ولكني أريد أن أقضي وقت معك يا أمي ". قالت: "نحن فقط ؟! " فكرت قليلاً ثم قالت: "أحب ذلك كثيراً".
في يوم الخميس وبعد العمل ، مررت عليها وأخذتها، كنت مضطرب قليلاً، وعندما وصلت وجدتها هي أيضاً قلقة. كانت تنتظر عند الباب مرتدية ملابس جميلة ويبدو أنه آخر فستنان قد اشتراه أبي قبل وفاته. ابتسمت أمي كملاك وقالت: " قلت للجميع أنني سأخرج اليوم مع إبني، والجميع فرح، ولا يستطيعون انتظار الأخبار التي سأقصها عليهم بعد عودتي"
ذهبنا إلى مطعم غير عادي ولكنه جميل وهادئ تمسكت أمي بذراعي وكأنها السيدة الأولى، بعد أن جلسنا بدأت أقرأ قائمة الطعام حيث أنها لا تستطيع قراءة إلا الأحرف الكبيرة. وبينما كنت أقرأ كانت تنظر إلي بابتسامة عريضة على شفتاها المجعدتان وقاطعتني قائلة: "كنت أنا من أقرأ لك وأنت صغير".
أجبتها: "حان الآن موعد تسديد شيء من ديني بهذا الشيء .. ارتاحي أنت". يا أماه
تحدثنا كثيراً أثناء العشاء لم يكن هناك أي شيء غير عادي، ولكن قصص قديمة على قصص جديدة لدرجة أننا نسينا الوقت إلى ما بعد منتصف الليل وعندما وصلنا إلى باب بيتها قالت: "أوافق أن نخرج سوياً مرة أخرى، ولكن على حسابي". فقبلت يدها وودعتها ".
بعد أيام قليلة توفيت أمي بنوبة قلبية. حدث ذلك بسرعة كبيرة لم أستطع عمل أي شيء لها. وبعد عدة أيام وصلني عبر البريد ورقة من المطعم الذي تعيشنا به أنا وهي مع ملاحظة مكتوبة بخطها: "دفعت الفاتورة مقدماً كنت أعلم أنني لن أكون موجوده، المهم دفعت العشاء لشخصين لك ولزوجتك. لأنك لن تقدر ما معنى تلك الليلة بالنسبة لي أحبك". يا ولدي
في هذه اللحظة فهمت وقدرت معنى كلمة "حب" أو "أحبك" وما معنى جعلنا الطرف الآخر يشعر بحبنا ومحبتنا هذه. لا شيء أهم من الوالدين وبخاصة الأم . إمنحهم الوقت الذي يستحقونه .. فهو حق الله وحقهم وهذه الأمور لا تؤجل
**
مثل هذه القلوب التي تعطي دون مقابل يندر وجودها في هذا الزمان إلا من رحم ربي
ما أرحم الله بنا إذ خلق لنا من يتكفل برعايتنا دون ضجر أو كلل ولكن يتعبون لنستريح ويسهرون لنرقد
اللهم ارحمها رحمة واسعة وجميع أموات المسلمين
اللهم ارحمهما كما ربونا صغارا
رب اغفر لي ولوالدي وللمؤمنين يوم يقوم الحساب
اخت نسرينا اشكرك على كلمات الجميلة
ادامهم الله لنا وجعلني واياكم من المرضيين ((يارضى الله ورضى الوالدين ))
nisreen a
28-02-2004, 19:11
اخ سوsu30خوي ...
الله يخليك يارب ويخليلك امك ومتل ماحكيت امهات العالم كلو
شكرا الك وعلى مرورك الحلو ..
Za3bour مممممممم كتير حلوين هالكلمات
شكرا الك ياغالي ولزكي ناصيف وللملاك فيروز ...
هرهــــــــــور ____ لك شو هالقصه هي امانه حقيقيه
لك والله وانا عم اقراها وبعدين قريتها لامي جد ماقدرت الا ابكي
الله يرحمها يارب مابعرف شو احكيلك بس جد كلمات وطريقتك بالسرد
خلتني بحاله غريبه ... شكرا الك كتير على المرور الحلو والقصه الرائعه
شكرا الكم يااكابر كتير ......................
نسرينا
الاميرة تومي
28-02-2004, 20:35
فتحتولي قريحتي اني اكتب عن ماما
ياي يا عالم ماما بالفعل عااالم اخر
دنيا منزوية لحالها ......... للحظة بحب قوم كسر الدنيا كرمالها
مابعرف امي هلا مو موجودة بالبيت ولكن لو بتعرف انه انا عالنت كانت كسرت راسي
يا جمااعة ماما بحر ......
بزعل منها وبعصب وبصرخ ... فبتعرفوا احيانا بتكتفي اني تتطلع فيني وتنزل من عينها دمعتين .......
قبل سنتين صعقت بنبأ مووت روحي وحياتي وحبي ....
ونشفت دمووعي وماحسنت نزلها بس يووم شفت ماما عم تبكي ماعاد اقدر امسك نفسي
ضحكتها غير ... لك والله غير
ماما فعلا غير ... بمزح معها مزح ولا مزح الرفقاات مع بعضهم
ياما بتكون قاعدة جنبي وبمسك القلم الازرق اللي بكوون عم ذاكر فيه احياااء وبشخبط على رجلها .... بتكتفي انها تقلي يبعتلك الهنا
لك بحياتها ماقالتلي يبعتلك قتلك غير يبعتلك الهنا مابتقووول
الصبح بكيررر بكوون طالعة من البيت مستعجلة ويادووب لحق اوصل
مافي وقت لشي ... كتب بايديه بلاقيها بوجهي بطلب منها بوسة ........ يا جماعة بوستها غييييير ..........
مابنسى للحظة شلوون اجت عالمدرسة يوم خبرت انه انا كنت راح اتعرض لحادث اختطااف
بتذكر كيف كانت راح تنجلط من الصدمة وماحسنت تقووم على رجليها لشافتني
ودايما بتقلي قلبي عم يوجعني ياتوومي فبقلها خلص يعني قررتي ترووحي
طيب ماشي لا تنسي تطبخيلنا كم طبخة ..... فبتضحك وبتقلي ساعتها انبسطي ماما لا توفري
لك اااه يا ريت في عندي وقت لاكتبلكم وياريت عندكم وقت لتقرولي
ياجماعة انا قد مابحكي عن ماما فمستحيل مستحيل احسن اوصفها
صدقوني
تومي
أمي ؟؟؟؟؟؟؟؟؟؟
سكرو الموضوع لاني ازا بدي احكي ماراح اسكت لحتى ينضرب السيرفر sh:ohmy
architecte
30-06-2004, 20:02
نسرينا
نسرينا
ان شاء الله يسلم امك....ويسلمك اللي عم تكتبي عنها هالحكي الحلو
انا شوية غيران منك.....
متن جهة على امك اللي انا ما تمنيت بحياتي اتعرف على حدا متل ما اليوم اتمنيت فعلا اتعرف على امك،
ومن جهة تانية.........غيران منك لأنو انا طول عمري كانت انبيتي متل ما هيي امنية الكتار متلي انهن يعرفو يحكو على امهن بهالطريقة المهضومة.
سلامي واشواقي
لأمك....وبنتها
واسلمي لأخيك
L'architecte Syrien
الله يخلي امهات العالم كلهم لان أحلى شي بالدني حنان الأم وماحد يصدق أنه فيه شخص يحبك متل أمك لأنها الحنان والطيبةووووووووووو الله يخليلك ماما نسرينا الغالية ;)
امي
افديها بعمري بشتقلها حتى وهيه جنبي
ومابقدر قول شي اكتر
الله يحفظ جميع الامهات
شكراً الك نسرين وسلامي الحااااااااار جداً لأمك
السلام عليكم
عسبت ....
في وجه الأيام ...
لكنها يوما لم تعبس في وجهي ....
أحس في تجاعيد وجهها .......
قوة ...
أعهدها بها منذ امد ....
قالت لي ...
اي بني ....
حفظ العهد ...
وكن على الوعد ...
زرفت دمعة ...
صرخت الدمعة في وجهي ....
لم احتمل ..
قاومت زقاومت إلى أن ...
صرعتني ..
رقت كلماتها ..
حنانها ......
لم انبس ببنت شفة ....
بعدها ...
رحت في سبات عميق ......
اتمنى ان تكوني زميلتي أحلى ام بالدنيا .... وامك اكيد إنسانة رائعة كما وصفتيها
اخوكي ay7YATOo
السلام عليكم ،،،
نسرينا موضوع امك ( الله يخليها فوق راسك )
بقدر قول انه عم يدفع الاعضاء ليعبرو عن شعورهم تجاه الام وهيي اغلى شي بالدنيا
بتمنى ما حدا ينحرم من امه
وبتمنى كل انثى تنعم بشعور الامومة
تقبلي تحياتي sh:hi
الله يخليلك إياها
والله لا يحرمنا من إمهاتنا
nisreen a
08-07-2004, 11:42
ممممممممم
اسفه عالتأأأأخير ....
الاميره تومي ...
شكرا كتير على كلامك والله يخليك امك يارب ...لان بالفعل الام شي رائع
وعقبال عند ماتصيري ام ويكتبو ولادك عنك ;) هون بالمنتدى ...
الهلال ....
ييييييييي روق شوي .... بس الموضوع ماتسكر .. والسيرفو ماانضرب مو ؟؟
architecte ...
لك كتير انا انبسطت لما شفت الموضوع مرفوع منك ... وانك حبيتو وهيك ....
جد انت مزوء كتير الله يسلمك وهاد الحكي كلو قريتو لماما وصارت تضحك وتشوف حالها شوي
وخلص ياسيدي رح حاول عرفك عليها ولايهمك هي معنا بالمنتدى ...
وبالنسبه لطريقتي الي عجبتك فهاد لانو بسيطه وهيك وانت مزوء كمان ....
شكرا الك كتير على المرور ....
جودي حبيبتي ....
الله يخليكي ويسلمك وانتي كمان احلى ام بالدنيا ... الله يخليلك ولادك يارب
ويخليكي الهم .... لانك جد مافي منك .....
غاليه القمر ...
وصل سلامك لامي بساعتو ... وكمان هي بتسلم عليكي ... ويلا عم نستناكي
لتجي عالشام واخدك معنا وهي عم تسوق وتشوفي كيف ايدك على قلبك بس مابيصير شي
انشالله .... اي ياقمر ...الله يخليلك امك واهلك وابن اختك ...بوسيلي ياه بوستين شريرات ;)
ياحياتو ....
لك دخيل البك شو كلامك حلو وبيجنن يازميل ....الله يخليك امك يارب ويسلمك
واكيد لما صير ام رح يموتو ولادي لان الله يعينهم .. على ام مجنونه متلي ....
سماح...
شكرا الك واكيد الموضوع وطريقه طرحوا بتخلي الاعضاء يحبو يكتبو شي
شكرا سماح على مرورك ... ومره الف كل عام وانتي بخير مع انك مو مبينه
انشالله تكوني بخير ..........
كرم ...
انشالله يارب يخليلك امك وكل الامهات ..
شكرا للمرور
تحياتي ...
نسرين ....
architecte
08-07-2004, 23:18
هاد أكيد مو زوء......هاد واجبي على الأقل انو عبر عن الشئ اللي حسيت فيه وانا عم اقرا هالحكي الحلو.....واكيد شي من اللي حسيتو قديش انتي بتحبي امك...اللي انا بدوري حبيتها متلك ،بس....من حكيك عليها
مرة تانية...
تسلم،هيي....وبنتها
الاميرة تومي
12-07-2004, 05:51
وعقبال عند ماتصيري ام ويكتبو ولادك عنك هون بالمنتدى ...
لاا معليش
ماضروري يكتبوا عني هون بالمنتدى بلا ما انفضح
خليني بالمنتدى على اني البنت الحبابة والهادية
تومي
voyageur
01-08-2004, 01:22
انا الي فترة طويلة طالع من موضوع و داخل في مواضيع.....بس بصراحة...
كم كانت طريقة لطيفة بالكلام عن أم....أي أم،نحس أحيانا بأننا محتاجين لأن نقول أو لأن نفعل الكثير لأمهاتنا ...ولكن وبكل تأكيد فان معظمنا لا يستطيع،....بالطبع لا يستطيع كما كتبت نسرينا في كلماتها...
اعترف أنني لم أقرأ موضوعا شدني اليه كما كلمات نسرينا عن أمها...وفقك الله ورعاك...دعائي لك بالتوفيق....ولأمك بالتأكيد
إقتباس.....
يرن الهاتف آه كم تكره الرد عليه ومن بين بضع مكالمات
تجيب على واحده لا ادري لما هذا العداء بينها وبين هذا الجهاز الذي يخترق حريتها
----------------------------------------------------------------------------------------------------
من يرى أمي يقول.. كم هي ناشفة وشايفه حالها والاهم إنها لا تحاول أن تصلح صورتها
ولا تجملها يمكن _ إذا كنت سعيد الحظ وصارت الالفه بينك وبينها وبالصدفة تكتشف
قلب وعقل أمي وطيبه وذكاء أمي وحتى مرحها وخفة دمها العجيبة وأي تعليق منها يجعلني اضحك من قلبي
------------------------------------------------------------------------------------------------------
مليسة ....اعذريني لأنو هي أول مرة بفوت على الموضوع مدري وين كان هربان مني ..بس الله وكيلك وقت قريتو انفلجت كأنك عم تحكي عن أمي ولي لا راحت ولا إجت نفس القالب ....
لك حتى شغلة النظافة والله شي مرة اشتهيت اشلح شي شغلة وارجع لاقيها مو بالغسالة او على المنشر هيك سوسة ..حتى لو كنت لابسها 5 دقايق ...
بس يمكن في اختلاف وحيد انو امي كل ما تفوت على غرفتها مساء بتنام .... لأنو بتكون هلكانة من التعب ... طبعا من كتر النظافة ....
الله يطول بعمرهن يارب ...
عزيز
vBulletin v3.6.4, Copyright ©2000-2009
Translated by SyriaNobles