اكتشاف انسان من عهد سيدنا آدم [الأرشيف]

juventus

28-03-2004, 23:17

مجرد توضيح.......
الصورة ليست حقيقية...ببساطة......
والى الأخ Immigrant Bird
...........الأنسان لم يكن ضخما" في عهد أدم ومع التطور صغر...؟؟؟؟؟؟؟؟؟؟
والدليل ان أقدم مومياء وجدت وهي لرجل من العصر الجليدي لم تكن بالكبر الذي تتحدث عنه بل على العكس كانت صغيرة بالقياس الى أحجامنا + من المفروض ان يكون احجام موميائات الفراعنة
كبيرة قياسا" لأحجامنا..؟؟؟؟؟ ولكن العكس صحيح.......
لذلك لا نظرية فيما تقول .............
الصورة فيها تعديل ..........وهذا الموقع المأحوذ منها الصورة ببساطة معروف انه يحمل الكثير من الصور المحرفة وغرضها فقط الشهرة..........

.لنفكر قليلا"..

الميادين

28-03-2004, 23:18

lolyana

وعليكم السلام ورحمه الله وبركاته

انا الصورة استعرتها من صديقي وهو يعمل في شركة الفرات للنفط

وأخبرني ان الهيكل هذا قد عثر عليه في السعودية من قبل شركة آرامكو

للنفط وبدون ذكر تفاصيل آخرى وأن شاء الله بحاول أعرف تفاصيل أخرى وبرد لك خبر

تحياتي

الميادين

الروح

28-03-2004, 23:19

فظيع على هل الصورة كنا دائما نعتقد أنو كل الي بيحكوه عن انسان تلك الفترة مجرد خرافة لكن ...........!
سبحان الله وله في خلقه شوؤن.
ننتظر المعلومات منك بأقرب وقت.وشكرا

الميادين

28-03-2004, 23:20

Alan

أسفي عليك !!!!!!!!!!!

الميادين

28-03-2004, 23:24

Immigrant Bird

أهلا وسهلا بك أخي الكريم

بصراحة انا من رأيك لانه أعرف انه على زمن سيدنا آدم كان أحجام البشر كبيرة

بلاحرى في قبر سيدنا آدم باليمن حجم القبر ضخم جدا

يعطيك العافية

الميادين

28-03-2004, 23:37

juventus

الاخ العزيز

انا أكثر من مرة سمعت أنه الانسان قديما كان حجمه ضخم

كان على حد علمي يبلغ طول الرجل حتى 60 ذراع

وبالنسبة للموقع انا كانت الصورة لدي على فلوبي دورت على موقع لتحميل الصور

ولقيت هاد الموقع وحملت من عنده

تحياتي

الميادين

الميادين

28-03-2004, 23:39

الروح

مشكورة اختي ويعطيك العافية

وأن شاء الله بحاول أجمع تفاصيل أكثر

تحياتي

الميادين

Za3bour

29-03-2004, 00:27

يعني بصراحة الصورة ما بتتصدق و لا بأي شكل من الاشكال و اصلا خبر متل هاد اكيد كان انتشر و انحكى عنو و انا ما بذكر اسمعت بهيك شي

في دراسات بتقول انو كان في شي اسمو العمالقة بمرحلة من المراحل بس ما تاكد شي منها و كل الهياكل العظمية يللي وجدت للانسان القديم سواء بالصين او بافريقيا كانت احجامها طبيعية او اصغر حتى من الطبيعية متل ما قال اخي جوفننوس

سؤال اخير اخي الميادين ليش اسفت على الاخ Alan ؟

سلام

Alan

29-03-2004, 05:50

آخخخخخخ مصاريني ياشباب ......والله ماعاد فيني .....
ياسيدي من بعد ساعتين من الضحك المتواصل ....حبيت أردلك أسفك ومع الشكر ...
أنت أكيد من انك مانك شربان مية (ماء) سوريا ...لأنو السوريين عندو شيء بينقصك ...ياسيدي الكريم صارت معي قصة بدورة لغة خارج الدول العربية ....حيث كان لدينا تمرين يقول فيه هل الدماغ بعضلة .. صح أم خطأ ؟؟ فكان رد المعلمة والعديد من الرفاق بلأيجاب ياسيدي في بداية الأمر كنت محسبهم عم يمزحو ...بعدين ماتشوفلك غير الشغلة صارت جد وصارو الشباب عم يبحثو بالقواميس و الأنترنت عن سر الدماغ ..وأنا صررت أخبط على رأسي من هول المصيبة غير متوقع درجة الغباء الغربية لحتى تصل لهاتيك الدرجة ..لحينما وجدو أن الدماغ هو عضو يتكون من خلايا عصبية لا علاقة له بالعضلة ...لكن المعلمة فتت بفتوى قائلة أن الدماغ كالعضلة أن لم تحركه سيصاب بالشلل ....لتبرر حماقتها .......لكني كنت على يقين بأن الشخص السوري بأختلاف طيفه ودراسته وفكره لن يفكر يوما ما بأن الدماغ عضلة .... ف ياسيدي لا تقولي أنت سوري .. بس يمكن تكون سوري بس عايش في أحدى الدول...
بس حابب أعرف شغلة :
___________________________________________-
انا أكثر من مرة سمعت أنه الانسان قديما كان حجمه ضخم كان على حد علمي يبلغ طول الرجل حتى 60 ذراع
__________________________________________
مين قلك هالمعلومة ؟؟؟"
بعدين هل أنت عم تعتمد على نظريات التطور و لا على بعض المعلومات عن سيدنا آدم ؟؟يعني على العلم ولا على غير شي ؟..
وتاني شيءيأخي :
_________________________________________
وبالنسبة للموقع انا كانت الصورة لدي على فلوبي دورت على موقع لتحميل الصورولقيت هاد الموقع وحملت من عنده
________________________________________
ما سألت نفسك شلون وصلت الصورة للفلوبي ...؟؟؟؟ أكيد مو شركة النفط بعتتلك ياها بشأن تستشيرنا فيها ..مو هيك ...
وأخيرا ..ليش عصبت مني ؟؟؟ حبيت أشكك في خبريتك لتدلنا على معلومات جديدة وتخلينا نتعرف على شغلة مفيدة وذلك بلأثبات العلمي و الأخبار الموثوقة مو حكي مؤلف تاليف لكن عم أستغرب ليش مؤمن بالفكرة لهل الدرجة ؟؟؟...
ياسيدي لاأزال أبكي وأضحك ..مو معقول .
على كل حال لكل حصان كبوة ...ويمكن هي تكون كبوتك ...مسامح ..
شكرا للأخ زعبور وjuventus ...لتوضيحاتهم يلي سبقت توضيحي ....ومستنين معلوماتك الأكيدة والمؤكدة بشوق لعلنا نكون على خطأ
ومنشوفكون عن قريب والسلام عليكم

samer.naa

29-03-2004, 07:43

http://www.3sat.de/imperia/md/images/nano/2004/03_maerz/21_30/news/25_schaedel1_t2.jpg

http://www.3sat.de/images/imperiamd/images02/nano/fjuni/fc/88.jpg

على سبيل المثال

على فكرة العضلات الها علاقة بالمخ حسب نظرية التطور

Alan

29-03-2004, 09:17

سامر ....شي مامعقول .....صورك فيون وجهة نظر وشكرا

lolyana

29-03-2004, 22:27

لقد وصلني هذا الايميل منذ قليل :

(> هيكل عظمي لإنسان عملاق وجده شركة أرامكو السعودية في الربع الخالي
>that's what aramco found in Al-Ruba Al-Khali - Saudi Arabia
>
>Big skeleton (10 times our normal size.)

وقد كان مرفقاً بالصورة

هذا يعني أن الصورة بدأت تنتشر .....و الخبر تازة .....ولكن يبقى للإعلام أن يؤكده

أما بشأن حجوم البشر في عهد سيدنا آدم , فسأورد بعض الأحاديث تشير الى ذلك في تلك الحقبة :

روى البخاري عن سيدنا محمد صلى الله عليه و سلم قوله :

" خلق الله آدم و طوله ستون ذراعاً " , أي قرابة ستين متر
" فما زال الخلق ينقص منذ ذلك "

أول الخلق و أطولهم هو سيدنا آدم عليه السلام ستون ذراعاً في السماء , و أهل الجنة كلهم بطول سيدنا آدم يدخلونها جميعاً على هذا الطول

و حديث الإمام أحمد في وصف طول سيدنا آدم بستون ذراعاً و عرضه سبعة أذرع

و للتذكرة : عاش سيدنا آدم (960 ) عام , و معروف عن البشر في تلك الحقبة أنهم كانوا يعمرون بمئات السنين ....فإذا قارنا الأعمار بالأحجام نكون قد اقتربنا من حل المعادلة........و الأحاديث كثيرة جداً عن تعمير البشر و طول سني عمرهم , إضافة الى الدلائل العلمية التي تشير الى ذلك

maximmus

30-03-2004, 01:24

أخي العزيز شكرا كتيرررر على الأيميل المسلي

بس في شغله صغيرة أنت قلت

بصراحة انا من رأيك لانه أعرف انه على زمن سيدنا آدم كان أحجام البشر كبيرة

بلاحرى في قبر سيدنا آدم باليمن حجم القبر ضخم جدا

يعطيك العافية

حبيبي لو افتضرضنا أنو كلامك صح أ،ت والكل يعرف أن الأهرامات هي عبارة عن قبور للفرعون وأبو الهول هو حارس هذه القبور طيب لو القبر له علاقه بالحجم معناها فرعون كان كتيرررررررررر كتيررررررررررر ضخم مع أنه الموميائات المستخرجة من مصر الأن من طولنا بقى أخي الكريم يمكن نظريتك غلط

Za3bour

30-03-2004, 01:28

لقد وصلني هذا الايميل منذ قليل :

(> هيكل عظمي لإنسان عملاق وجده شركة أرامكو السعودية في الربع الخالي
>that's what aramco found in Al-Ruba Al-Khali - Saudi Arabia
>
>Big skeleton (10 times our normal size.)
وقد كان مرفقاً بالصورة

أنا عملت بحث على الجوجل من شوي و ما لقيت اي شي بأكد هالشي و متل مو معروف ما في شي تقريبا ما بيلتقى بالجوجل sh:ohmy كمان دورت بمواقع الاخبار و ما لقيت شي

هذا يعني أن الصورة بدأت تنتشر .....و الخبر تازة .....ولكن يبقى للإعلام أن يؤكده

يا جماعة معقول خبر بهالحجم ممكن يكون انتشر بالايميل (عن طريق ناس فاضيين يللي بطلعة حكايات ستار اكاديمي و فضايح هيفا و الكعبة يللي اليهود بدهم يفجروها و ما بعرف شو)

و ما ممكن يكون طلع بالاخبار او عالانتيرنت يعندي هادا اكتشاف ما صار متلو من قبل و مو حيالى اكتشاف خلونا نفكر بمنطق و بمعزل عن كل شي sh:ohmy
اما بخصوص الاحاديث فالي رجعة

سلام

Za3bour

30-03-2004, 01:44

عاش سيدنا آدم (960 ) عام , و معروف عن البشر في تلك الحقبة أنهم كانوا يعمرون بمئات السنين ....فإذا قارنا الأعمار بالأحجام نكون قد اقتربنا من حل المعادلة
تعقيب تاني

من المعروف علميا و عمليا انو الانسان بيصغر حجمو مع الكبر مو العكس ؟ و الدليل اتطلعوا عالناس الكبار و شوفوا و اسالوهن كانوا اطول و اضخم لما لأ

سلام

IMMIGRANT BIRD

30-03-2004, 05:13

Za3bour

30-03-2004, 09:51

اصدقائي واخص بالذكر الصديق جوفينتوس
لو كنت سوري الجنسية ومن اهل دمشق فيمكنك الذهاب وببساطة شديدة الى منطقة ميسلون القريبة بلودان وستجد فيها قبرين لسيدانا قابيل وهابيل وستعرف من طول القبرين كم كان طولهما كما ارجوا ان لاتقول انك لم تسمع بهما !!!!!!!!!!!!!!!!!!!!!!!!!!!
انا سوري و عايش بالشام

و شو الدليل انو القبرين لقابيل و هابيل ؟ طبعا مافي اي دليل اصلا ما حدا بيعرف وين سيدنا ادم نزل علما انو المقام و ليس القبر هو بس لهابيل و اسمو مقام النبي هابيل و هو مقام متل غيرو (الست زينب و الست رقية) و اللي هن مقامات مو قبور

رجاء نحكم العقل مو العواطف

SCORPION

30-03-2004, 10:11

شكرا على هل الموضوع المطروح
بس بدي اسال سؤال
انو وقت اجا طوفان النبي نوح شو عمل بلارض ؟؟

معقول يبقى قبور ومعقول يبقى مقامات متل ما تفضل بعض الاخوة انو في مقامات ما بعرف وين وما بعرف وين
ممكن اجابة

اخوكم الشاطر

sn_vchatAdmin

30-03-2004, 10:18

Za3bour

30-03-2004, 10:42

هذا الكلام اسمه هراااااااااااااء مدقع

أن يصل هذا الخبر للايميل وليس لوسائل الاعلام المختصة فهذا يعني أن المرسل يعرف سلفاً نوعية العقول التي ستتلقى هذا الخبر وستشيعه بهذا الشكل المضحك ...

اسفي على أمة ضحكت من جهلها الأمم
و الله معك حق اخ وسيم

و بالمناسبة الحديث تبع سيدنا ادم طولو 60 ذراع موضوع و هادا نص الحديث الكامل

عن أبو هريرة : خلق الله عز وجل آدم على صورته وطوله ستون ذراعاً. . فكل من يدخل الجنة على صورة آدم ستون ذراعاً فلم تزل تنقص بعده حتى الآن

سلام

نور الساحل

30-03-2004, 13:25

عندي بعض النقاط أو الملاحظات:

أنا بغض النظر عن كوني مصدق للصورة أم غير مصدق ولكن أظن أنه بتفكير بسيط ممكن لنا استنتاج أن الناس كانوا سريعين في المشي وذلك ليستطيعوا التنقل من مكان لآخر بحثاً عن الغذاء والطعام والماء حيث أنه حتماً لم يكن متوفراً في كل مكان وبالتالي سرعة المشي لن تكون إلا بطول القامة .

2- أنه يجب علينا قبل الحكم على الحديث بأنه موضوع أو لا أن نضع دليل صحته أو دليل أنه موضوع فهل لك إخبارنا أخ Za3bour عن مصدر معلوماتك ؟

3- الأمر الأخير في حديث عن الرسول صلى الله عليه وسلم لا أذكر نصه بالضبط وهو حديث الإسراء عندما شاهد رجلاً طويلاً فقيل له أنه إبراهيم الخليل عليه الصلاة والسلام

نور الساحل

30-03-2004, 13:28

من أحبتي نجد أن أشخاص تلك المدة كانوا يتسمون بالطول الكبير
أما من قال أن الغالب على ذلك الزمان كان قصر القامة فهو كلام مستورد من الغرب وليس لنا أن نصدق كل ما يقوله الغرب حتى عن العلوم فعندنا أولاً ديننا ثم العلم المستحدث بعد ذلك مع العلم أن الدين لا يخالف العلم ولكن علينا أن لا ننساق خلف العلم وننسى الدين

lolyana

30-03-2004, 19:20

أرجو من إخوتي الأعزاء و قبل كتابة أي تعليق ( عالماشي ) قراءة المغزى و فهمه قبل الاستخفاف بكتابة و عقول الآخرين

سأرد على بعض الأخوة الذين وضعوا بعض التساؤلات حول مشاركتي السابقة :

maximmus : أخي كيف تقول :" بصراحة انا من رأيك لانه أعرف انه على زمن سيدنا آدم كان أحجام البشر كبيرة

بلاحرى في قبر سيدنا آدم باليمن حجم القبر ضخم جدا "

و بنفس الوقت بترجع و بتئول : " حبيبي لو افتضرضنا أنو كلامك صح " شو هالمفارقة

أما حديثك عن الفراعنة : حقيقة لا أعرف بالضبط عمر هذه الحضارة .....و لكن افتراضياً أتخيل أن عمرها حوالي 2300 عام أوأكثر بقليل .....وقد ذكرت أن أعمار البشر في حقبة سيدنا آدم الى سيدنا نوح كانت كبيرة ....يعني 2300 سنة في زمانهم , كانت شغلة ( جد و حفيد ) ......بالتالي فترة 2300 سنة فترة قريبة من زماننا اكثر من زمانهم ,هذا أمر

أما عن المومياءات فإذا لاحظت حجومهم ليست كحجومنا , أعتقد أنها أضخم بقليل من حجومنا إذا دققت النظر .

Za3bour : أولاً ليس كل ما يصلنا من فوروردز هو صحيح , وقد ذكرت أمر الايميل لأشير أن الخبر بدأ يشيع , و ليس معناه أنني صدقته , و قد ذكرت " يبقى للإعلام أن يؤكده " .....يعني أنا متلكم انتظر تأكيد وسائل الإعلام للخبر

التعقيب الثاني : ما فهمت شو قصدك منو :
" من المعروف علميا و عمليا انو الانسان بيصغر حجمو مع الكبر مو العكس ؟ و الدليل اتطلعوا عالناس الكبار و شوفوا و اسالوهن كانوا اطول و اضخم لما لأ "
شو علاقة اللي ذكرتو بالموضوع ؟

الحديث : هل سبق لك و سمعت ب " صحيح البخاري " ......صحيح البخاري هو الأحاديث الصحيحة المجموعة في كتاب جمعه البخاري ....و الحديث الذي أوردته في تعليقي السابق منه ........فكيف هو موضوع برأيك , و الحديث اللي ذكرتو حضرتك غير صيغة الحديث الذي كتبته أعلاه

و نصيحة من اخت : لا تتسرع في وضع احكامك و إبداء رأي في غير محله

بعدين تعا لئلك شغلة :شلون سوري و عايش بالشام , و شلون حمصي و عايش بأمريكا ....هي كمان ما فهمتا sh:eye

sn-vchatAdmin : فعلاً أخي " أسفي على أمة ضحكت من جهلها الأمم ".
الخبر اللي وصل عبر الايميل لعقل شخص من شكلي, سبق و ان ذكر " يبقى للإعلام أن يؤكده ",
ما كان قد صدقه و لم يشيعه على هذا الشكل المضحك

لعل الصورة مفبركة ......و لكن الذي أحببت أن أؤكده لإخواني هو أن حجوم البشر على زمن سيدنا آدم كانت حقاً كبيرة ......و لقد جمعت معلومات و إفادات من مصدر موثوق .....لانتقي منها ما قد يفيد في وصول الفكرة ......الى عقول احترمها و لا استخفف بها

Za3bour

30-03-2004, 20:54

Za3bour : أولاً ليس كل ما يصلنا من فوروردز هو صحيح , وقد ذكرت أمر الايميل لأشير أن الخبر بدأ يشيع , و ليس معناه أنني صدقته , و قد ذكرت " يبقى للإعلام أن يؤكده " .....يعني أنا متلكم انتظر تأكيد وسائل الإعلام للخبر

التعقيب الثاني : ما فهمت شو قصدك منو :
" من المعروف علميا و عمليا انو الانسان بيصغر حجمو مع الكبر مو العكس ؟ و الدليل اتطلعوا عالناس الكبار و شوفوا و اسالوهن كانوا اطول و اضخم لما لأ "
شو علاقة اللي ذكرتو بالموضوع ؟

الحديث : هل سبق لك و سمعت ب " صحيح البخاري " ......صحيح البخاري هو الأحاديث الصحيحة المجموعة في كتاب جمعه البخاري ....و الحديث الذي أوردته في تعليقي السابق منه ........فكيف هو موضوع برأيك , و الحديث اللي ذكرتو حضرتك غير صيغة الحديث الذي كتبته أعلاه

بعدين تعا لئلك شغلة :شلون سوري و عايش بالشام , و شلون حمصي و عايش بأمريكا ....هي كمان ما فهمتا sh:eye

الاعلام ما جاب سيرتو لهلق لا بالسعودية و لا بغيرها السؤال لايمتى لازم نستنى ؟ بظن للابد لانو الخبر برايي مو صحيح ابداً

انا كنت عم رد عالاخ يللي قال انو سيدنا ادم عاش اكتر من 900 سنة و ربط هالشي بالطول على اي اساس ما بعرف كانو الواحد كل ما عاش اكتر بيطول اكتر

بحب الك انو اي سمعان بحديث البخاري و ما في داعي اسردلك شو بعرف و شو ما بعرف و الحديث محطوط بكذا رواية و منهم يللي ذكرتيها

و نصيحة من اخت : لا تتسرع في وضع احكامك و إبداء رأي في غير محله
شكرا عالنصيحة و لو فيها تهكم كتير على كل هادا رايك انا بظن انو حكيي كان بمحلو و بخصوص التسرع بظن انا حر ؟ لما لازم كل الناس يكون عندها نفس الراي ؟

اما بخصوص سؤالك فانا حمصي و كنت عايش بالشام و هلق عايش باميركا ....صعبة ؟ اذا صعبة قوليلي

بلاقي ما علقت على فكرة انو قبر قابيل و هابيل حجمهن كبير مع انو طبعا هدول لا قبور و لا هم يحزنون

انا برايي الصورة مفبركة و حتى من وجهة نظر فوتوغرافية و يللي ما بدو يصدق هو حر بس بلاهة سياسة كم الافواه لانو ما بتمشي معي

انا انسان حر و رح ضل حر و قول رايي و لو ما كان المنتدى حر ما كنت سجلت في
للاسف في ناس بتفكر حالة بتعرف كلشي و غيرها لا و ما بتتقبل الراي الاخر لذلك رح نضل بكل اسف

" أمة ضحكت من جهلها الأمم "

Za3bour

30-03-2004, 20:56

أرجو من إخوتي الأعزاء و قبل كتابة أي تعليق ( عالماشي ) قراءة المغزى و فهمه قبل الاستخفاف بكتابة و عقول الآخرين
نسيت اسال شغلة

يا ترى شو المغزى من الموضوع ؟ " اذا افترضنا انو صحيح"

سلام عالماشي

KAYSAR

31-03-2004, 00:19

السلام عليكم شباب و صبايا
عندي تعقيب أنو ليش بس تختلف الاراء بطيش حجر الكل و بصير الجواب مائل للعصبية أو التعليم على التاني

يعني هو موضوع أنطرح من خلال الصورة و لهلق كل شيء غير واضح عن حقيقة هذه الصورة

أنا من ناحيتي نص مصدق الصورة و النص التاني عم أستنى التأكيد و الأدلة على صحة الصورة

و سبب نص التصديق أنو في أية بالقرأن ما بذكر نصها بس بتقول الأية بما معناه و هي موجهة من الله سبحانه لعباده المتكبرين بتقول بما معناه

أنه ألم يرى الإنسان الأمم التي قبله و قد كانو أكبر منه جثة و أقوى منه بنية و قد أخذناهم بلمح البصر و قد بعث الله عليهم طوفانا أو من قبيل ذلك فأبادهم

لم يسعني الوقت للتأكد من الأية لأكتبها كما هي بالقرأن لكني أتذكر أنها قد وردت بهذا المعنى

لذلك و أنا أرى الصورة تذكرت الأية بما تعنيه و لعل الله سبحانه قد أعطانا دليل أن الأمم التي قبلنا فعلا كانت أو قد تكون بهذه الهيئة التي بالصورة

و لله بخلقه شؤن

الله أدرى و أعلم

الميادين

31-03-2004, 01:00

لاحول ولاقوة الا بالله العلي العظيم

يا جماعة الخير شووووووو صار فيكم

للمرة الثانية أقول انه الصورة جلبتها من صديق لي يعمل في شركة الفرات للنفط

وهيا موجودة عدهم ونسخها على فلوبي واعطاه لي وأكد لي صحة الصورة

انا أتفاجات بحجم الهيكل

واردت منه معلومات اخرى لكن هو الاخر لم يفلح بجمع معلومات عن الصورة

بعدين أحب أسال سؤال للفلاسفة الموجودين هنا :

هل كل ما يؤكده العلماء الاجانب نصدقــــــــــــــــه !!!!!!!!!!!!

أرجو الاجابة من السادة المعنين وهم أكيد بيعرفوا حالهم

تحياتى

الميادين

3ala2

31-03-2004, 01:13

تحية للشباب الطيبة
الحقيقة هيك صورة ما فاتت بعقلي ،و تعليقات الشباب المعارضة لهيك صورة بتكفي فمعندي شي لزيدو

تحية للأخ زعبور
سلام

Za3bour

31-03-2004, 01:32

بعدين أحب أسال سؤال للفلاسفة الموجودين هنا :

هل كل ما يؤكده العلماء الاجانب نصدقــــــــــــــــه !!!!!!!!!!!!

أرجو الاجابة من السادة المعنين وهم أكيد بيعرفوا حالهم

الميادين

يا سيدي شكرا شهادة بعتز فيها و مو مشكلة بتمون

اكيد مو كلشي بقولو العلماء لازم نصدقو عرب و لا اجانب ما بتفرق بس انا عم استنى شي خبر او خبير عن هالشي باي موقع او جريدة او تلفزيون عربي او اجنبي و انا اول مين رح يعترف بغلطوا اذا طلعت غلطان و رح اعتذر منك اول شي

سلام

Za3bour

31-03-2004, 01:33

شكرا اخي علاء

سلام

Alan

31-03-2004, 08:13

تحياتي بالشباب ....
يعني بكفي لو منحط درجة حرارة السعودية هي بتكفي لتدل أن من الغير محتمل بقاء أي هيكل عظمي لمدة تزيد عن 50 سنة أذا مو أقل ..فما بالك بالآلاف السنين على حد قولك ..
من جهة ثانية أنا بطالب من أدارة الموقع حذف هالموضوع و أغلاقه فورا نظرا للكم الذي يسيء لنا ولتفكيرنا ....
وصلنا لمرحلة من النقاش العقيم يلي مامنو فائدة .. منقلكون اللبن أبيض بتردو لا أسود ...متل الجدل البيزنطي ..حيث كان يتحاورون "مجلس بيزنطة" في كم هو عدد أجنحة و أعين السورافيم في حين كان العدو العثماني على أبواب قسطنطينية ؟؟؟؟
فيا شباب خلصونا من هالخرافات وهالعقليات ......
بس في سؤال ...هل من المسموح لنا أن نأخذ المعلومات العلمية من الكتب الدينية ...؟؟,
الف شكر لأدارة الموقع ويمكن لا زم يكون سؤألي الأخير هو عنوان موضوع جديد عوضا عن ذا الموضوع
والسلام عليكم

نور الساحل

31-03-2004, 11:09

سؤال بسيط للسيد ألان
لماذا دائماً نطلب بحذف كل ما يخالفنا الرأي ؟
إن كان هذا الموضوع لا يستهويك فلماذا تريد أغلاقه ؟
أعتقد أن هذا الأمر هو الذي جعلنا نعود للوراء سنوات وسنوات فنحن كل شيء لا نريده أو يخالفنا نقوم سريعاً ونطلب بحذفه أو إغلاقه

أمر آخر وهل من العيب أن نأخذ العلم من الكتب الدينية الصحيحة والموثوقة ؟
هل أصبحت كتب الغرب أصدق عند بعضنا من كتب الدين ومن كتب العلماء ، طبعاً ليس أي عالم بل علماء الدين الحقيقي ؟

ثم الكل يقول عن كل من يخالف رأيه بأنه جاهل فأعتقد أن الجعل والعلم ليسا رهينين موضوع معين كهذا بغض النظر كون هذا الموضوع جيد أو غير ذلك

Alan

31-03-2004, 23:49

تحياتي رفيق ....نور الساحل ...نورت المنتدى واهلا وسهلا فيك ......
نعم رفيق ..... هذا هو السبب يلي رجعنا ألف سنة لوراء أذا مو أكتر ..... فلذلك أنا بطلب من المنتدى ثانية أغلاقه .....
يا رفيق .... هل تفضل أنت مثلا على دراسة الطيران من العالم العربي عباس بن فرناس ... أو من كتبهم ؟؟؟؟؟؟؟؟؟ هل تريد أن تدرس علم الذرة من اينشتاين أم من كلام بعض الشعراء عن الذرة ....
لك يأخي علمهم صحيح وكتبهم صحيحة وموثوقة أكتر من كتبنا وبتعتمد على المحاكاة العقلية والتجربة ......معلش خلينا نتعلم من الغرب متل ماأجت فترة وتعلمو منا .... وخلينا نعترف أنو نحنا على خطأ و أنو نحنا بمعلوماتنا وبكتبنا مامنساوي شيء أمام الحضارة العالمية الراهنة ......كفانا أوهام ..و لنكون واقعيين شوي ....
.لكن بأمكاننا أن نعود الى مكانتنا السابقة بالعلم فقط وفقط
وشكرا لاصغاء الأدارة لطلبي بأغلاقه ......ومنشوفكون

lolyana

01-04-2004, 01:07

آلان : قبل ما نروح لعندهم نتعلم .......على قليلة نقرأ تاريخنا بشوية إمعان .....و ما نتمسخر عليه متل مو هني بيتمنونا نعمل

عباس بن فرناس : شاب في الأندلس في فترة الحكم العربي .....فكر بالطيران ......و بدأ بالدراسة النظريات حولها ...و صمم هيكل كي يقوم بالتجربة ........و نجحت التجربة ......و لكن هبوطه هو الذي لم ينجح

وللأسف صوِّرت لنا بشكل مضحك .......يعني باعتقادي هاالأمر بيصور لنا مدى فتاحة و نباهة الشباب في ذاك الوقت ....و تصميمه .......بس ليه نحنا لنشوه هالصورة و نضحك عحالنا , و بدل ما نرفع الروح المعنوية للشباب بهالأمثلة .....بنصورها بشكل مذل

صحيح الغرب سبقنا .....بس مو لأنه تعاليمنا متخلفة .....لأن الظروف المحيطة السابقة و لعل الحاضرة حالت دون تقدمنا .......يعني انت مثلاً بدولة غربية كما يبدو .....بتقارن التسهيلات .....والابواب المفتوحة للعلم .......ب عنا .........حتماً لاء .......و كلنا بنعترف بتقدم الغرب , و كلنا بيتمنى أن ننهل من معرفته و آخر أبحاثه ......بس هالشي لا يعني أن نهزأ من ماضينا و تاريخنا

حان الوقت : لكي نستيقظ ......و ل نبدأ في اعمار ما قد تهدم في السنين الركود السوداء التي مرت على بلادنا

آلان : أرجو منك أن تتابع حلقة ( صناع الحياة ) لهل الأسبوع على قناة إقرأ ....إعادة يوم الجمعة الساعة 11 بتوقيت دمشق , حتلاقي قصة فتح القسطنطينية اللي يمكن أول مرة بتسمعا بهالشكل ....متل مو انا سمعتا .....و أمل جديد بإذن الله

سلام

الميادين

30-04-2004, 11:04

أعلان للحقيقة :

بعد جهد جهيد وبحث أستطعت العثور على الحقيقة للصورة الموجودة

وسوف أنشرها اليوم أن شاء الله

الميادين

30-04-2004, 23:05

ببساطة الصورة مفبركة من احد المسابقات الفنية على الانترنت
وهي مسابقة في خدع برنامج الجرافيك قوتوشوب
قام بها احد المواقع على الانترنت

وهذه هي الصور المزعومة:

http://www.abunawaf.com/mix/store2/pic249001.jpg
وهي للفنان ايارن كايت من مدينة كالجاري
واسم العمل الفني: العودة الى ارض العمالقة

وهذه هي الصورة الاصلية المستخدمة في الخدعة
وهي صورة لاكتشاف هيكل عظمي لفيل من ما قبل التاريخ:

http://www.abunawaf.com/mix/store2/...pos03-small.jpg

والصورة من موقع جامعة كورنل
التقطوها بالطائرة لموقع الحفريات عام 2000
حيث عثر احد عمال الحدائق على الهيكل في حديقة الهايد بارك في نيويورك
وقامت بعثة من الجامعة باستكمال الحفر
والهيكل اللذي عثر عليه هو لحيوان يسمى الماستودون وهو احد اسلاف الفيل

واليكم مزيد من الصور من موقع الحفريات

http://www.graphics.cornell.edu/out...right-small.jpg

http://www.graphics.cornell.edu/out...right-small.jpg

موقع الجامعة للمزيد من الاطلاع:
http://www.graphics.cornell.edu/out...rial-views.html

وعموما اكبر حجم لهيكل عظمي عثر عليه في وست فرجينيا
بالولايات المتحدة عام 1956
وبلغ طوله ثلاثه متر وربع
وهو هذا اطول هيكل عظمي موثق علميا عثر عليه حتى الان
هذا لو احنا نتكلم علميا...

وحتى لو انا ما اعرفت بالصدفة ان الصورة هذي اصلا عمل فني
فبالتدقيق فيها تجد انها مو حقيقية اطلاقا
لكن انت شايف الرجال ماسك الجاروف ( الكريك )ويحفر تحت جمجمة الهيكل العظمي !!!

الرد هاد حصلت عليه من أحدى المواقع يعنى منقوووووووول للأمانة

jala

01-05-2004, 00:10

الميادين شكرا لايضاح الموضوع و ما كان بدا كل هالضجة.........

lolyana

01-05-2004, 01:08

اممممم

وطب قصة انو رفيقك بيشتغل بشركة مدري شو , و حصل عل فلوبي

كذب .....كذب

و المعمعة اللي صارت ......كلو كذب

طب ليش ....

وأسفاه

:(

عل كل حال شكراً لإعلانك الحقيقة

Za3bour

01-05-2004, 09:04

أخي الميادين

بحيي فيك شجاعتك و منيح يللي بين الموضوع لحتى نلغي الشك يللي صار و تتوضح الحقيقة

سلام

Alan

01-05-2004, 09:42

خطوة رائعة أخ الميادين.... بتمنى أنك تكون أمنت بحقيقة العلم والخيال الشخصي
بس شو بالنسبة للفلوبي ؟؟؟وشركة الفرات للنفط؟؟ليكون كان عم يمزج معك صاحبك...بتصير
أهم شيء أنو أبعدت شكك عن حقيقة الصورة
منشوفكأخيو
السلام عليكم

lolyana

01-05-2004, 20:41

I am sorry for my reply

but remember i have my own reasons that made me write in such a way

lolyana

juventus

01-05-2004, 23:15

......................
كما توقعت.............لتذكروا مشاركتي في الصفحة الأولى لهذا الموضوع......

.................................

الميادين

06-05-2004, 09:16

jala

العفو ........

لكن انا مثلكم الصورة كنت متفاجا بها وأردت معرفة الحقيقة

تحياتى

الميادين

06-05-2004, 09:25

lolyana

للأسف ...........

لن أنزل الى مستواك المتدني والمتواضع وأقلل أدبي كما فعلت أنت

في ردك السخيف والذي يعبر عن شخصيتك المريضة

الله يشفيك

آمين يا رب العالمين

الميادين

06-05-2004, 09:33

Za3bour

اخي الفاضل انا بينت في ردودي أني سااحاول معرفة الحقيقة

وأقدمها فى الموضوع

الميادين

06-05-2004, 09:50

Alan

وعليك السلام والرحمة والاكرام

أخى الفاضل أنا لم أنكر قصة الفلوبي

أنا قلت انه الصورة لم أرها بالنت من قبل وشاهدتها لدى صديقى

الذي يعمل في شركة الفرات بالنفط

واردت معرفة الحقيقة عن الصورة لانه انا سمعان انه آيام زمان كان البشر عمالقة

وخبرني انه الصورة حقيقية وموجودة بالسعودية

لهذا نزلت الموضوع وقدمت فيه الصورة حتى تتوضح الصورة أكثر

تحياتى لك ويعطيك العافية

الميادين

06-05-2004, 09:52

lolyana

07-05-2004, 13:22

iiiiii

ياسـر

09-05-2004, 01:59

اتوقع الموضوع أخد حجم وكلام اكثر من الازم

اتمنى عدم اضافه اي رد........

تم أغلاق الموضوع ..... تحياتي للجميع

مشرف قسم كوكتيل ( أمير العين)

IMMIGRANT BIRD

09-05-2004, 08:14

للمشاهدة والتوضيح

الميادين

14-05-2004, 10:57

نشرت جريدة الشرق في عددها وبالتحديد في صفحتها الاخيره صورة الهيكل العملاق الذي يزعم انه من قوم عاد وثمود ..
والصورة حقيقتاً انها مسروقة من احدى المسابقات الفنيه على الانترنت وهيه مسابقة في خدع الجرافيك الفوتو شوب .

هذي الصوره كما نشرت !!

http://upload.drawers.ws/store2/heqal1.jpg

والصوره للفنان اريان كايت من مدينة كالجاري

واسم العمل : العوده الى ارض العمالقه .

وهذي الصوره الاصليه المستخدمه في الخدعه وهيا صوره هيكل عظمي لفيل

http://upload.drawers.ws/store2/heqal2.jpg

والصوره من موقع جامعة كورنل التقطوها بالطائرة لموقع الحفريات عام 2000م حيث ان احد عمال الحديقه عثر على الهيكل في حديقة الهايد بارك وقامت بعثة الجامعه باستكمال البحث والحفر على هذا الهيكل
وهو لحيوان يسمى ( الماستوردون ) من سلالة الفيله ..

واليكم بعض الصور :

http://upload.drawers.ws/store2/heqal3.jpg
http://upload.drawers.ws/store2/heqal4.jpg
http://upload.drawers.ws/store2/heqal5.jpg

والموضوع ما يتوقف على انها صوره مسروقه واظهار حقيقتها ..
لكن على اي اساس انسبوها لقوم عاد وثمود ,,
فقط ذكرهم انها لقوم عاد اخذت الطابع الديني لان قوم عاد انذكرو في القرآن وهذا استخفاف بعقول المسلمين واستهزاء بآيات القرآن ،، لا حول ولا قوة الا بالله

لمزيد من المعلومات حول الصور ادخل على موقع الجامعه ..

http://www.graphics.cornell.edu

http://www.graphics.cornell.edu/out...-overviews.html

وصلني عبر الآيميل وغايتي فقط توضيح الحقيقة وتبرأت نفسي من الغلط الذي وقعت فيه