...أسامينــــــا ...

[sama7]

السلام عليكم ،،

كنت بحكي عن الاسامي وعن الالقاب وكيف بننادي على شخص سواء باسمه او اسم دلع او غيره
بعض ناس ما بعجبهم الاسم اللي بتنادى عليهم فيه
وبعضهم بيفضل اسم عن اسم

ومتل ما قالت فيروز (( اسامينا ،، شو تعبو اهالينا ،، تا لقوها ،، شو افتكرو فينا ))

من انا وصغيرة وانا بحس اسمي احلى اسم بالعالم ،،، واد ما عرفت اسماء بنات وولاد كمان ،، كتير بحبه لاسمي

راضي انت عن اسمك ؟؟ واذا كانلك الخيار شو بتختار اسم لنفسك ؟

[الهره]

انو اول شي يسلمو على الموضوع ...
و بصراحه سؤال عمري ما سالتوو لنفسي ..
يعني انا بالنسبه لا الي بشوف انو اسمي لابقلي يعني فيكِ تقولي عاجبيني ..
و ما بحب اسم الدلع sh:questio ...



الهره

[Za3bour]

أنا بصراحة أهلي ظلموني لما سموني زعبور sh:ohmy ما بعرف شو كان خاطر ببالهن sh:angry
الظاهر متأثرين بأفلام كرتون كتير بس بلشت اتعود علي و انا ناوي اعمل نفس الشي بولادي لذلك رح سمي واحد جرجور و التاني شرشبيل اما البنت ف السيدة ملعقة

لأ عن جد أنا بحب أسمي كتير بس في أهل فعلا بتيجنو على ولادهم كتير و بسموهن اسماء عجيبة يعني مثلا بعرف وحدة اسمها بدرية (أنا ما عندي اعتراض عالاسم ) بس كانت حرام متعقدة من اسمها و خصوصي لما كانت صغيرة و ضلت متعقدة لحتى غيرت اسمها بالمحكمة

يعني تخيلو وحدة عمرها اشهر و الناس عم تناديلها بدرية sh:ohmy إي ما بتركب....

شكرا اخت سماح عالموضوع

سلام

[راحلة]

يسلمو عالموضوع سماح وانا برايي الاسم بدل على شخصية الواحد حتى لو مكان الو زنب بانو سموا هيك مدري ليش بس انا مخي هيك يعني فرضا عرفت واحد اسمو جعفر مع احترامي للاسم بحس هالشب عصبي والله يعين اللي بعلق معو ههههههههههه وكان عندي بنت بالصف اسما معاش وكانت كرهانة حالا من هالاسم ...

انا بحب اسمي كتير وبحب اسم الدلع فيو اكتر بجوز لانو تعودت عليه بس مابعرف بيعجبني..
وبالمستقبل ازا ربي كتبلي واجاني ولاد وينات بسمي البنت حنان لانو هالاسم بيعنيلي كتير والصبي ممممممممممم بجوز سمي اسم قوي بليق بحارات الشام والقبضايات ههههههههههههههه

يسلمو مرة تانية..

[vict0ry]

مممممممممه

بالنسبة لاسمي مابحبو و بس بعشقو حتى اني بضل بكتبو قدامي بحب اسمي لانو نادر شوي يعني خلال 25 سنة ما اجتمعت الا بشي 8 بنفس الاسم

وبجد الواحد بحب الاسم من الشخص يلي بيقابلو يعني بس تعرفوني منيح لحتكرهو كل مين اسمو على اسمي sh:eye

بالنسبة لولادي بدي سمي جانتي :eek: مشان يركز أبوجانتي تمام :D
والبنت : فيكي ;)

وعلى فكرة بمكن بعرف في حديث عن الرسول الكريم بيقول بمامعناه:خذو حظوظكم من اسمائكم


تحياتي لجميع الاسماء

[Soul]

يعني قصة راضية..مو كتير لأن بحس أسمي مختصر..يعني تلات حروف ..و هيك ما بنتبه ازا حدا عم يناديني..بفضل لو كان اسمي ..مممم..ليلى أو...سلمى..أو يمكن عليا..

[ghiathmo]

تحياتي

سماح أهلا فيكي بعد الغيبة....

الموضوع بتختلف الآراء فيه...ممكن كل واحد منا يكون الو تصور معين

برأيي أنو واحدنا هو بيصنع أسطورة اسمو .....مو الاسم بيصنعو....فشو استفدنا لو كان الاسم حلو والمضمون سيئ

بقولوا (لكل شيء من اسمه نصيب) بس لا يعني أنو الاسم بيصنعنا

يمكن بشكل عام وخاصة جيل الشباب اليوم ميال لنوعية من الأسماء هي الأسماء الغير متداولة....والسبب هو التميز

أنا شخصيا بعرف شخص سما بنتو رضاب.....ظاهريا الاسم كتير حلو بس لما بترجع للمعجم رح تشوف معناه لعاب...معقول هالحكي؟؟؟؟؟

بالنهاية الأسماء تعويد...والمجتمع هو اللي بخليك تحب اسمك أوتكرهو....بحجة الاسم القديم والمواريث المتفشية بالمجتمع....

اسمي ما بيعني شي الي مقابل شخصيتي ...فبأي اسم تاني رح تبقى شخصيتي متل ما هي

شكرا سماح على موضوعك

[`الملكة``]

مرحبا sama7 :

أنا بحب إسمي كتير وهو فعلا بيدل على جزء من شخصيتي ;)

[رونــــي]

مممممممم ........ الاسماء ...

يعني يا سماح الموضوع كتير حلو .... و كتير معقد كمان ....
يعني عنجد لازم يكون الواحد .. دقيق كتير بتنقاية الاسماء ... لانو رح يرافق الاسم الشخص طول عمرو ... انا بتفق مع غياث بانو الاسم ... ما بيعمل الشخصية ... يعني الشخصية نفسها نفسها ما تتغير ... بس احيانا الاسم الو تاثير كتير كبير ..... تخيلو لو انو الاسم مو حلو ..؟؟؟ ما رح يتعقد صاحبو منو ...؟؟؟ اكيد ... و رح ياثر على شخصيتو اكيد ...

يعني انا بعرف ولد صف تالت ... اوكي ... و اسموا معتوق .... sh:ohmy يعني الاسم يمكن الو معنى ... بس واحد صف تالت ...؟؟ و معتوق ...؟؟؟ sh:ohmy ......
يعني الاولاد بالمدرسة بينادولو معتوه .... ايه عنجد معتوه ... و الولد متعقد من هالشي .. طب مو حرام ...؟؟؟

عنجد لازم يفكروا الاهل قبل ما يسمو ولادون .. اسم ما بيناسب هالزمن ... ولا هالعصر ....

و مشان الاسماء الجديدة و الغريبة و المميزة .. صراحة مو كلها حلوة ... يعني هيك و هيك ....في شي حلو كتير ... بس كمان في شي ما بينطاق ...
انا احلى اسم جديد سمعتوا .... بنظري هالشي طبعا ... هوي ... ( جوى ) .... اسم بنت ... و معناه حرقة الحب ... يعني وقعو حلو ... و معناه حلو كمان ...

و هاد كل شي ...

شكرا يا سموحة ... رح دللعك ... sh:eye لا تزعلي ... الموضوع كتير حلو .....


وسلام....



رونـــــي ...*

[samah]

انا اسمي كمان سماح وكتير فيني هالصفة وانا بحب اسمي
بس بكرهو احيانا مدري ليش
حسب عقلي

[nisreen a]

الاسماء.......

موضوع كتير حلو سموح ....... جد اشتقتلك كتير .... ولمواضيعك الحلوه ........

الاسم كتير بيعنيلي انا ....

وبحب الاسم على حسب الشخص .......

انا اسمي بحبو كتير وبحسو نعوم وهيك .......

وانا وصغيره كانو ينادولي .... نانا .... وتعقدت من هالشغله ..... وماعاد رديت على حدا الا اذا نادى

نسرين ..... بس لهلا ماما واخي ورشا ومن العيله بينادولي هيك .... وانا صرت حبو

بيذكرني بصغيري ....... بس اجمالا بحب الاسم ... كتير نسرين ... وبتمنى لو ضافولي عليه

حرف الالف على اخيرو ... نسرينا .... بس يالله كلو تمام

[juventus]

أول شي شكرا" على الموضوع......
بالنسبة لي الحمد لله أرى باسمي ما لا يراه الجميع........قتيبــــــة

.....الحمد لله بحب اسمي كتير ومقتنع فيه ....... المهم عندي قليل من اسمهم قتيبة........
وبالنسبة لأسم الدلع......بصراحة ما بحب ادلع... sh:questio
بفضل ينادي الأشخاص باسمي ..........
أحيانا" أصدقائي بيحاولوا يدلعوني كتكوت كتوبة ومن هالشي........بس أنا بفضل قتيبــــة


.وطبعا" وكل هالشي ولا بديل عن ال juventus

[sama7]

السلام عليكم ،،

اخواني : الهرة ، زعبور ، راحلة ، فكتوري ، سول ، غيث مو ، الملكة ، روني ، سماح ، نسرينا ، جوفنتس اشكركم جميعا" لردودكم المهضومة والمعبرة عن مشاعر اختلفت من شخص لشخص وتشابهت عند البعض

عدة نقاط بقدر استشفها من كلامكم

1- احيانا بيكون الاسم حلو وما بعجب صاحبه والعكس صحيح انه يكون الاسم مش حلو ويعجب صاحبه
مسالة حلو او مش حلو شغلة نسبية ،، انا بحس شغلة حلوة ممكن غيري يحسها بشعة

2- اسم الدلع المربوط عادة بالاسم او بابرز حروف من الاسم ،، البعض ما بحبه بنفس الوقت في ناس ما بتحب يتنادالها الا باسم الدلع ،،

3- الاسماء ممكن يختلف تقبلها بالنسبة للزمن ،، يعني زمان كان اسم بدرية عادي بس اليوم لا بدرية ولا عصرية عم بمشي ،، يعني جنب الاسماء اللي عالموضة صعب حدا يكون اسمه بدرية !
مع ان بعض اسماء صعب جدا انه نحس بتغير العصر عنها ،،، مثلا انا بعشق اسم محمد ،، اللهم صلي على سيدنا محمد

في شغلة لما كبرت بس اكتشفتها ،، انه بعض عالم بيكونو يفكرو لمدة شهور بشو رح يكون اسم البيبي الجاي عالطريق ،،، وبيصيرو يدورو شمال ويمين ويلمو قوائم اسماء ،،، وبالاخر بتلاقي طلع معهم اسم فايت بالحيط ،، ما كان في داعي يغلبو حالهم هالقد !!!
ناس تانيين ما بفكرو حتى بالاسم ،،، وباخر لحظة بطلع معهم اسم عادي او قد يكون مش عادي sh:questio

اتذكرت فلم كان فيه الجد بدو يسمي حفيده ،، وكان لازم يسميه همام ،، والتاني همام التاني ،، والتالت همام التالت ،، هاد كل العيلة همام

بس لازم نتذكر شغلة مهمة انه نختار لابناءنا اسماء حلوة لفظا" ومعنى ،، لان هاد حق الهم علينا ،، صعب لما واحد يكبر يكتشف معنى اسمه مو حلو

كان عندي تساؤل

لو كان خيار الاسم مو بايد الاهل ،، وببقى الشخص بلا اسم لحد معين ،، شو كنت بتسمي حالك ؟؟

[Za3bour]

زعبور قلب الاسد بدون تردد :rolleyes: لو بنت السيدة ملعقة ;)

سلام

[vict0ry]

شكراً سماح عالموضوع مرة تانية

يمكن لوكن بلا اسم متل فكرتك لتركت حالي بلا اسم

لانو شو ماسميت حالي مالحيعجبني ومالحيكون لاسمي حميمية و و قع خاص.

[نار البحر]

موضوعك حلو سماح خانم

انا بحس انو اسمي ما بقدر استغني عنه و بحسه قليل شوي يعني مش كتير متداول

يعني بالمختصر بحبه

و هو من الاسماء التي وردت في القران في سورة النحل وصف لاهل الجنة " لهم فيها جمال حين يصبحون و حين يمسون "

بس اهم شي بحياتي العادية انو ما حدا بيندهلي جمال ابدا كل من حولي بقوليلي " ابو الجود "
من انا و صغير دارجة علي هل الصفة

و تحياتي لكل الاسماء ايضا

[HARMA]

الموضوع حلو فعلا لينطرح 000لانو فعلا في نا س يمكن بحياتكن مابتتخيلو يكون عندون هيك اسم000يعني انا مثلا بالسعودية في ناس بدويين مسمين اسم البنت باتنجانة -فوطة-حنشةة 0000واسامي الله لايورجيكن000؟؟

[الهره]

ممممم ... و الله يا سماح مابعرف يمكن لانو تعودت على اسمي او لاني بشوفو يناسبني !!! بس انا بحب اسم ارجوان ,,, او سالي ....


و شكراا ...



الهره

[الاميرة تومي]

اسمي مو غريب اسمي عادي
وحتى انه بابا سماني على اسم حماته اللي هي ستي لانه بحبها كتير
وعلى اسم عمتي وبنت خالي عندها نفس الاسم ... ومين كمااان
اما دلعي فكل عالم بتدلعني باسم ناس بتناديني تومي لانه انا بحب هالدلع
رفيقتي بتدلعني طماطم (مع انه ماعندي وزن ) بس بحبه اسمي
وستي بتحبني لانه على ستها مع انه ستي مابتحب البنااات

يسلمو ايديك سماااح



تومي

[myimad]

أنا راضي تماماً عن اسمي وإذا رزقني الله بمولودج سأسميه عماد إن شاء الله
باااي
لأني مابعرف أكتب سلام

[damaskrose]

حلو الموضوع سماح
اسمي قليل يعني بحماه كلها يمكن في وحدة غيري اسمها من اسمي
بحبو لانه غريب و اله معنى مو متل كتير اسماء بتحسيها مجرد صف احرف
شكرا

[shehed]

اختي شكرا لك كثيرا على موضوعك
بالنسبة اللي انا راضية على اسمي
وبشكر اهلي لانو سموني هل الاسم
لانه اسمي شهد
واعتقد وفي نظري ان اسم شهد حلو
ويا اختي انتي كمان اسمك كتير حلو
فاسم سماح كتير حلو
وشكرا لك مرة اخرى
اختك شهد

[الهاربة]

مرحبا موضوع حلو وخفيف sh:hi
بالنسبة لاسمي بصراحة مش عاجبني:ma3qool:
بس هلأ مابتصور حالي من غيروا
يعني تقدري تسمي تعود
واكتر شي خلاني اتعود عليه انو اسامي الدلع الو مابتخلص
يعني لهلأ الي تسع تدليعات بيقولولياها :wleeee:
كلا مشتقة من اسمي :D
هيدا اللي مصبرني
بالنسبة للاخ اللي حكي عن الحديث هو مضبوط بس بصراحة ماضبط معي انا عكس اسمي تمااااااااااام::(
تحية

[قمر السعوديه]

شكر كتير اخت سماح
على الموضوع الحلو
بنسبه اللي انا مابحب اسمي


تحياتي
قمر السعوديه
........................
اوعدك طول العمر منساااااك
حتى ولو حطمني الشين

[زين الشام]

موضوع كتييييييير حلو انسة سماح

أما بالنسبة الي فبحس اسمي من أجمل الأسامي و الوالد سماني على اسم جدي ومن كتر اسمي مو حلو عندنا منه شي 8 بالعيلة!!!!!!بصراحة ما بقدر اتخيل حالي بغير هيك اسم و الحمد لله,
بس يا جماعة ما بتستغربوا من الاباء يللي بيظلموا بناتهم و بيطلقوا عليهم أسامي شباب!!!!
متل يللي بسمي بنته (عصام ) أو غيره من أسامي الشباب!!!!! :eek: يعني شو ما كان السبب و المبرر لحتى يسمي بنته بهيك اسم بس ما فكر أنو البنت ممكن تتعقد بس لتكبر و تواجه كتيير صعوبات هي بالأصل بغنى عنها؟؟؟!!!!

تحياتي لكم جميعا.

[sama7]

السلام عليكم ،،،

اخوتي : زعبور ، فكتوري ، نار البحر ، HARMA ، الهرة ، الاميرة تومي ، myimad ، damaskrose ، الهاربة ، قمر السهودية ، شهد ، زين الشام
اشكر مروركم جميعا ،،، على ثقة كل اسماءكم حلوة ،، احلى شي السيدة ملعقة :yaturaa:

موضوع الاسماء مقلق بايامنا في اكتر من اتجاه ،،، :eek:

1- قابلت شباب وصبايا اسماءهم كتير قديمة ،،، اللي على اسم جده او عم ابوه او مدري اي واحد من الجدود ،، اسماء بجد بتعقد حاملينها وبتخلي الواحد متل ما قال فكتوري يضل بلا اسم ،،،
هون في فلسطين وبعتقد بكتير من الدول العربية الابن الكبير بياخد اسم ابوه وبسمي ابنه الكبير على اسم ابوه ،،، ويا سلام اذا كان ابوه اخده عن جده ساعتها بيجوز يطلع اسم جدا قديم ،،،

2- بنات كتير بتحمل اسماء الجدات في العيلة ،،، صحيح انا بحب جدتي بس حرام تكبر بنتي تلاقي اسمها صفية ولا صبحية ولا زريفة ،،، والله في اسماء الواحد بستغرب ليش لهلأ بتتسمى ,,,

لو كنت بموقف متل هيك ولازم تسمي ابنك او بنتك باسم قديم جدا على اسم احد الاجداد ،،، بتسميه عادي والله يعينه عليه لما يكبر ولا بتفكر تتمرد عالعادات والتقاليد ؟؟

س م ا ح :tasaaol:

[damaskrose]

حلو السؤال سماح
يعني بصراحة شي بيحير كتير
يعني مثلا بكرا اخي اذا تزوج و زوجته ما فعلت تسمي اسم الولد على اسم ابي
وانا والدي متوفي يعني وقت هل الولد بده ياخد الاسم بدها تتحول محبة الاب والطفل سوى فيه
برأي الشخص هو بيحلي اسمه
اسمي مثر اسم قديم كتير ومو على اسم اي حدا بس لان ابي حب يعطيني اسم له معنى

[الرسم بالكلمات]

هذه أولى مشاركاتي هنا فبداية ألقي التحية على جميع الأصدقاء و لقد أعجبني أن تكون بدايتي في الرد على الموضوع و الحديث عن الأسماء و أنا أسمع فيروز تقول : عينينا هني أسامينا ..
فعلاً .. الاسم أشبه بباب البيت .. قد لا يوحي دائماً بما هو موجودٌ في الداخل و لكنه يترك انطباعاً و لو أولياً عن البواطن و الدواخل .. و أما ما يبقى عالقاً في الذهن فهو ما تراه هناك في العمق ..
بالمناسبة أنا أحب اسمي (علي) مع أنه ليس على الموضة .. و لو خيرت أن أسمى باسم معين أتمنى أن لا يكون اسمي ذو علاقة بديانة معينة أو انتماء معين و أما ما يبقى فأخير فيه أهلي من جديد !

[myimad]

السلام عليكم ،،،

2- بنات كتير بتحمل اسماء الجدات في العيلة ،،، صحيح انا بحب جدتي بس حرام تكبر بنتي تلاقي اسمها صفية ،،، والله في اسماء الواحد بستغرب ليش لهلأ بتتسمى ,,,

لو كنت بموقف متل هيك ولازم تسمي ابنك او بنتك باسم قديم جدا على اسم احد الاجداد ،،، بتسميه عادي والله يعينه عليه لما يكبر ولا بتفكر تتمرد عالعادات والتقاليد ؟؟

س م ا ح :tasaaol:
يا آنسة سماح لوكانت من غيرك لكنت حكيت أكثر من هيك ولكن كلمة عتب عليك
فقط لأنك من سكان القدس الشريف
السيدة صفية أسم زوجة من زوجات الرسول محمد صلى الله عليه وسلم

وأسمائهن هي:

خديجة بنت خويلد
سودة بنت زمعة
عائشة بنت أبي بكر
حفصة بنت عمر
أم سلمة بنت أمية ( هند)
أم حبيب بنت أبي سفيان
زينب بنت جحش
جويرية بنت الحارث
ميمونة بنت الحارث
زينب بنت خزيينة
ماريا القبطية
صفية بنت حيي



والتي تحب أن تسمي ابنتها بهذه الأسماء فلتسمها ولتشرفها بهذه الأسماء

[sama7]

السلام عليكم ،،،

اختي العزيزة damaskrose هذا موضوع فعلا يأخذ جانب مهم من جوانب الاسماء وهو المعنى ،، لأنه بيأثر المعنى كتير ;)

اخي الرسم بالكلمات ذكرتني بما اقوله دائما عن اسمي فأنا اعشق اسمي واعتبره احلى اسم في الدنيا :tongueee:

اخي myimad يعني بكلامك هذا دبحتني لما تكون اسماء زوجات الرسول صلى الله عليه وسلم بيكون النا الشرف الكبير في تسميتها ،،، لكن انظر معي اخي الى الاسماء بشكل عام دون ربطها بالاشخاص تجد الاسم وحده مجردا من الانتساب الى شخص بعينه يعطي جوا خاصا بالقدم والحداثة ،،، هذا ما اعتقد

رح قلك قصة سمعتها وبجد استغربت لان الاسم مش كتير قديم كان اللي بينحكى عنه ومعناه كتير حلو ،،،
وحدة من العيلة الكبيرة تبعنا مسمية بنتها أمينة على اسم حماتها ،،، اسم أمينة حلو ومش قديم وببلدنا يعتبر من الاسماء اللي ما بتقدم ،،، البنت صار عمرها 10 سنوات بالصف الرابع اظن او الخامس ،،، اجت لامها بتقلها ماما ليش اسمي قديم انا كل بنات صفي اسماءهم جداد وحلوين ،،، الام تعقدت مع انها حاولت تفهم بنتها ان اسمها حلو ومش قديم بس بدون فايدة ،،،

لفتت نظري شغلتين في ما يتعلق بالاسماء
1- الشخص بيحلي اسمه ،،، هل هادا الحكي صحيح ؟
2- معنى الاسم يعطي رونقا خاصا للاسم ،،، هل تجريد الاسماء من معانيها يعطيها نفس الجو والقبول ؟

س م ا ح

[sama7]

السلام عليكم ،،،

مع ان مشاغل الدنيا حاولتني بس بحاول ركز شوي هون :hmmmm:

رح احكي قصتي مع اول سؤال وبشو بحس لما بفكر في اسم شخص ،،،

1- الشخص بيحلي اسمه ،،، هل هادا الحكي صحيح ؟

انا بنظري مية بالمية صحيح ،،، بجرب في تعاملي مع الناس اني حدد فلان بحبه ولا ما بحبه ولا شو شعوري الباطني تجاهه ،،، العالم اللي بحس حالي ما بطيقهم بحس اسمهم متل السكينة ،، بكره اسمع اسماءهم ،، يا لطيف على هيك شعور :hossss:

مع ان حدا تاني ممكن يحمل نفس الاسم ويكون شخص قريب من قلبي بس متل ما بيقولو ولاد الحرام ما خلو لاولاد الحلال اشي ،،، مشان هيك لما بسمع الاسم بربطه بالشخص السيء قبل ما اتذكر الشخص المنيح ،،، وبتخيل انه بس بيمثل حدا سيء ،،، هادة مجرد شعور لحظي ،،، بتولد اول ما اسمع اسم شخص ما بحبه ،،،

والعكس صحيح ،،، تجاه ناس بحبهم ،،، لما تنذكر اسماءهم بنبسط ،،، وبشتاقلهم حتى لو شايفتهم بنفس اليوم

تحياتي ،،، س م ا ح sh:scared

[moodystar]

أنا اسمي حلو و مميز ... و الأهم اني بحبو كتير كتير ..... الله يخليلي أهلي أديش اختاروه بعناية أكيد لأني كنت المولودة الأولى ...
حتى اسم مودي ستار ... صرلو مرافئني 5 سنين ... و بحبو كمان لأنو بيشبهني

و بحس كتير ان الشخص بيحلي اسمو و بيعطي للاسم روح بس أحيانا بحس انو الاسم بيفرض طبيعته عالشخص ....

[myimad]

يعني برأيك آنسة سماح المشرفة
اسم شارون لايق لهكذا شخصية...............!!!!!!!!!!!!!!!!!!!!!!!!؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

[basil]

well..

my name is basil.. and i like it.. and i really hate it when people call me bassool!!! :za3laan:

i guess it is possible to have a meaningfull name that is not so annoying...

emad.. eyad .. osama.. these are nice names..

also.. amal "my sisters name" .. sama7.. i really like your name :) .. one of my favourate names for ladies is layla.. and dana..

on of my relatives name is ferzat.. no comment..

[W_K]

سلام
موضوع حلو
أنا عني لاحظت أنو اللي بيحملوا نفس الاسم بيحملوا غالباً صفات متشابهة يعني مثلاً بحياتي ما تعاملت مع حدا إسمو (....) وحبيتو , بس مايطلع حدا هون اسمو (.... ) sh:ohmy
بالنسبة لاختيار الاسم من الأهل فلازم يفكروا كتير منيح لأنو هي مسؤولية وسيسألهم عنها ابنهم يوماً يعني حرام يتسمى الولد على اسم بطل المسلسل اللي كانت الأم متابعتو وهي حامل مثلاً ..
في رأيي يجب على الأهل مراعاة أن يكون في الاسم ما يلي:
1- أن يكون في الوسط يعني مو أول واحد بيطلع على الشفهي في الصف ولا آخر واحد بينادوا عليه وقت الدور والزحمة أو في الانصراف ..
2- أن يكون معناه جميلاً وباعثاً للثقة في نفس الولد وليس مخجلاً أو غريباً يعني ما حدا يضرب معو عرق الثقافة ويسمي أبنو شكسبير مثلاً ( أعرف صديقاً يحمل هذا الاسم ونناديه جميعا شكصغير والمسكين متعقد من اسمو )
3- أن يكون من الصعب تحويله الى اسم دلع مضحك من قبل أصدقاء الولد مثلاً منصور سيناديه الجميع صرصور :D
و فادي سيصبح فاضي :shlon:
و نور سينادونه نور بعد وضع فتحة على النون والواو sh:ohmy
وهيفاء ستكون هيفا أو هايفه ..

و سامحونا

[sama7]

السلام عليكم :

هلا مودي ستار فعلا الاسم اوقات بعطي حركة للشخص ،، كانه اله طعم خاص

اخي ماي عماد سؤال صعب بس انا ما بتخيل لما بنذكر اسم شارون قدامي الا شخص بنص (سمين) عم يتمرجح في المشية ،، وشكله والعياذ بالله متل ___ . بالنسبة الي هوي عم يعطي اسمه معنى بشع :yaturaa:

فعلا اخي باسل اسمك حلو معناه قوي كمان ،،، بس على اسم معرفتك والله ما قادرة اقرر ولا اعلق بس سؤال وجيه كيف عم تحس تجاهه وهل بتعاني منه بحياتها ؟؟
اسمي الحقيقي مو سماح ،،، هاد اسمي الحركي sh:eye وبحبه كتير

اخي دبليو كي كلامك صح وشروطك عجبتني
لما كنا في الصف التاسع ناقشنا موضوع الاسماء مع مدرسة العلوم ،،، كانت تحب تنمي الطلاب من نواحي لا منهجية ،،، قال في شروط للاسم مشان الاولاد ما يحقدو على اهلهم ولا يتعقدو في حياتهم ،،، يكون الاسم حلو وبعيد عن اسماء الحيوانات واله معنى فخري ما يكون شي مسبة ولا شتيمة :eek:

************************************************** *************

بنتقل للسؤال التاني

معنى الاسم يعطي رونقا خاصا للاسم ،،، هل تجريد الاسماء من معانيها يعطيها نفس الجو والقبول

بفكر انه المعنى مهم ،،، مثلا اسم اصال ،، او اسم باسل ،، فارس ،،، منير

في كتير اسماء بتحمل معاني رائعة وقوية
بس مش هوي المقياس الوحيد ،،،
يعني ممكن شخص يحمل اسم حلو بس هوي بشطارته :lahlah: يبشع الاسم كتير sh:scared

بتصير اكيد مجربينها

س م ا ح