المساعد الشخصي الرقمي

عرض الإصدار الكامل : .،.،.،. إنّو يعني ليــه في (ترررم) وما في (ترلالا) .،.،.،.

zanzoon
16-04-2004, 17:23
هديك المرة كنت عم فكر بالأعمال اللي بيشغلها الرجل والمرأة...لقيت إنو في أطباء وطبيبات...مهندسين ومهندسات...شوفيرية وشوفيريات...رسامين ورسامات....مديرين ومديرات..معنيين ومغنيـات......الــــــخ........المهم الشي اللي استغربت منو ووقفت عندو هو إني لقيت في (ملحنيــن) وما لقيت (ملحنــات)..........لا بالشرق ولا بالغرب.......سألت حالي ليه ما طلع معي شي...قلت بسألكــم.....ليه في ملحنين وموسيقين وما في ملحّنات وموسيقيات؟؟

---

ترررم: ملحنين
ترلالا: ملحنات

---

جاوبوني على هالسؤال الوجيه جواب علمي مو جواب جكّـوري...يعني ما تفوشـ(ـوا) علينـا وتقولولي المرأة ضلع قاصر وبلّوووط....!!.... :D ;)

------

sh:scared
الغاضبه
16-04-2004, 20:23
والله سؤال وجيه ,, بس ليش انا مابعرف يمكن في بس مو معروفين
انا بتمنى اعرررررف متلك ,,,,

الغاضبه
Eng.Mohammad
16-04-2004, 20:40
مع إني ما كنت بدي علّق على الموضوع بس حعلّق

إنتي جاوبتي على السؤال لما قلتي "المرأة ضلع قاصر وبلّوووط"
لك لااااء عم نمزح والله sh:eye


والله ما بعرف الجواب، بس يمكن كلامك على الألحان العربية، بس اكيد في ملحنات اجنبيات،
و اذا قصدك على العرب بشكل عام فا في مليون مجال المرأة مانها متواجدة فيه لأسف.



تحياتي
محمد
aNnOs
16-04-2004, 20:43
فعلاً شي غريب ....

بس اللي صاير هلء أختي زنزون .... أنو المرأة عم تغني و الرجال بيلحن لها ... هيك أربح ...
صارة المرأة متلك البسكوت ( عفواً ) يعني مثلا هالمغنيات ( ما بظن انو عم يعنو :() متل أليسا و هيفا وهبي و نانسي عجرم ... بتظني انو لو لحنت رح تنشهر و يمشي حالها و يصير عندها جمهور لو كانت ملحنة ؟؟؟ طبعاً لأ ...

لزلك أنا بظن أنو التلحين ما خرج تشتغلو مرأة ... لانو كل النساء اللي بدهن يدخلو مجال الرقص و الفقش ما بدهن يكونو وراء الكواليس ... بدهن يكونو قدام مواجه الكاميرا ...

هي وجهة نظري ...

و شكراً أختي على هالسؤال :) ....
ياسـر
16-04-2004, 20:46
أختي زنزون سؤال وجيه مممممممممم؟ مارح قلك انو المرآه ضلع قاصر ومن هالكلام:D

فعلا بعالم التلحين لا يوجد امرآه بس على ما اظن في ملحنه وحده بس صراحة نسيان اسمه

ولحنت اغنيه واحده وكمان نسيان اسم الاغنيه بس قريت عن هالشي بزماناتو;)

ويالله ربي بعيني واتذكر شو قريت مشان ماتصيبكم عقده نفسيه من وراه هالموضوع:D

هي ياستي كلنا منعرف انوا التلحين بالعالم العربي اقتصر على آله العود ومنعرف انوا العود له شكل

صعب تسيطر عليه المرآه بسبب تكوينته الفيزيولوجيه يعني ممكن تمسك العود حب للاستطلاع فقط

وليس للعزف عليه بس مسك العود والعزف عليه بالنسبه للرجل اسهل بكتير وبتوقع هادا السبب يلي

خلى المرأه تبعد عن التلحين.;)

تحياتي للكل.......

أمـــــــــيـ™ـــــــــــر
nour111
16-04-2004, 20:58
له له له له لك شو مافي ملحنات اي نحنا اهل الموسيقا الله يسامحك يا ام الزوز بس هنن الرجال عم يسرقولنا الالحان و يحطوها باسمهن
هلاء جد لي بتخطر على بالي بهل لحظة ملحنة موسيقية اسمها وجيهة عبد الحق هي سورية من دمشق اخترعت الة موسيقة اسمتها قيثارة دمشق دمجت فيها بين للالحان الغربية للبيانو و الالحان الشرقية للعود و يعتبر هذا الاختراع الاول من نوعه
و لكن للاسف في فترتها لم تكن سوريا قادرة على تبني هذا العمل الفني و عرضت عليها كثير من الدول الاجنبية ان تصنع لها هذه الالة و لكن بشرط ان تغير اسمها و لكنها كانت مصرة عى تسميتها قيثارة دمشق و على ان يخرج هذا الاختراع الذي ان كتب له النجاح سوف يغير اتجاه الموسيقا اصرت على خروجه من بلدها و لسؤ الظروف لم يتم تصنيع هذه الالة في سوريا و بالتالي توفيت هي من قهرها و حزنها بعد ان عانت من المرض
و فقدت بصرها في اخر عمرها
و اصبحت قيثارة دمشق في طيات الزمن
الالة الان موجودة عند اخوها و هو مفتش موسيقي و مدرس
و مع السنين ستختفي هذه الالة الى الابد و تنسى هذه الفنانة و اختراعها و نبقى نحن نستخدم الالات الغربية و نمتن للغرب على اختراعاتهم
هذه واحدة من كثيرات و لكن الان خطرت على بالي و ان شاء الله لي عودة الى الموضوع للتحدث عن ملحنات و موسيقيات ايضا مشان نكيد الاعادي و ما يقولو عنا ضلع قاصر sh:tounge
hardrock
16-04-2004, 23:23
تصليح :

وجيهة عبد الحق أدخلت الشرقي للبيانو و لم تكن ملحنة !! تماما متل ما الكيبوردات الكهربائية بتتحول للشرقي .... و لهيك ما انحكى كتير بالاختراع

لا تفهمو من كلامي التهجم يا بنات حوا .... أمور الموسيقى غالبا ما يكون الابداع فيها للرجال و الشغلة مالها علاقة بالفن لأنو منشوف رسامات و مطربات و و ..... ليش ما بعرف بس يمكن لأنو ..... ولا بلاها .......
hardrock
16-04-2004, 23:25
هلا أنا كنت حاطط ضحكة بآخرة كلامي .... ليش الابتسامات ما مفعلة عندي ؟
nour111
17-04-2004, 03:46
تصليح :

وجيهة عبد الحق أدخلت الشرقي للبيانو و لم تكن ملحنة !!...كلامك صحيح و اسفة على الغلط
sh:hi
(بالنسبة للابتسامات اختار الوضع المتقدم من لوحة التحكم كي تظهر الابتسامات)