يا سارق الايميل..شُلَّت يمينك

[ghiathmo]

كثيرا ما كانت جملة " بيسرق الكحل من العين" تتردد في سهرات الجدات حول المواقد الشتوية في أيام البرد في معرض الحديث عن أمور حياتية.
لم نكن نعلم حينها كيف يمكن للكحل اللاصق بالعين كحارس شخصي أن يتمكن أحد من سرقته!!!
وتتشعب أحاديث السهرة فتنتقل من سرقة الكحل إلى سرقات الشقق التي تكتنز داخلها مجوهرات ثمينة وبضعة آلاف من الليرات الذهبية مخبأة في جرار فخارية !!!! :eek:

وربما تعرج الحديث عن شقق الأمراء العرب في الغرب التي نامت وادعة بانتظار الصيف حيث يقضي الأمير الشاب لياليه..فتعرضت من قبل السارقين لهجوم جردها من أثاثها الموشى بالذهب.
لكن لم يخطر ببال الجدات أبدا أن السارقين أيضا يتطورون بمرور الأيام...ولو اجتمعن في أيامنا هذه بعد صلاة العشاء لأضفن حديثا جديدا عن سرقة الايميلات

نعم لقد سرقوا ايميلي...شلت يمينهم ويسارهم
إذا كان السارق يطمع في شيء ما يأخذه من سرقة شقة أو متاع فبماذا يطمع سارق الايميل؟؟؟
وماذا سيجد سوى أدبيات قد لا يفقه منها شيئا ;)
إنني أعلن هنا أن الايميل الذي يحمل هذا العنوان قد سرق ghiathmo@gawab.com (ghiathmo@gawab.com)
ولست مسؤولا عن أي كلمة تقال عبره
وسأكون على هذا الايميل ghiathmo@hotmail.com (ghiathmo@hotmail.com) لمن يريدني

أتساءل: هل يطبق الحد الإسلامي على سارق الإيميل بقطع اليد؟؟؟ :)

دامت ايميلاتكم بالحفظ والصون
sh:hi

[Za3bour]

أخي غياث

انا بزماناتو انسرق ايميل الهوتميل تبعي من واحد ما بعرفوا و بلشلك بعت ايميلات منو و على الماسنجر يعني بصراحة فوتني بالحيط بس بعتت ايميل للهوتميل عن المشكلة قاموا عطوني كلمة سر جديدة فاذا بهمك امر ايميلك ابعت لجواب ايميل عن المشكلة مع شوية معلومات عنك و كلمة السر القديمة و انشالله بيقدروا يساعدوك

سلام

[ghiathmo]

أخي طارق :

الايميل ليس مهما لهذه الدرجة ..لكنني أتساءل ماذا يستفيد من قام بفعلته سوى الإزعاج

[vict0ry]

عزيزي غياثوو

بما أنك لاتعرف بأنك ثروة ثقافية تمشي على الارض يعني بالمشرمحي ( في شي مغري ليسرقوا ايميلك بس يا خوفي يجي يوم ويسرقوووك) :d

[Za3bour]

أخي غياث

بيستفيد كتير

انت اكيد عندك Contact List بهالايميل فهالشغلة فيها تسلية كتير للشخص يللي سرقوا لانو هيك بحاول يقيم علاقات مع ناس و على الاغلب بنات بطريقة ملتوية طبعا

الشغلة اكبر بكتير من ازعاج لانو هي الحقيقة اعتداء على خصوصيات العالم و مني و منك ببلغ عن الحادثة و لو كان الايميل ما بهمني

سلام

[ياسـر]

اخي غياث لا تزعل ولا على بالك

انا من شي شهرين انسرق ايميل عادي :D بس بتصدق من يومه كرهت كلشي اسمو ايميل والسبب كان موجود بالايميل رسائل خاصه :( هلق ايميلي ما بفتحوا الا للمناسبات وعندي ايميل خاص للاهل مافي حدا بيعرفو .

على العموم متل ماقلت أنت يا سارق الايميل..شُلَّت يمينك ومن عندي كمان شلت يسارك ممكن يكون يسراوي sh:eye

أمـــــــيــــــــر

[الروح]

كان هاد الي ناقص سرقت ايميلات كمان يعني واللهي العظيم احتاروا هل العالم والله حيرون شو لسا ناطر الله اعلم.
على كل حال غياث لاتزعل الله بعوضك بايميل احسن هههههههه
بس شغلة سرقة وبرمضان الله يهديون يعني لو بعد رمضان نص مصيبة.

[ابن سوريا]

اي تعيش وتاكل غيرا ..
بالنسبه لإلي مستحيل حدى يحوم حولين ايميلي غير اذا كان اعمى ئلب .. sh:eye
لأنو ايميلي مو بس فايت بالحيط .. فايت بحيط الصين العظيم .. خخخخخخخ sh:eye
برايك ممكن تسمع بشي يوم انو هالايميل انسرئ : eeezzzhhh@hotmai.com

بس بصراحه هالايميل عزيز علي كتير ..

[aven]

مرحبا غياث تعيش و ما تاكل غيرها :D

حتى انا نسرق اميلي من شي سنة و عملت حفله عليه و المشكل انو صار يبعت فيروس منو لكلشي عنوان مسجل عندي و راح كم بريد لفقاتي عجرايرو :o و لما حاولت اتصل بالهت ميل منشان غير كلمة السر اكتشفت اني نسيانه السؤال السري sh:ohmy و هيك راح علي الاميل :(

بس الي ريحني اني خلصت و رتحت منو و ما عاد عملت بريد عالهت ميل مرة تانية من يومها شكلي تعقدت sh:ohmy

[nisreen a]

له له .... ( وش شمتااااااااااان وحيموت من الشماته) :D :D


والله مو خبريه غياثووو ... بس شو مشان انا ايميلك يلي انسرق مابعرفوووو

وعندي هاد يلي لسه مانسرق بس بطريقو للسرقه :D


سلام غياثوووو ... انا في كتير عالم عم تتمنى غيير ايميلي بس مابدي انا


افو خلص رجعي عملي ايميل ولاتتعقدي ولوووو مشان نتغالظ عالمسنجررر :D

[justin]

و الله يا شباب الحمد لله بطلنا المصلحة و تبنا..... أنا من 3 سنين كانت شغلتي اختراق الايميلات و يا ما ساوتلي الشغلة مشاكل..... كنت اسنخدم هالشي لمصلحة العرب و الاسلام متل انو كنا نخترق ايميلات أصحاب مواقع تسيء للعرب و الاسلام لنتحكم بموقعو و نحذفو
بعدين صرت استخدمها كمان لمصالح شخصية ...... فتسببت الي بكتير مشاكل ساعتها تبت و أعلنت استقالتي من هالمصلحة :D :D
و لذلك أخي غياث اصحك تشك فيني sh:eye

[ghiathmo]

حبيبي صفوانو:
عم يخطرلي ركب باب حديد وجنزير على حالي خوفا من السرقة هاليومين ...بس يلي مانعني أنو سرقة الثقافة مو مغرية كتير :D
بس بأمانتك إذا حدا سرقني عملك فتلة علي لا تتركني بأيدي العصابات المخيفة
أخي طارق:
بجزم لك أنو ما رح يستفيد بالمرة يلي سرق الايميل لأنو على قوائمي لا يوجد إلا بضعة كتاب فقط يعني حتى الايميل أدبي وما رح يفهم منو شي :)
تصور يبعت رسالة يقول فيها : مرحبا
الرد رح يكون بالشكل التالي:
الفضاء الرحب يسكن السلام...ويمدده على ثرى الأحلام :D
تتوقع يستفيد السارق بعد هيك
أنا شخصيا متوقع يرجع الايميل مع اعتذار كمان
على جميع الأحوال عملت ابلاغ عن الحادثة بالمخفر تبع الموقع

أميرو الملك:
بتعرف شغلة أنو عم يخطرلي أنا يوميا ابعتلو رسايل إزعاج على الإيميل يلي سرقوا وحطلو مشاركتك في الرسالة لأنو رح تبقى حسرة بقلبي لو كان فعلا يساري :D

آلاء العزيزة:
على كل الله عوضني فورا ايميل أحسن منو وماني زعلان إلا على شغلة وحدة
انو الحرامي حر طليق :(


يتبع....

[سما]

غياث يا صديقي هيدا اللي مزعلك انو الحرامي طليق وحر مين قلك انوا في حرامي مو طليق كل الحراميه طلقوا , مو اصدى طلقوا نسوانهم لا انطلقوا
يسعوا بالارض من اجل السرقه .
غياثوا مفروض تكون حريص هالمره الجنزير فكوا الحرامي ما بعرف يمكن هالحرامي يكون شاطر ويسرق قلبك مين راح تبلغ ازا صار هالشيء .
راح تقف بوسط الموقع وترفع ايدك لسما وتدعو ربك لحتى يرجعلك البك وما راح تنفع الدعاوى . لهيك الحذر واجب مع كل الحراميه ما راح ينفع لا يسار ولا يمين
راح ابعتلك احلى هديه غياثوا ايميل من عندى مغلف باحلى ورد .

[juventus]

............شو مشان غياث.....؟؟؟؟؟
أعلنت جماعة التوحيد التابعة لأبو مصعب الزرقاوي مسؤوليتها عن خطف ميل غياث..وقد هددت بقطع رأسه ( للميل مو لغياث ) sh:ohmy في حال لم يتم تلبية مطالبهم.......

.......بس سؤال إيميل على موقع جواب بينسرق.....؟؟؟؟؟؟؟؟؟
يعني إيميلاتي على جواب كلها مميزة واسمائها مطلوبة كتير وياما إجاني ملفات تجسس وهاكرز وفيروسات بس sh:eye ما حدا طلعلوا........

[aNnOs]

أخي غياث ...

و لكل الأخوة اللي انسرقت ايميلاتهن

ازا بدكن ممكن ساعدكن و ازعجلكن يللي سرق الايميل :)

طبعاً رح خليه يشوف نجوم الضهر ;) بقا ازا بدكن بس قولو (ايه) و أنا جاهز :)

نحنا بخدمتكن يا طيبين sh:happy

[Sweet_Nany]

تؤ تؤ تؤ تؤ يا حرام يا انت.. (( وش حالتو مستعصية )) ..

بتحزّن يا عمو..

الله يرحمو كان طيب هالايميل..

اسقالله وقت كان وكنا تنسرق ايميلاتنا..

ما بدي اشمت شنو بخاف يصرلي متلك.. sh:ohmy

الله يكون بعونك

تحياتي..

سويتاية :(

[Mazaj]

طيب كيف انسرق ايميلك أخي غياث ؟!

[ghiathmo]

نصر الغالي:
بتوقع ما حدا يقرب من ايميلك لسبب بسيط كتير...أنت مفوت الايميل بالحيط وعلى هيك السارق رح يفوت بالحيط أول بعدا يفكر يفوت ايميلك :D

آفو العزيزة:
تسلمي على تمنياتك...يعني انتي انسرق ايميلك شو ذنب الناس الموجودة على القوائم تتضرر.sh:ohmy .مشان هيك لازم الواحد يحذف كل شي اسماء موجودة على الايميل...:D
على كل آفو ناطرك تعملي ايميل جديد مشان حسك أنك تجاوزتي الأزمة يلي كنتي فيها


نسرينو الشريرة:
وش شمتان لكان....بسيطة
على كل حال متل ما سبق وحكيت أنو هالبريد كان خاص للكتاب ولذلك ما بتعرفيه خصوصا اني ما بفوت عليه غير كل 10 ايام مرة
بس نسرين أي سرقة للايميل هاد رح تكوني متهمة أكيد بسبب التهديد المبطن في كلامك sh:scared

أخي سليم:
الحمد لله أنك تبت من هالشغلة بس الحقيقة لسه شاكك فيك :D

يتبع...

[ghiathmo]

صديقتي سما: أحلى سرقة بتكون سرقة القلوب ...الغريب أنو ما حدا بيحب السارق ...بس سارق القلب الو محبة خاصة...بعد ما يسرق قلبنا بنتمناه يسرقنا كلنا

شكرا سما للمرور



عزيزي قتيبة: أنا متلك مستغرب كون ايميل جواب يعني ما الواحد بيطمع فيه كتير بس الهيئة الحرامي مفكرني بخبي العملة جوا الميل... ما بيعرف اني عم خبيهم عندك :D

أنوس: تسلم لقلبي شو أنك أكابر.. بس أكيد ما عاد يهمني بالمرة لا الايميل ولا السارق ...

انا ما ببادل اساءة بمتلها ...;)


شكرا للمساعدة




سويتو العزيزة: لا تنهمي يا ستي الله عوضني بدالو ومشي الحال

يمكن سرقة ايميلي كانت تكفير سيئات ورفع درجات :D



مزاج عزيزي: شو بيعرفني كيف انسرق sh:scared

[sama7]

السلام عليكم

اخي غياث بصراحة منيح انه انسرق الميل الاولاني مشان اعرف الميل التاني واضيفه في ماسنجري

:)