ميادة بسيليس ..... و الالبوم الغير ( عادي ) [الأرشيف]

عرض الإصدار الكامل : ميادة بسيليس ..... و الالبوم الغير ( عادي )

ابو ميشال

01-11-2004, 13:09

شو صعبة انك تتعب و غيرك يلقى .... عادي
هكذا تبدأ الرائعة ميادة بسيليس الاغنية التي تصدرت شريطها الجديد بعنوان ( عادي ) و للذين لا يعرفون من هي ميادة و خاصة للاخوة العرب خارج سوريا
إنها بدون منازع نجمة سوريا الاولى ... طبعا ان لا أقلل من قيمة نجمات مثل أصالة او ميادة الحناوي او نورا رحال و لكن هذه الاسماء التي ذكرتها قد اعتمدت كليا على الالحان و اللهجة المصرية و اللبنانية
ميادة مطربة رومانسية ملتزمة غنت الحب فأبدعت و غنت الوطن فصدقت
أقل ما يقال عنها:
إن ضاقت بك الدنيا و رغبت بأن تناجي أحدهم
يكفيك أن تستمع إليها .
روح سكنت الأرض لتنشرها سلاماً
يكفيك أن تدخل صوتها إلى قلبك
كملاك يحرس أحلامك
قد يعرفها البعض من خلال غنائها لبعض الشارات للمسلسلات الشهيرة مثل ( حنين - أبناء القهر - نساء صغيرات)
ميادة أصدرت البوم بعنوان ( عادي ).... الالبوم ليس عادي بل خارق....الكلمات رائعة حلقت فيها ميادة مع الشعراء د. مانع سعيد العتيبة و سمير طحان و لمى نحاس و فتحي الجراح و سمير كويفاتي
الالحان كانت مقطوعات من السحر الشرقي ابدع فيها زوجها سمير كويفاتي والملحن فتحي الجراح
غنت فيه ميادة لمجتمع أصبح فيه كل شيء عادي فقالت
شو صعبة تتعب و تشقى و غيرك يلقى .... عادي
و الاصعب إنك تبلى و غيرك يعلى .... عادي
شو صعبة أنك تملا و ما حدا يشرب .... عادي
و الاصعب أنك تهوى و التاني يلعب ... عادي
بيضلو أصعب من الموت لما بتنادي
و يروح منك ها لصوت صرخة بها لوادي

و في اغنية احسنلك تروح تقول
لا تسألني مين قلي
لا تسأل على شي و خلي هالقلب مجروح
لاتسألني من شو قلبي عم يحمل و يخبي
بيضلو مجروح .... و لا يكون مفضوح
يمكن هلق يا حبيبي صار لازم تروح

الالبوم يضم عشر أغاني هي :
عادي
لو مرة حبينا
طيب خليك
تلجك دفاني
يا نديمي
الله عليك
روحي
لو تغمرني
أحسنللك تروح
يا رجائي

نصيحة مني اسمعوا هذا الشريط لأنه يلامس احاسيسنا و بدون مبالغة يستحق ان يوضع في خانة الاعمال الخالدة
للاستماع إلى الأغاني:

http://www.mayadasy.com/songs_ar.htm
شكرا لكم
]

Joud

01-11-2004, 13:47

الله عليك يا أبو ميشال،
ما بتصدق قديش فرحت لما قريت هالموضوع...
ميادة هي من القلال من سورية اللي عم بيغنو شي قريب لألي ولحياتي، ولشارعي ولحارتي...
وهي الوحيدة من سورية اللي عم تقدم الفن بمقام ناس كبار حبيناهم متل جوليا بطرس...

مين ما بيعرف (كذبك حلو!)، سمعوها شباب، لأنو ما في كتير عالم قدروا يوصولو لشي بهالروعة من زمان،

وشكرا كمان على الموقع الحلو،

syriana

01-11-2004, 14:34

الرائعة جوليا بطرس ... ميادة بسيليس ...ماجدة الرومي ... مارسيل ... هم ما تبقى لنا من ورود في هذا الزمن الصعب ...

صدقا كنت كفرت بالغناء لولاهم ...؟؟؟

DaViD

01-11-2004, 16:41

شي بيفلج عنجد عندنا مطريبن بيجننو بس يا حسرة ...... هلأ كل الشغلة بالرقص والخلع

مايكروشيب

01-11-2004, 17:42

آه من عينيكي شغلوني بيكي ..... ( الرومانس و الطرب في حلة واحدة )

آخر ألبوم مميز ، و أكثر ما أعجبني :
تلجك دفاني .... (معاني رائعة ، لحن و توزيع أروع )

تحياتي
مايكروشيب sh:hi

همبرغر

01-11-2004, 18:22

الرائعة جوليا بطرس ... ميادة بسيليس ...ماجدة الرومي ... مارسيل ... هم ما تبقى لنا من ورود في هذا الزمن الصعب ...

عذرا صديقي ألم تنسى معشوقتي ...... فيروز

همبرغر

شـــــام

26-12-2004, 10:17

اخي ابو ميشال ..
واضح انك معجب بالفنانة ميادة ... وانا ايضا و اشعر اناه لم تأخذ حظا جيدا بعد ...

تصور نزلت للشام الصيفية الماضية ويادوب و جدت كاسيت واحد لها ...
المهم ... لو عنك فكرة اين اجد اغاني المسلسلات يلي بصوتها ...
دخلت مرة الى موقع شخصي صممه احد معجبيها ولكن لم اجد كل الاغاني ؟؟؟

اختكم شام ...

ابو ميشال

29-12-2004, 09:41

أهلا بك أيتها الصديقة شام
ميادة بالفعل تعاني من اهمال الاعلام العربي لها للاسف الشديد
ممكن تسمعي اغانيها من موقع زوجها سمير كويفاتي :
http://www.maestro-sm.com/

لا تنسي ان تستمعي الى روائعها القديمة " سليمى - خلقت جميلة - بقلبي في حكي - بيني و بينك ..."
ميادة ... انسانة رائعة استمع لها منذ سنة 1991 و لا ازال اتابع اعمالها و حلمي حضور حفلة لها
بقى يا ريت اذا سمعت بحفلة لها في الشام ترديلي خبر
الى اللقاء

DamasPoet

29-12-2004, 10:07

الرائعة جوليا بطرس ... ميادة بسيليس ...ماجدة الرومي ... مارسيل ... هم ما تبقى لنا من ورود في هذا الزمن الصعب ...

صدقا كنت كفرت بالغناء لولاهم ...؟؟؟يسلم تمك...
وأكيد فيروز لا يعلى عليها وكاظم رائع بس لو احيانا ما بينجر نحو بعض الاغاني التجارية..

شـــــام

08-01-2005, 23:29

بقى يا ريت اذا سمعت بحفلة لها في الشام ترديلي خبر

له يا ابو ميشال ... انت يلي بالشام بدك مني انا البعيدة خبرك عن حفلات ميادة ...!!!

شكرا الك على رابط موقع سمير كويفاتي ...

شام

hasan nab

09-01-2005, 02:26

فعلا شي يحط العقل بالكف عنا مطربين بسوريا صار لهم يغنوا سنين وما حدا سمع فيهم من العرب ولا حتى كثير من السوريين مين مثلا سمع بمصطفى يوزباشي --اللي غنى ---لما بسمع صوتك بنسى اللي بدو قولوا ----
ومين سامع برة بميادة بسيليس --
مع انهم افضل من 99 % من المطربين اللي بيصدعونا بالفضائيات والارضيات

hasan nab

09-01-2005, 02:28

وللاسف المطرب السوري ما ينشهر ليعرف كلمة السر وهي ان يروح بيروت او القاهرة ويبدا من عندهم وبلهجتهم ---

شـــــام

09-01-2005, 08:56

رجعت ...
اخي حسن .. بتعرف هالغنية بحبها كتير (( لما بسمع صوتك )) وهي اول مرة بعرف انو يلي غناها سوري و اسمو مصطفى ...
يبدو انو كلامك صح ... بالنسبة للمطربين والمطربات مع شوية او كتير من التنازلات وعمليات التجميل و ال....!!!

شام ...

ابو ميشال

10-01-2005, 09:40

شكرا لكل المساهمين في هذا الموضوع الذي أجده راقياً لأن ميادة بسيليس تطل من بين أسطر المشاركات
الحقيقة يا صديقتي شام أن اغنية لما بسمع صوتك هي للمطرب السوري ذو الصوت الرائع ( مصطفى يوزباشي ) و هو صاحب الرائعة اشتقت لعيونك و لسحر جفونك و التي سمعناها فيما بعد بصوت الكثير من المطربين و خاصة من لبنان
هذا المطرب تميز برومانسيته العالية و شفافية في كلماته و ألحانه

عودة إلى ميادة@@@
للأسف حفلات ميادة قليلة جداً سواء في مدينة دمشق أو في غيرها
من فترة سمعت بحفلة لها في دمشق و لكن للأسف سمعت بها بعد فوات الأوان
إقامتي انا ليست في مدينة دمشق و لذلك تاتي الحفلة و تذهب دون ان ادري و خاصة ان حفلاتها لا ترافق بدعاية جيدة و خاصة في الاذاعة و التلفزيون
يعني انشاء الله يتحقق حلمي و احضرلها شي حفلة
قولوا انشاء الله

شـــــام

12-02-2005, 10:25

رجعت ...

من مدة سمعت اغنية لما بسمع صوتك .. بس طبعا لم تكن بصوت صاحبها الاصلي يار يت يلي بيعرف اسم يلي غنها من جديد و وين ممكن لاقيها ...

ابو ميشال

13-02-2005, 08:52

مرحبا بالعزيزة شام
و عودتك الجميلة لموضوع السيدة ميادة
أغنية لما بسمع صوتك هي للمطرب السوري مصطفى يوزباشي
و على الرغم من إعادة غناء هذه الاغنية بعدة أصوات إلا ان صوت مصطفى هو الاروع على الإطلاق لما يتمتع به من احساس عال و رائع كذلك للمطرب نفسه هناك أغنية بعنوان اشتقت لعيونك و هي اكثر من رائعة..
اشتقت لعيونك
لسحر جفونك
اشتقت للكلمات
و لسواد عيونك
من قلبي بدعيلك
يحفظك الله
و كل دقة قلب بقول ما شالله
ليش ما بتصدق انك
في قلبي و الله
شاغلني بحبك
قلبك لو يخاف الله

بالتأكيد ستعجبك .... تحياتي و محبتي

شـــــام

13-02-2005, 10:48

هلا ابو ميشال شكرا لانك رديت بسرعة و اهتميت ...

اكيد الاغنية بصوت مصطفى يوزباشي احلى بكتير ... و كانت عندي على كاسيت بس ....مع الاسف !!!

Banan

13-02-2005, 12:19

رائعه جدا جدا هي الفنانه فيها احساس جميل لا يوصف الله يوفقها وكتير شكر الك
مع تمنياتي لكم بالتوفيق والسعاده

Abu Firas

13-02-2005, 14:50

اخي ابو ميشال
موضوعك كان متل الكنز بالنسبة الي لانه انا عاشق ميادة و باحث عن اغانيها لكن من دون فائدة انا عندي شريطها الماضي ياغالي وهلكت وانا عم ابحث عن اغانيها من دون فائدة وخاصة شريطها الجديد لاني لم اسمعه لذلك انا بشكرك كتير كتير كتير كتير

hasan nab

13-02-2005, 17:44

على فكرة مصطفى يوزباشي من حمص ام الحجار السود

ابو ميشال

14-02-2005, 13:04

أهلا بكم يا عشاق ميادة
نعم ألبوماتها شبه معدومة خاصة في الاسواق العربية
حتى هنا في سوريا لا تجد كل اعمالها الا في مدينة حلب في محلات شادوز التي يملكها زوجها سمير كويفاتي مما يجعلنا نلقي اللوم على ميادة و زوجها سمير بالنسبة لتوزيع البوماتها
يعني ألبومات " خلقت جميلة - بقلبي في حكي - مريميات - ابانا - يا طيوب ... و غيرها" لا نجدها الا بصعوبة كبيرة
لماذا يا ميادة و يا سمير
نعم الاعلام يظلمكما و لكن هذه لا يعني انكما تنصفا انفسكما

ابو ميشال

05-04-2005, 11:07

هذه صورة ألبوم السيدة ميادة بسليس الذي حمل عنوان عادي
مع بعض الاضافات الفنية
أتمنى ان يعجبكم

http://www.d-alyasmen.com/vb1/download/252-1112691347.jpg

شـــــام

06-04-2005, 09:39

كتيييييييييييييييير نعومة ...

تسلم ايديك ابو ميشال ...

يلا هانت رح اجي عالشام و اشتري الالبوم الجديد ان شاء الله

ابو ميشال

06-04-2005, 12:04

أهلا بشام العزيزة
لا تفوتي الالبوم
و خاصة اغاني مثل ( لو مرة حبينا - احسنلك تروح - الله عليك .....)
ننتظرك في سوريا

ابو ميشال

15-05-2005, 09:32

من أغاني ألبوم عادي للسيدة ميادة بسيليس

أغنية لو مرة حبينا
كلمات : سمير طحان
ألحان و توزيع : سمير كويفاتي

حبيبي لا لا ما تلبك حالك
شو يعني لو ما عدت أحلالك
مشاعرنا حرّة و فينا نقيدا
حياتك لو مُرة فيك تجددا
لو مرّة حبينا
ما يعني انتهينا
و راحت علينا
حبيبي
***
شو فيها حبيبي
ما عدت تحلالي
لا ما هي غريبة
مو شرط تبقالي
حلا بقى افكارنا
تتطور أكتر
و طبيعي أحوالنا
هيك تتغير
لو مرّة حبينا
ما يعني انتهينا
و راحت علينا
حبيبي
***
ما احلانا يا يا بشر
هيك عالطبيعة
هيك متل المطر
و الزهرة الوديعة
حلا يقى أرواحنا
تروي هاليباس
و نرمي تعقيداتنا
و نرجع للأساس
لو مرّة حبينا
ما يعني انتهينا
و راحت علينا
حبيبي
***

http://www.d-alyasmen.com/vb1/download/252-1112691151.jpg

ابو ميشال

18-05-2005, 14:03

http://www.maestro-sm.com/mayada/adi2.jpg

ابو ميشال

31-05-2005, 10:04

أهديكم صورة كاسيت عادي الذي صدر عن الشركة المتحدة للانتاج و التوزيع الفني ....

http://www.d-alyasmen.com/vb1/download/252-1117521729.jpg

أتمنى ان تعجبكم

Bayat_Re

14-07-2005, 11:37

والله ميادة بسيلسي ادائها وصوتها رائع شفاف جدا وحساس جدا، بس مش اخدة فرصتها ما بغرف ليه الحقيقة، عن جد حرام هيك ناس يضيعو، بعدين لي التلفزيون السوري ما بيدعمها لي ما بتطلع على التلفزيون كتير في لقاءات واغاني، وبعدين الحقيق لازم تهتم بمضرها اكتر من هيك. والحقيقة لو كمان ممكن السفارات السورية بالخارج متل مصر ولامارات تدعمها بحفلات والخ.. يعني مش التركيز على اصالة وبس بالرغم انو اصالة الحقيقة لا في لا قبلها ولا يمكن بعدها، شي عظيم جدا اصالة ورويدا عطية كمان لو تشتغل على صوتها اكتر بتصير افضل من اصالة لان رويدا عندها خامة صوت ومقومات رهيبة بس تنقصها الخبرة وهاي يلي بتمتلكها اصالة. بس برجع وبقول حرام ميادة بسيليس ما تهتم بحالها اكتر وبأغانيها.... يعني صوتها حلو زوجها ملحن انتجت ألبومين يعني ممكن تنطلق لي ما في دعم كافي ما عم قدر اقهم.

شكرا
ياسمين

ابو ميشال

14-07-2005, 13:46

أهل ياسمين
أنا معك بكل كلمة قلتها
و لكن لا حياة لمن تنادي
يعني حتى حفلات ميادة ضمن سوريا قليلة كتي كتير
و ها انا عبر شبابلك انادي ميادة بسيليس بالاهتمام أكثر بعشاقها
و لو بتعرف قديش بحبها بتعملي حفلة خاصة بي

Bayat_Re

14-07-2005, 14:24

بس ما تنسى تعزمني بحفلتك الخاصة بس...

طيب اذا كان هيك يعني بتصور بلاقي عندك اغنية مسلسل حنين......

ابو ميشال

17-07-2005, 09:05

يارب يمشي الحال و احلى عزيمة إلك

و أغنية حنين للأسف أنا كمان عم ابحث عنها
اذا بلاقيها رح ابعتلك اياها فورا

شـــــام

19-07-2005, 01:39

مرحبا هي أغنية حنين لقيتها بالموقع الشخصي لسمير كويفاتي :

http://www.maestro-sm.com/works/songs/hanin-song.mp3

الرابط للتحميل ... ان شاء الله تكون هي طلبكون شباب ..

وهادا رابط موقع سمير كويفاتي و الاغنية موجودة في صفحة أعمال :

http://www.maestro-sm.com/arabic.htm

ahmad ko

20-10-2005, 04:59

شكرا على هالموضوع الحلو
بالفعل الفنانة ميادة فنانة كبيرة ومحترمة ومن فترة شهر عملت حفلة عنا باللادقية
وكانت حفلة موفقة
ياجماعة لاحظت إسم الفنان مصطفى يوزباشي وارد في هذا الموضوع الجميل
بحب إلكون إنو مصطفى يوزباشي من اللاذقية وليس من حمص
بس لأنو غنى أغنية إسمها (حمصية يأحلى بنت بهالدنيا كلها)
ياجماعة هالفنان شامل ورومانسي للغاية وقبل كل هوه أول فنان سوري ينزل له سيدي مضغوط 100 أغنية وأكثر وكلها كلماته وألحانه وتوزيعه وغنائه وتسجيله أيضا يعني شي إبداع ..............
مارح زيد وإحكي كتير بس هادا موقعه الخاص http://www.mustafayozbashi.com/
موجود فيه مجموعة كبيرة من اغاني مصطفى حملوها وإعطونا رأيكم

ahmad ko

16-11-2005, 02:36

يا شباب شو مافي سيدي جديد للسيدة ميادة بسيليس
نرجو الرد من المقربين للفنانة ميادة
وليش ما بتتعامل مع الفنان مصطفى يوزباشي من حيث الكلمات والألحان

COOL GIRL

01-12-2005, 08:42

هاي ابو ميشال انا جديدة بالمنتدى وانا ميلك معجبة كتير بالفنانة الحساسة ميادة بس للأسف موقع ميادة وسمير ما عم يفتح معي وانا بدي غنية مسلسل حنين ونساء صغيرات واغانيها القديمة فيا ريت تعطوني رابط صحيح يفتح معي حتى الرابط اللي حطتتو شام ما فتح معي
بعرف انو كترت طلبات بس يا ريت ترد علي بسرعة
thanks alotttttttttttttttttttttttttttttttttttttttttt

COOL GIRL

01-12-2005, 08:47

هاي ابو ميشال انا جديدة بالمنتدى وانا متلك معجبة كتير بالفنانة الحساسة ميادة بس للأسف موقع ميادة وسمير ما عم يفتح معي وانا بدي غنية مسلسل حنين ونساء صغيرات واغانيها القديمة فيا ريت تعطوني رابط صحيح يفتح معي حتى الرابط اللي حطتتو شام ما فتح معي
بعرف انو كترت طلبات بس يا ريت ترد علي بسرعة
thanks alotttttttttttttttttttttttttttttttttttttttttt

ابو ميشال

25-01-2007, 08:33

أهلا بجميع الأصدقاء الذين يعشقون الفن الجميل و النبيل الذي تقدمه السيدة ميادة بسيليس
و بالنسبة لاغنية مسلسل حنين ونساء صغيرات بصراحة أنا ابحث عنهما و لم اجدها للاسف
لكن أغنية نساء صغيرات قدمتها السيدة ماجدة الرومي بغير كلمات ضمن البوم " اعتزلت الغرام " و حملت عنوان " حبيبي " .
و جديد ميادة أغنية " معك " التي اسمعها عبر اذاعة صوت الشباب
بس من كام يوم صارت شغلة موتتني ضحك ..... اسمعوا و اضحكوا
كان فيه مسابقة لاجمل اغنية عبر صوت الشباب .. و من الاغاني المرشحة اغنية ميادة - معك و كمان لينا شاماميان -عالروزانة .... و الاغنية الخالدة ( عم اتمسخر ) الفستان -لريبال الهادي
و النتيجة .... طبعاً .... و بنتيجة ساحقة .... فوز اغنية الفستان
......................فتصور يا رعاك الله..................

raindrop

04-04-2007, 20:21

ميــادة .... احساس رائع بكل ما تحمل الكلمة من معنى

يسلمو عالموضوع "ابو ميشال"

raindrop

04-04-2007, 20:42

naseem88

04-04-2007, 21:05

لكل يلي طلبو اغنية مسلسل نساء صغيرات ومسلسل حنين لعيونكم..

هي اغنية مسلسل نساء صغيرات

http://www.maestro-sm.com/works/songs/nisaasagirat.mp3

وهي اغنية مسلسل حنين

http://www.maestro-sm.com/works/songs/hanin-song.mp3

وهي موسيقى حنين

http://www.maestro-sm.com/works/songs/hanin-music.mp3

شكرا جزيلا ............كنت بدور ع اغنية نساء صغيرات والحمدلله انت لقيتها فضلتي علي و انشالله بقدر افيدك شي يوم .........شكرا مرة تانية