المساعد الشخصي الرقمي

عرض الإصدار الكامل : الآن... موسيقى (نهاية رجل شجاع ) كاملة في شبابلك

باسل زعرور
12-12-2004, 13:44
مرحبا
حابب أهديكم موسيقى نهاية رجل شجاع المسلسل اللي لامس روحي
وموسيقاه اللي من تأليف طارق الناصر واللي كانت من أجمل ماسمعت

وحاليا عم جهزها ريل بلاير ورح تجهز قريبا

اعطوني رأيكم
Za3bour
12-12-2004, 14:05
و الله يا اخ باسل بتكون خدمتنا كتيييييييير

انا من زمان مشتهي اسمع هالموسيقا و يا ريت اذا عندك اعمال تانية لطارق الناصر ما بتخل علينا

شكرا كتير الك مقدما :asefff:

سلام
Nightbird
12-12-2004, 16:44
عندي ياها من زمن

جبته من الأردن.. توصاية

من أروع ما سمعت...

تحياتي لك
Tamim_j
12-12-2004, 17:34
مشكور أخي الكريم أنا من زمان عم دور على هل الموسيقى الرائعة وما عم لاقيها بس في مشكلة بأنو رح تحطحا realplayer يعني الكوالتي تبعها ما رح تكون جيدة ياريت اذا بقدر أحصل عليها بسيدي منك أو تنزلها mp3 بكون ممنونك كتير
aNnOs
12-12-2004, 22:53
حطها MP3 ازا ممكن ...
ما بدنا نضيع نقاوة الصوووووووووووووت :)
tiger4u
13-12-2004, 01:54
شكراً لك أخي باسل على موضوعك وعلى الموسيقا التصويرية للمسلسل

وبما أنك مهتم بالموسيقا التصويرية فسأكون سعيداً إن اطلعت على هذا الموضوع : نادي الموسيقا التصويرية (http://www.shabablek.com/vb/showthread.php?t=18683) ففيه الكثير منها .

تقبل تحياتي

:asefff:
باسل زعرور
13-12-2004, 02:32
شكرا لك اخي الغالي
بالفعل هذا النادي رائع
ولكن ألا تجدون من الصعب وضع الملفات بصيغة mp3 لكبر حجمها وصعوبة رفعها على الانترنت
على كل سأحاول
jozef103
30-12-2004, 08:36
مشكور خيي على هل مبادره الحلوه منك والله يعطيك العافي
saleh10
31-12-2004, 11:37
مشكور حبيبي بس ما ادري وين الموسيقى انا محتاجها
ابن سوريا
31-12-2004, 12:16
خلص باسل حطها كيف ما كان .. المهم تكون موجوده ونسمعها .. *__^
ar_85
07-09-2005, 01:33
انتهى الموضوع؟
أين الموسيقى؟؟؟
MarlboRo
15-09-2005, 14:22
بكون كتير مشكورك ابو البيس
أسير الدمعة
16-09-2005, 23:28
ارجووووووووووووووووووووووووووووووووووووووك اخي باسل بسررررررررعة
و تسلم على ذوق الحلو
ابن الشاويش
17-09-2005, 20:11
خي باسل لساتنا ناطرين.. من اكتر من خمس سنين حاولت دور عالنت عن موسيقى نهاية رجل شجاع و ما لقيت و ضليت دور و دور حتى يأست..
موضوعك صحا فيي حنين لمسلسل شفناه من 12 سنة بس حفر بروحي مشاعر و أحاسيس ما بنساها بعمري..
دخيلك لا تطول علينا .. و الله حاسس حالي ناطر رجعة صديق قديم كنت مفكرو ما رح يرجع..
mazen maad
17-09-2005, 22:12
يا روح لا تحزني
يا قلب ضللك هني
زوار جينا عالدني
و العمر بحر نهار

من اروع ما سمعت بس اخي باسل قلتلي انها موسيقى بس ولا اغنية؟؟؟؟


بكل الحب..أودعناكم
anas1717
17-09-2005, 22:26
شباب .. أنا عندي المجموعة الكاملة ل(نهاية رجل شجاع موسيقى طارق الناصر ) على شكل ملفات MP3 , هنن 21 مقطع بحجم 53 ميغا ..

ازا الأخ باسل واجهتو مشاكل لا سمح الله و ما حسن يحطون .. تكرم عينكون ... رح حملهن على ايميلي تبع GMAIL و ببعتلكون ياهون لأنو ما بظن انو في موقع بيستضيف 53 ميغا ببلاش ... مع أنو ممكن هالعملية تاخد 5 ساعات Upload من جهازي للGmail لأنو الخط عندي 56k بس معلش ... لعيونكون كلشي بيهون ..
anas1717
17-09-2005, 22:32
بعدين .. فكري الموضوع صرلو 9 شهور و ما صار شي .. و غالبا ما راح يحطلكون شي ... ازا بعد يومين ما صار شي .. رح بلش ارفعون عال Gamil و تكرمو ...
Mr_SHAMI
17-09-2005, 23:18
والله يا انوس بتكون قدمتلنا هديه كبيرة والله
حصت كتير على هالغنية وماكانت تطلع معي
بانتظار يمضو هاليمين ( وش عم يستنى)
Seemo
17-09-2005, 23:19
مرحبا شبيبة....

قدرت أحصل على أغنية البداية لمسلسل نهاية رجل شجاع و على ملف صوتي تاني للموسيقة التصويرية مشو حالكن فيه لبين ما الأخ أنس يرفع الأغاني بطريقة معينة....

الملف الأول...اضغط للتحميل (http://s43.yousendit.com/d.aspx?id=2XGOMBNKB2R641DCBFUU48J1WX)

الملف الثاني..اضغط للتحميل (http://s43.yousendit.com/d.aspx?id=3OYSCVDBBO6ON0YS2IMU3N7OTX)

بتمنى تعجبكم....

أخي أنس بامكانك استخدام الموقع التالي لرفع الملفات من جهازك و تكتفي بوضع اللينك للتحميل....الموقع هون www.yousendit.com (http://www.yousendit.com) و أي استفسار عن كيفية الرفع لا تتردد بالسؤال....

وسيم
anas1717
17-09-2005, 23:37
طيب هلأ عم يطلب مني حط ايميل المستقبل .. بفرض حطيتلو شي ايميل .. شلون بدي فوت عالملف يلي حطيتو ( عل الموقع تبع Yousendit ) .. أنا شايف انو رح يبعت الملف و يرجع عالصفحة الرئيسية .. فوين بدي رد لائي الملف يلي رفعتو ؟
anas1717
17-09-2005, 23:48
اي تمام .. جربت مع ملف صغير .. و طلع يبحطولي اللينك تبع الملف بعد ما بينبعت ...

الملفات يلي رفعتها هنن 21 ملف MP3 عالي الجودة بحجم 53 MB موضوعين داخل مجلد من نوع WINRAR ...

صار خالص منو 4 ميغا .. بيعينكون الله .. غيبولكون شي 5 ساعات و بعدين تعو ... الله يستر ما يفصل الخط ..
anas1717
17-09-2005, 23:52
و الله يا أبو السيم يا ريتني حملتو على ال gmail بعدين بعتلكون ياه على ايميلاتكون ... مشان ازا حدا طلب الملف بعد أسبوع يكون موجود عندي مرفوع خالص .. أحسن ما رد عيد الرفع .. يلا هيك صار .... معكون أسبوع من لحظة وضع اللينك .. انشاء الله الكل يلحق و ينزلو ..

أحلى شباب ...
Seemo
17-09-2005, 23:52
أخي أنس حط ايميلك بالحقلين....
و لما تخلص عملية الرفع رح تطلعلك صفحة جديدة فيها لينك التحميل...نساخ هاد اللينك و حطو بالموضوع

و خبرني شو بصير معك
بانتظارك انا
anas1717
18-09-2005, 00:36
اي انتبهت على هالشي أخي سيمو .. يمكن انت ما انتبهت على الردين يلي قبل ردك ...

المهم صار خالص لهلأ 15 ميغا ...
Mr_SHAMI
18-09-2005, 01:10
والله في خبر مو حلو انو موقع www.yousendit.com محجوب عنا هون بسعودية وبصراحة مابعرف شو السبب يا ترى في دعايات مو حلوة ؟ او اذا محجوب فبعتقد انو في امكانية البحث في الموقع واكيد في شغلات مو منيحة فيه مشان هيك حجبوه يحجبو رقبتهم حيروحو علينا الغنية ( وش منترفز وعم يضرب خماس بسداس)
anas1717
18-09-2005, 01:28
لااااااااااااااااااااااااااااااااااااااااااااااااا ااااااااااا .... حرام ما ينزل عندك أخي شامي ...

طيب الوصلة يلي حاططها سيمو عم تشتغل شي ؟؟
anas1717
18-09-2005, 01:33
على فكرة الموقع المذكور بسيط جدا .. و خال من أي شيء ... غريب أن يتم اغلاق هكذا موقع .. على كل .. اذا حدا من الشباب عندو خط DSL بركي بيحمل الملف و بيبعتلك ياه ..

و ازا ما حدا تعاون معنا .. أنا مستعد عيد الرفع من أول و جديد و ابعتلك ياهون على ايميلك فورا .. الغالي بيرخص لك يا شامي بيك ...
anas1717
18-09-2005, 01:48
يلا .. 30 ميغا .. صفيان 21 ...
anas1717
18-09-2005, 04:10
و أخيرا و بعد صراع دام 5 ساعات تم فيه الرفع بسرعة 33 كيلوبيت ..

تم رفع الملف ...

الشكر لوزارة المواصلات و الجمعية المعلوماتية على الخط النظيف الخالي من التقطعات ..

الشكر لشركة US Robotics على مودماتها المميزة ..

الشكر لأهلي الذين لم يرفعوا السماعة بالغلط فلم ينقطع الخط ..

تحية للجميع .. و أرجو من الأخ سيمو تغيير اسم الموضوع ليصبح ( الآن ) بدلا من (قريبا ) لكي ينتبه الراغبون في التحميل ..

تفضلوا اللينك مع تحياتي :

http://s10.yousendit.com/d.aspx?id=3Q26XWC3UUUFX0F2FF7YXCRM1D
amr.h
18-09-2005, 07:03
و الله يا أخ زعرور أنا كان عندي هذا الشريط بس للأسف ضاع

و موسيقة نهاية رجل شجاع أخذت جائزة و صنفوا أول ثلاث مقطوعات موسيقية من المسلسلات هم

رأفت الهجان
التانية ما بعرفها
الثالثة هي نهاية رجل شجاع

بانتظار الموسيقى
ابن الشاويش
18-09-2005, 07:45
الله عليك يا أنس..!!
قدرت نزل الملف بكل سلاسة و سهولة و ما بقدر قلك غير الله يعطيك ألف عافية عالجهد اللي بذلتو.. بحييك من كل قلبي و يسلموا ايديك..
Seemo
18-09-2005, 12:02
تم تغيير العنوان مع تثبيت الموضوع....

بالنسبة للأخ شامي....الموقع سليم و لا يحتوي على أي دعايات أو صور مخلة....على ما يبدو أن الحجب بالسعودية على أبو موزة...

سأقوم بتحميل الملف و رفعه على موقع أخر و أتمنى أن لا يكون محجوب أيضا في السعودية :tongueee:

شكرا أنس و عزبناك معنا ;)
anas1717
18-09-2005, 13:49
و الله يا أخ زعرور أنا كان عندي هذا الشريط بس للأسف ضاع

و موسيقة نهاية رجل شجاع أخذت جائزة و صنفوا أول ثلاث مقطوعات موسيقية من المسلسلات هم

رأفت الهجان
التانية ما بعرفها
الثالثة هي نهاية رجل شجاع

بانتظار الموسيقى

و الله شكلو الأخ زعرور تخلى عن الموضوع من زمان ...

و لا يهمك .. هي اجاك الألبوم كامل و MP3 ...

شكرا سيمو على التثبيت .. انشاء الله تكون نبسطت فيهون .. و بتمنى تساعدلي الأخ شامي ازا ما حسن ينزلون ..

الأخ ابن الشاويش .... ما شاء الله عليك .. عالسريع انتبهت عليون ... و بشكرك على مشاركتك .. لأنو خلال فترة تسجيلك بالمنتدى يلي هي أكتر من سنتين ما شفنالك غير مشاركتين فقط :yaturaa:

فكنت كتير سعيد انو مشاركتك التالتة اجت مع تحقق رغبتك بالحصول على الألبوم .. تحياتي للجميع ...
Mr_SHAMI
18-09-2005, 15:17
على فكرة الموقع المذكور بسيط جدا .. و خال من أي شيء ... غريب أن يتم اغلاق هكذا موقع .. على كل .. اذا حدا من الشباب عندو خط DSL بركي بيحمل الملف و بيبعتلك ياه ..

و ازا ما حدا تعاون معنا .. أنا مستعد عيد الرفع من أول و جديد و ابعتلك ياهون على ايميلك فورا .. الغالي بيرخص لك يا شامي بيك ...
بما انو بسيط استخدام الموقع فانا بتوقع انو صار في تنزيل شغلات مو منيحة وانتشرت بين الشباب فوقفوها لانو الله وكيلك اذا واحد بس عبالك استمارة على شي موقع انو مخل بالادب وبعتلهم ياها دغري سلامتك بيكون مسكر مو انو بيدققو عليه او شي فمتل ما قال اخي سيمو التسكير على ابو موزة:tahakkom: وبشكرك من قلبي على موقفك النضالي:D ومابدي تعذب حالك وترجع تعيدها خلص الاخ سيمو كتر الله خيره قال حينزلها برابط تاني كتر الله خيره حنعذبه معنا لانو بينخاف على جهازك من سرعة النت العالية ما يتحمل عقلو ويطق:tahakkom: وعلى راسي انوس والله
اما ابن الشاويش
الله عليك يا أنس..!!
قدرت نزل الملف بكل سلاسة و سهولة و ما بقدر قلك غير الله يعطيك ألف عافية عالجهد اللي بذلتو.. بحييك من كل قلبي و يسلموا ايديك..
خليتني احسدك:shlon: سلاسة وسهولة لكن!! ايه العز للرز والبرغل اكلو شامي::(
مشكوره جهود انس وسيمو والله يعطيكم العافية

اخوكم شامي
MarlboRo
18-09-2005, 22:56
ياجماعة كيف بدي اشكركم ما بعرف بشكر كل شخص رد او ساعد فهل الموضوع وشكر خاص لأنوس
وشكرا
ABOSOLEMAN
19-09-2005, 12:47
شكرا للجميع على الأغنية الأكثر من رائعة
Seemo
19-09-2005, 14:49
عودة من جديد....

Mr_SHAMI رح قوم بتقسيم الملف لعدة مجوعات مشان تسهل عليك عملية الداونلود....

حالياً قمت برفع الجزء الأول لكن لن أكمل رفع باقي الأجزاء الا بعد التأكد من تمكنك من تنزيل الجزء الأول.... ( بركي طلع هاد الموقع محجوب كمان :akeeed: )

تحميل الجزء الأول (http://dl7.rapidshare.de/files/5277628/1844816/Group1.rar)

بانتظار ردك... :tongueee:
ابن الشاويش
19-09-2005, 15:53
الأخ ابن الشاويش .... ما شاء الله عليك .. عالسريع انتبهت عليون ... و بشكرك على مشاركتك .. لأنو خلال فترة تسجيلك بالمنتدى يلي هي أكتر من سنتين ما شفنالك غير مشاركتين فقط :yaturaa:

فكنت كتير سعيد انو مشاركتك التالتة اجت مع تحقق رغبتك بالحصول على الألبوم .. تحياتي للجميع ...
و الله يا شباب قصتي طويلة.. بس بالمختصر سافرت لبرا و انشغلت و هلق رجعت..
anas1717
19-09-2005, 16:36
شكرا سيمو ...

تحياتي لكل الشباب ...

ابن الشاويش : الحمد لله على السلامة و انشالله منشوفك معنا دايما .. على فكرة ال Avatar تبعك كتير مهضوم و جذبلي انتباهي ...
Mr_SHAMI
20-09-2005, 10:23
محجوب:o
هادا الموقع بالذات محجوب من فترة طويلة عنا
اخي سيمو عم نعذبك كتير مشان الله سامحنا بس خلاص اذا الشغلة معصلجة فانسى الموضوع
شو هالحظات ::( هدوووول
شي بيشهي والله:)
Seemo
21-09-2005, 13:09
Mr_SHAMI

ما عاد طلع معي مواقع أب لود جديدة غير مشبوهة...كلها مشبوهة يلي عم تطلع معي.... :tongueee:

الحل الوحيد انك تبعتلي ايميلك برسالة خاصة و ببعتلك الملفات حبة حبة يا علام و بالراحة شوية ;)
باسل زعرور
30-10-2005, 02:11
ياجماعة
لاتواخذوني
بس غبت عنكم كتيييييييييييييييييييييييييير
بسبب ظروف قاهرة

بس وحياتكم يومين يعني الاثنين
وبتكون موسيقى المسلسل كاملة موجودة ومحملها على موقعي
وجاهزة تحملوها ايمت مابتحبووووووووووووووووووو

وأمانة لاتواخذوني
باسل زعرور
30-10-2005, 02:22
وللإعتذار هاذا موقع عن طارق الناصر وأعماله
http://ammannet.net/musicana/jordan/Tareq/Index.htm
باسل زعرور
09-11-2005, 13:47
وهلق بلش التحميل
تفضلوا يا غوالي
هي الموسيقا مقطع مقطع
http://www.111000.net/music/1.MP3
باسل زعرور
09-11-2005, 13:47
المقطع الثاني
http://www.111000.net/music/2.MP3
باسل زعرور
09-11-2005, 13:48
المقطع الثالث
http://www.111000.net/music/3.MP3
باسل زعرور
09-11-2005, 13:49
المقطع الرابع
http://www.111000.net/music/4.MP3
باسل زعرور
09-11-2005, 13:50
المقطع الخامس
http://www.111000.net/music/5.MP3
باسل زعرور
09-11-2005, 13:51
المقطع السادس
http://www.111000.net/music/6.MP3
باسل زعرور
10-11-2005, 19:56
شو وين الردود
ولا يسلمووووووووو
kako
13-04-2006, 16:18
الاخ / باسل زعرور
بتشكرك كثير

فهد من السعوديه
Sheshe-26
08-08-2006, 11:41
شكرا كتييييير بس وين الموسيقى مو شايفة شي بالمرة

من وين انزلها
maya_227
15-08-2006, 09:50
طيب وين الموسيقى ؟...........................؟؟؟؟؟؟؟؟؟؟؟؟؟؟؟؟؟؟
يوراميوم
15-08-2006, 10:23
ارجعي إلى الصفحة الأولى والثانية من الموضوع
تجدين لنكات المقطوعات
متغرب
15-08-2006, 23:20
شكراً لصاحب الموضوع Seemo
و شكراً باسل زعرور
هذه هي الروابط ررهيبة
http://www.111000.net/music/1.MP3
http://www.111000.net/music/2.MP3
http://www.111000.net/music/3.MP3
http://www.111000.net/music/4.MP3
http://www.111000.net/music/5.MP3
http://www.111000.net/music/6.MP3
mido2010
19-01-2007, 14:13
والله انا بشكرك جدا وياريت لو عندك كارمينا بورانا لكارل اورف تبقا تمام:akeeed:
mido2010
27-01-2007, 14:18
انا دورت كتير عن كارمينا بورانا لاكن مش لاقيها وانا هاموت واسمعها وياريت الى عندة يقولى
mido2010
27-01-2007, 14:22
(((((((((( شكرا جدا انا من زمان نفسى اسمع الموسيقى دى وياريت لو عندك كارمينا بورانا لكارل اورف تبقا تمام))))))
تقدمي للأبد
03-07-2007, 11:42
والله يا صديقي باسل زعرور كل الاحترام الك
شكراً كتير يا صديقي
باسل زعرور
06-10-2007, 15:12
لكل الشباب اللي حبو الموسيقى
جمعتها بهالصفحة البسيطة
http://www.111000.net/music/index.htm

مع تحياتي
باسل زعرور
24-02-2008, 19:34
نظرا لطلباتكم الغالية سأقوم يوميا برفع مقطوعات جديدة من المسلسل
وهي 18 مقطع
فأرجو منكم زيارة الصفحة
http://www.111000.net/music/index.htm
لتحميل المقطوعات وأرجو زيارتكم كل يومين لتحملوا التحديثات
باسل زعرور
25-03-2008, 18:01
للتأكيد وحفاظا على المقطوعات
سأقوم بتحميل كامل المقطوعات على الرابط
http://www.4shared.com/dir/6238890/6fc0067c/nehayat_ragol.html

مع تحياتي
abdullah041
20-04-2008, 21:09
thanx