عرض الإصدار الكامل : مطرود........لكن بأدب
شباب أنا حابب أحكي بمشكلة صغيرة صارت معي، وبصراحة كتير محتار....
يعني ما لي عم لاقي حدا يفهم علي، وبدي حدا يحكي بحيادية، يعني ما يكون متطرق لأحد الطرفين بأي معرفة......
وأنا من النوع اللي ما بيحب أنو يحكي بمشاكله من شان ما يقولوا معت، بس ثقتي فيكم خلتني اطرح الموضوع....
الموضوع باختصار، أنو عندي صديق أعز صديق عندي، صار لي بعرفه حوالي 15 سنة يعني ثلاثة أرباع حياتي قضيتها معه، عمل عملية بسيطة من فترة أسبوع، يعني متل عملية اللوزات، وقعد بالمنزل، وطلب مني الحضور لعنده، وبسبب انشغالي تأخرت على موعدي معه حوالي الساعة....وبعد وصولي إلى منزله، استقبلني لفترة عشر دقائق، ثم طلب مني الانصراف بأدب، ليش لأنه كان منزعج من الجلوس معي، ولأنه اعتبرني صديق غير وفي لأني تأخرت عليه بالموعد، قال لي بالحرف الواحد:"رجاءً اذهب".
ما قولكم انسى هيك شخص من حياتي، بحياتي كلها لم أتعرض لمثل هذه الإهانة، وإن حدث فإني أرد بشكل عنيف بالعادة، لكنه صديق عمري..............أغلى شخص في حياتي.
أنا محتار بين أن أنسى معرفته لي وبين أن أسامحه، لكني لم أقدر أن أسامحه، حيث أنه قد جرح كرامتي.
أفتوني، وآسف لأني وجعتلكم راسكم:mad: sh:angry
basil_dgh
11-05-2002, 03:18
كيفك سيد فراس...
أنا بصراحة صدمني واقع هالقصة...صعبة شوي ملاقيها..
بس رح قلك انك اذا انت عارفه من 15 سنة...يعني شو بتقيم هالتصرف؟
نابع من حرقة ..نابع من تعصيب
يعني كان معصب وفش خلقه فيك..ولا شو القصة
انا برأيي وآسف اذا أخطأت...استى اعتذاره..وسامحه اذا اعتذر فقط!sh:ohmy
طيب ماشي، هو صاحبنا حاول يعتذر باليوم الثاني وكل ما يتصل في على الموبايل كنت افصله، يعني لمدة يومين بعدين ما عاد اتصل،
أخي هو الشخص ما بعرف كيف بيفكر، يعني عنده أنه هو قبل أي شي تاني، بس ما توقعت أنه يعمل متل هالشي معي، يعني ما بيسمح لأي شخص مهما كان أنه يغلط معه، بس ما بتوقع أنو غلطي بيستاهل متل هالحركة، مو هيك، بعدين ما توقعت أنو أنا بالذات هو يتصرف معي هيك
وفكرة تانية حط حالك محلي شو بتساوي
basil_dgh
11-05-2002, 04:37
كيفك؟
شريك أنا آسف
الحقيقة ما بتسر
بصراحة لو محلك
رح ازعل وازعل و ازعل
مارح سامحو...لأنو كرامتي فوق كل شي..
بس اذا كان في اعتذار غبر شكل.."مو بوس ايادي لأ"
اعتذار ممكن يبرر سبب تفكيرو بهالشي الي عملو...واذا اقتنعت...بصالحة
اما لمجرد تأخري ساعة...
وهو بالبيت مو ملطوع بالشارع
فلا!!!
لن اسامحه
وآسف :(
يا سيدي مشكور ما قصرت، عن جد يسلموا إيديك بتعرف أنو أنا كتير انبسطت بردك، وحسيت أنو في حدا واقف مجنبي........
شكراً كتير كتير كتير كتير كتير كتير كتير كتير كتير...............كتير على مشاركتك إلي أحلى أبو البيس
basil_dgh
11-05-2002, 05:23
لا شكر على واجب أخي فراس
أنا عطيتك رأيي بصراحة:)
وانته أخي وصديقي ..ولازم كون معك بفرحك وزعلك.....
الله لايجيب الزعل;)
اصدقائي الغالينننننننننننننننننننننن
اخي المهووووووووووووووووووووسسسسسس
مشكلتك كتير سهلة لو فكرة فيها منيح وتركتلي
شوية المشاعر على جنب ماشي
هلء انت قلت انو هو صديقك من الروح لروح
و اكيد انت بتعرف عنه شغلات يمكن هو نفسه ما
بيعرفها عن حاله و هو كمان نفس الشي بالنسبه الك
الصداقة يلي بيناتكم ليست بين يوم و ليله لاء
هي صداقة عمرها سسسسسسسسسنين
يعني انت بتعرف اطباعه و بتعرف شو بيحب و شو بيكره
يعني انا برايي لازم تعذره لانه هو اولا مريض
و كلنا منعرف وقت الواحد بيكون مريض شلون بتكون نفسيته
لك و الله يا زلمة لك شقفة رشح بسيط بيخلينا نسبسب
على ابو جنب و بتكون حالتنا حالة فشلون عملية؟؟؟؟؟؟؟؟
يعني انت قلبك طيب و لازم تسامحه لانه المسامحة من شيم الرجال
و ما تفكر انو مين من كان بيقدر يسامح
هلء
انا كمان بلوم صديقك لتصرفه الغير لابق معاك
و عن جد شيء محرج كتيرررررررررررررررررررررررررررررررر
و صعب كتير كمان يعني الشغلة فيها زعل
بس و متل ما انت قلت هو حس بذنبه
و حاول يعتذر منك و انت يلي ما عم ترد عليه
خلص يا اخي رد عليه و اسمع اعتذاره
و يا دار ما دخلك شر
و طول بالك و هدي اعصابك و يا اخي كلنا بشر
و كلتا منخطىء بسسسسسسسسسسس
يا نيال يلي وقت بيخطىء بيعتذر
و يلي بينظلم بيقبل الاعتذارو بيسامح
و يعني مو معقول هيك تصرف سخيف يفرق بينك و بينه
و يمحي صداقة عمرها سسسسسسسسسسنين
الحق معك بس قلبك طيب
و هذا رايي و ان شالله الله يقدم يلي فيه الخير
و تحياتي
مرحبا شباب ، أنا لفت نظري موضوع المناقشة مطرود ... لكن بأدب
فقرأت ما كتبت ووجدتها بكل بساطة مشكلة عادية جداً تحصل بين الأصدقاء بل ويحصل أكثر من ذلك ، وقلت لنفسي أكيد الشباب ردوا عليك وقالوا لك شغلة عادية وبضلوأخوة وأصحاب ، ولكني بصراحة تفاجئت جداً من رد الأخ باسل ، حتى أنني أخذت على خاطري كثيرا وهذا الرد لك يا باسل :
لقد قالوا بالأمثال الصديق عند الضيق ولم يقولوا اللأخ مثلا او الاب أو ابن العم .....
الصداقة معناه كبير جدا جدا جدا يا باسل ، مهما ومهما كتبت عنها لأن أنتهي ، وسوف أقول لك شي لقد كان لي صديق عزيزا جدا على قلبي كنت أشعر بالوحدة ان لم يكن موجود معي بالرغم من ان لي أصدقاء كثيرين .
كنا نختلف ولكن سرعان ما نتصالح ولا فرق أن كنت أنا البادىء أم هو ، لم يكن لشيء أن يفرق بيننا أبداً أبدأ طوال هذه السنوات الطويلة إلا الموت .............. وهذا ما حصل لقد كان أسواء يوم في حياتي لن أنساه ما حييت لقد مضى على وفاته أكثر من 8 سنوات ، والله إن إلى الأن غير مصدق أنه مات ، والله أني كنت أتمنى أن أكون أنا مكانه فهو قد ارتاح من هذه الدنيا التافهة ، أما أنا فأعيش مرارة الفراق .
لقد ترك فراغ كبيرا في حياتي ، لقد كان الوحيد في حياتي الذي اشكي له همي ، وقد كان الوحيدالذي يكتم أسراري .
أشعر أحيانا برغبة شديدة بالتكلم ولكن إلى من ..؟؟ لي أصدقاء كثيرون وهناك أصدقاء يعتبرونني بيتاً لأسرارهم ولكني لا أستطيع التكلم
أشعر بأنه هو الشخص الوحيد الذي كان يفهمني ، أن الذي بيننا كانت صداقة تلك هي الصداقة الحقيقية التي تكتمل مع عشرة العمر .
لذلك با أخ باسل ان ما ذكر من engafw وكما قال أنه أعز صديق على قلبه وانه أمضى معه ¾ حياته 15 سنة هل يتركه بكل بساطة .
وبالنسبة لموضوع الكرامة الذي تكلمت عنه ان حدث معك نفس شيء او أي مشكلة أخرى مع أخيك أو مع أي فرد من أفراد العائلة ، هل ستقول أن كرامتك قد تأثرت وتترك أهلك وتمشي ؟؟؟؟ أنا متأكد من أنك ستنسى الأمر بسرعة وتعتبرها سوء تفاهم بينك وبين أخيك أو أبيك .
والصديق العزيز هو من باقي أفراد العائلة لا يختلف عنهم بشيء
بالإساس يا أخ engafw كان يجب أن لا تطرح هذا المشكلة بالأساس وأن لا تقول أنه صديق عزيز وأن لا تقول أن لك معه ¾ عمرك .
حتى أنك لم تكد تصدق أن هناك شخص وقف معك وأيدك بذلك ، مع انك انت الغلطان وستين غلطان
اولا لقد قلت أنك أنشغلت ... وهل الشغل يلهيك عن صديق يريدك إلى جانبه حتى وان كانت عملية خلع ضرس ، أنا عندما أذهب لأخلع ضرسي عندي اياها ممكن أصعب من عملية القلب ، أشعر بأن رأسي سينخلع وليس ضرسي .
على كل حال ممكن يكون لك عذر مقنع أو حتى ان لم بكن فليست من مشكلة ، تستطيع ان تبرر غيابك طبعا ان كان يهمك ذلك فالتبرير والعتاب لا يكون الا بين الاصدقاء .
ثانيا لقد أحس صديقك بالغلط الذي أرتكبه معك (وانت لم تقدر حالته النفسية) وحاول أن يعتذر منك ، وقتها زيدتا الطين بلة ، وأغلقت الخط بوجهه .
يا أخي لما العصبية الزائدة تستطيع أن تفش خلقك مع صديقك وتقول له ما تريد وهو كذلك يقول ما يريد وتحل المشكلة بعد ذلك وينتهي الامر ببساطة شديدة وكأن شيء لم يكن ... اما ان تغلق الموبايل في وجهه فأنك بذلك تزيد النار نار ، وما أشعلها أيضا هو رد الأخ باسل مع أني متأكد من أن صديقك يا engafw لو كان مشترك بهذا المنتدى لكان قال له الاخ باسل نفس الشيء ( لا تزعل مني ) .
لا مجال للمجاملات في تلك الامور .
أنا لا أعرفك ولا أعرف الطرف الثاني ، وأنا أقول رأي بصراحة وما يمليه علي ايماني وضميري ، أن أقول كلمة الحق مهما كلفني الثمن ، أنا برأي ان تتصل بصديقك وترجع المياه لمجاريها ، أن كان يهمك هذا الشخص وان كا ن فعلا صديقك كما تقول .
وفي النهاية أعتذر منكم كثيرا لردي القاسي ، و لا اريد أن أرجع واقراء ما كتبت لاني كتبت ما في قلبي وما في داخلي ، وانا متأكد من أنكم ستسامحوني إن أسأت إلى أحد وخصوصا المعلم الكبير أبو البيس
لأنو قلبوا طيب كتير ، ( أنا كنت عم هل الكلام من حرقة قلبي )
ومحسوبكم أنا
لساني فلتان مني وبدو ترباي ، بكرة بتتعودوا عليه ، و بضل أنا متل أخوكم الكبير
ولا شو :mad:
:D sh:hi
أمير عربي
11-05-2002, 11:18
مرحبا حبيبي فراس :
يمكن أنا فيني جاوبك و فيدك كوني .......
أول شي يبدو أنك و رفيقك كتير صحاب و متفاهمين يعني و طالما الكن 15سنة سوا فأنا بأكدلك أنو هالمشكلة راح تنحل
يعني الخمسطعش سنة مانهن قلال و متل ما قالت جورية أنت هلق بتعرف عنو كتير شغلات و هو بيعرف عنك كمان كتير شغلات
و الحل بإيدك انت .
طالما الزلمة اعتذر (أو حاول يعتذر) و انت رفضت و أي واحد محله راح كمان ينزعج كونو ضل يتصل فيك مدة يومين و انت تسكر بوشه , يعني كمان صعبة و مانها سهلة و اعتقد انو هادا عقاب كافي إلو
انا ما بنكر كمان انو اهانتو إلك كبيرة و حتى لوكان الواحد مريض يعني بيضل فيه شوية عقل على الأقل مع صديق العمر
بس انا بعتقد انو التصرف اللي تصرفه كان لسبب تاني .. يعني بيجوز انو أهلو كانو منتظرين ضيوف و اجلوها مشان جيتك و بعدين انت تأخرت أو هيك شي يعني و انا بظن انك انت نفسك لازم تلاقيله الأعذار و لما حاول يتصل فيك .. يمكن كان بدو يحكيليك و انا متل ما بعرف عنك انك مؤمن أنو كل المشاكل بين طرفين سببها خلاف وجهات نظر (ولا كيف؟)
و انت ياسيدي أكبر العارفين باختلاف وجهات النظر يعني هوي إلو رأيو و انت إلك رأيك و انا رأيي الحل :
انك تطلب من حدا من رفقاتك اللي بتحبن أنو يلاقيك برفيقك المزاعلوا و تقعدوا تحكوا سوا ...انت اشرحلوا وجهة نظرك و هوي بيفسرلك سبب تصرفوا
يعني و بعدين كل واحد منكن راح يشوف رأي التاني و يعرف كتير شغلات ما حسن يشوفها من التعصيب يعني الواحد لما بيعصب بينعمى على قلبه
و انت بيضل قلبك كبير وطالما آخر مبادرة كانت منه فاللي بعدها لازم تكون منك و لو بطريقة غير مباشرة لحتى ما تتأثر كرامتك و الكرامة عند الإنسان أهم من أي شي تاني مو هيك فراس
و انا هادا رأيي يعني و إنت الخيار إلك بس أنا حبيت أني شارك بحل مشاكل حبيب قلبي فوفو لأنو معزتك عندي بالدني
انت طلبت انو مايكون حدا بيعرف الطرفين بس أنا لقيت حالي مضطر انو جاوبك لأني ما فيني اتركك على هالحالة
اتمنى كون فدتك بشي
مع تحياتي أبو الفوارس
مرحبا يا مسيو فراس ،
انو انت ما قدرة تحكي معة ليش ، هذا يعنى انك انت بتعرف شو حا يحكى معك ، و انت المؤسف ما رضيت تحكي معه ، بصراحة ان ذلك مؤسف .
على كلا معقول انه هو ارادك ان يطردك من المنزل و انت رفيق عمره على قولك ، معناة شو هي الرفقة ، و انتمن وقتها ما قدرة انت تحكيه شو السبب ، غريبة ؟!!! و الله ما عم افهم و ين المشكلة .
بدك الحل و انت تساعد حالك ، و تساعده ، انو المفروض من وقتها انك تحكي معه تحى يا اخي تتخان معه من وقتها ، و لا تأجل الموضوع اكتر لانو كل مالو بموت المشاعر بيناتكم، و على كلا انا واثق انو هو ما لو معتبر الموضوع بالضخامة التي انت متصورها ... انو قصة كرامة ما كرامة ... طول بالك و روق حالك ما دها كل ها القد
مع كل المحبة و الاحترام
basil_dgh
11-05-2002, 14:37
شكرا لكل من كتب وقرأ مشكلة أخي العزيز فراس باشا...
قد كان ردي له قاسيا..ولكنه رأيي الخاص..ولو أني أعرف نفسي..."مابقدر ازعل من حدا"
ولكن ما قد كتبته هو ردة الفعل المباشرة..والتي على مايبدو هي نفسها ردة فعل فراس..وللأسف!
ايميسسا....قول عني ماتقول ....انته بتضل أخي :);)
وعلى كل...فراس
{ايي أنا مابينفعك...جد عم احكي...شوف الأصدقاء فوق..كتبو شي موزون بالعقل..مو نابع من ردة فعل..
سماع كلامن..والله مافي أحلى من الصلحة...
وحرام عليك تضيع عشرة عمرك..لأنو بلا الصديق مابنقدر نعيش..
أنا آسف ..ممكن تقول عني واحد مالو رأي ..واحد متذبذب الرأي!!
بس كرمال عيونك رح كون الي بدك ياه...
عن جد فراس..انسى الي قلتلك ياه...وشوف طريق الرجعة..ليكو ضاوي...
sh:hi
مرحبا: اولا شكرا لطرح هيك موضوع لانه الواحد كتير احيانا بحاجة لاراء الاخرين وبالنسبة لموضوعك اخي الكريم انا رأي مجرد اتصال صديقك فيك بعد الموقف هادا لحاله اعتذار ومن دون زعل انت زودتها لما ما رديت عليه لمدة يومين ما بتعرف شو كانت ظروفه تعبان زعلان مع حدا00000000 الخ الخ بعدين ]التمس لاخيك عذرا[ على كل حال القصة بسيطة و بتنحل اذا الصداقة قوية متل ما عم تقول وشكرا مرة تانية من دينا:) :) ;) sh:hi sh:hi
يا شباب ما بعرف شو بدي قول لكم، خجلتوني بحكيكم معي، عن جد حست أنو أنا بعائلة واحدة مع شبابلك.
بصراحة أنا رأيي متوافق تماماً مع رأي باسل، لأنو نحنا الاتنين هيك بنفكر، بس الصح مو رأينا أكيد متل ما قال باسل، الصح هو رأي باقي الأعضاء........
بصراحة أختنا الغالية جورية ردك لامس قلبي، وأشعرني بدفء الصداقة
أخي emessa ردك كان عنيف، :D بس حكيت كلام منطقي ولا يقبل النقاش، بشكر كتير اهتمامك، وتفكيرك المنطقي الحيادي...
أما الأمير العربي فكلامك هو اللي لح يصير أكيد إن شاء الله........
أخي hus أنا بصراحة متل ما قال باسل المشكلة كانت بنظري مو صغيرة، بس أكيد في مشكلة، بس متل ما قالوا الإخوان هون،
بتنحل أكيد
أخت دينا بشكرك كتير على صراحتك وعلى ردك الحلو....
أنا بصراحة كتير مبسوط من ردودكم يا شباب ويا صبايا، وأنا بصراحة بعت الوصلة لعنده على البريد الإلكتروني وإن شاء الله يفهم هو الباقي لحاله.
أخوكم المهوووووووووووووووووووووس بشبابلك
فراس
الأخ العزيز engafw
لقد قرأت موضوعك شي عشر مرات
في كلمة واحدة لقيتها بحديثك ( أنو عندي صديق أعز صديق عندي، صار لي بعرفه حوالي 15 سنة )
و هذا الحكي بعد ما صار الفصل معك
لك يا سيدي سامحو
و ما فيها شي
شغلة طبيعية ( بناءا على حديثك )
و بتصير بين الأصدقاء
و الصديق ما الو الا صديقو
فاذا ما تحمّل الصديق صديقو ما عاد اسمه صديق
و المفروض عليك اليوم أن تتصل به و تطمن عنه
و روح خود بإيدك هدية و روح لعندو
و كأن شيئا لم يحدث
( هذا هو الصديق )
و لفها
الموضوع ما في شي بس يمكن انو انت حساس شوي ( هاد الشئ ما بيمشي مع الأصدقاء )
كلامك كله حلو أخي ليو وشكراً جزيلاً على المداخلة......
أكيد أنا بعد حكي الشباب معي أنا لفيتها، بس يعني كرامتي غالية علي شوي زيادة مو موضوع حساسية أكيد، بس أنا ما لي لح روح لعنده حتى هو يرجع لعندي، أنا ممكن أنو أتصافى معه.......
بشكرك مرة ثانية أخي ليو
السيد فراس ،
عن جد انا بحترم كل يلي قدمولك النصيحة لانهم صدقوك ، و لكن الغريب بالموضوع ، هو مدى رفضك لمبادرة الصلحة ، ما عنو هو ما تأخر عنك بهذا الشئ بعد ما انت رفضت انك تسمع له على عدة مرات.
و بالفعل انو هيك شئ مو مشكلة ، بتخليك ما بتقدير انت تبدأ الصلحة ، و انك بعت له باللينك لهذه المناقشة ، و انت تقول فيها انو انت ما لح تبدأ بالصلحة ، و انتك ممكن انك تتصافا انت و ياه ، طيب ما تفكر فية ، كيف حا تكون كرامته ، بما ان كرامتك عند هذا اشيء العظيم ، ضع اصبعك بعينك كما تجعك تجع غيرك.
انا عن جد اسف لهذا الاسلوب بالنصيحة ، و لكن لا اريد لك العذاب في هذه الدنيا ، خذها على بسطة و هونها بتهون ، و صعبها بتصعب .
و بدي قول لك شيء ، و لا تنسى قوله تعالى عز وجل : "و ادفع بالتي هي أحسن ، فالذي بينك و بينه عداوه فكأنه ولي حميم ، و ما يلقها الا الذين صبروا و ما يلقها الا كل ذو حظ عظيم" صدق الله العظيم
مع كل المحبة و الاحترام
سيد فراس المحترم........
أحب أن أبدي رأيي ان سمح لي و لكن دون سؤالي لماذا....؟
أتمنى منك أن تذهب و تعتذر من صديقك واعتذر منه بشدة......
و لكن أرجو عدم سؤالي لماذا.....!!؟؟
والله انا براييى انه الموضوع جدا عادى وما بده هالقد ، يعنى شو ما كنت عامل معه لا زم الامور ما توصل انه يقلك يلا روح من هون ، لانه الصداقة الحقيقة ما بتوقف على هيك امور صغيرة ، صعى متل ما قالت جورية انه المفروض كل واحد بيعرف طباع التانى يتحمل ماشى بس فى شغلات الواحد بتكون اهانة لشخصه ، يعنى انا عندى رفيقة نئوزة كتير اذا الواحد بيتاخر عليها خمس دقائق بتقلب وجهها وبتحرد ، وانا براييى الموضوع ماله محرز للمشاكل ، وحتى لو انت تاخرت عليه اى شو عامل هوه عملية قسطرة كلها لوزات ، وانا براييى يا اخ فراس انه ما تتنازل بسهزلة وخود منى هى تجربة من الحياة صعى انا عمرى عشرين سنى يعنى مالى خايضة كتير تجارب بس عن جد هالايام هى الانسان المتساهل ويلى بيسامح بسرعة وبيقبل بسرعة بيتاكل حقه ، انا ما عم الك انه ما تعود تحاكيه لانه هالشى غلط كتير بس على القليلة خليه يحس انه الموضوع كبران براسك وانه انت مو من النوع يلى بيتخلى عن كرامته ، ومنتمنى انه هالصداقة الطويلة ما تنتهى .
يا شباب ما بعرف شو بدي قول لكم لأنو قد ما شكرتكم ما لح كفي...
كتير أنا مبسوط أنو في ناس وقفوا بجنبي، الموضوع قد يبدوا للبعض أنه سخيف، ولا يستحق النظر فيه، والآخرون قد يفكروا مثلي بأنه مشكلة كبيرة جداً، بالفعل يا أخت لولو أنا رأيي تماماً مثل رأيك.
أخي هوس أنا كنت بحالة إذا بدي رد عليه لح صب جام غضبي عليه، فانتظرت حتى أخذت النصيحة من أصدقائي بعدين، قمت بالمبادرة، يعني طولت بالي شوي، وعلى فكرة هو الغلاطان فإذا هو اتصل بعد ما بعت اللينك، فهو اعترف بخطأه أما إذا لم يتصل فهو متكبر لا يستحق الصداقة.
أخي مستر إكس، ردك كتير حرك في فضول شديد، أنا أكيد ما لي لح أسألك ليش، بس أنت لحالك قول لي بدون ما أسألك، لأني بحب النقاش بموضوعيه، بعد إذنك.....
على كل حال اللي صار أنو بعد ما بعتله اللينك، كان هو مستعد للقائي، وصار لقاءنا بالصدفة، حيث أني رتبت موعد مع أخيه بالمنزل، بحيث أن لا يكون موجود، وأتى بالصدفة، فاضطررت للقائه حيث أنه هو الذي أتى وسلم، فكنت عادي معه، وهكذا انحلت الأمور، بعد أن لاحظ أنه هناك من أدان رأيه وأن هناك من أيد رأيه............والشكر كل الشكر لكم يا أسرة شبابلك، لأنكم كنتم مفتاح الحل بيني وبينه، أنتم اللذين أزلتم سوء التفاهم بيني وبينه...........فكل الشكر لكم.
مع فائق الاحترام والتقدير لكل من شارك..............
الله يسلمك لا شكر على واجب نحن هو كلنا باذن الله اخوة ، وكلنا بحاجة الى اراء اخرى حتى نستفيد منها ، ومن المفروض ان نساعد بعضننا البعض ، والله المعين
vBulletin v3.6.4, Copyright ©2000-2008
Translated by SyriaNobles