أغنية سليمى

[Joud]

مرحبا شباب،
انا حابب إسألكم عن أغنية رائعة اسمها (سليمى)، آخر مرة سمعتها كانت بمسلسل (عشتار)
بصراحة ما لقيتها على الانترنيت وصرلي فترة عم دور عليها
إذا حدى عندو فكرة لمين هي الأغنية؟
أو إذا حدى حواليه شي Link مشان ننزلها؟

وشكرا مقدما...

[Nany]

اسيدي هي اغنية بتعقد ومن انا صغيرة وانا معجبة فيها رغم اني ما كنت حافظة كلماتها

هلاء هي والله العليم 98% لمروان حسام الدين غناها بزمناتو وابدع فيها

غنتها أمل عرفة بمسلسل عشتار وطلعت حلوة كمان بس يعني من مروان يمكن يمكن احلى

هلاء اذا حابب تحصل عليها بصوت أمل عرفة فيك تلاقيها على موقع سالمية نت

هون (http://arabic2.salmiya.net/songs/amal/rm/amal16.rm)
انا صرت سامعتها من اول ما حطوها على هل موقع لهلاء شي ميتين مليارين مرة

رهيبة بصراحة انا من اكتر المعجبين فيها

هي كلماتها متل ما بفهمها انا في كم كلمة غلط بعتذر عليهن ويلي بيعرفهن بركي بيزبطلي ياهن انا حاتطن بين قوسين :)

أرى سلمى بلا ذنب جفتني *** وكانت أمسٍ بعضي ومني
كأني ما لثمت لها شفاهاً *** كأني ما وصلت ولم تصلني
كأني لم أداعبها لعوبا *** ولم تهفو إلي وتستزدني
كأن الليل لم يرضى ويروي*** أحاديث الهوى عنها وعني
سليمة أهه أهه سليمة ***
من عبدتك بعد ربي **** سواء في (القنوت) وفي التمني
سليمة سليمة أأأههههه سليمة***
غدا لما أموت وانتِ بعدي **** تطوفين قبور على تأني
قفي بجوار قبري *** ثم قولي أيا من كنت منك وكنت مني
خدعتك في الحياة ولم أبالي*** وخنتك في الغرام ولم تخني
(كذب) طبع الملاح فلا (ذمام)*** فطرنا على الخداع فلا تلمني

[Joud]

شكررررررررراااااااااا Nany
ما بتتخيلي قديش انبسطت بهاللينك،
ما بعرف صراحة (مروان حسام الدين) بس على مايبدو رح اعمل حملة بحث ثانية
...شكرا كتير كتير كتير كتير كتير كتير كتير...

وعلى الكلمات كمان

بظن
(قنوت) = قنوط
(كذب) = كذا

[syrian_smile]

ناني شكرا كتير عالرابط

هلأ أنا لقيتها بصوت الفنانة زكية حمدان كمان ما كنت بعرفها

زكية حمدان أرى سلمى (http://www.zeryab.com/arabic/Zakiya_Hamdan/Ara_Salma.ram)

تحياتي

[Nany]

مزبوط سيريان سمايل في الها نسخة لزكية حمدان بس بصراحة انا ما حبيت ادائها رغم انو بيجوز يكون الاصل الها بالاغنية

بس ما بظن لانو الاغنية مكتوبة على اساس من شب لصبية اسمها سليمة
مو معقول تكون زكية بتحب سليمة

الله اعلم بس انا وقت كنت صغيرة انشهرت لمروان حسام الدين

هلاء بالنسبة لقنوط مزبوط الغلط مطبعي

بس بالنسبة لكذب وكذا انا مرة بسمعها هيك ومرة هيك فخلص ما بنختلف :)

[tiger4u]

أغنية سليمى هي للفنان السوري المبدع الراحل
نجيب السراج
يعني غنية قديمة كتير كتير
قال مروان حسام الدين ..
اسمعو عالهالحكي
sh:angry

[DaViD]

والله باعتقادي متل ما قال تايغر هي لنجيب السراج لك اي بس ما لقيتي غير تتذكري هالغنية اي صاحبها ميت من 20 سنة يمكن .

[abbodyyyyy]

مرحبا
دوبكن لابسين ولابسين
سؤال عالماشي.
مين صاحب أغية اللومة ؟
( عاللومة اللومة اللومة ... .. عالومة اللومة اللومة )

[ابو ميشال]

أغنية سليمى مش لنجيب السراج هي للمطربة السورية ذكية حمدان و هي تبث عبر الاذاعة السورية بين الفترة و الاخرى
انا عندي كاسيت للسيدة ميادة بسيليس بعنوان " خلقت جميلة " و يتضمن هذه الاغنية و هي رائعة بصوت ميادة

[Nany]

شوقتني اسمعها بصوت ميادة بسيليس لانو بعتقد حتكون حلوة منها كمان

بس تايغر شبك معصب روء
انا كنت اسمعها من مروان لانو ما كان في نجيب على وقتي :o

سيدي لمين ما كانت تكون المهم انها حلوة

[abbodyyyyy]

?????????????????????????????????sh:questio
لك ماحدى رددددددد؟sh:questio

[tiger4u]

بس تايغر شبك معصب روء
اختي ناني ماني معصب ولا شي :p
بس حبيت اعمل شوية سسبنس بالموضوع ..

تحياتي إلك

بس يا جماعة أنا بعرف إنو الغنية لنجيب السراج لإنو لما غناها ................. مدري شو اسمو ( هاد الشب الحوراني ببرنامج طريق النجوم ) والشباب يللي اعمارهم بحدود التلاتين بيجوز يتذكرو هالبرنامج .. قال إنو الغنية للسراج ..

سلام

[النورس الحزين]

شكرااااا كتييير ناني عنجد يعطيكي العافيه الي كتييير
بدور على هل الغنية ولما سجلت بالموقع الرائع لقيت كل طلباتي بس ناقصني
ياريت حدا من الأعضاء يساعدني بدي موسيقى مسلسل البواسل المويقى التصويرية
ياريت وشكررا

[jozef103]

الى الاخ Joud راح اعطيك موقع فية معظم الاغاني القديمة لمجموعة كبيرة من المطربين والمطربات ونشالله تلاقي طلبك هونيك
الموقع:
http://www.sawari.com/
ونشالله الموقع يعجبك باي

[SYRIAN_FERAS]

http://www.njom.net/music_site/gulf/mosalsalat/index.htm
بتلاقي كمان هون اغنية سليمى بس لامل عرفة كتير حلوة

[falas]

هون بتلاقي اغنية سليمى من سلاطين الطرب:

http://rapidshare.de/files/8859732/sala6een-sulaima.rm.html