هل المغني فنان؟ كيف تكون الاغنية مضرة او مفيدة ؟ هل هناك موسيقا تخص عبادة الشيطان ؟

[AndJustice4All]

الفنان القدير راغب علامة .
الفنان الكبير عمردياب.
الفنانة المتألقة هيفاء وهبة.
و ما شابه ذلك الخ...

اصدقائي برايكن هدول فنانين ؟

شو هو الفن برايكن ؟

شو قدم الفن تبعهن للمجتمع ؟

يا ترى ضر حدا هل فن العريق تبعهن شي ؟

اصدقائي ابل كل شي هدول مو فنانين هدول مطربين مؤديين يعني الله عطاهن صوت و دفعو مصاري حق لحن و حق كلمات و تكاليف هون و هون و نفزو يلي نطلب منهن من شركة الانتاج و يالله هي صارو و تصورو .

اصدقائي التلحين هو فن لحالو و التاليف كمان فن لحالو اما يلي ما عندو صوت ما بيحسن يغني لو درس الموسيقا و الفن من كل طرافو .

بالنسبة لفن التلحين كل واحد الو راي بنمط الموسيقا يلي بحب يسمعها و هي شغلة مافينا نناقش فيها لانو متل مو كل واحد بحب ياكل اكلة معينة كمان كل واحد بحب يسمع نمط معين و طبعا في كتير فرق بين موسيقا او موسيقا يعني مو كل الالحان راي انو بتتسما موسيقا او فن.

هلق بالنسبة للكلمات باختصار اي كلمات بتحكي عن الحب و الغرام و الغرائز النفسية و الضعف امام نقاط الضعف هي كلها ما بتتسما فن هي اسمها استغلال لنقاط الضعف عند الجمهور للوصول لاهداف معينة من الشهرة او المادة .

اصدقائي اد ما كنت كلمات الاغنية معبرة و اد ما حسيتو انها فيها ابداع سدقوني اذا بتوصلو للمغذا الاساسي تبعها بتلاقوه تافه .

و الحمد الله في كتير من اسباتات على كلامي من المضار يلي عم تساويها الاغاني هي يلي حكيت عنها ان كان بالكلمات يلي عم تفوت لقلب المراهقين و بقلب اغلب يلي عم يعانو من مشاكل عاطفية اي عم تهيج عندهن هلمشاعر و عم تحطم عقلهن و قلوبهن و خاصة الفيديو كليب يلي مافيه شي من الفن بس المطربة كل ما قصرت التنورة اكتر كل ما كان الفيديو كليب ناجح اكتر . و المطرب بيعرض سيارتو العظيمة انو شوفو سيارتي ما احلاها و شوفو هل طقم يلي لابسو بحاول مثلا يلبس ترانشكوت من اغلا ما يكون منشان ماحدا يقول انو بيعرفو او عندو منو انو شوفو يا عالم انا شغلة كبيرة حبوني حترموني اذا مابدك تحترموني حترمو سيارتي حترمو البنات يلي دافعلهن مصاري منشان يصورو معي و هنن حوليي ياااااااااااااااااي اديشو زلمة و مالو تافه ابدا .

بصراحة 99% من الاغاني العربية مو اسمها فن اسمها شي تاني
كمان 99% من الاغاني الاجنبية و خاصة اغاني ال راب rap هي يا ريت بس بتحكي عن الحب و الغرام اغلبها بتحكي عن الذة الجنسية و صوت و صورة اذا بدكن .

بالنسبة لرايي انا الشخصي بالاغاني يلي فيها فن و اذا ما فادت ما بتضر هية :

بعض من اغاني الهارد روك القديم .

القليل من اغاني مايكل جاسكون كانو فيهن فن و بيحكو عن اشياء بتنفع المجتمع مع انو هو كشخص انسان مريض نفسي و عندو تفاهة بكتير اشياء بس ما بنكر انو فنان هو كان ملحن و موؤلف كل اغانيه .

بس اكتر شي لقيت فيه فن و في اشياء مفيدة و افكار فظيعة و انا بحترمها هيه الموسيقا هيفي ميتال Heavy Metal . هي يلي طلعت عليها اشاعات كتير و اذا بدي افتح هل موضوع ما بخلص بس باختصار يلي عم يقولو عبدة شيطان و ما بعرف شو بتمنا منكن تقولولهن هل حكي :

الموسيقا مالها علاقة بالدين الشغلة وقفت على الانسان نفسو انا بعرف غنية نسيت شو اسمها بس نمطها تكنو و كتير شباب بحطوها بالسيارة و يلي بتغنيها بنت بتقول فيها The God was a girl
هدا مثال منشان تعرفو انو اي موسيقا فينا نوسخ فيها و فينا نتصرف فيها كفن .

و طبعا حتى النوع يلي انا زكرتو تبع الموسيقا كمان فيه توسيخ ما بيخلا الامر بس في نسبة كبيرة منو بنظري انا هدا هو الفن و انا حكيت هل حكي بعد اتطلاعي على كل انواع الموسيقا و كلماتها

كل الانواع لقيتها 99% تافهة .
بس الميتل الوحيد يلي لقيت فيه نسبة 50% التافهة . شوفو الفرق . و اذا حدا سمع غنية ميتل فيها كلام وسخ و كفر ما ياخد على انو كل الفرق هيك مو شرط انو هنن عم يغنو بنفس النمط معناتا كل هل نمط هيك انا بس حبيت اعطي فكرة و مالي طالب من حدا انو يسمع متلي انا مبسوط بيلي عم اعملو لاني خترت الصح و حسنت اعرف شو هو الفن .

و ما بصير حدا يعلق عن نمط موسيقا اذا كان تقيل او خفيف يعني على قولة بعض العالم ( موسيقا ضايجة او صوتو عم يجعر ) كل واحد الو زوئو بيلي بدو يسمعو الطرب يا اصدقائي مو نوع موسيقا بيجي واحد بقلك انا عم اسمع طرب او بيجي واحد بيتمالس بقلو لواحد شو هدا ؟ هدا مسميه طرب ؟
الطرب اصدقائي هو شعور الشعور بالاستمتاع بالاستماع للموسيقا او لصوت العصفور او لتلاوة القرآن الكريم. يعني شعور للانسان و بخص صاحبو بس متل الاكل اذا واحد بحب البتتزا و بتجي انت بتقلو هي مو طيبة بيقتنع ؟ و كمان انت ما بتحب اكلة مافي حدا لا يسالك ليش و لا يقتنعك انها مو طيبة و الموسيقا نفس الشي .

هي نموذج عن الاغاني يلي بعتبرها من روائع الفن بالموسيقا و طبعا من الحان و تاليف و غناء رجل واحد و شارك بالعزف كمان هدا بنظري انا فنان القو نظرة كن كيفية ممكن انو تكون كلمات الاغنية مافيها تفاهة و ممكن انو تكون مفيدة و توصل للطرب بدون ما تستغل مشاعر و نقاط ضعف عن الانسان :

Believe

So after all those one night stands
You've ended up with heart in hand
A child alone
On your own
Retreating
Regretful for the things you're not
And all the things you haven't got
Without a home
A heart of stone
Lies bleeding

And for all the roads you followed
And for all you did not find
And for all the dreams you had to leave behind

I am the way
I am the light
I am the dark inside the night
I hear your hopes
I feel your dreams
And in the dark I hear your screams
Don't turn away
Just take my hand
And when you make your final stand
I'll be right there
I'll never leave
And all I ask of you
Believe
Your childhood eyes were so intense
While bartering your innocence
For bits of string
The grown-up wings
You needed

But when you had to add them up
You found that there were not enough
To get you in
Pay for sins repeated

And for all the years you borrowed
And for all the tears you hide
And for all the fears you had to keep inside

I am the way
I am the light
I am the dark inside the night
I hear your hopes
I feel your dreams
And in the dark
I hear your screams

Don't walk away
Just take my hand
And when you make your final stand
I'll be right there
I'll never leave
And all I ask of you is
Believe

I never wanted to know
Never wanted to see
I wasted my time
Till time wasted me
I never wanted to go
I always wanted to stay
'Cause the persons I am
Are the parts that I play
So I plot and I plan
And I hope and I scheme
To the lure of a night
Filled with unfinished dreams
And I'm holding on tight
To a world gone astray
As they charge me for years
I can no longer pay

I am the way
I am the light
I am the dark
Inside the night
I hear your hopes
I feel your dreams
And in the dark
I hear your screams
Don't turn away
Just take my hand
And when you make your final stand
I'll be right there
I'll never leave
And all I ask of you

Believe

[stranger]

اوكييييي بعد المواضيع المتحضرة اللي اتحفتنا فيها بالمواضيع السباقة ..مع اللغة العربية المتينة والمترابطة ....
والأفكار الخلاقة الناقدة للعادات والتقاليد ...وكل ماله عنوان براق ...
تجنبت أكتب وأرد لأنو اسم الله ماشاء الله من كتر ماثقافتك واسعة ومتجددة ...خرستني وخليتني اتبلكم ...
الله يعطيك العافية ...الله يكتر من امثالك ...

....

[AndJustice4All]

شو هل حي ولو stranger هئ هئ الله يسامحك شو هي خرستك ما حبيتها لابق تقولها حضرتك على عيني و راسي و انشالله كون عم بحسن فيد ولو بشوي .

اوم حول شربلك كاسة نسكافيه :)

[stranger]

بتجلط...

[جورية]

بسم الله الرحمن الرحيم
اصدقائي الغالييييييييييييييين
السلام عليكم و رحمة الله و بركاته



لك يا اخي الكريم
ربي اللهي مولاي يهديك يا رب
اذا ما دخل الدين بالموسيقا فليش انا ما اسمع الاغاني الساقطة؟
يعني برايك شو المانع او من مين بدي خاف يعني؟
من اهلي؟ من جاري من صديقي من مين يعني؟
لكل اذا من ربي ما بدي خاف لكن من عبد ربي بدي خاف؟

و بعدين انت قلت انو هل الاغنية هي من روائع الفن.............
اي تعال لنشوف هل الفن تبعك............
كل كلمات الغنية كذب بكذب بكذب...............
يلي انته عم تقول مشاعر ما مشاعر و حب و غرام و ما بتامن بهل الشي
اي غنيتك الزفته هي كلها مشاعر و كاذبة كمان
من ايمته كان الرجل هو الطريق؟؟؟؟؟؟؟ ولا النور و لا الظلام ولا شو بيعرفني؟
اي شو بدك بالحكي
بدي قلك كلمتين و غطاهم معهم
انته انسان ضايع مو عرفان شو تكتب او عم تكتب من قلة الكتابة
او عم تجدبها علينا او بدك تجلط حدا فينا
بس انا بجلط العالم و ما بنجلط بحمد الله و فضله
و للاسف حطيتك براسي و كل موضوع كاتبو رح تكون كتابتي تحتو
مو منشان شي بس منشان نشوف لوين بدك توصل...........

و عجبي

[جورية]

بسم الله الرحمن الرحيم
اصدقائي الغالييييييييييييييين
السلام عليكم و رحمة الله و بركاته




اي صحي نسيت اكتب عن موسيقا عبدة الشيطان كمان
هل هناك موسيقا لعبدة الشيطان؟؟؟؟؟
اي كل الموسيقا للشيطان و اعوانه من الجن و البشر
من ايمته يا حزرك اسمعت عن الرسول الكريم اللهم صلي عليه
قعد مع ابو بكر و عمر و عثمان رضي الله عنهم و قال لاحدهم
يسمعه كم بيت شعر او شي غنية على كيف كيف مثلا؟؟؟؟؟

او ايمته اسمعت عن عمر او ابو بكر او احد الصحابة
جاب الدربكة و العود و جلس ينشد قصائد بفرحتو بدين الاسلام
او بحزنو لموت النبي؟؟؟؟؟؟؟؟؟؟؟؟

او ايمته شفت احد العلماء الصالحين بزمانا الحالي مشعلي المسجلة
على ام كلثوم او فريد الاطرش و جالس يتصفون بملكوت الله؟؟؟؟؟؟؟

ما تقلي ما في على زمن الرسول غناء و رقص و فلتنة
هون رح تزعلني منك لانو وفتها صعب نتفاهم
كل شي بزمن الرسول كان موجود

وقت قالو انو كل الاغاني حرام لمليون سبب و اهمهم
الكذب يلي فيها................
لك فرجيني غنية وحدة ما فيها كذب................
لك حتى الاغاني الوطنية كلها كذب بكذب
فرجيني واحد بس بيدفع عن بلدو بشرف و امانة بدون جبن و تخاذل؟
فرجيني واحد بيحب و بجد و ما بيتزوج وحدة تانية بعد ما خلص علب المحارم على حبيبتو
لك فرجيني غنية وحدة بتعبر عن الصدق و حسن الخلق و الترهيب من الموت و الاخرة
ليش وفت بيموت ابو حدا منا منحط قرآن طيب ليش ما بنحط ام كلثوم
و هي تصيح على الاطلال...................


جاوبني و لنا حديث بعدها...........
و عجبي

[ختيار الكبه]

الله يعطيك العافيه AndJustice4All كلامك درر و متل ما ألت أنو أنت بتحب موسيقا معينه متل ما بتحب أكله معينه و الأغاني العربيه الحاليه مو كلها بس أعظمها كزب بكزب و الغايه منها عرض الأجسام و ما بيكون في مواهب عند المغني ...
بعدين يا أخت جوريه كيف عم تقارني عهد الرسول بل العهد الحالي , على عهد الرسول كان في أنشاد و كان في أدوات موسيقيه و كان الشعراء لما يلقو أبياتن الشعريه كانو يكزبو و يمسحو جوخ لحتى يشبعو , بعديت كل أغنيه و ألها عصرها نحنا بعصر ما فيه سعاده رح يكون عندك نوعين من الأغاني , أغاني بتحكي عن اليأس بأبشع صوره و المبالغ فيها لدرجه مو معقوله و أغاني بتحكيلك عن السعاده و الهناء و بكون مبالغ فيها و الغايه من الأغاني جذب المستمع لحتى يمشي شغله يعني خديها علاقه تجاريه بدك تمشي شغلك كيف ما كان و أنتي مالك مجبوره تسمعي لأي مغني موجود بل السوق ..
برجع بشكرك AndJustice4All و طول بالك لأنو مو كل الناس بتسمع متل ما أنت بتسمع صح

[جورية]

بسم الله الرحمن الرحيم
اصدقائي الغالييييييييييييييين
السلام عليكم و رحمة الله و بركاته


اي الحق معك يا ختيار كلامك انته يلي درر
فلقد اصلحت ما افسدته انا من كلمات بارك الله بك

اي كان في زفت الطين شعراء بس كانو يأشعروا للنبي يا حزرك؟
ولا كان شي واحد يمدح النبي و هو عالم بحد ذاته انو هو عم يكذب عليه؟
و بعدين شو هي كمان مصلحة تجارية؟؟؟؟؟؟؟؟؟
حلو كمان المشروبات الروحية مصلح تجارية و الاسلحه كمان و الماروانا
يعني الغاية تبرر الوسيلة؟؟؟؟؟؟؟؟هلء هيك صرنا؟
و بعدين من وين هي اجت نحنا بعصر ما في سعادة؟
ليش شو هي السعادة يلي عم تستناها حضرتك؟
ضروري اعرف شو مفهوم السعادة من وجهة نظرك اخي ختيار
منشان اعرف شلون اميز بين السعادة و الموسيقا!!

بعدين لا العدالة الضايعة ولا اي بني ادم بيخليني ساوي شي انا ما بدي ساويه
يعني ما عم بكتب منشان انقد المغنين ولا شوف مين احسن اليأس ولا السعادة
عم بكتب رد بس على ما كتبه العدالة و بس

و هي يا اخ عدالة اجى مين يصف معك و ينصفك
طيرررررررر بهل النعم

برجع بشكرك AndJustice4All و طول بالك
لأنو مو كل الناس بتسمع متل ما أنت بتسمع صح


و عجبي

[ختيار الكبه]

اي كان في زفت الطين شعراء بس كانو يأشعروا للنبي يا حزرك؟
يا ستي في كان شعراء بأشعرو بل النبي و بيمدحو فيه
قال الأعشى الذي كان مترددا، فقد مدح الرسول صلى الله عليه و سلم بقصيدته الدالية يريد بها وجه النبي، الذي يقول فيها :
نبي يرى ما لا ترون وذكره .......... أغار لعمري في البلاد وأنجدا
له صدقات ما تغب ونائـل ............. وليس غطاء اليـوم مانعه غدا
شعر مدح و لا لأ يا جوريه خانم ؟؟؟ !!! هادا دليل أنو كان في شعراء بيمدحو الرسول و لا لأ !!!!
شو يعني يريد فيها وجه النبي يا مثقفه ؟؟
و بعدين الأغاني بتأدري تؤولي أنها سلعة تجاريه و المغني و المنتج بدو يسوقها أزا رضيتي فيها و لا لأ لأنو في 100 واحد غيرك بيسمعا .
بعدين أنا عطيتك مثال عن السعاده مو معناتة كلامي أني عم أستنا السعاده , و الأغاني العربيه و الغربيه كلها عن الحب و الجنس في مغنين بنادو بل الحب و في مغنين بينادو بل الخيانه و هجر الحبيب .
جوريه للمره 1000 بألك ياها تعلمي النقاش بعدين ناقشي و لا تحطي دابك من دابي لأنو نحنا عم نحكي حكي و نعطي أراء و تأكدي منيح قبل ما تحكي شي..
قال ماكان في مدح بعصر الرسول قال من وين بتجيبي الحكي ما بعرف :tasaaol:

[AndJustice4All]

السلام عليكم

اصدقائي انا لما بكتب موضوع بكون بعرف فيه و دارسو من كل اطرافو .
بس انا عم عاني من مشكلة انو انا عم اظهر بطريقة انو اذا واحد تفكيرو متلي قراه لح يفهمو . انا صعب اني فوت لعقلكن و اعرف كل واحد شو الطريقة بيلي بيفهم فيها و الله صعبة عليي طولو بالكن .

صديقتي جورية
كلامك على عيني و راسي و شكرا لنقاشك بس اذا مافي ازعاج بتسمحيلي وضحلك بعض الامور يلي حضرتك يمكن ما نتبهتيلها :

اول شي انا لما قلت انو الموسيقا مالها علاقة بالدين كان اصدي بس انو مافي نوع موسيقا محدد لدين معين من الاديان انا ماكنت عم احكي على علاقة الموسيقا مع الاسلام كنت عم احكي على انو مافي موسيقا بتخص دين معين من بين الاديان الموجودة باللعالم متل يلي بقولو انو هي الموسيقا تبع يلي بيعبدو الشيطان.

بعدين الاغنية يلي انا كتبتها معك حق هيك تحكي عليها لانو صعب كتير فهمها .
صديقتي الغالية هي الاغنية بتتكلم عن معنا كلمة ايمان.
هي ما عم تحكي على الرجل دققي شوي بتلاقيها عم تحكي عن الايمان و الادراك بالصح و بتفهمك انو الصح هو الاصل و هو الماضي و الحاضر و المستقبل و هو يلي موممكن انو يرحل و دائما بس تحتاجيه لح تلاقيه موجود . بعرف ممكن تكوني ما فهمتي عليي بس يالله بسيطة طولي بالك علينا .

انت عم تقولي الاغاني كلها شيطان و انا قلك هي كلمة الكبار يلي ما بعرف من واحد انت لاقتيها هل كلمة لانو بالحقيقة و بالدين مافي هيك الرجاء التاكد من الكلام قبل طرحه .

عم تحكي حضرتك عن الصحابة و هدا احزني كتير لانك عم تقارنينا فيهن و قلتي : سمعتو بحياتكن صحابة ماسكين الدربكة و العود و عم يغنو ؟
طيب انا بدي اسالك سؤال اذا ممكن !
حضرتك سمعتي شي عن الصحابة عم يلعبو بلياردو ؟
سمعتي عن شي غزة على زمان الرسول كانت الغنائم فيها كمية كبيرة من البرادات و المايكرويف و بلي ستيشن ؟
صديقتي حضرتك عم تحكي عن شغلات ماكان عندهن ياها بعدين ما شرط كل شغلة ماكانو يعملوها الصحابة نحنا ما نعملها في كتير شغلات نحنا منعملها هنن ما كانو يعملوها و لا سمعانين فيها بنوب هنن و مالها حرام

بعدين انا حاسس حالي تعبت بموضوع قبل هدا يلي بيحكي و ببين عن علاقة الموسيقا مع دين الاسلام انا بعرف حالي انو بدي احكي عن الموسيقا كتير من كل جوانبها و اول موضوع حكيتها عنو هية علاقتها بالدين منشان ما كل مرة الدين هيك بقول و انت هيك بتقول و فهام حالك شو عم تقول انا حكيت عن الشغلات الحلال و الحرام يلي بتخص الموسيقا من كللللللللللللللللللللللللللللللللللللللللللللللل الجوانب و قلتلكن شو رايي منشان تحطوه ببالكن دائما و تاخدوه قاعدة عني و بعدين شو ما عم تشوفوني عم خبص بنظركن تركني لاني بكون عم احكي عن شغلات غير الدين كل شي لحال مافيني ضم كل المواضيعسوا بضيع بعدين و انتو مالح تفهمو عليي اي هيك و ما عم توصلو لفكرتي .

بس حضرتك ما كنتي عم تبدي راي كنتي عم تتهميني انو بدي اوصل لغاية وسخة . الله يسامحك
طيب اذا كلامك كان مافيه اي شي من الواقع و كلو جاية من فلان قال و شغلة سمعانتيها يعني مالك متاكدة منو بتجي بتتهميني انو نيتي عاطلة ؟ خلص صديقتي ابدي برايك و لح نحطو على عينا و راسنا و انا بعرف انك فهمانة كتير و بتستوعبي الامور بس انا من واجبي انو بينلك الاشياء يلي ما حسنتي تستنتجيها من حكيي .
شكرا لمرورك بموضوعي .

صديقي ختيار الكبه .
تعليئك كان صح و الكلام يلي حكيتو ما بحسن ناقشك عليه لانو صحيح و في عليه ادلة و انا بحترم رايك
بس على مهلك عل مخلوقة هية بس بدها مين يوضحلها الصورة تبع الموضوع منشان تمحي الصورة الغلط يلي حضرتها اخدتها عن الموضوع .
سلامي الك و شكرا لكل يلي ردو .

بحبكن كلكن

[جورية]

بسم الله الرحمن الرحيم
اصدقائي الغالييييييييييييين
السلام عليكم و رحمة الله و بركاته


و من قال لك سيدي انه لا توجد موسيقا خاصة بالاديان؟؟؟؟؟؟
اذا انت لم تسمع او تعلم فهذا معقول و لكن هناك طبعا موسيقا خاصة
بعبادة الشيطان و موسيقا خاصة لمليون فئة مسيحية او غيرها
تعال الى هنا الى امريكا لتسمع العجب العجاب من موسيقا لفئات من الاديان
لم تعلم عنها شيء و يقولولن هذا ديننا
او اذهب الى مشروع دمر حيث انتشلو من هناك
بؤرة لعبدة الشيطان اللهم عافينا..................
لهذا لا يجب ان تتخذ قرار موضوع لم تعلم كل جوانبه.........


و بعدين كل شي بهل الدنيا اله جانبين حرام و حلال
يعني العنب حلاله انو ناكلو متل ما هو و حرامو هو انو نخمروا ليصبح مسكر
و بعدين مين قلك البلياردو يعني حلال اللعب فيها؟؟؟
يعني انا بقلك اذا حضرتك صليت كل صلواتك و دعيت و تبت لله
و عملت حسنات طول النهار
و ما عملت ولا كبير ولا صغيرة و وصلت الرحم و ساعدت اخوانك المسلمين
و حفظت قران و شلت دوع من عين يتيم و غيرهم من اللاعمال المقربة لله
وقتها بقلك اذا زاد معك وقت اي شو فيها روح العب شو ما بدك
بس مو تروح ترفه عن نفسك من ضجرك باللعب و تنسى دينك.............

عم تحكي عن غزوات الرسول...........
اي بتعرف انو المال يلي كان يجيه من ورا الغزوات من الذهب و الفضة
بيعبو نص الدنيا هلءءءءءءءءءء
شو مفكر لك كانو اهل زمان ما يتعاملو الا بالذهب و الفضة مو متلنا تنك
لك شو بيجي حق بلي استيشن قدام كيلو ذهب؟؟؟؟؟؟؟

و بعدين ابدا ابد و بحياتك ما تحط كلمة الموسيقا قدام الدين الاسلامي
لانو كل شي الو طريقو هذا مو راي ابي ولا راي جارتي
هذا راي الله عز و جل و الرسول و كبار العلماء..........
و ما تحاول تقنع حدا بفكرة اصلا هي غلط و غير مستندة ببراهين ثابته


اليك نصيحتي.............
عندما تريد ان تكتب موضوع و اي موضوع يجب ان تكتب فكرتك
و تنتظر اراء غيرك لكي تستوحي هل لفكرتك جوانب سلبية او ايجابية
لا ترمي بارائك عرض الحائط و تغلق اذانك عن نقد غيرك
فانا لو فعلت مثل غيري و صممت اذاني و اعميت اعيني
لما استفدت انت شيء...............
اسمع نصيحيت و ابدا بمواضيعك من جديد بافكار نيرة
و ارجوك رجاء حار ان تدرس كيفيه الكتابة و ان تفهمنا قصدك ببساطة

انتظر ردك و لن افقد الامل.............
والله الموفق

[AndJustice4All]

يا حضرت الشيخة جورية.

كلامك فايت ببعضو و كلو تخبيص قال البلياردو حرام . وينك انت احسن شغلة تعمليها تتعلمي الطبخ بركي بتفيدي حدا بيوم من الايام و لا تخترعي من عندك و تشوهي سمعة الاسلام .
و لا عاد تنتظرو مني شي الظاهر انو انا اجيت حل مشاكل عالم عند عالم بدهن مين يحللهن مشاكلهن .
مالح احكي اكتر لانو مافي شي محرز روحو عملو يلي بدكن ياه انا بعترف اني فشلت هون .

قاضي الولاد شنق حالو

[TheProfessional]

مع ألف سلامة
مانورت قاضينا

[ختيار الكبه]

طول بالك مو حرزانه الشغله AndJustice4All يعني الأصه مو مستاهله , بعدين مو كل شغله لازم تحط خط تحته ..
أنت ألت أنو كل واحد و بحب أكله و نوع موسيقا , و كمان كل واحد برد بطريقتو بشرفك رجاع و شوف ردا على كلامي بل المواضيع الماضيه و الله شي بيجنن ..
أستهدي بل الرحمن و لاتاخد على كلامها كتير ...

[جورية]

بسم الله الرحمن الرحيم
اصدقائي الغالييييييييييييييين
السلام عليكم و رحمة الله و بركاته





قاضي الاولاد شنق حالو...........
اي دير بالك على حالك ليطقلك شي عرق.........

بعدين انا ست راسك بالطبخ و بفيد كل اهلك كمان لو حبيت
و بعدين مين قلك اني عم شوه سمعت الاسلام يا حضرة؟
انا قلت كل شي منستخدمو على حساب الاسلام فهو حرام
و شبهتلك بكلامي العنب و قلتلك اذا عندك وقت لكل العبادات
و خلصتها روح العب بالاربعة يعني مو حرام وقتها اللعب بالزفت
اما تلعب و تنسى صلاتك و دينك هون بتكون الحرمة

المشكلة مو بكلامي المشكلة بيلي عم يقرأ كلامي
لهيك روح فيد غيرنا يا حضرة العدالة الضايعة لانو المحكمة عنا
سكرت و المصيبة انو ما حدا سمعانلك هون غير حالك
لهيك انا حاولت فهمك لوجه الله بس حضرتك مسكر ادنيك لصوت حالك و بس

و اخر شي وقت ناديتني بالشيخة انا مو شسيخة انا متل كل هل العالم
و الي الفخر و ادعو الله بيوم من الايام كون شيخة يعني هل الاسم
رغم انك عم تتمالس بس لو تعرف شو معناتو لكنت بكيت دم عليه
على كل حال الك طريقك و النا طريقنا و فرجيني حدا بس بيوافقك على افكارك النيرة

على كل حال اذا انته الكلام عندك خلص انا ما بيخلص عندي الكلام
و اي استفسار انا جاهزة و معلش قلبك طيب لانك سمحت بالاولاد يحكوا معك
على راسي الاكابر و المحترمين انا!!!!

ال ولاد ال
و قرفي


و بعدين يا حضرة الختيار المحترم
شو هي لا تاخد عل كلامها كتير كمان؟؟؟؟؟
لتكون ما شاء الله وحيد عصرك و اوانك يعني؟
ولا تكون نابغة العصر الحجري و انا مو عرفانة
ليش شو بكلامي شي مو نافع لحتى ما ياخد منو........
اكره ما بشوفوا بهل الدنيا معهم معهم عليهم عليهم..................

و بتمنى وقت بكون عم بلعي مع حدا
ما حدا يتدخل الا بالخير يعني يعرف شو يحكي
مو نكون بواحد منصير بعشرة

و عجبي

[ختيار الكبه]

بسم الله الرحمن الرحيم



اصدقائي الغالييييييييييييييين
السلام عليكم و رحمة الله و بركاته








و قرفي


و بعدين يا حضرة الختيار المحترم
شو هي لا تاخد عل كلامها كتير كمان؟؟؟؟؟
لتكون ما شاء الله وحيد عصرك و اوانك يعني؟
ولا تكون نابغة العصر الحجري و انا مو عرفانة
ليش شو بكلامي شي مو نافع لحتى ما ياخد منو........
اكره ما بشوفوا بهل الدنيا معهم معهم عليهم عليهم..................

و بتمنى وقت بكون عم بلعي مع حدا
ما حدا يتدخل الا بالخير يعني يعرف شو يحكي
مو نكون بواحد منصير بعشرة



و عجبي



جوريه أنتبهي على كلامك منيح و لا تغلطي بل الحكي و لا تفكر أنو الله خلقك و كسر القالب ماشي ..
و أنتي ما بتعرفي شي و بصراحه بألك ياها و بوشك , أنتي وحده جاهله بكلشي من الدين للدنيا و كلشي عندك قيمتو صفر على الشمال ..
ليش ما ورجيتيني وجهك لما جبتلك دليل عن الشعراء بعصر الرسول و لا حجتي كانت أقوه من جهلك و عدم رغبتك برؤية الحقيقه ...
بعدين أنا ماوقفت مع حدا مشان رد عليكي أنا شفت شو أنتي كتبتي و كانت كتابتك كلها ضعف بضغف ..

"و أذا خاطبهم الجاهلون قالو سلاما"

سلاما يا جوريه سلاما

[جورية]

بسم الله الرحمن الرحيم
اصدقائي الغاليييييييييييييييييييين
السلام عليكم و رحمة الله و بركاته



لك انا جاهلة.............
لك قولت مليون جاهلة احسن ما جيب الكلام من تحت الدرج
و احكيه و كون جدبة......................


على كل حال لا انته ولا صاحبك لسه بتعرف مين هي جورية
و على كل حال و لجهلك المعتم و لضعف قولك
ما رح رد عليك الا شكرا لحسن اخلاقك و ادبك و تربايتك
و انا بعترف اني جاهلة قدامك انته و صاحبك بس
لانو والله لسه ما تعلمت متلكم لسه على كل حال
انا سكرت من عندي الموضوع لانو رح يصير موضوع شخصي
لهيك بتشكرك كتير لانك قيمتني

ال جاهلة ال
ال سلاما ال
و عجبي


و بعدين الله خلقني و كسر القالب هذا كلام كفر
كمان قول شو هل الحكي الفاضي
لانو اصلا الله سبحانه و تعالى ما عندو قالب لكل بني ادم يا ذكي
يا فطحل زمانك و اوانك............

و بعدين شعراء الرسول ما شاء الله عليك
لك اذا كان في شاعر واحد ابقة دلني عليه يا ذكي
ماشي انا جاهلة و منك نستفيد
فرجيني من هم شعراء الرسول و ماذا مدحو فيه
و ماذا هجوه بعد موته
عم بنتظر انا لانو عم حاول اتعلم منك منشان ما كون جاهلة

و سؤال على الماشي يعني بلا صغرة
يعني معقول من كلماتي بالموضوع هون
عرفت اني صفر على الشمال و اني ما بفهم شي بالدنيا ولا بالدين؟
و انو كلامي كلو ضعف بضعف؟؟؟؟
بجد بهنيك على ذكائك و الله يكرمنا بكرمه

احلى شي الجهل بزمن الفطاحل

[ختيار الكبه]

روحي العبي بعيد و بس تكبري تعي مشان نحكي معك مشي ...

[HAZEMOVE]

نيدو ......

شراب ...

الأبطال ...

[جورية]

بسم الله الرحمن الرحيم
اصدقائي الغالييييييييييييييييييييين
السلام عليكم و رحمة الله و بركاته




في سورة الشعراء اية رقم(220)

هل أنبئكم على من تنزل الشياطين* تنزل على كل افاك أثيم*
يلقون السمع و أكثرهم كاذبون* و الشعراء يتبعم الغاون*
الم تر أنهم في كل واد يهيمون*و أنهم يقولون ما لا يفعلون*)

مع احترامي لكللام الله عز و جل و اعتذاري عن التشكيل

قول كمان هل الكلام من عندي لا سمح الله

و اخر انذار يا ختيار
اذا ما رح تعرف تحكي مرة تانية و تحترم الاكبر منك
رح يكون الي معك تصرف تاني و خلينا نشوف مين يلي رح يضحك اخيرا

ال ختيار ال
و عجبي

[ختيار الكبه]

سلامااااااااااااااااااااااااااااااااااااااااا

[Try-1]

يا فتاح يا عليم يا رزاق يا كريم

المشكلة انو ربنا خلق الانسان ناقص العلم و مع ذلك عم تحسبو حالكم علماء ذرة.......( علم الانسان ما لم يعلم ) و نزل علينا القران علشان نتعلم منو و يوجهنا للطريق الصحيح......بس عم تخترعو طرق مبنية عالليزر و الحكي الفاضي لحتى توصلو لطريقكم

لك ايمت بدكن تزوقو على حالكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سيد ختيار ........مستكتر على جوري غيرتها على ديننا الحنيف؟

والا شميت ريحة باطك بهاليومين ففكرت حالك زلمة و قادر انك تدافع و تحط تعاليم دينية على كيفك و كيف اصحابك بالفكر الرفيع؟و عاملي حالك فهمان و عم تتهمها بالجهل يا حكيم زمانك؟

والا حضرتك نزل عليك الوحي هاليومين و سدقت حالك؟والا ثقافتكن مقتصرة عالبلياردو و البلاي ستايشن و التكنو؟
(وما خلقنا الجن و الانس الا ليعبدون) مو ليتسمعو على اغاني و ينسوا ربهم و يهزوا روسهم متل الهبل
(بل تؤثرون الحياة الدنيا و الآخرة خير و أبقى)مو تلعب بلياردو و تترك دينك و وواجباتك و تنسى اخرتك

لك ان شاء الله بتقبرو دايتي انت و عدالة شو انكون فهمانين و خطيرين عن جد.....بس المشكلة انكن صغار.........يعني والله كبيرة تعديكن بهالشكل هاد على الاخت جورية اللي بفهمها و ثقافتها و تدينها بتفصل كتيييييييييييييييييييييييييييييير من الفصاعين امثالكم

حبايبي ............مع هالتطور و التعدد بالقنوات الفضائية و الرسيفرات.........في اكم محطة اطفال حلوين كتير.........يعني تابعوها بلكي بتنمي ثقافتكم شوي .....ولا تنسو تتفرجو على زورو ( حبيب عدالة ) المدافع عن الحق و الخير و العدالة
وفي كمان ساسوكي امبسدن فن الكوغا...............والكابتن ماجد و اخلاقه العالية.......اتعلمو منهن

يعني عم اتصوركن فاتحين هالمسجلة و عم تتسمعو على هالاغاني الهابطة و عم تهزو روسكن متل الهنود و برايكم هاد اسمو انفتاح و رغبة...........حلو عن سمانا يا

والله اولادنا عايفينهن و مو عارفين كيف بدنا نتابع تربيتهن و ندلهن عالطريق الاسلامي و التربية الاسلامية الصحيحة............لحتى ييجينا فصافصية من امثالكم و يعملو علينا احفاد ابن خلدون......فعلا رح ييجي علينا يوم الماسك على دينو متل الماسك على جمرة......وهاليوم انتو صناعوا

انا ما عم قلك تهلك حالك بالعبادة و وتمضي يومك كلو صلاة و سجود ......الخ.......لانو كمان الرسول نهانا عن هالشي وامرنا بالاعتدال.......اتمتع بالحياة الدنيا و لكن بالعقل و الحدود اللي ما بتنسيك ربك

مو تروح تسمعلي غنية و تصير بعالم تاني من الاحلام و الخيال و الاحاسيس الجياشة و اللوعة و الشوق و العواطف المرهفة ريتها تسلملي عواطفك شو تكنوية و ميتالية sh:tounge

الله عز وجل لما خير نبينا الكريم بالسموات السبع......خيرو بين شيئين: الخمر و اللبن.......شي واضح و بسيط.....واللبن افيد من الخمر......وعبرة الله تعالى انو الحلال امامك و الحرام امامك....مو والله خيرو بين لعبة بلياردو و الا بلاي ستيشن و الا غنية تكنو تسلطن عليها

الشخص البالغ و الكبير و اللي قد الحيط....... بتلاقيه حافظ مجموعة ام كلثوم كلها و عبد الحليم و يا لطيف ما بخربط بحرف...........اما انو يحفظلو سورة قرانية مع تجويدها و يتعلم منها و تفيدو و تشفعلو يوم القيامة عند رب العالمين.......ابدا.............لانو رح تشفعلو غنية التكنو و الميتال عند رب العالمين و لا تنسى تميل راسك :D

حبايبي الصغار..........يا هلا فيكم.......ومتل ما قال الشاعر بزمانو: هذا الكلام باش مبشوش للرد عليه

بحب وجهلكم تحذير او انذار او شو ما بدكم تحسبوه من التطاول على الاخت جورية بهالالقاب المفزلكة و عدم التقليل من احترامها و كبرها و ثقافتها و عمرها يا حبيابي الصغار......لانو اللي اكبر منك بيوم اعرف منك بسنة و واجب عليكم يا تويتاتي الحلوين تحترمو الكبير دايما لانو يوم كنتو حضراتكم لساتكم بالحفاضات......كانت الاخت جورية مارق عليها كتير صغار متلكم و لعبانة معهم( مو انها صغيرة بس لانو الصغير دايما نلعب معو منشان يحس بطفولته ) و ضحكانة عليهم كمان
ويوم كنتو لساتكم ما بتعرفو شو معنى كلمة منتدى و حوار.......كانت هي من المؤسسين و المشرفين لهالمنتدى اللي عم تهدوه و تشوهو صورته بافكاركم البناءة و النادرة

صحيح عدالة.......حلو كتير هاد الشب اللي حاطو بالصورة ....ما شاء الله اشقراني و عضلات و لابس نظارات ...هيتو عالم ديني و داعية و بيعرف ربنا اكتر منا..........الله يخليكم لبعض....بس برايك هاد قدوة؟؟؟؟؟؟؟؟؟؟؟؟

نصيحتي الاخيرة الكم و النصيحة كانت بجمل هلا ببلاش ما عاد حدا قبلها:

كل واحد منكن يجيب سحارة خيار و سحارة بندورا و يبيعهن بسوق الهال على انغام موسيقى و اغاني الميتال و التكنو اشرفلكم و احسن الكم و اريحلنا

حبيايبي الصغار...........يعني صغرت عقلي كتييييييييييييييييير لحتى اوصل لمستوى تفكيركم و اكتب كلام يقدر يوصل لعقولكم المغلقة و الصغيرة لانو غير هيك كلام ما رح تستوعبوه............فسامحونا و المسامح كريم و تكناوي اصلي
وعلى فكرة......حلوة هي شغلة سلاماااااااااااااااااااااااااااا........هيتك عم تغني سلمى يا سلاماااااااااا رحنا و جينا بالسلاماااااااااااااااااااااا..............تقبر قلبي شو انك لزيز

تحياتي الك اخت جورية sh:hi و متل ما بيقولو: ازا اجتك المذلة من ناقص......هي الشهادة الك انك كامل.......هاد بيت شعر.....بس ما حبيت اكتبو شعريا منشان ما اطلع عم مسح جوخ :akeeed:

[TheProfessional]

السلام عليكم ورحمة الله وبركاته
لم أحب بداية أن أناقش هذا الموضوع معكم لكن بعد مارأيت ماتوصل له من جدال
قررت أن أضع هذه المشاركة

بعد قرائتي للردود وجدت أن جميعكم على صواب في نقاط وفي نقاظ أخرى على خطأ


أولا الحمد لله على نعمة الاسلام

وأطلب بل أرجو منكم أن لا تكتبوا عن الاسلام عالطالع والنازل
فلسنا بعلماء أو شيوخ حتى نكتب ونفتي

ثم ليش العصبية والغلط
احنا هون لنناقش وليس لفرض أرائنا بالقوة

عزيزي القاضي
لقد قمت بتقييم الاغاني والكلمات في مشاركتك الاولي ووصفتها بالتافه
مع أنك قلت بنفس المشاركة أن لكل انسان لون وذوق

كما لمست من مشاركتك أنك تدافع عن مذهبك وهو واضح من صورتك وعنوان مشاركتك

--------------

ان كنتم تريدون رأي الاسلام
فقد حرم الاسلام المعازف والموسيقا
والكلام الفاحش قولا واستماعا وكذلك الكذب
والنظر الى المحرمات وعلى العرى واعراض الناس
وكلنا يعرف هذا

--------------

كذلك هناك نقاط في المشاركات السابقة أحب أن أناقشها

ظهر الاتجار في الشعر والمدح في العصر العباسي
فيما قبل هذا كان الشاعر لا ينتظر جزيلا على شعره ومدحه
وكان المدح والذم موجودا منذ العصور الجاهلية
ولكن ليس على سبيل التجارة كما أصبح لاحقا


هناك بعض الموسيقا بمجرد أن تسمعها تعرف أنها تتبع لطائفة معينة
كالصوفية وعبدة الشياطين والموسيقا التي تسمعها في الكنائس وغيرها


لن أطيل أكثر
لكن خذوا جميعا نصيحتي

لكي تدافع عن وجهة نظرك وأن تقنع غيرك بها
عليك أن تكون مرناً طويل البال وأن يكون اسلوبك مقنعا جاذبا لا نافرا
كما عليك أن تجمع الكثير من الافكار في رأسك قبل أن تناقش
وان سؤلت عن مالا تعرفه أن تقول لا أعلم