عرض الإصدار الكامل : زمن فيروز
عيوني مفاجاءة يمكن تصدم كتيرين منكن لكن زمن فيروز رااااح لغير رجعة لأنو الغنى ليفرح الواحد أما غناء فيروز وأمثالها يذكر الواحد بالموت
لقد حل محلها زمن الطبل والزمر زمن الأورغ زمن طلال الداعور زمن جلال حمادة زمن زير العتابا علي الديك والدليل على كلامي ماضل ختيار الا ما غنى علووووش ولك في أحلى من الدبكة قولولي يا سيدي رح جاوب عنكن ما في أحلى من الدبكة والتراث الشعبي الاصيل
ولك عالأول يا شباب
إليـانور
16-12-2005, 20:53
ما بعرف كيف طلع معك أنو غناء فيروز بيذكر بالموت ...
ممكن في ناس تكون ما بتحب الاغاني الهادية متل أغاني فيروز مثلاً بس مو لدرجة نقول انها بتذكر بالموت ..
أخي الدبكة حلوة و التراث الشعبي على عيننا ... بس كمان أغاني فيروز عمرا ما بتموت ... و زمن فيروز ما ولى
بالنسبة إلي ...
فيروز هي قوتي اليومي ...
سلام
فيروز حية ما حيا الإنسان..
وإن كنا نستمتع ونهتز ونعتز بمواويل وفيق ، و عزف الداعور ، فلأنه من تراثنا المحلي ..
أما فيروز... فستبقى سيدة الصباح..
وسيدة كل وقت..
الصوت الشجي..
الكلمة البسيطة
المعنى العميق
اللحن الجميل!
أطال الله عمرها ... ووفق الله وفيق وحفظ الله الديك من الأنفلونزا ;) وسلم أنامل الداعور..
زوربــا
Mr_SHAMI
16-12-2005, 22:56
موضوع مهم جدا
تعبت حالك:tahakkom:
Somebody
08-01-2006, 18:52
يا حبيبي إذا فيروز ... بتذكرنا
بالموت .... !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !؟؟؟؟؟؟؟؟؟؟؟
بدون تعليق أحسن :za3laan:
حتى لو بتذكرنا بالموت ... كل شي منها حلو :sa7mohekk
مليح الله يبارك لكم فيها بس حبيت اظهر لكم حقيقة ما تسمعونه
والله أنا لما بسمع حدا من هدول تبعات الدبكة يلي عم تحكي عليهم بحس بالمووووت
لأنو بحس رح تجيني شي جلطة ... من هيك انحطاط ... بصراحة شوهو صورتنا ...
أخ أخ ... حرام يكون عنا شي فيروز نحنا ...
أخي خليك أنت بعلوش
وتركني أنا بشادي .. يلي ضاع خلف الوادي
تركني لحالي أبقى مع وحدن بيبقوا
مع القهوة عالمفرق عم بنطر الناس تحت الشتي
تركني قلو لا أنت حبيبي
تركني تركني ..
تركني مع فــــــيــــــــــروز ...
وتصطفل منك لعلووووووش
Somebody
12-01-2006, 18:40
مليح الله يبارك لكم فيها بس حبيت اظهر لكم حقيقة ما تسمعونه
يا سيدي روح الله يهنيك بهيك حقيقة !!!!!!!!!!!!!!!!!!!!!!!!!!!!!!!!! :wleeee:
أنا علي رضيان بفيروز و بكل كلماتها و أنغامها ,,, و أكتر من هيك بموت بلا فيروز ....
ميس الريم
12-01-2006, 19:28
عندما تجتمع الكلمة مع اللحن و الصوت يخلق الخلود .....
وقد كتب لفيروز الخلود ... فيروز تمثل ثقافتنا الشرقية بكل دقائقها و تفصيلاتها اي فيروز بالمختصر ثقافة بحد ذاتها ....
الشي اللي ما بيختلف عليه اتنين هو أنو النقاش يعتمد على الاقناع والحجج الواضحة وانا
رح قدماها انتوا ما بتلاحضوا انو فيروز عندما بتغني بتوقف ساكنة ما بتتحرك وعيونها ثابتة لا تتحرك وكأنها في حالة وفاة ونغمة صوتها أثنا ء الغناء لا تتغير فماذا يكون من من يسمعها سوى تذكر الموت ولبس الكفن والتعطر بالكافور بينما طلال الداعور الله يطول عمرو مفعم بالحياة والحركة وهو يدبك حتى وهو يعزف على الأورغ ولا أقدر أن أقول عنه سوى داخل على الله اللي خلقك يا داعور
أخي .. إن وقفت فيروز دون حركة فذلك لأنها جبل ...
وهل يمكن للجبال أن تنحني؟؟؟
بس معلش .. إذا بتريد لا تقارن لأنو شتان بين الطرفين ...
وكفتي الميزان مستحيل تتوازنان .. أو حتى تتقاربا ...
كفة بقمة الرقي ... والكفة التانية بقمة الانحطاط ( مع فائق احترامي طبعا )
بلعكس حضرتك فتاة والغريب لست معجبة بالداعور أخ على ما تحضريلو حفلة
وتشوفي شلون كل الصبايا تتراكد لتمسك بإيد الداعور
إليـانور
14-01-2006, 21:29
بلعكس حضرتك فتاة والغريب لست معجبة بالداعور أخ على ما تحضريلو حفلة
وتشوفي شلون كل الصبايا تتراكد لتمسك بإيد الداعور
لا تعمم أخي .. مو كل الصبايا بيتراكدو ليمسكو إيد مطرب .. هي شغلة
شغلة تانية .. وين الغريب بالموضوع أنو فتاة ما تكون معجبة بـ ( الداعور ) ..؟
بعدين شو بيغني هادا الـ ( داعور ) .. ؟ هي أول مرة بسمع فيه ..
؟؟؟
abbodyyyyy
14-01-2006, 21:31
___________________________________
بلعكس حضرتك فتاة والغريب لست معجبة بالداعور أخ على ما تحضريلو حفلة
وتشوفي شلون كل الصبايا تتراكد لتمسك بإيد الداعور
_______________________________
أود أن أوجه تحية للعضو ( الخيال ) معبقة برائحة( الجاجات) اللاتي يتراقصن على ألحان( الديك )
كما أود أن أوجه باقة شكر له على مواضيعه التي برأيي يجب أن توصف لمرضى الاكتئاب كي يرفهوا عن أنفسهم بالضحك ..
تابع عزيزي .. بانتظار المزيد .
redsoul7
14-01-2006, 22:11
يا عزيزي شكلك بديت تعفس على البقلة
عم تشبه فيروز لمغنيي الاستراحات و الأعراس و كراجات الهوب هوب
أصلاً من أيمتا سمعنا بهيدول يلي كاتب أسمائن لو ما عملوا كليبات مع شوية بنات ما كان سمعنا أغانين إلا بالكراجات .
يعني مع احترامي للكل لما بدك تشبه شبه شي عليه القيمة .
و هالأغاني الشعبية للأعراس بس و موبكل المناطق على فكرة .
أكيد سمعت رد الشباب ما حدا كان معك بالرأي.
شكراً .
العاشق الشامي
14-01-2006, 22:28
معافى يا خيَال من مرض اسمه علي وحسين الديك والداعور ومدري شو..............
ميس الريم
14-01-2006, 22:51
بلعكس حضرتك فتاة والغريب لست معجبة بالداعور أخ على ما تحضريلو حفلة
وتشوفي شلون كل الصبايا تتراكد لتمسك بإيد الداعور
أخ لو كان الداعور هلأ قدامي مو بس كنت مسكت ايدو كنت خنقتو كمان ....... الحقيقة بهنيك على هالذوق الراقي.....
Somebody
15-01-2006, 06:58
أخي الخيال ... أنو فيروز جامدة على المسرح فهاد فخر ألها لأنها بتطربك و بتعيدك للحياة بصوتها و رقة كلماته و ألحانها ..مو برقصها و خلعها على المسرح ... !!!!!
بظن أنو ما في مجال للمقارنة بين الشخصين ، لأنو المقارنة بحد ذاتها , هي انتقاص كبير لقدر فيرزو . مع احترامي للداعور و شلتو ..
يا أخي الواحد بقارن بين أشياء متماثلة
شو جاب هدول المطربين اللي عبتحكي عليهن لفيروز
لو عاشو ا أكثر من جيل وغنوا آلاف الأغاني ما بيجيبوا جزء من صوت فيروز
فيروز صوتها مثل الحلم اللي بتتمنى ما تصحى منه
كلمات اغانيها اصيلة
موسيقى اغانيها تأخذك لعوالم سحرية من الخيال
ممكن كل يوم يطلع ألف مطرب ويصفوا حكي وكلام و يجعروا قد ما فيهن
بس متل فيروز مافي ... حالة لن تتكرر
الله يخليك اسمع مين مابدك و انطرب لمن ما كان
بس اترك القمم لأهلها
و أنا متأكد أمه بعد ما تشرب قهوتك رح بتغير رأيك
ابو علي...الحب
15-01-2006, 07:20
أخي الخيال ... أنو فيروز جامدة على المسرح فهاد فخر ألها لأنها بتطربك و بتعيدك للحياة بصوتها و رقة كلماته و ألحانها ..مو برقصها و خلعها على المسرح ... !!!!!
بظن أنو ما في مجال للمقارنة بين الشخصين ، لأنو المقارنة بحد ذاتها , هي انتقاص كبير لقدر فيرزو . مع احترامي للداعور و شلتو ..
اخي العزيز انا بوافقك بالراي تماما الا بشغلة وحدة.......
مع كامل قلة الاحترام والتقدير للاستاذ الداعور
مو مشان شي بس لانو ما عم يقدم شي بيستحق الاحترام...... قال يتقارن بفيروز قال ..... عنجد شي بطلع الخلق
الموضوع غريب و كأن صاحب الموضوع يبحث عن الجدل غير المجدي ياسيدي عاجبك داعور مدري داحور ما بعرف مين هذا اول مرة بسمع فيه الله يخليلك ياه يارب اتمتع لتشبع فيه و اسمعو من هلاااااااااء لتمل
عندما بتغني بتوقف ساكنة ما بتتحرك وعيونها ثابتة لا تتحرك
متل ما جاوبوك قبلي لانها جبل مثل جبل قاسيون لانه واقف و ساكن ولا يتحرك يوصف دائما بالشموخ و الاباء
كيف رح زمن فيروز و هي لما اجت على لاس فيكس جائوا من كل ولايات الأمم المتحدة خصيصاً لسماع فيروز
كيف رح زمن فيروز و اذا كانت حفلاتها الى هذا اليوم تقام و في افخم مناطق في الكرة الارضية
http://www.mybiznas.com/fayrouz/L_V1.htm
بلعكس حضرتك فتاة والغريب لست معجبة بالداعور أخ على ما تحضريلو حفلة
وتشوفي شلون كل الصبايا تتراكد لتمسك بإيد الداعور
هدول يا سيد الخيال هنن فقط البنات لي متعودين يمسكو الايدين و يبوسوها و هدول هنن جمهور الداعور
على كل فيروز و صوت فيروز و مجد فيروز اكبر بكتير من انو حدا يدافع عن صوتها او عن فنها او يقول زمنها رحل او ما رحل
الشي اللي ما بيختلف عليه اتنين هو أنو النقاش يعتمد على الاقناع والحجج الواضحة وانا
رح قدماها انتوا ما بتلاحضوا انو فيروز عندما بتغني بتوقف ساكنة ما بتتحرك وعيونها ثابتة لا تتحركالشي اللي ما بيختلف عليه اتنين هو أنو النقاش يعتمد على الاقناع والحجج الواضحة وانا
رح قدماها انتوا ما بتلاحضوا انو فيروز عندما بتغني بتوقف ساكنة ما بتتحرك وعيونها ثابتة لا تتحرك
هي أول مرة منسمع فيها انو تقيم الفنان بكون من شكلو او طريقتو مو من العمل لي عم يقدموا و مدام نقاش يعتمد على الاقناع و الحجة
فالحجة لي عنا هي صوت فيروز نفسو هو حجتنا
بقا خلي عندك من روح النقاش الراقي و اسمع حجتنا
http://kuwait29.com/music/a/fayroz/
هذه بعض الحجج و الأدلة على بقاء صوت فيروز و المزيد سيأتيك
اهدي هل الأغاني لكل عشاق فيروز
mazen maad
15-01-2006, 09:19
موضوع مهم و ممتع ... متابع بشغف و ضحكة من القلب لظرافة الحوار
بكل الحب..أودعناكم
DamasPoet
15-01-2006, 09:22
هلق عن جد نور عم تردي عليه..
مكانة فيروز انك ما فيك تلاقي بطاقات بعد يومين أقل من 300 دولار ونانسي عجرم ب 40 . فشوف يا رعاك الله
أما بخصوص الداعور فباعتقد حفلته مجانية ومع سندويشة فلافل وتسلملي عينك..
قال داعور قال...
أخي خيال .. طولي بالك شوي و لا تشد على حالك كتير:yaturaa:
يعني ما بدها هالهجوم عالست فيروز
أنا من الناس يلي بتحب الدبكة ... بصراحة يعنيsh:tounge
بس مو تقول زمن فيروز راح...... إي تروح روحك انشالله ، شو راح ما راح sh:angry
مين بدو يقلنا ..لا تعتب عليي ... اشتقتلك ... فايق يا هوا .... صباح و مسا ... بعدك على بالي
ااااااااااااااااااااااااااااااه يا سلاااااااام sh:scared تعى تعى لقلك .. بطلت حب الدبكة روح حل عني ، بدي اسمع فيروز اسمو الدنيه صبح:tongueee: (وش قمة في الرواااء)
DamasPoet
15-01-2006, 09:28
دخيل عينو الرايق
فيروز و صوت فيروز و فن فيروز اكبر من انو نحكي عنهن بموضوع واحد
ما رح قول هي حجة تانية لان يبدو الخيال لما نزل الموضوع ما كان بدو يناقش انما حكم و قرر
بس سأضع بعض مواضيع عن فيروز و اخبارها للمهتمين و لعشاق صوت فيروز
بعض مواضيع شبابلك :
عندما تغني فيروز (http://www.shabablek.com/vb/showthread.php?t=8953&highlight=%DD%ED%D1%E6%D2)موضوع من خمس صفحات
يا حلو شو بخاف..... فيروز منمنمات في زوايا قلوبنا (http://www.shabablek.com/vb/showthread.php?t=35871&highlight=%DD%ED%D1%E6%D2)موضوع من 11 صفحة
كل عام و انت بخير يا فيروز العرب (http://www.shabablek.com/vb/showthread.php?p=295555#post295555)
كلمات فيروز (http://www.shabablek.com/vb/showthread.php?t=39820&highlight=%DD%ED%D1%E6%D2)
أيهما أكثر رومانسية (http://www.shabablek.com/vb/showthread.php?t=35503&highlight=%DD%ED%D1%E6%D2)
حبيبتي فيروز في كندا (http://www.shabablek.com/vb/showthread.php?t=33399&highlight=%DD%ED%D1%E6%D2)
حلفتني أمي ما حاكي حدا (http://www.shabablek.com/vb/showthread.php?t=30983&highlight=%DD%ED%D1%E6%D2)
زهرة المدائن (http://www.shabablek.com/vb/showthread.php?t=31118&highlight=%DD%ED%D1%E6%D2)
ميل جيسون يختار صوت فيروز و على القنوات الامريكية (http://www.shabablek.com/vb/showthread.php?t=29975&highlight=%DD%ED%D1%E6%D2)
وحدن بيبقوا فيروز احساس اخر (http://www.shabablek.com/vb/showthread.php?t=40403)
شو بدك أكثر من هيك حجج و من داخل شبابلك و أكثر من هيك آراء
هذا عدا انو في عنا عضوة اسمها فيروز و ميس الريم و الكثير الكثير ممن تأثر بأغاني فيروز فابدع
هلق عن جد نور عم تردي عليه..
لاء صدقني مش محاولة للاقناع انما محاولة لمجمع مواضيع جميلة عن سيدة الطرب فيروز مشان نستمتع كلنا بصوتها و نعرف آخر أخبارها
و بما انو الساعة عندي وحدة بالليل فرح نام على يلا تنام ريما
و تصبحون على صوت ملائكي
كلمة على جنب صدقوا ما بحس انهاري بيزبط و بعرف اعمل شي اذا ما سمعت فيروز الصبح ايه على شط اسكندرية و حبيتك تنسيت النوم و شايف البحر شو كبير و يلا تنام ريما و بكتب اسمك يا حبيبي و اعطني الناي و غني
ولا أغانيها للشام
يا شام عاد الصيف
شام يا ذا السيف
سائليني
خذني بعينيك
قرأت مجدك
و هذا الرابط بتلاقو فيه أغاني فيروز عن الشام
http://www.damascus-online.com/48/Music/index.htm
سلام
أصدقائي الأعزاء
لا أرى داعياً لكم لتردوا على هذا الموضوع
الأمر بالنسبة لفيروز محسوم لدى الجميع
ولا داعي لإعادة ما قلناه عنها خاصة في هكذا موضوع هدفه المهاجمة المباشرة لفن راقٍ تقدمه ملكة الغناء العربي بلا منازع
Somebody
15-01-2006, 10:32
يا سلام عليكي يا نور و هي إهداء إلى من يعشق الكلمة الحنونة و اللحن الراقي ........... فقط
الأغنية المنفردة التي سجلت في كندا، تلخص كل مشاعر وهموم الهجرة، بكلمات رحبانية تفيض شعرية، تتحدث عن الوحدة في الغربة وأن الحب يصبح هو الوطن والبيت الصغير يصبح هو المكان الذي ستعرف فيه السعادة.
ترنيمة جميلة يتناوب فيها صوتي الكمان والبيانو بمساندة الدبل بيس والدرامز، ليرافقا صوت فيروز الذي يفيض شجناً ورقة ودفئا.
بيتي زغير بكندا.
ما بيعرف طريقو حدا
قرميدو مغطى بالتلج.. وكل المرج
شجر وعصافير كتير
بتغط ترتاح وبتطير
ع قرميد بيتي زغير بكندا
كلما بتتلج.. بينطر يدوب التلج
كلما تغيم.. بينطر يرجع ربيع
بيتي زغير بكندا
من حولو كل المدى
بابو ما إلو مفتاح
.. بالي مرتاح
أوضة ودار وعلية
بقعد وحدي منسية
عا شبابيك بيتي زغير بكندا
بيتي زغير بكندا
وحدو صوتي والصدا
لا في صحاب ولا جيران.. القمر سهران
بفكر فيك وبشتاقلك
بحزن وبستفقدلك
على باب بيتي زغير بكندا
بشعل النار.. بنطر ترجع حبيبي
تبقى حدي وما تتركني غريبي
بيتي زغير بكندا
ما بدي يزوروا حدا
إلا اللي قلبي اختارو.. قللو سرارو
لشو فتش بهالكون
وبعرف السعادة هون
بقلب بيتي الزغير بكندا.
abo habib
15-01-2006, 11:18
الشي اللي ما بيختلف عليه اتنين هو أنو النقاش يعتمد على الاقناع والحجج الواضحة وانا
رح قدماها انتوا ما بتلاحضوا انو فيروز عندما بتغني بتوقف ساكنة ما بتتحرك وعيونها ثابتة لا تتحرك وكأنها في حالة وفاة ونغمة صوتها أثنا ء الغناء لا تتغير فماذا يكون من من يسمعها سوى تذكر الموت ولبس الكفن والتعطر بالكافور بينما طلال الداعور الله يطول عمرو مفعم بالحياة والحركة وهو يدبك حتى وهو يعزف على الأورغ ولا أقدر أن أقول عنه سوى داخل على الله اللي خلقك يا داعور
لاتتحرك لأنها الأبطال يموتون وهم واقفون اذا اعتبرناها في حالة وفاة كما تتفضل
وبدي أقارن معك بدي شي واحد فقط أو مناسبة وحدة فقط أو حدث واحد فقط لم تغني له فيروز
فيروز تغني للطفل والشاب والفتاة والمرأة والرجل والكهل و.................الخ
وأريد شخص واحد فقط يتفن اللغة العربية لا يعرف فيروز حتى في البلاد الأجنبية يعرفونها
وأنظر كم عدد التكريمات والأوسمة التي نالتها ثم احكم على نهايتها
وأريد أن أسأل كم واحد يعرف القزم الداعور و المدعو علي الديك مع أحترامنا لتراثهم الجميل بعدين لما بدك تقارن قارن النظير بالنظير
أين الثرى من الثريا
ردود على الجميع
الرد الأول الأخت الكريمة اللي قالت ما بتعرف مين طلال الداعور أنا رح عرفك طلال الداعور هو عازف الأورغ الاول في العالم اللي عملو ما حسن حدى يعملو الداعور دمج الألات الموسيقية الشعبية المزمار - الناي - المجوز كل هالآلات دخّل أصاوتها على الأورغ طلال الداعور دبّك الفنان دريد لحام في برنامج صباح الخير ثالث أيام العيد على الفضائية السورية طلال الداعور أدخل الفرحة لقلوبنا يوم العيد وذكرنا بتراث أجدادنا
اللي حرورا سوريا الشيخ صالح العلي - سلطان الأطرش
* أما الأخ اللي قال أنو علي الديك مطرب هوب هوب بحب قلو علي الديك صار عامل حفلات بأمريكا على عدد شعر راسي وراسك علي الديك عمل حفلتين بقلب العاصمة الاسترالية سيدني ضلت تكتب عليها الصحافة يومين
* أما الأخ الكريم اللي قال أنو أنا بلشت عفس فيا ريت نلتزم بأدب الحوار وخلوني أعرف عظمة اللي عبتدافعوا عنها بقلوبكن من خلال أدبكن بالحديث
* أما الأخ اللي قال إني مريض بمرض أسمه علي الديك والداعور فإذا كانوا هؤلاء
مرض فادعولي الله لا يشفيني منو
* أخيرا في واحد ما رح قول عنه أخ قال لي تروح روحك ان شا الله بقلوا يا ريت تتأدب
وأنا لو بدي زفّر لساني متل حضرتك كنت مسحت فيك الأرض هذا منتدى يا أخ وليس سوق الهال ياريت الخضرجية متل حضرتك ما يشتركوا بالردود
وشكرا لكم جميعا على فكرة الداعور ضحك كتير عندما حكيتلوا على ردودكن وقال
أحلام قالت اللي ما يطول العنب حامض عنه يقول
أنا بقلهن اللي ما بيعرف الدبكة هبال عنها يقول
بكرة رح جبلكن بعض أبيات العتابا لعلي الديك ووفيق حبيب رح سمعكن عندما بصيح وفيق حبيب وحدي أنا والاحساس والعين رح سمعكن عندما بصيح آخ ولك صيحو آخ
على فكرة اذا اتأخرت بالرد لا تفكروني سكتت كل ما في الأمر أنو زادت الحفلات بمنطقتنا كتير والداعور بيزعل كتير اذا ما حضرت الحفلة كوني راعي الاول ومعلومكن ما في حفلة بدون راعي أول
أنا مستغرب شلون اللبنانين عبسبوا على السوريين كل يوم وشرشحوا فينا الدنيا على الفضائيات وفوق كل هاد بتسمعوا فيروز وبدافعوا عنها فعلا ناس بدون موقف
من كل عقلكن عم تناقشوه
بس اضغطوا عالفايل تبعو وشوفو مواضيعو (أنصح بتناول المهدئات)
وعالمشفى يا بو فهد
دقلو ااا
هذ التوب 5 لأغاني الفيديو كليب السورية
1- غزالة
2- أبو شحادة
3- واعيني
4- وطفة
5- عالصبحيات
قال الزير علي الديك واصفا الوحدة
يامشروط ع قلبي مالو ناس
القلب يشعر بعدكن ملو ناس
سراج الكان مساهرني مل وناس
تركني ونام وحدو على جنب
وقال العندليب وفيق حبيب :D
وحدي أنا والإحساس والعين
احشاء القلب بالأشواق ولعين
دموعي سيول عالوجنات والعين
عليها سيول مع عتمة وضباب
أنا مستغرب شلون اللبنانين عبسبوا على السوريين كل يوم وشرشحوا فينا الدنيا على الفضائيات وفوق كل هاد بتسمعوا فيروز وبدافعوا عنها فعلا ناس بدون موقف
لأنو فيروز وجدان الشعب العربي كلو
لأنها غنت شام ياذا السيف لم يغب
لأنها ما غنت لفلان وعلتان لتكسب ود ومحبة القادة والرؤساء
لأنها حذاءها ...... بلا ما نكمل
pianconer
15-01-2006, 20:55
يعني عيوني فيروز صار بدنا مين يقلنا ويفهمنا شو منسمع منها , والصورة اللي حاطتها لوفيق هو صار الفنان !!!!!!
غريب
تسلملنا الملكه فيروز
الأكبر من كل المقارنات
هلأ بالعقل خيو في مجال مقارنه بين الملكه فيروز و بين الديك و الداعور و ....و ,,
ما في أي مجال !!
................................................
Somebody
16-01-2006, 07:15
الشي اللي ما بيختلف عليه اتنين هو أنو النقاش يعتمد على الاقناع والحجج الواضحة وانا
رح قدماها انتوا ما بتلاحضوا انو فيروز عندما بتغني بتوقف ساكنة ما بتتحرك وعيونها ثابتة لا تتحرك وكأنها في حالة وفاة ونغمة صوتها أثنا ء الغناء لا تتغير فماذا يكون من من يسمعها سوى تذكر الموت ولبس الكفن والتعطر بالكافور بينما طلال الداعور الله يطول عمرو مفعم بالحياة والحركة وهو يدبك حتى وهو يعزف على الأورغ ولا أقدر أن أقول عنه سوى داخل على الله اللي خلقك يا داعور
إلى راعي الداعور الأول :
بعد إثباتك و بالبراهين القاطعة عظمة الداعور و شلته و بعد أن أبهرت جميع الأعضاع بإبراز هذه الحقيقة الغريبة , ( وهالشي واضح من خلال تعليقات الأعضاء )
فإنني أتوجه اليك بطلب , مساعدة لجنة التحقيق الدولية في أكتشاف حقيقية اغتيال الحريري ,, و تخلص بلدنا من هالمصيبة .
سلامي للداعور و للكراجات .
* أخيرا في أخ قال لي تروح روحك ان شا الله بقلوا يا ريت تتأدب
وأنا لو بدي زفّر لساني متل حضرتك كنت مسحت فيك الأرض هذا منتدى يا أخ وليس سوق الهال ياريت الخضرجية متل حضرتك ما يشتركوا بالردود
وشكرا لكم جميعا على فكرة الداعور ضحك كتير عندما حكيتلوا على ردودكن وقال
أحلام قالت اللي ما يطول العنب حامض عنه يقول
أنا بقلهن اللي ما بيعرف الدبكة هبال عنها يقول
نقطتين :
أولا بالنسبة لكلمة تروح روحك فهي كلمة أخذة على لساني دكتورنا خيال فدخيل عينك لا تأخذني ، أما أنو تقول بتنقال بسوق الهال .. فبلا جدبة الله يرضالي عليك ..:o
أما بالنسبة للنقطة التانية : بما أنو الإدارة لهلأ ما ردت... أو يمكن ما عندها متسع من الوقت أنو ترد على موضوعك الفاشل و أنا بعذرها 100% ، أنا رح رد عليك :
سماع .. أنا ما زفرت بالحكي معك كل يلي قلنالك ياه .. تروح روحك و ما بدها هالانفعال لأنو الكلمة طلعت عفوية ، أما أنو تزفر لسانك و ما تزفر لسانك فأنت مبين عليك لسانك زفر من قبل ما تزفرو:D
و صدقني إذا بدي مسح فيك الأرض أرض المنتدى كتيرة عليك ، و ياريت تطلع شقفة خيارايه بسوق الهال sh:tounge
و مو أنت يلي بتحدد إذا أشترك بالردود ولا لأ و بعتقد الأخ زاهر عرض مواضيعك و انعرف مين الخضرجي:tahakkom:
معلش لاتبكي ... أنا ما قصدت أجرحك:D
قبل كل شي وقبل الرد عليكن انا وعدتكن امبارحة جبلكن بعض أبيات
العتابا ومشان هيك تفضلوا اقرؤا وبعدين برد عليكن
قال الزير علي الديك في إحدى رحلاته إلى أمريكا وبعد أن حن إلى الوطن والضيعة
راجع عمّر بيت طراب لون سواميكو زنودي
واترك اللي بتنطح السحاب ورجّع ذكرى الحاصودي
ستي زلفى وجدي دياب عيني رب الحاصورد
قبل أن تبدؤا بالقراءة لا بد لي من تعريفكم عن العتابا
العتابا تشبه الشعر إلا أن بيت العتابا يتكون من شطر واحد فقط
ويتطابق نهاية كل بيت مع نهاية البيت الآخر سواءا كان ذلك من خلال السجع أو الجناس
ويشترط في آخر بيت من العتابا أن تكون نهاية آخر كلمة فيه حرف الباء نسبة الى آخر حرف في كلمة عتاب
وتتجمع في العتابا اللهجة البدوية والجبلية والساحلية و لهجة المنطقة الوسطى
و بعض الناس يخلطون بين الموال و العتابا وهذا غلط كبير
أولا أبدأ مع عتابا زير العتابا علي الديك
-------------------------------------------------
كوسك يا صبيتي دمعت امي
عليك يوم هجرك دمعت امي
ذرفت من مقل عيني دم ع تمي
غدا لون الفجر منهن دهب
--------------------------------------------------
ما في سبب لا تزعل و داعي
انت ما حضرت ليلة وداعي
وانا رافع العشرة و داعي
على اللي ظالميني بلا سبب
---------------------------------------------------
ياللي قبلتي هي قبلتك
و يا اللي غصب عن بيي قبلتك
لك ليش باردة صارت قبلتك
بوستك ما فيها لا حرارة ولا لهب
----------------------------------------------------
بدالي متل عنقود يتدلى بدالي
ولك حبيب القلب بدالي
أنا ما ازعلت اذا بتعشق بدالي
انا ببكي اذا بدّلت الحمامة بالغراب
-----------------------------------------------------
معوّد كنت أورد معاكن ع الضحية
هجرك هاجس بقلبي ع الضحية
يا ظالم قوم كمل ع الضحية
قبل ما بوح بسر الحباب
---------------------------------------------
يا حلوة دوم لاقيلي ع كرمي
تعود هالكرم لاجلك ع كرمي
دمعي وقت هجرانك عكر مي
البحور و موجها شال الخشب
--------------------------------------------
ريام اللي غزوا قلبي ورحلون
ناوي اهجر دياري ورحلهن
يا جميلو ع غيابهن ورحلون
سواد وشاب شعري من الغياب
--------------------------------------------------
سهم طايش يا قلبي ملّ عيني
القلب تعب مل ّ عيني
ولك ما هي اللي بتغدر ملّ عيني
اللي طلقت سهمها وبالقلب صاب
------------------------------------------------------
مصايب هالدهر ما يجون جملة
خطوا بالحزن مليون جملة
ع درب الهجر كلو نخ جملة
ودليل الهجر ع الترحال شاب
-------------------------------------------------------
طير الحب يا طير الحب
طير الحب ع دياري لفى الفي
عطاني مركب سفارك لفل فيه
و الله لمّى حركت شعدى لفى الفي
وقلت دب الصقيع بشهر آب
---------------------------------------------------------
عتابا وفيق حبيب :
--------------------------------------------------------------
و الله كنت نام و فيق وا بيي
و ين الأهل والخلان وا بيي
و الله وكان لي بي كان لي أم وا بيي
والله كان لي كان لي أهل وينهن بالمصاب
----------------------------------------------------------------------
والله ضارب بالرمل مليون مندل
ورسولي عالولف يا ناس ما اندال ما اندال
دعوني أشرب الخمرات مندال
اللي كانوا يمرقوا تحتو الحباب
-----------------------------------------------------------------------
والله كان لي كوخ يحلالي عتبهم
انشلع يا ناس من قسوة عتبهم
والله ورحت ع الدار اطلّع عتبهم
لقيت التوب مزقتو الدياب
----------------------------------------------------------------------
جاي بعينها دمعة عتوبي
خفت دموعها تنزل ع توبي
والله ليالي الهم عتوبي
والله الدهر ما بيرحم حباب
---------------------------------------------------------------------
يا عقلي قلب فكارك وعيدان
حبابي بالعهد خلفوا وعيدان
والله لمو حطاب هالدنيا و عيدان
ووقدوها بالقلب بعد الغياب
-------------------------------------------------------------------
وحدي أنا والاحزان والعين
احشاء القلب بالأشواق ولعين
دموعي سيول ع الوجنات و العين
عليها سواد مع عتمة وضباب
-----------------------------------------------------------------------
وأخيرا اللي ما اقتنع بقلو القراءة مو متل السمع مشان هيك يبعتلي إيميلو وانا
رح ارسلو مقاطع صوتية لكل من الفنانين وأنا بدوري ومشان يكون الحوار عادل
اذا حدى حابب يبعتلي مقاع صوتية لفيروز يبعتها على ايميلي baraa44@gawab.com
أما اللي ما فهم المعاني ومشان ما تتحججو رح اشرحلكن بعض المصطلحات
سواميكو : الساموك هو العامود في البيت
كوسك : حلاتك وهي مأخوذة من كلمة كيّس باللغة العربية
بيي : أبي
الكرم : الأرض المزروعة بالعنب
ريام : جمع ريم وهي نوع من الغزلان
ضارب بالرمل مندل : هو نوع من أنواع التنجيم مثل قراءة الفنجان أو كف اليد
عكر مي : عكّر مياه البحار
أول شي بقول للأخ mkm واللي ما بعرف اسمو اختصار لأي دولة هاهاهاهاهاي أنا
ما ببكي الضحك اللي بضحكوا بنسي الواحد شو البكى ى أما الأخ somebody أنا شخصيا بفضل العمل مع اللجنة السورية للتحقيق بالاغتيال أما الكراجات بحب قك
الداعور عندو ما يكفي لشراء الكراجات في سوريا والمدن التي حولها أما نور بقلها أو
بقلو فيروز منها نبية حتى ما نحكي عنها أما الجد an@s بقلو الهوية السورية لا يستحقها من لا يقدرها وعندو كلمة أنا بتخلى عن هويتي كأنها كلمة عادية
وأخيرا يا ريت كل واحد يكتب رد يكتب عمرو حدّه لأنو على ما أظن أنو اللي بيسمعوا
لفيروز انقرضو من زمان وما تبقى منهن في دور رعاية المسنين لأنو الدور ما عندها استعداد لتشتريلهن أشرطة أغاني مشان هيك بيتخيلوا حاهن عبيسمعوا فيروز
لقد كانت الفنانة لطيفة تقول دائما من خلال مقابلاتها أنها تؤمن بولادة أذواق جديدة
وعلى ما يبدو أنتو بدكن قيصرية لحتى تولد هالأذواق لعني لأيمتى بدنا نضل نسمع
فيروز ما بكفي بحطوها بالباصات وبالكراجات وبالبولمنات على فكرة أنا مغترب وزرت
اكتر من 5 دول عربية وما سمعت أنو في حدى بيعرف فيروز تبعكن أو سمع فيها
على سيرة فيروز فينكون تحطولنا كم غنية الها بصيغة mp3
pianconer
16-01-2006, 20:38
(لفيروز انقرضو من زمان وما تبقى منهن في دور رعاية المسنين لأنو الدور ما عندها استعداد لتشتريلهن أشرطة أغاني مشان هيك بيتخيلوا حاهن عبيسمعوا فيروز). بدي أسألك أنو انت
كنت بوعيك وقت بتكتب هالحكي حبيبي شبك يعني فيروز ولا هالحلو اللي حاطت صورته شو هالحكي والله عيب عليك
بعدين حبيبي الدبكة حلوة اكيد بس يعني الواحد بيحكي شي ممكن ينسمع بس أنو فيروز زمنها ولا .... شكلك أنت ياوردة اللي وليت .(لاتأخذنا بس يعني كلام ممكن يكون قاسي لأنو انت كلامك مع البعض قاسي ) .
أ
تفضل ميراج هي الرابط فيه الأغاني
http://www.panet.co.il/ysc-media.php?ac=singer&sID=75
يسلم ايديك اخت نور على الاغاني
HAZEMOVE
16-01-2006, 21:56
لك لما فيروز غنّت .. الداعور كان لساته مو نظفان .. sh:hi
anas1717
16-01-2006, 22:30
لك لما فيروز غنّت .. الداعور كان لساته مو نظفان .. sh:hi
أخي أبو جولان , بدك ما تدقق ..
bisan-89
17-01-2006, 15:52
انا أول مرة بسمع انو فيروز او اي واحد من المطربين القديمين بيذكروا بالموت,
هي هيي الحال والمستوى الي وصلولو الشباب .أصلا من التخلف انو الانسان ما يحترم هيك تراث اصيل
بعدين يا أخ اذا المطربة بتحترم حالها صارت بتذكر بالموت .
أصلا عيب ندافع على هيك فن ومستوى هابط من الفنانين أمثال علي الديك وهالشلة .
وكمان عيب نقارن فيروز وغيرها من المطربين الاصيلين بهيك مستويات من المطربين الي ذكرتون .
صحيح انو كل انسان حر بأفكارو ومعتقداتو بس أنا بشفق على شباب مجتمعنا العربي الفاضيين الي ما بيفهموا من الغنية الا اذا كانت بترقص او لا.
هه
نظرا لتصعيدكم لردودكم وكثرتها لم أجد ابلغ من الشعر للرد عليكم
هذه القصيدة من تأليفي في مدح طلال الدعور
طـلالُ ولو أنــه طـلّ عـلى الأطلالِ لـغـدت الأطلال عـلـى ألـحـانـه تـمـيـل
له أناملٌ فــيما لو أنــها قد ثمّنـــت بالـمـاس لـكـان ذاك فـي حـقـه قـلـيـل
كتبت يوما في مــــدحه كلمـــــاتٍ فانقـلب انـــاسٌ عـليّ كأنهــم أســطول
قالو إنــا نـطرب لسـماع كهرمــــانٍ أو فيروزٍ لســت أدري فالإســم مجهـول
ولـــبرهة من الــزمان تذكّرتــــــها إنـها الـتي كان الـهم والمقـت لـها زمـيل
تقف جامدةً في غنائها كأنها ميتٌ ينتظر أن يدفن و يوضع عـلى قبره الإكـيل
سمعوها وتركوا عازفا تتـســـــابق العـذارى لسـماعه يملن كيف ما هو يميل
يدخل الفرحة قلب من أمســـــى مهمـوما ســقيما من كـثرة الأمـراض عليل
له وقع على القلب كوقع الســحر يلامس الوجدان يصول في أحشاء الفؤاد ويجول
ترقبوا غدً قصيدة في مدح علي الديك
اللي عبقول انو فن علي الديك فن هابط بحب قلكن علي الديك غنى 180 غنية
قبل ما يغني علوش يعني أصيل أكتر من فيروز بمليون الف مرة أنا لا أؤيد الفن الهابط
أبدا وأكره ما عليّ أسمع نانسي ولا هيفا ولا غيرها وغيرها أيضا أنا لا أقو إن جميع
المطربين الشعبيين يستحقون التقدير بلعكس أنا أشمإز من الكثير منهم لكن برأي
مسيرة علي الديك تستحق التقدير ومحدى بيحسن يحكم عليه إلا لسمع جميع أغانيه 200 أغنية
أنا بدافع عن الداعور لأنو ما بيستحق اللي عبتقولوه أنا بقدرو لأنو حسن يخلق
لون خاص من الألحان لأنو الألحان اللي بيعزفها محدى غيرو بيعرف يعزفها
بدي أسألكن سؤال بالغرب ليش مثلا اللي بحبوا الجاز ما بيكرهو اللي بحبو الروك
أو بينتقدوهن لأنهن وبكل بساطة متحضرين مو متل بعض الجماعة
انا ما كنت حابب اتدخل بس ممكن تفسرلي التالي
بدي أسألكن سؤال بالغرب ليش مثلا اللي بحبوا الجاز ما بيكرهو اللي بحبو الروك
أو بينتقدوهن لأنهن وبكل بساطة متحضرين مو متل بعض الجماعة
يعني أصيل أكتر من فيروز بمليون الف مرة
برايك انت ما بينطبق عليك ما ذكرت في الاقتباس الاول:yaturaa:
شو هالحكي يا زلمي بتعرف ضحكتني
أبو جولان انت عبتقول انو لما غنت فيرزو كان الداعور لسه مو نضفان
بدي اسأك انت كمان وين كنت خلينا ساكتين ما بدنا نحكي روح على جولانك
حررو بعدين تعال ناقش وابدي رأيك ما شي حبيبي
لا تنسو بكرة موعدكن مع معلقة من تألفي تمدح على الديك نجم النجوم
يالله أنا رايح ورانا حفلة ودبكة لوجه الصبح ما بدنا نتأخر على الشباب
ابو مشمش اشمس
abo habib
18-01-2006, 00:52
قبل كل شي وقبل الرد عليكن انا وعدتكن امبارحة جبلكن بعض أبيات
العتابا ومشان هيك تفضلوا اقرؤا وبعدين برد عليكن
قال الزير علي الديك في إحدى رحلاته إلى أمريكا وبعد أن حن إلى الوطن والضيعة
راجع عمّر بيت طراب لون سواميكو زنودي
واترك اللي بتنطح السحاب ورجّع ذكرى الحاصودي
ستي زلفى وجدي دياب عيني رب الحاصورد
قبل أن تبدؤا بالقراءة لا بد لي من تعريفكم عن العتابا
العتابا تشبه الشعر إلا أن بيت العتابا يتكون من شطر واحد فقط
ويتطابق نهاية كل بيت مع نهاية البيت الآخر سواءا كان ذلك من خلال السجع أو الجناس
ويشترط في آخر بيت من العتابا أن تكون نهاية آخر كلمة فيه حرف الباء نسبة الى آخر حرف في كلمة عتاب
وتتجمع في العتابا اللهجة البدوية والجبلية والساحلية و لهجة المنطقة الوسطى
و بعض الناس يخلطون بين الموال و العتابا وهذا غلط كبير
أولا أبدأ مع عتابا زير العتابا علي الديك
-------------------------------------------------
كوسك يا صبيتي دمعت امي
عليك يوم هجرك دمعت امي
ذرفت من مقل عيني دم ع تمي
غدا لون الفجر منهن دهب
--------------------------------------------------
ما في سبب لا تزعل و داعي
انت ما حضرت ليلة وداعي
وانا رافع العشرة و داعي
على اللي ظالميني بلا سبب
---------------------------------------------------
ياللي قبلتي هي قبلتك
و يا اللي غصب عن بيي قبلتك
لك ليش باردة صارت قبلتك
بوستك ما فيها لا حرارة ولا لهب
----------------------------------------------------
بدالي متل عنقود يتدلى بدالي
ولك حبيب القلب بدالي
أنا ما ازعلت اذا بتعشق بدالي
انا ببكي اذا بدّلت الحمامة بالغراب
-----------------------------------------------------
معوّد كنت أورد معاكن ع الضحية
هجرك هاجس بقلبي ع الضحية
يا ظالم قوم كمل ع الضحية
قبل ما بوح بسر الحباب
---------------------------------------------
يا حلوة دوم لاقيلي ع كرمي
تعود هالكرم لاجلك ع كرمي
دمعي وقت هجرانك عكر مي
البحور و موجها شال الخشب
--------------------------------------------
ريام اللي غزوا قلبي ورحلون
ناوي اهجر دياري ورحلهن
يا جميلو ع غيابهن ورحلون
سواد وشاب شعري من الغياب
--------------------------------------------------
سهم طايش يا قلبي ملّ عيني
القلب تعب مل ّ عيني
ولك ما هي اللي بتغدر ملّ عيني
اللي طلقت سهمها وبالقلب صاب
------------------------------------------------------
مصايب هالدهر ما يجون جملة
خطوا بالحزن مليون جملة
ع درب الهجر كلو نخ جملة
ودليل الهجر ع الترحال شاب
-------------------------------------------------------
طير الحب يا طير الحب
طير الحب ع دياري لفى الفي
عطاني مركب سفارك لفل فيه
و الله لمّى حركت شعدى لفى الفي
وقلت دب الصقيع بشهر آب
---------------------------------------------------------
عتابا وفيق حبيب :
--------------------------------------------------------------
و الله كنت نام و فيق وا بيي
و ين الأهل والخلان وا بيي
و الله وكان لي بي كان لي أم وا بيي
والله كان لي كان لي أهل وينهن بالمصاب
----------------------------------------------------------------------
والله ضارب بالرمل مليون مندل
ورسولي عالولف يا ناس ما اندال ما اندال
دعوني أشرب الخمرات مندال
اللي كانوا يمرقوا تحتو الحباب
-----------------------------------------------------------------------
والله كان لي كوخ يحلالي عتبهم
انشلع يا ناس من قسوة عتبهم
والله ورحت ع الدار اطلّع عتبهم
لقيت التوب مزقتو الدياب
----------------------------------------------------------------------
جاي بعينها دمعة عتوبي
خفت دموعها تنزل ع توبي
والله ليالي الهم عتوبي
والله الدهر ما بيرحم حباب
---------------------------------------------------------------------
يا عقلي قلب فكارك وعيدان
حبابي بالعهد خلفوا وعيدان
والله لمو حطاب هالدنيا و عيدان
ووقدوها بالقلب بعد الغياب
-------------------------------------------------------------------
وحدي أنا والاحزان والعين
احشاء القلب بالأشواق ولعين
دموعي سيول ع الوجنات و العين
عليها سواد مع عتمة وضباب
-----------------------------------------------------------------------
وأخيرا اللي ما اقتنع بقلو القراءة مو متل السمع مشان هيك يبعتلي إيميلو وانا
رح ارسلو مقاطع صوتية لكل من الفنانين وأنا بدوري ومشان يكون الحوار عادل
اذا حدى حابب يبعتلي مقاع صوتية لفيروز يبعتها على ايميلي baraa44@gawab.com
أما اللي ما فهم المعاني ومشان ما تتحججو رح اشرحلكن بعض المصطلحات
سواميكو : الساموك هو العامود في البيت
كوسك : حلاتك وهي مأخوذة من كلمة كيّس باللغة العربية
بيي : أبي
الكرم : الأرض المزروعة بالعنب
ريام : جمع ريم وهي نوع من الغزلان
ضارب بالرمل مندل : هو نوع من أنواع التنجيم مثل قراءة الفنجان أو كف اليد
عكر مي : عكّر مياه البحار
أما خوش معاني وخوش أشعار
طيب يا حبيبي مين قلك أنو بدنا ننقرف ونسمع هالعلاك المصدي حاج بقى
ياااااااااااااااا
بلا صوص بلا داعور
abo habib
18-01-2006, 01:18
لقد كانت الفنانة لطيفة تقول دائما من خلال مقابلاتها أنها تؤمن بولادة أذواق جديدة
وعلى ما يبدو أنتو بدكن قيصرية لحتى تولد هالأذواق لعني لأيمتى بدنا نضل نسمع
فيروز ما بكفي بحطوها بالباصات وبالكراجات وبالبولمنات على فكرة أنا مغترب وزرت
اكتر من 5 دول عربية وما سمعت أنو في حدى بيعرف فيروز تبعكن أو سمع فيها
أولاً نشكر الله أن ذوقنا لم يولد بعد حتى يسمع سخافات الديوك ولخبطات القردة أما أنو فيروز تسمع بالكراجات ..........................ولك خسأت فيروز غنت في لندن ووراءها 150 عازف من الأوركسترا الملكية وحاج كذب ونفاق أنو في بلد عربي ما بيعرف أهله فيروز لك أنا الآن في استانبول واليوم صباحاً كنت عم اسمع فيروز في أحد المقاهي واذا ما كنت مصدق تعى لهون وشوف بعينك
اقتباس الخيال
بدي أسألكن سؤال بالغرب ليش مثلا اللي بحبوا الجاز ما بيكرهو اللي بحبو الروك
أو بينتقدوهن لأنهن وبكل بساطة متحضرين مو متل بعض الجماعة
حلو كتير sh:eye
يعني جماعة لي بحبو الجاز ما بقولوا عن الروك انو زمنهن رحل و انو طريقتهن متل الأموات لسبب بسيط انهن متحضرين مو متل بعض جماعة
ميس الريم
18-01-2006, 10:57
نظرا لتصعيدكم لردودكم وكثرتها لم أجد ابلغ من الشعر للرد عليكم
هذه القصيدة من تأليفي في مدح طلال الدعور
طـلالُ ولو أنــه طـلّ عـلى الأطلالِ لـغـدت الأطلال عـلـى ألـحـانـه تـمـيـل
له أناملٌ فــيما لو أنــها قد ثمّنـــت بالـمـاس لـكـان ذاك فـي حـقـه قـلـيـل
كتبت يوما في مــــدحه كلمـــــاتٍ فانقـلب انـــاسٌ عـليّ كأنهــم أســطول
قالو إنــا نـطرب لسـماع كهرمــــانٍ أو فيروزٍ لســت أدري فالإســم مجهـول
ولـــبرهة من الــزمان تذكّرتــــــها إنـها الـتي كان الـهم والمقـت لـها زمـيل
تقف جامدةً في غنائها كأنها ميتٌ ينتظر أن يدفن و يوضع عـلى قبره الإكـيل
سمعوها وتركوا عازفا تتـســـــابق العـذارى لسـماعه يملن كيف ما هو يميل
يدخل الفرحة قلب من أمســـــى مهمـوما ســقيما من كـثرة الأمـراض عليل
له وقع على القلب كوقع الســحر يلامس الوجدان يصول في أحشاء الفؤاد ويجول
ترقبوا غدً قصيدة في مدح علي الديك
بس ما تكون مفكر حالك كاتب شعر :yaturaa:
بتعرف انك بتشبه علي الديك انتو التنين بتحكو حكي مالو طعمة sh:eye
بتعرف ليش لما سألت العالم ما عرفوا فيروز ؟
لأنو كل يلي سألتن متل حكايتك و الطيور على أشكالها تقع .......
أخي الله يخليلك الداعور بس حل عنا ...
انا رايحة اسمع فيروز بعد ما وجعتلي راسي ......
إقتباس:
بدي أسألكن سؤال بالغرب ليش مثلا اللي بحبوا الجاز ما بيكرهو اللي بحبو الروك
أو بينتقدوهن لأنهن وبكل بساطة متحضرين مو متل بعض الجماعة
.................................................. .
بحب زكرك أخي ... انت اللي انتقدت الســـــــــــــــــــــــــت فيروز بالبدايه
و نحنا كل اللي عملناه انو ردينا عليك
بقى ازا بتريد ... خليك بالديك و الجاجه و القن كلو ..
و تريك الســـــــــــــــــــــــــــت فيروز على جنب ...
سلام ..
أنا معك ميس الريم ومعكن كلكن بلا داعور بلا ماعور أصلاً إسمو بدل عليه
:yaturaa:
أما إسمعو بس إسم فيرووز إي برن وبأطرب إسمها لوحدو
فيييييييييييييييييييييييييييييروووووووووووووووززز
يا سلاااااااااااام
مو
الداااااااااااعور
إي حاج بقى حاج كلام فاضي آآآآآآآآآآآآل الداعور آل
آل وشو ( فييييييييييروووووووزز مو مشهورة بالوطن العربي ) إيه روح نام حبيبي
لك متل ما قالولك فيروز مو مشهورة بالوطن العربي بس بل بالعالم كلو
خليك بالداعور تبعك حبيبيي
ويلي بزيد الطين بلة بقلك أنو فيروز جامدة على المسرح و يلي بيسمعها بتذكرو بالموت
لك شو بدي إحكي لسا
لك إنتو شوفو فيروز إشلون بتوقف على المسرح بتوبها الأبيض متل الملكات وإبتطرب الآلاف والملايين بصوتها الرنان
ولسا بقلي الداعور
أنا كنت ما بدي شارك بل موضوع هاد بس الشغلة زادت عن حدها
يعني زودتهااااااااااااااااااااااااااااا
وبال أخير بقلك خليك بالداعور تبعك وخلينا نحني بملكتنا فيرووووووز
هههههه آل الداعور آل
:za3laan:
abo habib احترم حالك واحد متلك بيخسأ و اذا زعلت فيروز بتنسمع بورش تصليح الطرطيرات كمان اذا مالك خبر أما أنت يا ميس الريم أنا شعر غصب عن الجميع سواء رضيتي حضرتك والا ما رضيت أصلا انا كنت بدي اكتب اليوم قصيدة تانية
في مدح علي الديك بس وحي الشعر ما إجاني يمكن كان محطوط شريط فيروز
بشي كراج حدنا ولما سمعها وسمع الكم الهائل من النشاز هرب
عندي سؤال ليش يوم العيد ما حطو بالتلفزيون السوري أغاني فيروز اكيد لأنها بتذكر بالموت ولكي يذكرو الناس بالحياة ويفرحوهم بالعيد استضافو علي الديك والمايسترو
طلال الداعور وفعلاً كان أحلى عيد عيد على صوت نجم العرب زير العتابا علي الديك
و القيصر المايسترو راعي الأول طلاااااااااااااااااااااااال الداعور
تسلمولنا يا نجومنا الله يطول عمركن ويشيل من عمر فيروز ويحط باعماركن (ولو انها ختيارة ما ضل من عمرها شي )
abo habib
19-01-2006, 13:08
أولاً يا خيال أنا محترم من قبل ما تشرف حضرتك على هالمنتدى:
والحمد لله أنو ما أجاك وحي الشعر وعمرو ما يجيك وحاجتك بقى تطاول على العمالقة واذا كان صوت صناجة العرب نشاز فماذا تسمى تفاهات الديك.
والحمد لله أكتر أنو بالعيد أنا ما كنت بسورية حتى ما أمرض في العيد .
بس أنا معجب بكلامك كتير وحكيك لامس لب الحقيقة عندما وصفت ديكك بالزير.
وان شاء الله يمد لنا بعمر فيروز على كل حال حتى اذا افتكرها الله بعد عمر طويل أعمالها سوف تخلدها الى أجل غير مسمى.
ومشان أعمار حضرة الديك تبعك أنا بعد تلات أيام جاي من تركيا وبدي أجيب معي شوية أنفلونزا الطيور بلكي منخلحص من الديك وصواصه وبيرتاح راسنا بقىsh:angry
بس أنا بدي ألفت نظر الشباب على شغلة أنو أنت بتذكرني بعضو سابق كان في المنتدى اسمه أوكوشا وكان قارفنا بأفكاره الخنفشارية وكان مصيره اللفظ من هذا المنتدى
إي حاشتك بقى
شو هاد يا
بس أنت شكلك حاطط هالموضوع للجدل و بس
وأنا برأئي
أنو حاج إتحاولو معاه وخليه هوي والداعور تبعو على جنب
مارح ينصلح بحياتو
ومتل ما قال المتل
دنب ال....؟؟؟ يلا بلاها إفهموها لوحدكن
سلاااااااااااااااااااااااااااااااااااااام
:tahakkom:
يا أخت fatmh هنو اللي بدأو بالمشكلة عندما قالو خليك بين الصيصان والجاجات
وقالو الداعور مطرحه بالكراجات و محدا بيعرف معزة الداعور بقلبي مشان هيك اطروني احكي الكلام اللي سمعتيه وعلى قولة وفيق حبيب في أحد أغانيه يااللي بيتك من بلور حاجة ترمينا بحجارك أما أنت يا أبو حبيب بعضم رقبتي ما رح يدخلوك على الحدود وان شاالله بينقطع ذكر فيروز بعد موتها وما بنعود نسمع نشازها
shababdaim
19-01-2006, 20:45
يا عاقد الحاجبين
غناء: فيروز
يا عاقد الحاجبين على الجبين اللّجين
إن كنت تقصد قتلي قتلتني مرّتين
تمر قفز غزال بين الرّصيف و بيني
و ما نصبت شباكي ولا أذنت لعيني
تبدو كأن لا تراني و ملئ عينك عيني
و مثل فعلك فعلي ويلي من الأحمقين
مولاي لم تبق مني حيّاً سوى رمقين
أخاف تدعو القوافي عليك بالمشرقين
:d
abbodyyyyy
19-01-2006, 23:29
همسة :
___________________________
نقطة مهمة لفت النظر اليها محاورنا
و هي التلفزيون السوري الذي بصراحة يستحق وقفة اكبار لتقديمه صورة لامعة و مشرقة عن الشعب السوري أمام ملايين المشاهدين في الكرة الأرضية ليلة العيد ..
______________________________
أنا يلي بعرفوا انو المواضيع السخيفة بهالمنتدى ما بتدوم أكثر من ساعات ، و لكني أستغرب أن يدوم هكذا موضوع لهذه المدة .. :(
بتمنى إنو يمل السيد الخيال من الكتابة في هذا الموضوع ، لأنو بصراحة حاجتنا قرف أيام الامتحانات .
سلام
لك بدي افهم من وين جبتلي ياه هذا الداعور قلت لحالي لأعمل بحث عن الداعور افندي بتعرفوا شو طلعلي على كوكل أول رابط طلع لهذا الموضوع يعني اكثر مكان ذكر فيه اسم الداعور فيه على كل شبكة الانترنيت هي هون و مافي ولا موقع طلع معي فيه اي معلومات عنو او مين هذا او شو وضعو
أنت يا ميس الريم أنا شاعر غصب عن الجميع سواء رضيتي حضرتك والا ما رضيت
ريمو ما سمعت بالمتل لي بقول مادح نفسو كذاب
نار البحر
20-01-2006, 17:19
بتعرف الخيال ذكرتني بشغلة كنت سويها من زمان اول ما دخلت الانترنت و اتعرفت على هل العالم الغريب
كنت احيانا اشعرر بالملل و خاصة اني ببداية الغربة و كنت ادخل على موقع مكتوب و على غرفة سوريا و اقعد احكي مع هل الشباب و الصبايا بمواضيع على النقيض تماما من اللي متعارف عليه متل موضوعك هلاء يعني
بس لمجرد مضيعة الوقت و استفزاز الاخرين من اجل اني اتسلى
و احيانا ادخل باسم شي بنت و اقعد احكي مع هل الشباب لوش الصبح و اتضحك على عقولهم و تصرفاتهم بس لمجرد التسلية
بتعرف عمين الحق مو علي لاني دخلت باسم بنت ...الحق على اللي حكوا معي و ناقشوني لوش الصبح
و هون بهل الموضوع اللي شفته انا ما بلومك لانك قلت اللي قلته انا بلوم اللي قعدوا و ناقشوك
لانو بكل بساطة بتكون عامل متلي ...عم تشوف هل الناس شو عم ترد عليك بشكل جدي و انت نازل ضحك
كل الناس و خاصة بسوريا ...بيعتبروا فيروز ...فنجان القهوة الصباحي التاني غير اللي بيشربوه
و ما حدا اساسا بيناقش بهل القضية و هي روعة و جمالية و سحر فيروز و صوتها و اغانيها
على كل حال ما بدي سوي متل البقية و ناقش بالموضوع
بس باعتباري من ادلب رح عرف الناس بهادا اللي عم تقارن فيروز فيه
طلال الداعور : مطرب من ادلب ينطبق عليه كل الصفات غير الحميدة ...سكرجي ...حميماتي ...و اساسه شوفير طرطيرة ....و ما حدا بيروح على حفلاته غير الناس المصيفة من حميماتية و سكرجية و ضرابين سكاكين
بقا سلملي على الداعور تبعك و اتمنى لك اوقاتا ممتعة مع اغانيه
أول
ميس الريم
20-01-2006, 21:05
لك بدي افهم من وين جبتلي ياه هذا الداعور قلت لحالي لأعمل بحث عن الداعور افندي بتعرفوا شو طلعلي على كوكل أول رابط طلع لهذا الموضوع يعني اكثر مكان ذكر فيه اسم الداعور فيه على كل شبكة الانترنيت هي هون و مافي ولا موقع طلع معي فيه اي معلومات عنو او مين هذا او شو وضعو
ريمو ما سمعت بالمتل لي بقول مادح نفسو كذاب
بتعرفي نور يمكن كل هالموضوع دعاية للداعور بما انو ما حدا سمعان فيه حتى غوغل مو معترف عليه
أولا بقول له له له يا أخ نار البحر نزعتها على كل حال ما رح رد عليك لانك صديق عزيز إلا اذا كنت معتبرني غير هيك وفي بيناتنا معرفة ولو انها قصيرة بس بحب
قلك بلعكس انا ما عندي فراغ للأسف وبتمنى يكون عندي فراغ وهذا هو المنتدى الوحيد المشترك فيه اما الخبر اللي قلته انو طلال الداعور من ادلب فرحني كتير لاني انا كمان من ادلب وكنت مفكر انو الداعور من الغاب مليح يعطيك العافية على هالبشارة بتستاهل عليها بوسة من بين
عيونك ومشان الكلام اللي قلته بتمون اخ نار البحر
أما الآخرين اللي قالوا انوا مالقو أي موضوع بحث عن الداعور بالغوغل بقلهن ليش
لتزورو غوغل روحو على اقرب محل كاسيت واسئلو صاحبه هو بقلكن مين الداعور
ومع هيك بعتبرها جريمة من غوغل بحق الداعور وجكر فيهن رح اعمل قسم خاص بموقعي عن الموسيقى الشعبية والداعور
معلومات شخصية عن الداعور
اسمه طلال الداعور وصل الى مرحلة التعليم الثانوي كانت بداياته بالعزف على الناي
عندما كان صغيرا في عمر 18 سنة بدء العزف على الأورغ لاقى انتشارا واسعا حينها امتد من حمص الى حلب وكانت حفلاته تسجل على كاسيتات وتباع ويكتب
على الكسيت اسمه وتوضع صورته ولا يوضع اسم المغني الذي احيا الحفلة ثم
بدأ شيئا فشيئا يتطور في مهارات العزف على الأورغ حتى لقّب بقيصر الأورغ
بعد ذلك اصدرت له بعض شركات الانتاج الفني كاسيتات دبكة على سبيل المثال
دبكات الغاب ودبكات شرقية وشرقية حديثة و ولدة الى آخره من ألحان الدبكات
ثم اشتهر بالظهور مع فنانين معروفين مثل وفيق حبيب وعلي ديوب وغيرهم
و من الوقت الذي ليس بالبعيد التحق بفرقة الفنان علي الديك و أصبح يرافقه في سفراته لأمريكا واستراليا والسويد
يقدر أجر طلال الداعور 120 ألف ليرة للحفلة الواحدة داخل سوريا وهو أجر للعزف فقط
فهو ليس مطرب كما ظن الكثير منكم أما أجر حفلته خارج القطر فلا أحد يعرف ذلك
أهم ما يميزه ادخاله لاصوات آلات موسيقية شعبية على الاورغ مثل الناي والربابة والمجوز والزمر يتميز أيضا بسرعة عزفه على الأورغ و تأليفه لبعض الألحان
nataly_shadi
28-01-2006, 18:17
مسا الخير على جميع اصدقائي و احبائي في منتدانا الغالي
من بعد ما قريت كل التعقيبات استغربت من اخي الخيال انو من الكل التعقيبات الموجودة مافي ولا واحد عم يأيدك ....... طيب معقول هنن الغلط و انت الوحيد الصح أكيد لأ
و انا بقلك انو ماما أجنبية و ما كانت بتعرف عربي منيح حبت فيروز من اول ما سمعتها من دون ما تفهم حتى معنى الاغاني بس كانت تقول انو موسيقاها فيها نوع من السحر متل حكايات الف ليلة وليلة بتحس حالك عم طير مع كل كلمة و نغمة
و لحدا هلق ماما و بعد ما عرفت العربية منيح بتحبها لفيروز كتير و بتسمعها كل صبح و هيدا طبعا مو بس رايها بل و رأي كل رفيقاتها.........
و بالنسبة للأغاني يلي انت عم تحكي عليهن فبكل بساطة هي و غيرها كتار بيقولو انو بتوجع الراس.....
تحياتي
ناتو المدللة
لا يا شيخة بالله عليكي !!!!! يعني ما طلع معك غير هيك
الكنترووول
10-09-2006, 19:51
<<<حبيبي انا طلال الداعور بعزف بدياتاي ما بعزف بلساني ولا بعزف بخطمي >>>
لك عيني روحك وا خييي خيال انو شو رئيكن انا بحب طلال الداعور اكتر ما حب بيي وخيي وجدي وعمي لك انا حبيت الرب لانو خلق طلال الداعور وانتظروا قريبا جدا شبكة الداعور على الانترنت وبأذن الله يا خيال هنت حتكون راعي الاول بهل موقع ..................... وللزمر بقية
الكنترووول
10-09-2006, 20:02
<<<حبيبي انا طلال الداعور بعزف بدياتاي ما بعزف بلساني ولا بعزف بخطمي >>>
لك عيني روحك وا خييي خيال انو شو رئيكن انا بحب طلال الداعور اكتر ما حب بيي وخيي وجدي وعمي لك انا حبيت الرب لانو خلق طلال الداعور وانتظروا قريبا جدا شبكة الداعور على الانترنت وبأذن الله يا خيال هنت حتكون راعي الاول بهل موقع ..................... وللزمر بقية حكم عليكم الموت بالزمرررررر تتتتتتتتتتتتتع طلال غازي الداعور من مواليد عام 1980 قرية الكريم منطقة الغاب <<<< حماه <<<<< ثانويه صناعية <<<<< فرقة ليالي الغاب <<<<< القيصر <<<< لك كيفك هنت والعتابا خيي خيال ؟؟؟
والله الدهر كاس علقم رواني
ومتل قصه قديمي رواني
والله اسمك دخل بصديري لك رواني
وقسم بعدك ما يدخلو حباب
vBulletin v3.6.4, Copyright ©2000-2008
Translated by SyriaNobles