المساعد الشخصي الرقمي

عرض الإصدار الكامل : الموسيقا "المخدرة". هلوس موسيقياً..Psychedelic music

اتسعت
21-02-2006, 03:11
فرقة Pink Floyd التي بدأت في تقريباً منتصف الستينات من القرن الماضي هي من أشهر من اشتغل على هذا النوع من الموسيقا التي تعتمد على مؤثرات صوتية، أصوات وأجواء مبهرة ومخدرة فعلاً.


الألبومات:

Piper At The Gates Of Dawn
1967


A Saucerful Of Secrets
1968


More
1969


Ummagumma
1969
بخوف، في غنية منه لمقطع فبلم رعب. رائع هاد الألبوم.


Atom Heart Mother
1970
بعقد، موسيقياً بيخوت

Meddle
1971
بيفلج، ذروة الجمال بانتقاء الأجواء. غنيتي المفضلة هي التانية... رائعة..


Obscured By Clouds
1972


The Dark Side Of The Moon
1973
أسطورة، مثير ومبكي ومحلق بلا رجعة...


Wish You Were Here
1975
متميز ويحمل نفس مستوى الألبومات السابقة


Animals
1977
فكرة مجنونة وساخرة وموسيقياً ناجحة جداً بالتعبير...


The Wall
1979
راقي موسيقياً، رائع وفكرته متميزة جداً وعميقة ولكن للأسف هو الأكثر شهرة مع أن الألبومات الأقدم تستحق اهتمام أكثر


The Final Cut
1983

A Momentary Lapse Of Reason
1987


The Division Bell
1994
بآخر الألبومات، المستوى بدأ يهبط ولكن جميل...


P.U.L.S.E
1995


أتابع لاحقاً مع هلوسة وفرق أخرى "خدرت" ملايين الجماهير ودوختهم بأجواء مذهلة...
moodystar
21-02-2006, 14:58
فعلا اتسعت ... بينك فلويد ... بيخدرو ... نمط مميز جدا... مع الموسيقا الغريبة بيخلوني عيش جو تاني ... ضبابي ... و الصوت اللي بيصرخ للتدويخ ... بيضرب على وتر احساسي الحساس ...
عشت مع هي الفرقة أطول قصة عشق بحياتي ... حوالي عشر سنين ...
wish you wre here... crazy diamond
بينك فلويد ... واو ... كتير عن جد واو
moodystar
22-02-2006, 12:14
صحي... شو رأيك بسكوربيونز... scorpions ... مو كل الأغاني بحبها ... بس الغنية الحلوة عن جد بتكون حلوة جدا
شفتيلي هالبحة بصوتو لما بيغني ...
moodystar
22-02-2006, 12:17
طبعا كان قصدي ... سمعتيلي البحة بصوتو ... بس هيك أنا بعبر ... مادية أنا يمكن ...
اتسعت
22-02-2006, 13:14
لي عودة قريباً :D :D :D
Seemo
22-02-2006, 15:21
صحي... شو رأيك بسكوربيونز... scorpions ... مو كل الأغاني بحبها ... بس الغنية الحلوة عن جد بتكون حلوة جدا

مودي الرواء...اذا بدك شي أغنية لسكوربيونز و ما عندك ياها خبريني عليها لأن تقريبا عندي كل آلبومات الفرقة....و رح ارفعلك ياها فورا للتحميل....

وسيم
اتسعت
22-02-2006, 17:56
صحي... شو رأيك بسكوربيونز... scorpions ... مو كل الأغاني بحبها ... بس الغنية الحلوة عن جد بتكون حلوة جدا
شفتيلي هالبحة بصوتو لما بيغني ...

مممم بتحبي البنك فلويد لكن!! بسرني كتير هاد الشي... مو من شي قليل اسمك موووووووود ستار... :D

رأي بالسكوربيونز :
ما كتير بحبهن. كنت اسمعهن من زمان كتير بس هلأ بطلت حب كتير هاد نوع الموسيقا ... :asefff:
ما بعرف إذا سمعتيلهن أغنية THE PROMISE LAND أو أرض الميعاد بعد الترجمة؟؟
مزبزط ألهن أغاني حلوة...


رح حاول حط رابط لأغنية للبينك فلويد من ألبوم Middle مشان أهديكي ياها. اعذريني إذا ما كان اليوم لأنه مشغولة شوي :asefff:

عم استنى الفرصة مشان شغلة تانية بس ما عم افضى...
sh:angry بس استنيني لا تفقدي الأمل
صديقتي... بوسات
اتسعت
22-02-2006, 18:06
مرحبا اتسعت ..

شكلها الموسيقا حلوة كتير ..

أحيانا الواحد بيحس حالو بدو يتخدر وينسى الدنيا ..

وبما أنو المخدرات مو منيحة والتحشيش ممنوع ما بيبقى غير الموسيقا ..

جاري تحميل الأغاني وبعطيكي رأيي بعد ما أسمعن :sa7mohekk


مرحبتين أنس
مو شكلها، هي حلوة. :akeeed: .
لسا لما أفضى بدي أحكي عن فرق تانية بس الشهر الجاية. في أنواع موسيقا عجيبة غريبة غير هاد النوع. حابة أحكي عنهن بالمستقبل. رح حاول سمعك نمط أكيد رح تحبه إذا عجبوك البنك فلويد
. بس لأفضى شوي. شكراً صديقي نسيت قلك :asefff: .
الفكر الحر
22-02-2006, 18:20
هل هناك موسيقا عربية تساعد على التخدير؟ أم هكذا نوع من الموسيقا حصرا على الغرب؟!

لماذا هكذا نوع من الموسيقا ينتشر انتشارا سريعا؟ إلى هذه الدرجة أصبح الناس بحاجة للتخدير للهروب من مشكلة الواقع الذي يعيشونه؟
اتسعت
22-02-2006, 19:37
هل هناك موسيقا عربية تساعد على التخدير؟ أم هكذا نوع من الموسيقا حصرا على الغرب؟!

لماذا هكذا نوع من الموسيقا ينتشر انتشارا سريعا؟ إلى هذه الدرجة أصبح الناس بحاجة للتخدير للهروب من مشكلة الواقع الذي يعيشونه؟



عزيزي الفكر الحر،
أتمنى أن تكون إجابتي كافيو ووافية. كنت قد قررت أن لا أرد عليك الآن ولكن اكتشفت أنني إن لم أرد، لن أقدر على متابعة عملي لذا تفضل جوابي:

نعم هناك موسيقا عربية تساعد على التخدير ولكن هنا يأتي التخدير بمعنى الطرب. يعني الواحد بينطرب وبتصيبه نشوة الطرب وبطير مع الموسيقا وبيفقد الإحساس بجسمه وبيصير آذان وروح فقط ومن هون برأي أنه أجمل لحظات الرقص هي الرقص عندما يكون الواحد مطروباً. هناك فرق طبعاً مع موسيقا بعض المطربين الشرقين الحاليين الكثر الذي يعتمدون صناعة الموسيقا وليس إبداعها. هذه الموسيقا (غير معروفة أبداً) وذلك لأن مستواها غير منحط كفايةً لتنزل على الأسواق بكثرة وتشترى مثل ما تشترى أكياس بزر دوار الشمس. موسيقا لا يمكن أن تحصل عليها إلا إذا أردتها فعلاً وعرفت قيمتها. هذه الموسيقا الشرقية هي التي يمكن أن توازي نوع الموسيقا الغربية التي تحدثت عنه في الأعلى ولكن ليست مثيلتها لأنهما مختلفتان تماماً من المبدأ. موسيقا "التخدير"
والتي حاولت ترجمتها بهذا المصطلح هي The Psychedelic music هي نوع فريد ظهر لأول مرة بالغرب في أواخر الستينات وأول السبعينات وهناك فرق كثيرة اتذت هذا النمط في تلك الفترة المتميزة من القرن الماضي والتي عرفت بثورات ثقافية رائعة حررت الإنسان من مبادىء متأخرة وأعطته اندفاعاً في الحياة الثقافية والتي أثرت على كل مجالات الفن. مثال على هذه الثورة: ثورة عام 1968 في فرنسا. أو المسماة بثورة ربيع 68.


من قال لك أن هذا النوع من الموسيقا منتشر. لو كان منتشر لما قد كنت (تعبت حالي ) وتكلمت عنه؟ هذا النوع من الموسيقا غير معروف ومن فترة قليلة جداً بدأت تيارات الموسيقا المعاصرة تتحدث عن هذا النوع وبدأت مهراجانات "الفن المخدر" أو The Psychedelic artوفيها ليس فقط الموسيقا وإنما استعراضات بالإضاءة، بالصور ولأفلام القصيرة. هذا التيار غير معروف أبداً وأتمنى أن لا ينعجق وأن يستغله السوق لكي يحقق مصادر مادية لأنه بهذا يفقده قيمته الروحية. الفن الحقيقي لا يباع ولا يقدر بثمن.

من قال لك أيضاً بأن هواة هذا النوع من الموسيقا هم بحالة هروب من الواقع. إنه نوع من الموسيقا كغيره. الموسيقا عند سماعها تعطيك مشاعر كثيرة ومختلفة منها الفرح، الحزن، الخوف، الانفعال، الهلوسة، الغضب، الحنان. هذا النوع من الموسيقا يعطي كل المشاعر التي تعطيها الأنواع الأخرى. إنه فقط نوع يعتمد على بناء أجواء خاصة بآلات وعبر موسيقية مدروسة ومصفوفة بشكل متناغم لدرجة أنك تشعر أحياناً بالدوخان من تناغمها. تماماً كما يحدث في حالات الطرب. وإن افترضنا أن الناس يريدون الهروب من الواقع بسماع هذه الموسيقا فما المشكلة هنا؟ ومن منا لا يفعل هذا. إنه شيء منطقي للغاية ومن دونه تفقد الموسيقا سحرها ومعناها. ولكن بهذه الحالة لا يجب أن نقف عند الموسيقا وذلك لأن كل استمتاع بأي فن كان يجعلك تهرب من الواقع. قلي كم مرة رأيت فيلم حقيقي، أقل لك كم مرة هربت من واقعك. معادلة غاية بالبساطة. مجرد حديث ممتع، مفيد، مضحك، أو خيالي هو فسحة جانيبة محجوزة للهاربين من الواقع ونشكر الآله على وجدها فلولاها لما صبرنا ولا استمرينا.
اعذرني للإطالة وشكراً.
stranger
22-02-2006, 19:50
دمدم تك تك ...ما مرقت ..مارديت ولي عمين عمبتحكو من ورا ضهري ...أنا بسرح ع أغاني كتير وعربي كمان ، موسيقا شرقي ، الشيخ إمام لحالو حشيشة ، ولي مو قليل بنوب بنوب ...المسألة مو بنوع الموسيقا بمقدار قابلية العقل لإندماج الروحي مع الموسيقا ، يعني هناك ألحان شرقية يكفي أن تغمض عينيك لتسافر روحك لبعيد بعيد .....
مودي عيد ميلادي بعيد كتير ..بقبل بأقرب مناسبة ، او بلامناسبة لقولك تهديني ألبوم لبينك فلويد ، لحظة "وطي" صوت الموسيقا ...بشو كنا عم نحكي:asefff:
RMK
22-02-2006, 21:49
سكوربيونز بحبلن THE WIND OF CHANGE في روابط عندكم للبينك فلويد منشان نسمعها.
خليــل
23-02-2006, 00:45
مرحبا

في البوم بيعمي عمي, بيعمل فقدان ماديات مزمن, البوم سولو لديفيد غيلمور مغني البينك فلويد, نصيحة كتير واذا حدا جابو دي في دي, لازم يأكد ويظبط ويرصد ألهة التشيلو يلي عم تعزف معو.

تحياتي واستمرو
خليــل
23-02-2006, 01:20
اي انوس
اسم الدي في دي David Gilmour in Concert

وهي صورة الغلاف تبعو

http://www.geetarz.org/reviews/pinkfloyd/david-gilmour-in-concert-dvd.jpg
جورية
23-02-2006, 07:35
بسم الله الرحمن الرحيم

اصدقائي الغاليييييييييييييييييين
السلام عليكم و رحمة الله و بركاته

نداء عاجل

ولي على قلبي عليكم اللهي شو صاير فيكم
واحد مفلوج و التاني مخووت و الثالث مبلوش بالمخدرات
و خلو كمان انعمى عمي ..................و فلس كمان

اي سلامتكم اللهي و اذا حدا منكم بدو مستشفى
بس يقلي لانو الوضع هون صار محرج للغاية
على كل حال سلامتكم يا رب..................




و نتابع اخبار الموسيقا المخووته
و المخدرات المفلوتة
وعجبي
خليــل
23-02-2006, 07:57
يعني من اول ما شفت اسم جورية على اخر مشاركة بهالموضوع توقعت شو ممكن يكون ردها ;)

تحياتي
moodystar
23-02-2006, 12:34
منشان الرب ماحدا يجبلي سيرة الشيخ إمام لهون ... سترينجر خانم بشرفي بستعير عفريتك عفيف و بعضك من أدانك هه ... ما بئا بتحكي عنو هون ...
سيمو الرايئ تسلملي عينك ... عندي ياهون كل غنيات سكوربيوزنز و البينك فلويد ... غرامي القديم هاد اقل منها ... بس خلص شي يوم منسمع شي غنية سوا
اتسعت ... رح اسمع اليوم المسا الألبوم و اعتبرو اهداء منك و مارح افقدا لأمل ...ولو ...بس بتعرفي أنا ما بحفظ أسماء الألبومات و حتى ما قراتك شو كاتبة ... شي انو فهمت انوا الئصة عن البينك فلويد يمكن لأنو متل ما بتعرفي ( الحب أعمى)
عابر الزمن
23-02-2006, 12:42
http://www.shabablek.com/vb/showthread.php?t=39368
:asefff: :asefff:
RMK
23-02-2006, 14:18
حطولنا روابط ليش مو حدا معبرنا
عبق الشام
23-02-2006, 14:24
هلأ أنس أنت عم تدور على الألبومات عن طريق الغوغل ولا عن طريق برامج ال p2p (file sharing
ولا ملفات الtorrent?
Mido _ Ksa
23-02-2006, 14:26
موسيقي بتجنن

بس اول مره اسمع ان فيه موسيقى تخدر !!!!

يمكن يكون تخدير مباح مثل الي بيعملوا بالعمليات الجراحيه :)


شكرا


حمووودي
الفكر الحر
25-02-2006, 22:41
هل أنت هكذا دائما؟! طرحت سؤال فقررتي عدم الإجابة و من ثم أجبتي مع لهجة هجومية و أكنني انتقدتك أو هاجمتك أو لا قدر الله أسأت إليك!

أهكذا تتحاورون و تجاوبون على الإسئلة في هذا المنتدى؟!

غريب أمرك والله!
moumen alsawady
26-02-2006, 00:40
أخطر شي بهالموضوع، اللي بيسمعوا هالموسيقا ليحولوها نمط معيشة.
و أكبر دليل اتطلع عنا هلأ بالشارع و شوف الربجية و المتلجية و الروكجية...من طريقة لبسن و حركاتن و قصات شعرون بتعرف شو إصتن عالحارك.
شو عم يصير ياجماعة؟ يعني ما بيصير نسمع هالأغاني لمجرد التسلية؟ ضروري يكون في تخدير و مخدرات من وراها؟
هههههههههه أصدق تعبير انحكى عن هالموسيقا اللي آلو :
EMINEM
HIS THOUGTS ARE WACKED
HE'S MAD SO HE'S TALKING BACK
TALKING BLACK
BRAIN WASHED FROM ROCK AND RAP

هي بيأولولها ...و شهد شاهد من أهله.
اتسعت
26-02-2006, 01:45
هل أنت هكذا دائما؟! طرحت سؤال فقررتي عدم الإجابة و من ثم أجبتي مع لهجة هجومية و أكنني انتقدتك أو هاجمتك أو لا قدر الله أسأت إليك!

أهكذا تتحاورون و تجاوبون على الإسئلة في هذا المنتدى؟!

غريب أمرك والله!


اعذرني عزيزي، لم أرد أن تفهم ردي بهذه الطريقة.
لقد قررت أن أرد عليك لأنني كنت متحمسة (كطفلة نسألها عن شيء تعرف جوابه وترفع يدها بحماس وتشوق لأن ترد هي قبل غيرها). هذا كل ما هنالك. لا هجوم ولا حرب. اعذرني، حماسي بالرد كان أعوج وفهمته بأنه هجوم. لقد فرحت بسؤالك ولم أعتبره نقد.

هي تحية سلام كبيرة بيضاء. لا أريد أن تكون الموسيقا مكان اصطدام ولا أريد أن يكون هناك خلافات حولي فأنا مبتهجة نوعاً ما هذه الأيام... :D :asefff:
سامحني ولا تزعل، وأهلاً فيك بأي موضوع من موضوعاتي.
عابر الزمن
26-02-2006, 02:02
اعتقد بأن مجتماعاتنا ليست بحاجة الى الموسيقا التخديرية..!!.
(يكفي ما في العقول من مخدر ) ::(
اتسعت
06-03-2006, 12:18
أغنية : Pillow of winds
متميزة برقة أصوات آلاتها، عظيمة من أجل الاستلقاء والاستمتاع بقيلولة بين الغيوم . هي أغنية للصباح بالنسبة لي رغم أن كلماتها تعني الليل. هي رائعة ولكن بشرط أن تبتسم شفاهكم لهواء السماء وأن تقهقه عيونكم لمداعبة أشعة الشمس. خذوها واسمعوها مع جرعة هواء نقي، مع شهيق وزفير عميقين ومع رغبة بتلوين كل أسود ورمادي. هي هديتي.

http://s52.yousendit.com/d.aspx?id=2GKJR7G9X52HJ3FKNW94PI29C4


A cloud of eiderdown
Draws around me
Softening a sound.
Sleepy time, and I lie,
With my love by my side,
And she's breathing low.

And the candle dies.

When night comes down
You lock the door.
The book falls to the floor.
As darkness falls
The waves roll by,
The seasons change
The wind is wry.

Now wakes the hour
Now sleeps the swan
Behold the dream
The dream is gone.
Green fields are calling
It's falling, in a golden door.

And deep beneath the ground,
The early morning sounds
And I go down.
Sleepy time, and I lie,
With my love by my side,
And she's breathing low.

And I rise, like a bird,
In the haze, when the first rays
Touch the sky.

And the night wings die.
moodystar
08-03-2006, 03:08
كيتار ناعم كتير حلو ... شكرا ...
candybars
08-03-2006, 06:42
سؤال جدير بالطرح... ليش ما في موسيقا عريبة مخدرة... شو يعني موسيقى بتخدر؟؟؟
الأجواء اللي بتحطنا فيها موسيقا البينك فلويد ناتجة عن تأثير المؤثرات الصوتية المستخدمة.. و هالشي طبعاً ترافق مع تطور التكنولوجيا لما بلشت تطلع الألات الموسيقية الكهربائية.
و اذا منرجع شوي للتكنيك الأغلب المعتمد بشغلن واللي هو البيدالات(المد الصوتي عا تون واحد ثابت ) الطويلة عا تون واحد فينا نربطو كمان مع كزا نمط بيستخدم التقنية نفسها. مثلاً: بعض الطقوس الكنسية بتعتمد اعتماد كبير عا البيدالات الصوتية الطويلة و للي بيجي فوقها لحن بيرتجل و بيرجع للتون تبع البيدال الطويل نفسو. مثال تاني: بالموسيقا الشرقية لما التخت الشرقي بيمسك بيدال و بتصير ألة معينة متل الكمان أو القانون (بتفرد ) متل ما بيقولو . في أمثلة كتير عديدة من ثقافات مختلفة.
هون بيجي لب الموضوع...لما منسأل ليش ما في موسيقا عربية بتخدر.. و رح ترجم السؤال هاد لشي ادق علمياً ليش ما بيكون تأثير الموسيقا العريبة مشابه لتأثير البينك فلويد مثلاً
أهم سبب هو الأختلاف الجذري للألات المستخدمة!
و برأيي من الأصل لا تجوز المقارنة و لا يصح السؤال لأنو هالسؤال متل اللي عم يسأل ليش طعمة البردقانة مو متل طعمة الكوساية محشية!!!

بالمقابل اذا استخدمنا التقنيات الألكترونية بالموسيقا العربية أو الموسيقا اللي الها طابع شرقي رح تعطي تأثير(مخدر) تماما متل تأثير البينك فلويد .. و بالحقيقة بعض التجارب فاقت خدراً البينك فلويد لأنو المقامات الشرقية ساحرة و واسعة الأحتمالات و المجالات.
مثال عا هالحكي تجربة موسيقي اسمو ظافر يوسف... ظافر في الو عدو ألبومات متداخل فيها الطابع الشرقي مع المؤثرات الصوتية الألكترونية اللي فعلااااااا بتعمي عمي من أد مو حلوة
اللي عندو اهتمام يسمع هيك تجربة فيو يدور عا سيديات ظافر يوسف (dhafer yousef ) و أكتر البوم محبب الي هو Digital Prophecy و إن صحت الترجمة (نبوءة رقمية) و هاد لينك عن الألبوم
http://www.bbc.co.uk/music/jazz/reviews/youssef_digital.shtml
و لمزيد من التوسع بحب خبركن انو المهلوس الحقيقي اللي اشتغل مع ظافر عا اعطاء هالموسيقا
هالقدر العالي من الهلوسة و الجنان و الجمال هو Bugge Wesseltoft .. هاد الزلمة اللي ورا كل الخدر اللي بشغل ظافر... طبعاً ظافر بس تسمعوه رح تعرفو مقدراتو كمان يعني ما عم قلل بنوووووب من قدرو... عليه صوتتتتتتتتت.!!!!!

تحياتي الكن و شكرا الك يا اتسعت عا فتح مجال لنقاش من هالنوع... اسفة للإطالة
اتسعت
08-03-2006, 13:07
ههههه، كاندي بارز، عندي تقريباً كل ألبومات ظافر يوسف.
أنا بسمع موسيقا صوفية كتير. ههه، أصلاً وقت كنت عم احكي
إنه في موسيقا عربية إلها نفس التأثير، كان قصدي ظافر يوسف
وغيره مثل فرقة وشم وهي فرقتي المفضلة.

بين قوسين : (ضرب الشيش، الميلوية أو ما بعرف كيف بتنلفظ، الدربيش،
الموالد المصرية يلي كنا نشوفها بالأفلام يلي ببلشوا يدوروا وبيذبحوا أرنب
بالأخير وبيوقعوا بالأرض، كل هي الأنواع من الموسيقا
والاحتفالات الدينية، أو السحرية إلها تأثيرات مشابهة لتأثيرات البسيكاديلك ميوزك).

كتير منيح توضيحك عن المؤثرات الصوتية ولعبة البدالات
(بالعربي بسموهم الدواسات، يمكن، لأنهن متل
دواسات البسكليتات). بس كمان مزبزط حكيك،
يمكن ما لازم ندور على مقابل للبسيكاديلك
مويوزيك بالعربي لأنه مختلفة تماماً.

وهي أغنية للي حابب يتعرف ع هيك موسيقا بس ع شرط
بعدين بنرجع لنفس الموضوع لأنه لسا في فرق تانية تصنف
بنطاق الموسيقا "المخدرة".
هي الغنية من ألبوم
Electric sufi
ل ظافر يوسف ألبوم 2001

بصراحة أنا ما كتير بحب هي الغنية بالذات، في غيرها أحلى بكتير بس
هي الغنية كتير منيحة مشان تورجي قدرات صوت ظافر يوسف.

http://s38.yousendit.com/d.aspx?id=26R19LF1603OD1CW4MPC9317IA
stranger
08-03-2006, 13:47
فعلاً أسلوب Dhafer Youssef ساحر ومميز ، كما أني معجبة بZad Moultaka وAwaze kurdiفي Dalshad مقطوعةZigeuneisenبتجنن بالكمان المميز فيه أما
Khaled AlJaramani, Serge Teyssot-Gay فهناك مقطوعة أجنحةwings أعجبني فيها المزج بين الجيتار الكهربائي والعود كانت مقطوعة ساحرة جداً رغم أني بصراحة لا أميل له كثيرا لكن المزج جميل ومميز بحق أيضا في نفس الألبوم هناك خارج الجدران .
out of walls
moodystar
08-03-2006, 14:42
ظافر ... الحنجرة الذهبية
RMK
08-03-2006, 22:59
لك اتسعت جننتينا الموقع مسكر بالسعوديه عم تجاكريني الله يسامحك( وش زعلان و مفلوج )
اتسعت
09-03-2006, 01:37
ر م ك،
أنا من أقارب أبو جهل إذا سمعان عنه :tongueee: . يعني
لولا أنه سيمو عطاني هال لينك، إي كنت بحياتي
ما عرفت كيف بدي ساوي مشان هيك عمليات معقدة.
ما بعرف شو لازم استعمل مشان سمعك هالأغاني.
يعني متمناية كون حربوئة أكتر من هيك :lahlah: واكتشف "لحالي"
المواقع الغير ممنوعة بالسعودية ولكن متل مانك شايف،
ضليت شهر أو أكتر بالمنتدى لحتى اكتشفت أنه في هايد بارك
لكل عضو، وفوق الشهر، أخدت نص شهر لاكتشفت أنه الواحد فينه
يحرر أو يعدل إجابة ما، خخخ وفي شغلات لسا ما بعرف ساويها وعم
استنى اكتشف لحالي مشان ما يضحك علي يلي بدي اسأله.
إذا بتعرف إنت موقع مسموح بالمملكة المعظمة فتفضل ونورني.
أنا لا أعرف غير هذا الموقع صدقني وأنا قليلة حيلة بأمور الانترنت
(مبتدئة بس مالي خلق فوقها).

سامحني عزيزي، بدك تعطيني الحل أنت أو يلي بيعرف.
أنا آسفة جداً ولكن أوعدك إن أعطيتني اسم موقع مع شو يلي
لازم اعمله، يعني متل ما عمل سيمو، على طول ببعتلك الأغنيات.
ولكن حتى هذا اليوم، اعذرني :asefff:
candybars
09-03-2006, 04:54
شو يعني هايد بارك خخخخخخخخخخ
RMK
09-03-2006, 13:21
لا تزعلي مني جربي هاد
http://www.9q9q.com/

http://www.lahdah.net/
اتسعت
23-03-2006, 14:38
سيمو سؤال إذا سمحت:
الرابط يلي عطيتني إياه من زمان في موضوع سترنجر (إلى محبي نصر شما) www.yousendit.com تنتهي مدته بعد سبعة أيام من تاريخ استعماله.
هل تعرف رابط آخر أستطيع تحميل أغاني عليه من مكتبتي الشخصية إلى المنتدى دون أن تنتهي مدة صلاحيته؟؟؟
شكراً
اتسعت
اتسعت
23-03-2006, 14:41
لا تزعلي مني جربي هاد
http://www.9q9q.com/

http://www.lahdah.net/


ماني نسيانة ر م ك
بس لا تيأس
Seemo
23-03-2006, 15:01
تحياتي اتسعت....

جربي الموقع هاد http://rapidshare.de

سبق أن أنزل الأخ مبارز شرح مفصل عن كيفية التحميل من و الى الموقع المذكور..سأقوم باقتباس طريقة الرفع من مشارة الأخ مبارز بالاضافة الى وضع رابط الموضوع لمعرفة كيفية التنزيل منه .


5- كيف أقوم بالرفع للرابيدشير ؟

تقوم بالرفع لرابيدشير عن طريق الخطوات التالية :-

- الدخول إلي الموقع التالي http://rapidshare.de وفي النصف العلوي من الصفحة نجد زر يحتوي علي الكلمة التالية ( Browse...) فنضغط عليه.

- نقوم بتحديد الملف الذي نريد رفعه ثم نضغط علي Open.

- يعود بنا إلي صفحة الموقع الرئيسية فنضغط علي كلمة Upload.

- يبدأ الرفع للموقع ويظهر لنا الشريط الخاص بالرفع فننتظر حتي ينتهي.

- بعد الإنتهاء من الرفع تظهر رسالة صغيرة مكتوب بها " File uploaded! Scroll down for your download-link. " فنضغط علي " Ok ".

- يقوم المتصفح بتغيير الصفحة تلقائياً وتظهر لنا صفحة جديدة فننزل إلي آخر الصفحة فنجد في آخرها وصلتين إحداهما ( Download link ) أي الوصلة التي يمكننا من خلالها التحميل من هذا الملف والثانية ( Delete link ) أي الوصلة الخاصة بحذف هذا الملف من الموقع نهائياً وطبعاً نحن نستخدم الوصلة الأولي فقط.



و هذا هو رابط الموضوع الأصلي لمعرفة كيفية استخدام هذا الموقع .
http://www.shabablek.com/vb/showthread.php?t=42543

تحياتي
اتسعت
23-03-2006, 15:10
شكراً كتير (مبدئياً). الشرح واضح جداً بس بالتطبيق إلا ما خبص بقى انتظر رجعتي مرة تانية:asefff:
تحية كبيرة كتير سيمو وشكراً لسرعتك بالرد.
fifo
25-05-2006, 00:37
pink floyd.......أحلا فرقة بالعاااااااااااااااالم و يللي ما شاف ذا وول الفيلم كمان راح علي نص عمرو فيلم جنان رسمي يعني روجر مفجر كل عقدو بهالفيلم....
لكن قليلة Comfortably Numbشو حلوة....
أحلا موود مع البينك فلويد....
اتسعت
25-05-2006, 22:13
مرحبا ..

الرابيد شير مشكلتو بالداونلود ...

بطيء, وبمعظم الأحيان ما بيسمحلك تنزل إلا بعد ما تسنتنى فترة (شي ساعة مثلا) .. والسبب مثلا أنو بيكون حدا فايت (شغال على نفس البروكسي تبعك) ومنزل من الرابيد شير .. آم الرابيد شير بفكرك انت وبيمنعك تنزل الا بعد ساعة .. عاملي عقدة الرابيد شير لحتى بالآخير اشتركت فيه بمصاري :(

اتسعت اذا بدك بعطيكي حساب FTP من موقعي ترفعي عليه الأغاني وتحطي اللينكات هون ...

مع العلم انو هي الفايلات ممكن تبقى فترة طويلة كتير على سيرفري بس مو للأبد يعني .... شي سنة زمان مثلا ...

بس يعني أحسنلك ما تعدي تحت رحمة المواقع ال free يلي بتعد تتفأس عالعالم ..

سلام
رغم إني بفضل مواقع الفري بس مزبوط حكيك، صعب الداون لود من رابيد شير. مع إنه انبسطت كتير لأنه سهل استعماله. أنس أنا برضى بعرضك السخي، شكراً إلك :tongueee: آسفة عالتأخير بس نسيت الموضوع تماماً. اليوم شفته لأنه حدى علق عليه وقلت لابتعت هدية إلك ولسيمو بمناسبة مساعدتكن بس ما إلكن نصيب :shlon: