المساعد الشخصي الرقمي

عرض الإصدار الكامل : .. بحياتها ماصارت !!! ولارح تصير ...

pianist
09-05-2007, 10:20
إلى جميع الأصدقاء والأحبة في هذا الموقع عامة ..
وإلى جميع الموسيقين خاصة .. صباح ومساء الخير .
اما الشغلة اللي بحياتها ماصارت ولارح تصير فهي أني مستعد أني ارسل لأي صديق أي نوتة موسيقية ومجانا !!!!!!!!!.... sh:eye
يعني بس عطيني اسم القطعة اللي حابب تعزفها واسم العازف أو المؤلف وبريدك الألكتروني وخليي الباقي عليي ....

مع تحيات البيانيست ....:cool:
حوراني مهاجر
09-05-2007, 14:11
ولله يا اخ بيانو يا ريت ازا فيك ترسلي مقطوعة بحيرة البجع لبيتهوفن
ي ريت ترسلها على الاميل وشكرا
pianist
09-05-2007, 16:30
والله ياحبيبنا ياحوراني مهاجر...للأسف مبين عليك شوي عم تتسلى ...

أول شي اسمي ليس بيانو
تاني شي بحيرة البجع ليست لبيتهوفن
تالت شي لو كنت بتعرف بحيرة البجع ماكنت طلبتها لأنو بحيرة البجع لاتعزف بالكامل الا بواسطة اوركسترا يفوق عدد افرادها ال80 عازف
حوراني مهاجر
10-05-2007, 09:58
انا كنت بفكرا لبيتهوفن وانا فعلا ما سمعتا بس حكولي عنا كتير
ولذلك طلبت منك انو ترسلها
وثالثا انا ما عم اتسلى
وعلى العموم الحق مو عليك الحق اللي وجبك
sn_vchatAdmin
10-05-2007, 13:01
انا كنت بفكرا لبيتهوفن وانا فعلا ما سمعتا بس حكولي عنا كتير
ولذلك طلبت منك انو ترسلها
وثالثا انا ما عم اتسلى
وعلى العموم الحق مو عليك الحق اللي وجبك
العضو حوراني مهاجر:
هذا تحذير من الاستمرار وتكرار هذا الاسلوب في تجريح الأعضاء نتيجة نقاش في المنتدى .
ادارة المنتدى ترفض هذا الاسلوب وهذه اللهجة

ادارة المنتدى
pianist
13-05-2007, 10:35
شو شباب .... مافيكون حدا بدو شي نوتة موسيقية ... الله وكيلكون قبل النت كنت سافرعلى لبنان خصوصي مشان النوتات الموسيقية وكنت وصي على كتب من كندا وفرنسا ولندن وادفع حق الكتاب الواحد بلاوي زرقة ...
يالله على كل حال .. حبينا نصبح على الكل ... صباح الخير
موسيقى الحب
12-08-2007, 23:43
اذا تأدر انا بدي كسارة البندق ل تشايكوفسكي .. مع الشكر
rdan
13-08-2007, 03:43
شكرا الك اخ بيانيست والله انت ثروه موسيقيه هون ..واكيد رح يحتاجوك كتار من الشباب مشكور على كرم اخلاقك