أضحك ............نكت وبس

الحلقة الأولى

في مرة طيارة وقعت فوق غابات الامازون ماتو الركاب و بقيوا 3 ركاب واحد امريكي و واحد روسي و واحد عربي كمشوهن قبيلة هنود حمر و بدهن يحطوهن على الخازوق و بعد مفاوضات اتفقوا انو الشباب بيسألوالهنود كل واحد سؤال اذا عرفوا يجابوه بيحطوه على الخازوق و اذا ما عرفوا بيتركوه يروح اجا الامريكي سالهن حزركن مين هذا كريستوف كولومبوس اجتمعوا الهنود شي ساعتين وقالوله هذا اللي اكتشف امريكاقالهن صح و حطوه على الخازوق اجا الروسي سألهن مين هذا لينين كمان اجتمعوا شوي و قالوله هذا اللي اسس الشيوعية قالهن صح و كمان خوزقوه اجا العربي قلهن حزركن شو هاي الجامعة العربية فكروا شي نهارين و ما عرفوا قالوله ما عرفنا شو هاي الجامعة العربية قالهن هدول متلكن بيجتمعوا بيجتمعوا و بيطلعو بيخوزقوا العالم



في واحد حشاش ماتت حماته فراح لعند بياع القبور وقلو بقديش القبر وشو الاسعار ؟فجاوبه البياع بالميتة بالميتة 5000ليرة قام قلو الحشاش واذا الميتة من عنا .............



قال في واحد كبروا بنات ادانيه راح جوزون.........



في واحد حمصي كان عم يدهن الباب قالتلو امو لك يا ابني حط تحتك جريدة قام قلا معليش ماما وصلان هيك..



في واحد عنيد قالوا له في واحد أعند منك روح شوفو راح الزلمي لعندوا .. دق الباب عليه فسأله الأعند : مين ؟؟ فقال له : أنا فرد عليه :لا ما انت…



في واحد حمصي راح عالمطعم و نادى للكرسون و سأله عندك أرجل ضفادع؟ جاوبو الكرسون :اي . قام قلو الحمصي : لكان نط عالمطبخ و جبلي فروج



في رجل كتير نزق تزوج من مرة كتير نزقة ام جابو ولد دفش ايدا للداية وقلها تركيني بنزل لحالي



شو الفرق بين العنزة الجاهلة والعنزة المتعلمة؟ العنزة الجاهلة بتقول ماء اما العنزة المتعلمة بتقول H2o



تم توجيه التهمة الى اثنين من الحماصنة حول تفجير مبنيي التجارة العالمي و في التحقيق اعترفا الحمصي الاول انه شارط زميله ان كان باستطاعته المرور بالطائرة بين "العامودين"



كان في واحد حشاش ماشي على الرصيف بجانب كولبة شرطة لما وصل قدام الكولبة قلو الشرطي انزل من ع الرصيف ولاه حمار ، ام رد الحشاش : لا تقول رصيف ولاه



اتنين حماصنة راكبين طيارة اجا واحد فيق رفيقه اللي معو : أوم بسرعة الطيارة راح توقع رد عليه رفيقه : توقع لستين جهنم ، شو طيارة أبونا



قال في جماعة حشاشين دخل عليهن واحد صاحبن صحيان قام قلن هلأ جاي الشرطة سامعين قام كلن صاروا يقولوا مع بعض سامعين تمانين تسعين........بس لما بتجي الشرطة ما بتجيبوا سيرتي قاموا قالوا سيرتي فورتي ففتي...



سألو واحد بدوي: شو أخبارك مع الصيام؟ قلن والله لولا الوضوء كنا متنا من العطش



بدوي ضل أربع شهور من غير حمام كشفو عن راسو لقو القمل عم يصلي صلاة إستسقاء



آل كان في تنين حشاشة نايمين على الرصيف آم أل واحد للتاني خود عليك شوي آم رد عليه التاني شو بدك ياني نام بالشارع؟؟؟



آل في واحد مستشرق راح على حمص آم رجع مستغرب...



في مرة واحد حشاش وقف تكسي قلو فاضي.. قلو اي فاضي.. قلو نزيل نلعب شدة..



واحد حمصي قال لرفيقوالحمصي ولك يازلمة صاير ما عم احسن نام بعد ما اشرب قهوة فقالو رفيقو انا صاير معي عكسك تمام بعد مانام ما عم احسن اشرب قهوة



قال كان في مجموعة حماصنة ماشيين في منطقة جبلية وقع واحد منهم بوادي فقال:الحقوني!!....... قام نطوا الحماصنة معه عالوادي



في صرصور تقاتل مع أم أربع وأربعين.....قام ما عاديعرف الكف من وين يجيه!!!



مرة كان في صرصور مات من الضحك...ليش؟ لأنو اللي عم يضربه بالشحاطة احول

__________________