|
|
|
|||
05-02-2004, 12:00
|
||||
|
||||
يعدمني ياكن ....
لكل شيء بداية و نهاية...و كما بدأت اجازتي منذ ما يقارب عن شهران و نيف ها هي الآن تقارب على الانتهاء ...
ايام جميلة في مجملها و لكنها لا تخلوا من بعض المنغصات ... تعرفت على اصدقاء كثر هم من ضمن فريق شبابلك و كان لقائي بهم الاول و تعرفت على اصدقاء كثر من خارج صفحات شبابلك ...سعيد جدا انهم اصبحوا اصدقائي و فخور بمعرفتهم لانهم اناس يرفع بهم الراس عاليا ... في بداية اجازتي التقيت في احد مطاعم دمشق بمجموعة من اعضاء شبابلك كان اللقاء قد تم للترحيب بي ...سعدت جدا بذلك و سعدت اكثر بلقائي بهم لا اريد ان اخوض كثيرا بما جرى ضمن اللقاء و لكنني اريد تسليط الضوء على امر جرى ضمن الجلسة ما ميز الجلسة هو انني الوحيد بينهم لم يطلب اركيلة او كما يقال عنها نرجيلة ...رحت اتحدث معهم عن ذلك و كيف انني اعتبر ان من يدخن اما الاركيلة او الدخان العادي هو انسان غير واعي لما يفعله و هو يضر نفسه و الاخرين ...قالت لي احدى الصديقات يعني شو بدك تسوي كلنا بدنا نشرب اركيلة ...فقلت لها ممازحا بدي اكتب موضوع في شبابلك سيكون عنوانه يعدمني ياكن انتو و الاركيلة اللي عم تشربوها كلكم....راح الجميع يضحك .... ما يحزنني الان هو انني قلت تلك الكلمة ممازحا فقط ليس الا ...و ها هي الان الكلمة التي اضحكت الجميع تبكيني ...انا وحدي اشعر ان الزمن بدأ يخنقني بل بدا يفلت من بين اصابعي ...و كانني لا استطيع فعل اي شيء عاجز تماما عن ايقافه و كاني به كلما حاولت ذلك يزيد من سرعته هل فعلا انا اتمنى ان يفرق الله بيني و بين هؤلاء الاصدقاء الرائعين ...طبعا لا ربما قلتها يوما ممازحا يعدمني ياكن ...و لكنني اقولها اليوم جادا ...الله يخليلي ياكن اصدقائي بل اخوتي الاسبوع القادم اغادركم الى المملكة العربية السعودية في رحلة جديدة لبناء الذات ...اتمنى للجميع دوام الصحة و العافية فهي اهم شيء في الوجود و اتمنى لكل من اعرفهم و من لا اعرفهم ان يحققوا امنياتهم مهما كانت صغيرة او كبيرة و اتمنى ان نبقى على تواصل دائم فمندونكم تصبح الحياة بلا معنى او قيمة شكرا لكم جميعا ...شكرا لكل من اتصل بي شخصيا و تقبلوا فائق تقديري و احترامي و يعدمني كل الاراكيل ان شاء الله 
__________________
الوحدة قاتلة الا مع الله الكلمات الجميلة تشبه أصحابها
|
| إعلانات - مواقع مفيدة | |
|
الراعي الرسمي
رقم العضوية : 2
محل السكن: المنتدى
آخر تواجد: اليوم
|
|
|
05-02-2004, 15:20
|
||||
|
||||
اتمنى لك التوفيق من كل قلبي اخ جمال......... والأوقات الجميلة التي امضيتها في ربوع الأهل والأحباب تمضي سريعا" والوقت يدق معلنا" عن ساعة الرحيل.......
بصراحة كنت حابب شوفك كتير واتعرف عليك بس للأسف انا ما خبرت بالجمعة الحلوة يلي عملتوها .......وأن شاء الله في مناسبة اخرى................. ومرة أخرى بتمنالك كل خير والله يوفقك ويوفقنا جميع..............
__________________
... ببساطة أنا قــتيبــة .. وبلغــة أبـــسط .. أنــا إنــســان خــارج النــص ... ... الإسم واحد .. التاريخ واحد .. العشق واحد .. والحكاية ما زالت في البداية ... ... جنـــــــــــــــــــــون يــــدعـــــــــــــى الــــيـــــوفـــنتـــــوس ...
|
|
05-02-2004, 17:13
|
||||
|
||||
يعدمني ياكن !!!!!!!!!
مممممممممممممم عمو جمال جد انت من الاشخاص المحترمين جدا
والله انك اكابر كتير بكل معنى الكلمه ونحن اكيد مامنحب كلمه وداع او هيك بس هي الدنيا رح ترجع لحياتك وليوم الجمعه الي بتقعد بتطبخ فيه  طبخات مو معروفه شو هيجد مافي منك ومن احترامك انشالله تكون كمان بالصيف بالشام مع انو الشام بالشتاء احلى ولا تقول انك وحيد لان كلنا معك ومشان الاراكيل انا مابدوقها مو ؟؟؟وعمو جمال اكيد رح نضل على تواصل هون وهيك وتروح وترجع بالسلامه ويعدمني ياكن جد كتير حلوه منك لما تقولها :( تحياتي الك نسرينا
__________________
تساءلت: لماذا الأيام الجميله تكون دائما في الماضي ... ؟! قال: ربما لانشعر بها الا بعد مرورها ... يعني لانشعر بها ونحن نعيشها
|
|
05-02-2004, 21:00
|
||||
|
||||
|
ممممممممممممممممم
اخو مراقهم انت شي و الله شي حلو هنن بدن ياركلو انت شو بدك فيهن  قال يعدمني ياهن قال  هو يعني بيني وبينك معك حق جمال انا يالطيف شو بكره الدخان بكل انواعو بس لا تقول ل نار البحر انا اعلنت الحرب عليه خلص حرب ضارية لا هوادة فيها و خرجك شو ما صار فيك منيح قال شو حضرتو نزل على الشام و قاعد عم يجاكر فينا على راح و اجا و اركيلة و رفقات و نحنا ملحوشين هون ما فيني قلك غير الله يخترلك الخير يارب بالسلامة ان شاء الله صحن الفتوش عم يستناك
__________________
سبحانك كل الأشياء رضيت سوى الذل و أن يوضع قلبي في قفص في بيت السلطان و قنعت بكون نصيبي في الدنيا كنصيب الطير و لكن سبحانك حتى الطير لها أوطان مظفر النواب
|
|
05-02-2004, 22:47
|
||||
|
||||
|
لولوووووووووولوووووووووووووووولييييييييييييييييييي ييييييييييييييشششششششششششششش منوووووووووووووووووووووووووور جماااااااال أفندي
 متل ما بيقولو مصائب قوم عند قوم فوائد ... بحب قلك يا أفندي حاجتك دلع و نعوصة ... قووووووووم قوووووووم بقا شو شايفك مبسوط بالقعدة الله يجيبك بالسلامة و تكون مرتب وضعك و تتسهل أمووورك و أمورنا كلنا يارب ... كنت حابب أتقابل معك بسوريا و اعزمك ع مشوار ع جبل الأربعين بس مافي نصيب ... ما تسهلت أموري ... بس ان شالله العزيمة عنا بالدمام ( عزيمة ريحاوية مو حيلااا :d ) الله يجيبك بالسلامة .... و نحنا بانتظارك ...
__________________
|
|
05-02-2004, 23:04
|
||||
|
||||
|
واخيرا أخي جمال وضع الموضوع فمنذ قولك سأضعه موضوعا وأنا أفتح قسم طيور الشام المهاجرة لأرى اذا وضعته .....
هي فعلا عادة سيئة جدا جدا ولكن لاحظت ان الأنسان اذا اعتاد عليها لن يستطيع مفارقتها .... ولكن ندعو الله أن نستطيع التخلص منها .... وفعلا كان من دواعي سرورنا التعرف الى شخص مثلك ..... ومن المؤسف ان أجازتك قد أنتهت ... نودعك بالسلامة وننتظرك بفارغ الصبر في الأجازة القادمة .... وعلى قولت نسرينووو انا مابدوقها للأركيلة ..... رشيد
__________________
I Was So WronG , When I LeT You Walk InTo My HearT
التعديل الأخير كان بواسطة : SeRpEnT بتاريخ 05-02-2004 الساعة 23:06.
|
|
07-02-2004, 20:58
|
||||
|
||||
|
هذه صورة لقطت للعضو قاسم عند الاجتماع الاخير ....
وفي هذه الصورة أحبتت ان اريكم لماذا الأخ جمال قد قال يعدمني ياكن .... هو الكل كان عم يأركل بس ما لقيت غير قاسم بوشي .... أسف قاسم .... رشيد
__________________
I Was So WronG , When I LeT You Walk InTo My HearT
|
|
28-02-2004, 03:05
|
||||
|
||||
|
و الان و بعد مضي ايام كثيرة على ذلك اللقاء
اعود اليه بذاكرتي و اعود اليه بكلماتي لم يكن سبب اجابتي على ردودكم الان هو لمجرد الرد و لكن السبب الحقيقي هو حالة الحنين التي تجتاحني لسوريا و لكل اللحظات الجميلة التي قضيتها فيها ها انا من جديد اعاني من مرضي العضال ...الوحدة و الشعور بالياس و الاحباط و عدم القدرة على الهروب الى حيث تنجذب الروح ...كطائر اضناه التحليق بعيدا و يريد البحث عن شجرة او غصن يحط عليه و يطرح من كاهله كل همومه التي ينأى عن حملها اشتقت لكم جميعا ...ربما هذه الكلمات تفسر حالتي الان نعم الآن مستعد ان اسامحكم جميعا و لن اقول لكم يعدمني ياكن بسبب شربكم للاراكيل فدخان اراكيلكم عطر بالنسبة لي الان يجعلني اتنفس قليلا الهواء بعدما اختنقت بدخان نار الغربة فاقد الشيء لا يعطيه ... و من لا يذق طعم الحرمان لا يعرف معنى الغربة هذه اللعينة التي تجعلنا في بعض الاحيان نحن الى وطننا حتى بسلبياته احيانا امقت كوني اذهب الفرن هنا في الغربة و اجلب الخبز متى اشاء بينما تنتابني حالة من المتعة عندما اذهب الى الفرن و اجدن عليه بعض الازدحام من نساء و رجال ربما هي صور سلبية في وطني و لكنها رغم ذلك نشعر بجمالتيها عندما نفقدها لا اعرف ماذا اكتب و عن ماذا اتحدث فالهذيان الفكري هو ضرب من الجنون و كم اتمنى ان اكون مجنونا بوطني كجنونا حقيقا لا يهذي و لا ينطق لا بكلمة واحدة هي سوريا و هلاء رح جاوب على ردودكم اخي جفنتوس شكرا لك و من شوي قرات موضوعك انك سافرت الى الكويت و يالله هلاء صرنا بالهوا سوا اتمنى لك التوفيق من كل قلبي اختي نسرين سعدت بلقائك و شكرا لردك اللطيف و فعلا هيك الدنيا انا اليوم فعلا بلشت اطبخ و اليوم كنت بدي اخبصها بس الله ستر لانو اخي اقنعني انو رح اخرب الطبخة ...و لا تسالي رح جاوبك ...بعد ما سويت فول ببندورة قررت انو شيف فوقهم فتات لحم فروجة كانت زايدة عندي من مبارحة يعني كان رح يصيير فول ببندورة مع لحم فروج بس الله ستر كنا خسرنا الفروج و الفول سوا و لك يا عيني على ايام العزوبية ما احلاها و مشان الاركيلة اي انتي ما بتدوقيها مو و مية مو كمان و اللي بقول غير هيك بمصع رقبته تحياتي لك نور خانم : يعدمني ياكي وينو صحن الفتوش صرلي مدري كم يوم بالغربة و ما شفت شي ؟؟!!! يبدو ما لازم اوعد حالي خلص رح وصي والدتك هي بتدعمني اكتر شكرا لك اخي انوس : كلك ذوق يا طيب و هي رجعت من جديد و الله محيك كمان عنا بالرياض و يالله بلكي على الصيفية اللي بعد هي بنلتقى بجبل الاربعين باريحا و بتعملك شي نفس اركيلة و بقلك يعدمني ياك حرام ما تسمعها مني تحياتي لك اخي رشيد : شكرا لك ايضا سعدت بالتعرف اليك و اي انت ما بتشرب اركيلة بنوب و اسال قاسم باكد هل الشي تحياتي لك و هي قاسم : مكشر على اخر عيار يا حزركم ليش لانو ما عم ياركل و ما حدا عم يقله يعدمني ياك لهيك فرحان تحياتي لك اخي قاسم تحياتي لكل من كان في اللقاء و تشاااااااااااو
__________________
الوحدة قاتلة الا مع الله الكلمات الجميلة تشبه أصحابها
|
|
29-02-2004, 19:26
|
|||
|
|||
|
أخونا الغالي نار البحر الف الحمدلله رجعتك بالسلامه والف مبروك زيارتك للوطن الغالي
اةةةةةةةةةةةةةة قديش اشتقت لسوريا يعني نقضت علي جروحاتي وبالنسبه للارجيله والله معك حق بكل كلمه قلته بس بتعرف بيني وبينك معسل التفاح غير شكلللللللللل وخاصه بسوريا ههههههه بجد فرحتلك من قلبي وان شاء الله دوم بتزور الوطن وعقبال كل مغترب ومشتاق لوطنوا يروح ويرجع بالسلامة يارب أختك:سفيرة
__________________
ترى ماذا كان يدور في ذهني أمي بعدما حاولت أن تربيني تربيةً حسنة.. عندما وقفتُ أمامها وأنا في السابعة عشرة من عُمري..مترنحةً فوق الكعب العالي متجملة بأحمرالشفاه..وخصلات شعري مقصوصة..وصوت المذياع يكاد يفجر المكان أنيت جونز وايت
|
|
02-03-2004, 09:39
|
||||
|
||||
الله يسلمك اختي الغالية سفيرة المحبين سفيرة الكلمة الجميلة
و الله يبارك فيكي يا رب و عقبالك ان شاء اله وقت اللي بتنزلي سوريا و بتكحلي عيونك بشوفتها شكرا لمشاركتك لي فرحي و ان دل هذا على شيء فانه يدل على طيبتك و صفاء قلبك تحياتي لك و شكرا للمشاركة اخوك جمال
__________________
الوحدة قاتلة الا مع الله الكلمات الجميلة تشبه أصحابها
|
 |
| عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف ) | |
| أدوات الموضوع | |
| طرق عرض الموضوع | |
|
|
|
العرض العادي
