|
|
|
|||
|
|||||||
 |
|
|
أدوات الموضوع | طرق عرض الموضوع |
15-04-2004, 00:31
|
||||
|
||||
ذكريات واحلام لن تعود........!!؟
مساء الخير
الصراحة يلي خلاني اكتب ها لموضوع هوه حنيني وشوقي لبلدي مابعرف هيك وانا آعد لحالي تذكرت بيتينا القديم وتذكرت حارتنا واهم من كل هذا الياسمين البلدي والعراتلي الذي يعرش على الدرابزين التي يصل من أرض ديار البيت حتى السطح واحواض الزريعه يلي كانت معبيه ارض الديار من البنفسج والفل والنرجس والختمية والمليسة وعرف الديك وابو تم الخ ........ ويوم كانت والدتي تصنع لنا الطائرات الورقيه وكنا نطلع على السطح لنطير الطائره ونغني اغنيه فيروز طيري يا طياره طيري ياورق وخيطان وبترجع فيي الذاكره يوم طمست بصينيه مربى المشمش  يلي كانت عاملتو والدتي وحاططتوا على السطح تحت الشمس ومغطيتو بقطعه قماش ابيض. ولا اخفيكم تذكرت مدرستي كان اسمه (آمنه الزهرية) كانت بيت عربي جميل في غاية الروعة كلها زخارف وزجاج معشق وآثار معمارية نادرة . وتذكرت اصدقائي ايام الطفولة آآآآآآه على هديك الايام. وللأسف هذه الذكريات كلها صارت فقط بالقلب لان البيت القديم انهدم والمدرسه اتوقع انوا كمان انهدمت وصار مكانون محلات تجاريه وبنايات وفلل. وفي سر راح خبركم اياه وانا عما اتذكر ها الاشياء الصراحه اتأسفت على ها الجيل الجديد يلي عما يتربى بهالشقق الضيقة يلي انحرم من صوت العصافير ورائحة الياسمين. ورجعت تذكرت الطائره الورقيه يلي بزمانو فلتت مني وانا عما العب فيها ولم تعد حتى الآن. ومرت سنوات كثيره ولهلق اتساءل ياترى الى أين وصلت طائرتي؟؟؟؟؟؟:( أمـــــــيـ™ـــــــر 
|
| إعلانات - مواقع مفيدة | |
|
الراعي الرسمي
رقم العضوية : 2
محل السكن: المنتدى
آخر تواجد: اليوم
|
|
|
15-04-2004, 09:21
|
||||
|
||||
|
حلوة الذكريات القديمة يلي بتزورنا من الماضي و نرجع نحس بهالاحساس الحلو يلي كنا عايشين فيه بهديك اللحظات ..و أنا بحب ذكريات الطفولة و الضيعة و اللعب..و أحلى الشي الوقت يلي ما كنا نحس فيه كيف يمرّ و نحنا عم نلعب و نضحك و نلهت من كتر الركض و اللعب..و لمّا ننام نحلم تاني يوم شو بدنا نعمل و شو بدنا نلعب و أنه بدنا نشتري مسكة من هي يلي شكلها ليمونة...
أنا لليوم بحب الضيعة..في شي كتير حلو بحس فيه بس أنزل من السيارة و شوف بيتنا هونيك..دغري بحس الزمان عم يركض لورا و أوصل للشجر أيام زمان و الكرز يلي ناكله بدون غسيل و شجرة التوت يلي كنا نتخبى فيها و اواعينا تتعبى توت و ايدينا و وجوهنا.. أنا بحب الذكريات و بفضلها على الواقع الحاضر..لأن حتى الذكريات يلي ما كانت حلوة..بتصير ذكرى يمكن الها الفضل بأنه نتعلم شي جديد و نوع من التجربة..و هي ذكرى.. ..و غريب كيف المكان بيترّخ الذكريات و بس لحتى نرجع لهلمكان بيناديلنا لنشوف هوا زمان .أرض زمان..دقايق زمان.. أمير العين..بدي أشكرك كتير على موضوعك لأنه كتير قريب للقلب يلي بيحتفظ بالذكريات يلي أنت حكيت عنها..و صدقني أنه الذكريات هي أحلى شي بهالدنيا..و هي الأيام يلي هلأ بتعيشها كمان بالمستقبل رح تتذكرها لأنها رح تتحول لذكريات بمشغل الزمان..و تبقى تذكرني لما بتذكر الحاضر بالمستقبل و بيكون ذكريات للماضي.. مرة تانية..شــــــــكرا"..
__________________
يستمر العــطر بمنتهى اليأس نصب غضبنا على من نحبهم ...حين نشتاق لهم..
|
|
15-04-2004, 15:05
|
||||
|
||||
|
عندك حق يا اخي .انني احيانا اتذكر الايام الماضية حيث لم اكن قد غادرت منزل اهلي الى منزلي الزوجية واحن الى تلك السهرتت في الشرفة مع اخوتي واهلي ولم يكن وقتذاك مسؤلية الزوج والاولاد ومشاغل البيت .ومع ان بيت اهلي لا يبعد عن بيتي الا10 دقائق الا انني لا استطيع ان استحضر لحظة واحدة تشبه ايام العزوبية والسهرات الطويلة ,فماذا اذا ستقول انت .......................غير ااااااااايه على ايام الماضي.
|
|
| عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف ) | |
| أدوات الموضوع | |
| طرق عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ذكريات بعيدة | RMK | بوح ووجد | 5 | 01-04-2005 01:15 |
| تصميمات الجينز تعود إلى الصدارة | karam5 | كوكتيل | 0 | 28-03-2004 19:30 |
| قناة خليفة للانباء تعود الى الهوت بيرد | batman | ستالايت | 1 | 28-02-2004 06:02 |
| بعد انقطاع دام أشهراً...الدومري تعود بحلة جديدة...ولكن..!! | الدومري | كوكتيل | 16 | 27-02-2004 20:03 |
| هل تعود .. | ابن الشام | شعر | 0 | 11-11-2001 04:11 |
|
العرض العادي
