نكت جامده طحن

>نكت جامده طحن
مخصوص عشان شموع الحب زعلانه من الغلاسه
بس اللى بيحب الغلاسه انتظرونى فى اغلس نكت حتشوفها فى حياتكم
بس المشكله انها مصرى اوى
لو حده مفهمش كلمه او مصطلح يقولى وانا اترجم على طول
حنبتدى 3
2
1
>
>واحد بلدياتنا اشترى مكيف ولما جه يركبه فى الحيطه ركبه بالمشقلب وبعدين جه
>شغله قال أوففففففف أوفففف الله يكون فى عون اللى بره
>
>
>واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان
>عندي شغل ، وحط الورق على السرير ونام صحي الساعة 10:00 فلقى ورقه مكتوب عليها
>الساعه 6:30 يلا إصحى
>
واحد راح يجري على صاحبه بيقوله الحق مراتك فى واحد خطفها ...رد عليه وقاله :
>ده حرامي ... سيبه يستاهل
>
>
>ابو العربى قابل مذيعه قالت له ان سمعت عن بطولاتك فى الحرب قالها طبعا ابو
>العربى يسد فى كل مكان فى 48 واليمن و 67 و 56 و73 والعراق قالت المذيعه طب
>هأسألك كام سؤال لو انت فى الحرب وطلع عليك دبابتين ومعاك قنبلتين هتعمل ايه؟
> هادخل عليهم وأفجرهم
> طيب لو خمسه؟
>هادخل عليم بالسلاح الأبيض طيب
>لو اربع دبابات و عشر عساكر وطيارتين قالها جرى ايه يا وليه هو مفيش حد بيحارب
>غيرى
>
>
>ضابط المرور بيحقق فى حادث... سأل الاول (صعيدي) .. فرد .. يا بية انا اديتة
>كلاكس .. واديتة انوار وصرخت فية علشان يتحرك من مكانه ومفيش فايده.. سأل
>التانى ... فرد ... يابية انا اعمل اية ، انا قاعد فى الكشك بتاعي
>>
>
>
>
>اثنين مبسوطين قوى قاعدين يعملوا دماغ قدام المراية فواحد منهم قال للتاني شايف
>الاتنين اللي قاعدين قدمنا دول ؟ قالوا ايوة قالوا دول بيعملوا زيينا بالظبط ،
>فقام قاله طب ما تيجي نروح لهم...... وهما جايين يقوموا فواحد منهم قال للتاني
>استني..هما اللى جايين خلاص
>
>
>مرة واحد نجار حب يحلق ذقنه راح حلقها بالفارة
>
>
>واحد و هو بيموت بص لمراته بصه كلها رومانسيه و قالها : انا لما اترفدت كنتي
>معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا
>جنبي ، مسك ايدها بحنيه و قالها : مش عارف ليه حاسيس انك نحس
>
>
>
>
>الزوجة: ماما .. جوزى تأخر أخاف يكون مع وحده تانيه الأم: تفائلي خير يمكن
>داسته عربيه
>
>
>واحد اتجوز واحدة اسمها نعمة باسها وش و دهر
>
>
>مسطول بيسال صاحبه النهاردة السبت ولا الاحد .. قاله الاثنين .. قالة ماشاء
>الله ، كلهم مجتمعين
>
>
>غبى سمع بخطف الطائرات راح خطف قطر القاهرة الاسكندرية وقاله اطلع بينا على
>الاسماعيلية
>
>
>مـرة واحـد طـلـع عليــة الــفــجــر
>قــــــــــــــــــتــــــــــــــــلــــــــــــ ـة
>
>
>واحد لبس شبشب زيكو...... زيكو مشى حافى
>
>
>بلديتنا عربيته اتسرقت راح القسم يبلغ بيسألوه رقم العربية كام قال 4999 قول
>خمس الالاف
>
>
>مره واحد بلدياتنا بيقول لصاحبه بكام الجزمه اللى انت لابسها دى ؟ قاله دى بنّى
>..... قاله والله رخيصه ياشيخ
>
>
>نفتح البطيخة .. يطلع منها الجني ويقول : شبيك لبيك عبدك وملك ايديك إيش تطلب
>؟؟ قاله : عاوز شقه قاله : شقه ايه ؟ قاله : شقه أسكن فيها قاله : يا شيخ اتنيل
>.. ما أنا ساكن في البطيخة
>
>
>واحد رخم اوى نزل الشارع وقف امام العمود قالة عدينى
>
>
>واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماشى
> جه على اخر الشهر لقى معاها تسعين جنيه.قالها ايه ياوليه انا مشبديكى كل يوم
>بوسه وجنيه.قالتله ماتسكت مش ابو هيثم جارنا دخل بنفرين.
>
>
>تلاته تايهين فى الصحرا وهيموتوا من الجوع والعطش ، طلعلهم جن قالهم كل واحد
>ليه طلبين بس ، الاول قال انا عايز طبق كشرى ، وكمان عايز اروّح... والتانى قال
>انا برضه عايز طبق كشرى ، وكمان اروّح زيه .....التالت طلب طبق كشرى وقاله عايز
>كمان طبق كماله
>
>
>بلدياتنا : اسكت مش محمدين القطر دهس دماغة امبارح ، رد عليه : يوووه تانى؟!!؟
>
>
>مرة واحد بلديتنا حب يلاعب ابنه رماه من البلكونة
>
>
>مره اتنين مساطيل ماشين فى الشارع واحد منهم شاف واحد واقع على الارض فقال
>لتانى مش ده محمد صحبنا قاله اه قاله مش دى عمارته قاله اه مش دى شقته قاله اه
>مش دىبلكونته قاله اه قاله طب ياله بينا نطلعه على فوق طلعوه ونزلو لقوه تانى
>مرمى فى الارض راح واحد منهم قال للتانى مش ده محمد صحبنا قاله اه مش دى عمرته
>قاله اه مش دى شقته قاله اه مش دى بلكونته قاله اه مش احنا لسه مطلعينه دلوقتى
>قاله اه قاله طب ياله نطلعه تانى طلعوه ونزلو لقوه مرمى فى الارض تانى واحد
>منهم قال لتانى مش ده محمد صحبنا قاله اه مش دى عمارته قاله اه مش دى شقته قاله
>اه مش دى بلكونته قاله اه مش احنا طلعناه مرتين دلوقتى وكل ما ننزل نلقيه تانى
>قاله اه قاله لا مش هينفع كده احنا نشوف اى حد ماشى ونسأله قاله ماشى فعدى راجل
>كبير كده فواحد منهم قاله يا عم ده محمد صحبنا ودى عمرته ودى شقته ودى بلكونته
>وكل ما نطلعه فوق ننزل نلقيه تانى قالهم خلاص انا هطلعه معاكم فطلعو هما
>التلاته واتضح انهم كانو بيحطوه على سور البلكونه
>
>
>جماعة بلديتنا عملوا اوتوبيس بالعرض ليييييه ؟؟؟؟؟ ...علشان كلهم يقعدوا قدام
>
>
>المدرس : يعيش السمك فى الماء... التلاميذ:يعيش يعيش يعيش
>
>
>واحد مستعجل اتجوز واحد مستعجله خافوه ولد مش فاضيلهم
>
>
>نمله راكبه جمل وبتصررررخ ياترى ليه بتصرررخ ليه ؟؟
>علشان شبشبها وقع
>
>
>نجار مسطول قاعد يصلح الترابيزه عشان ملخلخة قام مطلع العده بتاعته وكيس
>المسامير.مسك مسمار لسه جاى يثبته راح المسمار وقع.... قاله النجار اطلع احسنلك
>مطلعش ، قاله بقولك اطلع مطلعش قاله ماشى....راح ماسك كيس المسامير ورمى
>المسامير فى الارض و قالهم..... هاتوه
>
>
>واحد لقى صاحبه بيجرى قاله بتجرى لية؟ قاله أصل مراتى بتتوحم على ترمس وأنا
>خايف للواد تطلعلوا ترمساية فى وشة.... فرد عليه متخفش ، مـأنا أمى كانت بتتوحم
>على أسطوانة وأبويا مجبهاش... جرالى حاجه.... ,جرالى حاجه......,جرالى حاجه
>
>
>مرة واحد مفلس صحى الصبح فتح الدولاب لقى عشرين جنية قال اية عشرة هجيب بيها
>كباب والتانية حشيش فجاة الباب خبط قال مين قالة بوليس ام جاى رامى العشرة جنية
>من الشباك
>
>
>مرة واحد ظريف عاش في الدور.واحد أظرف منه عاش في الدور اللي فوقه
>
>
>خمسه صعايده سموا نفسهم الفرسان (الثلاثه)؟
>
>
>مرة واحد تعب من المشى طلع يجرى
>
>
>ليه الصعيدى بيربي شنبه ؟؟؟؟؟؟ علشان الدبانه تمسح رجليها قبل ما تدخل
>
>
>مره واحد قهوجي اشتري عربيه طلع الكراسي بره
>
>
>اتنين بلديات ماشيين في الصحرا و معاهم باب ، طلع عليهم أسد فواحد راح حطت
>الباب و مستخبي وراه ، التاني اعد يخبط على الباب و يقوله أفتح يا جبان أفتح
>
>
>واحد بيعاكس مراته قالها :لو شافوكى في الهند كانوا عبدوكى ، قالته:ليه يا
>حبيبي شايفني ملاك ؟ قالها: لا بقرة
>
>
>مرواحد كهربائى سخن ركبولو طرنس
>
>
>البدو فى الصحراء بيركبوا ايه ؟ بيركبوا ((إبل)) فيكترا
>
>
>مرة واحد ندل وصى ولادة وهو فى غرفة الانعاش يكونو ا اندل منه ، راحو فصلوا عنه
>جهاز الاوكسجين
>
>
>مجموعة من بلدياتنا ماتوا غرقانين فى غواصة وبعد التحقيق فى الحادث اكتشفوا ان
>واحد منهم سمع خبط بره راح فاتح الباب يشوف مين.....؟؟
>
>
>مرة اتنين ماشيين فى الشارع الاول بيقول للتانى حاسب العامود يا
>رمضننننننننننننننننننن
>
>
>مرة واحد حشاش ماشي مروح قابله البكس الظابط بيقوله اركب قاله شكرا ياباشا
>البيت قريب هناك اهه
>
>
>في واحد دلوووع اوي اتجوز وحده دلوعه اوي خلفو ولد سموه
>ياااااااااااااااااااااااااي
>
>
>سواق داس بنزين موته...!ـ
>
>
>نفس السواق ضرب فرامل ...أغمي عليها !!!ـ
>
>
>نكته مستخبيه ورا الباب ليه ؟ ............... خايفه يشفوها يضحكوا
>
>
>سواق لوري محمل فراخ ومعاه بغبغان . شاف بنت حلوة بتشاورله يوصلها ، ركبت معاه
>وحاول يبوسها فرفضت فقالها أبوسك يا تنزلي فنزلت.. لما وصل السواق مشواره لقي
>فرخة واحدة هي اللي فاضلة والبغبغان بيقولها أبوسك يا تنزلي
>
>
>ترزي مراته قصيرة فك التانية بتاعتها
>
>
>راجل بيقول لمراتة مش قولتلك يا ولية تصحينى الساعة 6 قالتلة معلش ياحبيبى اصل
>جيت اصحيك لقيتك ناايم
>
>
>ابو العربي اشترى اتنين كيلو سمك طلّع منهم سته كيلو بطارخ
>
>
>أربعة صعيدة بيلعبوا علي الطريق الصحراوي..الل تخبطه عربية مرتين يطلع بره
>
>
>مرة جماعة بلدياتنا غارو من البلد اللى جنبهم علشان بيتقال النكت عليهم ...
>فقالوا احنا نعمل حاجة تكون جامدة قوى علشان يتقال علينا نكت, فطلعو على جبل المقطم
> ورمو سنانير علشان يصطادو, شوية وبصّوا لقو الجماعة التانية راحو قالعين ونطو
>من فوق
>
>
>كمسرى ماشى فى جنازة بيقول يا جماعة الجنازة فضيا قدام
>
>
>

__________________