|
|
|
|||
21-11-2007, 07:10
|
||||
|
||||
من بعيد .. وعلى شو !!
شو يعني من بعيد ؟ وشو هو اللي من بعيد ؟ ليش وينك إنت ؟ ومن هون لوين هو بعيد عنك ؟ إنت هون ؟ هنيك ؟ لما لا هون ولا هنيك بس مطرح ما هو بعيد ؟ وشو اللي خلا هالشي يصير بعيد ليكون من بعيد ؟ مو شي بحيّر ؟؟
ماعلينا .. خليه بعيد .. رح نرجعلو .. طيب وعلى شو ؟ شو هو اللي على شو ؟ أصلاً شو اللي خلا هالشي يصير بهالحالة ليكون على شو ؟ مو شي بحط العقل بالكف ؟؟ خلص حاجة .. حاسة انكن فتّوا بمتاهات وما عدتوا عرفتوا كيف الرجعة .. بسيطة رح نرجع .. لما كتير بتخطر ببالنا أفكار مو بإيدنا أحياناً غصبن عنا ، شي منرفضه وشي منتقبله ، ومع هيك منلاقي بنص هالأفكار جملتين دائماً بيحشروا حالن معن .. من بعيد .. وعلى شو .. يمكن تقولوا شو علاقة من بعيد لـ على شو ؟ شو جاب هي لهاد ؟ بس مو شرط يخطروا هالسؤالين نفسن تماماً ، احتمال بمعناهن .. وبكون إلن علاقة بتجمعن .. لأنو كل شي حوَلينا هلأ كان بالنسبة إلنا شي بعيد ، وصار قريب مع الوقت ، بعيد بالمكان بعيد بالزمان ، المهم هي بداية لكل شي .. بكون بعيد وبقرب .. يمكن قدرنا نشوفه ويمكن لأ ، بس عالأقل منقدر نرسملو صورة بمخيلتنا لنحاول نقربه من بعيد .. وعلى شو .. كل شي بحياتك على شو ؟ ألوانك .. انفعالاتك .. فرحك .. زعلك .. تعصيبك .. ضجرك .. أحاسيسك .. كيانك وتفكيرك .. كمان على شو ؟؟ معناتا مزبوط .. كلنا عنا بعيد .. وكلنا منسمع على شو لما منزعل .. على شو لما نضحك .. على شو لما ننقي أكل أو شرب .. مشان هيك رح اترك للكل حرية للتعبير .. حرية للتعبير عن أي شي بعيد .. من بعيد شو شايف ؟؟ وشو هو البعيد عنك ؟؟ وعلى شو ؟ هالسؤال معه حرية أكبر ، بإنك تفهمو على طريقتك وتجاوبو كمان على طريقتك .. يمكن تكون عم تقرا موضوعي و إنت زعلان .. بالتالي رح يكون على شو ( إنت زعلان ) .. وممكن تكون معصب ، فـ على شو ( إنت معصب ) .. واحتمال كبير يكون بإيدك كاسة عصير ، فـ على شو ( نكهتو ) ؟؟ كمان احتمال تكون بحالة يأس أو ندم .. وقتا بكون على شو ( ندمان ويائس ) ؟؟ إي .. لا تستغرب .. هي كلا أمور مو بإيدك .. كون صادق بهالموضوع وعبر على كيفك .. شو ماكنت إنت بهالدقيقة .. وكيف ما كانت الوضعية اللي إنت فيها هلأ .. عبر .. وقول .. من بعيد ... وعلى شو .... وتحياتي للكل .. بائعة الكستناء .. 
|
| إعلانات - مواقع مفيدة | |
|
الراعي الرسمي
رقم العضوية : 2
محل السكن: المنتدى
آخر تواجد: اليوم
|
|
|
21-11-2007, 07:38
|
|||
|
|||
شكراً لموضوعك أخت بائعة الكستناء
والله فوتيني بالحيط وأنا عم اقرأ طبعا أول شي حسيت حالي تماماً بمتاهه.. بس هلا ذكرتيني بكلام جوليا بطرس على شو بعدك بتحبو... على شو على شو...على شو ماشي على دربه فقلت لحالي على شو بنات هالأيام أول مشاريعهم الارتباط وبس لما بيتزوجو ما بيطلع بإيدهم يعملو شي فالأفضل للفتاة أن تستمتع بحياتها ولاتجعل هذا الموضوع شغلها الشاغل وتترك الموضوع لما يختاره الله... ولتستمتع بحياتها فا...على شو لاحقين على الهم تحياتي أختي بائعة الكستناء سينيو
|
|
21-11-2007, 07:53
|
||||
|
||||
اقتباس:
على شو قاتلين حالن هالبنات ليتزوجوا وأول ما يجي هالمسكين بقرفوه عمرو طلبات خيالية ؟؟ على شو ؟؟ معناتا شو هو اللي من بعيد من عندك ؟؟ هي تركتيها ... أو احتمال مايكون عندك شي بعيد وكل شي قريب منك ومتوافر .. إزا هيك .. فـ الله يتم عليك .. لأنو شو كتير هالـ ( من بعيد ..) بهالدنيا ... وتحياتي وشكري لمرورك الكريم ..
|
|
21-11-2007, 08:52
|
||||
|
||||
|
من وراء القضبان ....
على شو اللي عم بيصير معنا ؟ ليش الدنيا هيك ؟ ديما معاكستنا ؟ بس قولولي على شو ؟ مابدي احكي عن حجب شبابلك ولا حجب غيرو ... عالمبدأ ؟ على شو ماشي ؟؟؟؟ هاي هيك بس تفريغة ... من الوضع ... ماقدرت ما أشاركك بتميزك كستنا وبمواضيعك الغريبة ... المتميزة .... الي عودة دائمة بس من وراء القضبان للأسف!!! ((حتى الالوان حرموني منها - نكهة حياتي ... انحرمت منها !!!))
__________________
مابين المسافة بين الخصوصية ومتعة البوح ... تجدني في:
بقليلٍ من ... تستطيع ------------------ ارسم ابتسامتك من فضلك(مرتدياً ابتسامته) بنكهة فيروز ... فينا ...|مابينَ وبين ... هيَ ...| شبابلك بالنكهة الحلبية | عدسة شبابلك تجوب حلب |رمضانيات حلب| ------------------
|
|
21-11-2007, 09:39
|
||||
|
||||
|
شكرا يا صديقتي على هاد موضوع مع اني ما فهمت شي
 وفوتيني بالحيط على كلن يعطيكي العافية
__________________
لا تخف ما صنعت بك الأشواق .. واشرح هواك فكلنا عشاق
|
|
21-11-2007, 10:26
|
|||
|
|||
|
عزيزتي بائعة الكستناء
نسيت والله لأنو كنت مستعجلة بدي رد على موضوعك قبل مايجي مديري... بس هلا فضيت شوي.. مافي شي الحمد لله بعيد...لسبب واحد بس كن مع الله ولاتبالي. بحياتي ما تمنيت أمراً إلا ووجدته قريب وإن كان بعيد فالله يجعله قريب ولا سهل إلا ما جعله الله سهلاً. تحياتي إلك سينيو 
|
|
21-11-2007, 11:07
|
||||
|
||||
|
أنوووس : وأنا بقلك .. على شو محملها ؟؟ على شو متدايق ؟؟ حجبوا الموقع ؟؟ بكرا بيرجع ..
على شو متشائم وخلف القضبان ؟؟ رح تبقى دائماً بنظرنا أنوووس الملوّن المفرفش .. صاحب ( البنفسجي الغامق والفاتحوالموف ) .. أد ما رفعّت خطك و طيرت الألوان منو .. رح تبقى بنظر الكل أنوووس الملوّن .. لأنك إنت عوّدتنا نلاقيك هيك .. اليوم إنت معصب .. معلش .. كلنا منعصب .. بس بعد شوي لازم تروء  .. ناطرينك لنشوف على شو روّقت  ؟؟ وعلى شو طلعت اول ضحكة بعد هالتنكيدة اللي عايشها ؟؟ وما تنسى .. من بعيد .. شو عندك ؟؟ شو شايف وشو مو شايف بس لسا حاسس انو .. من بعيد ... ؟؟؟ تحياتي دائماً لمرورك الغالي أنوووس ... silver : له  !!! لك له  !!! شو ما فهمتي ؟؟؟ لك ما شفتي الديباجة اللي كتبناها لأنوووس فوق ، ليش هو فهم و seogyeon فهمت وإنت لأ ؟؟؟!! شـــه  !!! من بعيد .. ( منين بدي إلقطك هلأ وفهمك هون ) ؟؟ وعلى شو ؟؟ على شو بتحبي علبة البطاطا اللي عم تنباع بالطابق الأول ؟؟!! شبنا ؟؟!!! لا تقولي لسا ما فهمت  !!!! Seogyeon : أكيد عزيزتي .. الله يجعلها محققة على طول حياتك يارب .. رح ابقى استنى مشاركاتك الحلوة على موضوعي وخصوصا انو ( على شو ؟؟) بعمرا ما رح تخلص !!! والف تحية إلك صديقتي الغالية.. التعديل الأخير كان بواسطة : بائعة الكستناء بتاريخ 21-11-2007 الساعة 11:10.
|
|
21-11-2007, 12:16
|
||||
|
||||
|
<b > أشكرك كستنا على الابتسامة اللي رسمتيها هلأ على وجهي ...
قولتك ؟ على شو الواحد بدو يعصب؟ مافي شي مستاهل ... أشكرك ... الي عودة أكيدة..<b />
__________________
مابين المسافة بين الخصوصية ومتعة البوح ... تجدني في:
بقليلٍ من ... تستطيع ------------------ ارسم ابتسامتك من فضلك(مرتدياً ابتسامته) بنكهة فيروز ... فينا ...|مابينَ وبين ... هيَ ...| شبابلك بالنكهة الحلبية | عدسة شبابلك تجوب حلب |رمضانيات حلب| ------------------ التعديل الأخير كان بواسطة : أنـس بتاريخ 21-11-2007 الساعة 12:24.
|
|
22-11-2007, 08:44
|
||||
|
||||
|
على شو عم نتقاتل مع هالبشر ؟
على شو عم نوقع بين بعضنا ونطق براغي لبعضنا ؟ على شو راكدين ورا هالدنيا ركد الغول ؟ ومن بعيد ... من بعيد شايفة نصر لإلنا .. شايفة رجعة هالشباب لدينن وعقيدتن ولوعيهن وعقلن وصوابن .. عم شوف كتير من بعيد .. ولسا .. من بعيد ... وعلى شو .... تحياتي لمرورك الغالي انوووس .. وناطرة مشاركة البقية ...
|
|
22-11-2007, 11:48
|
||||
|
||||
|
على شو اللي عم يروح ماعاد عم يرجع وعلى شو النكد وكتر البلاوي والزعل على شو بتحب وبتكره بنص ثانية على شو متغرب وبعيد عن روحك ودنيتك وأهلك وخلني صييييح وعيط كمان ولك على شو بدي إرجع بالله عليكن لو حدا فهمان يجاوبني على شو بحبا لها البلد وبحترق لما بتمر ربع لحظة سوريا ............. اشتقت واتعبت وكرهت .. على شو .. في بلد ولا مافي بلد ... شكراً كستنا ولا إلك ... على شو ؟؟
__________________
خذيني إذا عدت يوما وشاحا لهدبك و غطي عظامي بعشب تعمد من طهر كعبك و شدي وثاقي بخصلة شعر بخيط يلوح في ذيل ثوبك
|
|
22-11-2007, 22:35
|
||||
|
||||
|
seogyeon و سفر .. بشكرلكن مروركن الغالي على موضوعي .. تحياتي إلكن ...
وتحياتي للكل ..
|
 |
| عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف ) | |
| أدوات الموضوع | |
| طرق عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| محمد صلى الله عليه و سلم.. | مسيو حسامو | شخصيات لها سحرها | 42 | 29-01-2010 21:46 |
| تكنولوجيا متقدمة تعيد تشكيل ملامح توت عنخ آمون | k hadeeha | حوارات | 0 | 01-10-2002 06:39 |
| وعلى يد من يعود المسجد الأقصى ؟ | ولد الرياض | كلمة طيبة ..كشجرة طيبة | 1 | 21-05-2002 17:34 |
| كل عام وانتم بخير لاخواننا المسيحيين بعيد الفطر | أهلاوي | كلمة طيبة ..كشجرة طيبة | 1 | 05-05-2002 19:08 |
|
العرض العادي
