تجربتي مع هل موبايل

حبيت افتح موضوع عن تجاربنا الشخصية مع جوالاتنا نبين فيها حسناتها وسيئاتها ونظرتنا العامة فيها وننصح غيرنا من اللي حابب يغير جوالو أو يقتني جوال جديد ونكتب عن معلومات خاصة بأجهزتنا متل قوة صوت الجوال أو قوة ضوء الفلاش . يعني معلومات شاملة وكاملة .

أنا رح احكي عن جوال Sony Ericsson K850i
- الجهاز بيدعم شبكات الجيل الثاني والثالث يعني فيه كمرتين
- أبعاد الجهاز 102*48*17 mm ( يعني متل أبعاد جهاز Nokia 3250 تقريبا )
- الوزن 118 غ
- الشاشة 240*320 بيكسل (مع 256ألف لون) للأسف
2.2 إنش قياس الشاشة ...... بالمختصر شاشة كبيرة بس دقة ألوان مو كتير عالية
- الذاكرة 512 ميغا بايت من نوع M2 (كرت ذاكرة ) و 40 ميغا لذاكرة الجهاز
الشئ الحلو بالجهاز انو بامكانك وضع ذاكرة من نوع Micro SD أيضا عوضا عن الكرت من نوع M2 اللي بيجي مع الجهاز وهاد شيئ جيد لأن كرت الـ Micro SD أرخص من كرت M2 بكتير
- شبكة لاسلكية WLAN: لا يوجد ( للأسف )
- أشعة تحت حمراء : لايوجد
- بلوتوث : 2.0 الجيل الثاني (ممتاز)
- المتصفح : 2.0 مع قراءة RSS
- الكاميرا : MP 5 بدقة 2592*1944 ,الضبط التلقائي البؤري,فلاش زينون عالي الجودة,بالإضافة لضوء فيديو ثلاثي,مع غطاء حماية أوتوماتيكي للكاميرا. (بالمختصر كاميرا وفلاش بمواصفات رائعة جدا)
- مواصفات إضافية : JAVA 2.0 , راديو , تحرير صور وفيديو
- البطارية : في وضع الإستعداد : 400 ساعة
في وضع التحدث : 9 ساعات (هاد الحكي حسب موقع الشركة )

ملاحظاتي عل جهاز :
- الجهاز من دون كفالة مع اني فتلت السوق على هل جهاز بكفالة ما لقيت
- الكاميرا رائعة جدا وخياراتها كتيرة وبتتحدى مثيلاتها من كاميرات الـ 5 ميغا وخصوصا بالظلام لوجود فلاش الزينون العالي الجودة
- صوت الجهاز قريب الى حد ما من صوت الأخ الأكبر لهل جهاز الـ K750i يعني صافي وجيد
- من ناحية الذاكرة وعن تجربة الجهاز بيقبل لحد 8 غيغا من الذاكرة ولكن بيصير الجهاز تقيل كتير كتير كتير باستعراض ملفات الموسيقى (من ناحية استعراض الملفات الموسيقية مو من ناحية قراءة الملفات الموسيقة ) يعني كرت الـ 4 غيغا جيد جدا لهل جهاز وكرت الـ 2 غيغا ممتاز
وبدنا ماننسى انو الجهاز من عائلة الـ cybershot مو من عائلة الـ walkman يعني جهاز تصوير احترافي
- البطارية أبعد ما يكون عن اللي قريتو بموقع الشركة ( 9 ساعات تكلم و 400 ساعة وضع استعداد )
الصراحة البطارية أقل من هيك بكتير وأنا بلشت صدق انو هل شركة المصنعة العملاقة عندها مشكلة بتصنيع بطاريات العمر الطويل عكس النوكيا اللي عم تصنع بطاريات بعمر طويل وحجم صغير
وللصراحة أكتر الجهاز اللي أنا اشتريتو ( طبعا جديد مو مستعمل ) طلع في مشكلة بالبطارية
وطبعا هل مشكلة احتفظت فيها لنفسي لأن الجهاز من دون كفالة .
أنا ما عم قول إنو البطارية سيئة لا ابدا بس كان لازم تكون أفضل .
- كنظرة عامة للشكل الجهاز انيق جدا بتصميمو مع ازرار مربعة صغيرة وازرار لمس بأسفل الشاشة
- امكانية استخدام ضوء الفيديو الثلاثي كضوء كشاف ( ميزة حلوة )
- امكانية شحن الجوال عن طريق وصله بالكمبيوتر بوصلة الـ USB
يعني : الجهاز بكل مواصفاتو رائع بس الذاكرة العالية والبطارية بالنسبة الي كانو مشكلة .

بتمنى من الجميع يكتبو عن الحسنات والسيئات بجوالاتهم للإفادة العامة .

__________________

I love walking in the rain because no one will know
im crying