|
|
|
|||
05-02-2009, 19:36
|
||||
|
||||
كلمات اذاعة كلنا سوا
اذاعة كلنا سوا ((بدون تردد)) *********************************************** اهلن بكل المستعين شكرا لختياركن محطتنا اذاعتنا ما فيها اخبار واعلانات وما بتشبه بقية الاذاعات ارسالنا على الموجة الجديدة مركزنا هو الارض ما عنا تردد رح نبدا فورا بالعرض اذاعة كلنا سوا شكرا لختياركن محطتنا خليكون معنا مباشرة عالهوا لاخر لحظة بتوصلكون اشارتنا خليكن مع اذاعة كلنا سوا كلنا سوا *********************************************** يوم اللي تغير العالم كنت بتختي عم بحلم فقت ماخر متل العادة فتحت عيوني عالجريدة يوم اللي تغير العالم كنت بتختي عم بحلم يوم اللي تغير العالم يوم اللي تغير العالم يوم اللي تغير العالم ما حدا منا قدر يفهم شو اللي تغير شو اللي تبدل كيف القصة رح تتحول يوم اللي تغير العالم ما حدا منا قدر يفهم يوم اللي تغير العالم يوم اللي تغير العالم *********************************************** شباكك مطفي يا يما وقيلبك مطفي وشلون بين بالعتم بس اجا ولفي شباكك مطفي يا يما وقيلبك مطفي وشلون بين بالعتم بس اجا ولفي تقولي بس اكبر يا يما تقولي بس اكبر عيوني تلم الليل تقولي بس اكبر وقعد ونطر ليلي ياه وقعد ونطر ليلي ياه اسمر يدق الباب وبالغمزة يشفيه شباكك مطفي يا يما وقليبك مطفي وشلون بين بالعتم بس اجا ولفي تقولي وشيلو يا يما تقولي وشيلو بالرمش وجوى العين تقولي وشيلو لو توصلوا حبيبي لو توصلوا حبيبي يسهرني طول الليل ما قول يكفي شباكك مطفي يا يما وقليبك مطفي وشلون بين بالعتم بس اجا ولفي وقعد ونطر ليلي ياه وقعد ونطر ليلي ياه اسمر يدق الباب وبالغمزة يشفيه شباكك مطفي يا يما وقليبك مطفي وشلون بين بالعتم بس اجا ولفي
__________________
خلقت الجمال لنا فتنه *** وقلت لنا:ياعباد اتقون وانت جميل تحب الجمال *** فكيف عبادك لايعشقون
|
| إعلانات - مواقع مفيدة | |
|
الراعي الرسمي
رقم العضوية : 2
محل السكن: المنتدى
آخر تواجد: اليوم
|
|
|
05-02-2009, 19:39
|
||||
|
||||
|
انا ارهابي لكن طيب ارهابي وطالع عالطيارة مع رفقاتي سلاحي غيتاري والحاني وكلماتي فورا عرفوني من اول ما شافوني طالعت الغيتار وقفت بنص الطيارة غني انا ارهابي لكن طيب بعزفلك قبل ما تموت سمع اخر لحن بحياتك حتسافر معنا مبسوط انا ارهابي لكن طيب بعزفلك قبل ما تموت سمع اخر لحن بحياتك حتسافر معنا مبسوط كل اللي بالطيارة خافوا من الموسيقا خافوا من صوتي وخافوا من الحقيقة ازا فني هلق صار يخليني ارهابي رح غني باعلى صوتي انا ارهابي انا ارهابي لكن طيب بعزفلك قبل ما تموت سمع اخر لحن بحياتك حتسافر معنا مبسوط انا ارهابي لكن طيب بعزفلك قبل ما تموت سمع اخر لحن بحياتك حتسافر معنا مبسوط *********************************************** عبد العظيم السلطان العادل هو كريم بس ما منستاهل عبد العظيم السلطان العادل هو كريم بس ما منستاهل حاكم العالم شو على بالو والدنية كلا بتحلف بخصالوا حاكم العالم شو على بالو والدنية كلا بتحلف بخصالوا بيحكي بالحسنة وبيحكي بالانسانية بس شكلو ناوي.....ناوي على نية عبد العظيم السلطان العادل هو كريم بس ما منستاهل عينوا علينا حاطتنا ببالوا جاي لعنا هو ورجالوا عينوا علينا حاطتنا ببالوا جاي لعنا هو ورجالوا كاين يدور عالارهابين ما عدنا نعرف والله الارهابي مين عبد العظيم السلطان العادل هو كريم بس ما منستاهل بس ما منستاهل .........بس ما منستاهل بس ما منستاهل .........بس ما منستاهل *********************************************** وصلوا العسكر غني ياامي ورشي ورد وغار عاللي جابوا معهن الحرية من بلد الاحرار لاتقولي هدموا بيوت لاتقولي قتلوا بشر كلنا رح نموت والحرية صارت قدر ياامي وصلوا العسكر وصلوا العسكر غني ياامي وقولي ميجنا عاللي جاي يعمر بلادنا ويزرع ارضنا لاتقولي نهبوا الارض لاتقولي حرقوا الشجر رشيهن بالورد حريتهن صارت قدر ياامي وصلوا العسكر لاتقولي هدموا بيوت لاتقولي قتلوا بشر كلنا رح نموت والحرية صارت قدر ياامي وصلوا العسكر *********************************************** عم جرب الفت نظرك وفهمك يللي صار عن بلد حترقت كلا وبعدا تحت الحصار يا ترى كنت بتعرف وشايف حجم الدمار لما الارادة اجتمعت واخدتوا القرار بتمنا تكون مقدر وتعرف عالاكيد شو يعني طوايف وشرق اوسط جديد بلكي بخبر قبور وبشرهن عالعيد انو المستر طلع بيعرف وحاسبها لبعيد شو بدك ااااااااااااه شو بدك شو بدك تحكي بكرا للكتب والسطور خربتها وقسمتها بس عملت دستور دستور بينفع تلبسوا وتاكلوا عالسحور وبتضوي فيه عتم الغرفة لما بيقطعوا النور ***********************************************
__________________
خلقت الجمال لنا فتنه *** وقلت لنا:ياعباد اتقون وانت جميل تحب الجمال *** فكيف عبادك لايعشقون
|
|
05-02-2009, 19:42
|
||||
|
||||
|
الناس الماتت عالطرقات اعدادن صارت بالميات ببلد لابس لون الرماد لشو كل هالشي قالوا انو في عصر جديد رح ندفع تمنوا نار وحديد وبالاخر بتلون اكيد اصبعتك بنفسجي ياالله ما احلى لونو نساني الدنيا وهمومي بيستاهل كرمالو يموتوا اهالي اخواتي وعمومي هاللون بالنفسجي مزوق هاللون المستورد احلى من الاحمر والاسود يا ريتك عايش يا اسعد مالك حظ تشوف وتشهد اصبعتك بنفسجي المدهش بكل الموضوع لما بتعرف انك مخدوع بتلحس اصبعتك وقت تجوع واللون بيختفي هالاصبع بالمية مية صبغولك يا هالحرمية يعني القصة هي هي ما رح يتغير شي عم بيقولوا بالاذاعات كرمال عيون الزعامات رح منساوي انتخبات حتى لو بسببها مات وتدمر كلشي تركلي اللحمة وكول الفول واوعا تسال عالبترول وانسى القاتل والمقتول وقف بالطابور وقول اصبعتي بنفسجي *********************************************** نايم على شط البحر ورجالوا حولو الشمس بتتخبى بامرو والناس بتركعلوا صواتن يلي ماتوا من البحر بتنادي ازا بدقق بتشوف وجوهن والايادي مجرم حرب........بارواح الناس بيلعب من دم البشر بيسقي رجالوا وهو بيشرب مجرم واعي والمجزرة منقولة الليلة على بيتك بالقمر الصناعي نايم على شط البحر ونسوانوا حولو شقرا بتسرح شعروا سمرا بتضحكلو الموج بيطلع وبينزل مع حركة ايدو الريح نوجدت لتنفز كل اللي بيريدو اجا وقت اللعب.......وفتحولوا الخريطة اختار من المنطقة حارة بقلمو وصار يحيطا مجرم دارس واول من بيعلن حربو عليه اطفال المدارس نايم على شط البحر وولادو حولو على يدو علامة نصر بس جوعو قتلو راحوا ولادو الكبار بقيو تنين صغار جنازتن بتشوفا الليلة......بنشرة الاخبار *********************************************** جرب شي مرة تدرس الاخبار من اية نشرة وعلى كل الاقمار بيشتركوا بلعبة وحدة لعبة الكلمات وعندن مية طريقة ليخبوا النص التاني من كل الحقيقة مرة بقولوا استشهد مرة بقولوا مات مرة بقولوا توفى او فارق الحياة مرة بقولوا حكومة ومرة بقولوا نظام مرة بقولوا الشارع ومرة اسمو الراي العام بتحس المصدر مصدر واحد شي دولة عظمة او حزبا معارض وهنن نفسن مهما اخترعو القاب وبهالنشرة بيقولو عنن ضحايا وبهالنشرة صارو ميليشيات وسرايا مرة بيقولو مجاهد مرة بيقولو ارهاب ولازم المذنب يطلع لابس كوفية وجلباب مرة بيقولو تحالف مرة اسمو احتلال واللي مبارح كان تطرف بكرا اسمو اعتدال واللي عم يبني مفاعل .. ملفو تحت الاضواء وصاحب اطنان القنابل.. ما منشوفو بالانباء واذا فتيشة بيصرعونا.. عاللي صار بتل ابيب واذا بغداد احترقت كلها .. مارح تدرى يا حبيب مرة بيقولو مجاهد مرة بيقولو ارهاب ولازم المذنب يطلع لابس كوفية وجلباب مرة بقولوا استشهد مرة بقولوا مات مرة بقولوا توفى او فارق الحياة ***********************************************
__________________
خلقت الجمال لنا فتنه *** وقلت لنا:ياعباد اتقون وانت جميل تحب الجمال *** فكيف عبادك لايعشقون
|
|
05-02-2009, 19:45
|
||||
|
||||
|
لو تعرفو بيّون هون ولد هون اندفن عمر هالدار وراح ما ترك وصية للعلن وبتشهد حجارو يللي مجبولة بحلم رح يبقى هالبيت العتيق متربع بصدر الزمن ولادو اجتمعوا بالدار بعد ما الاب ارتحل كل واحد بعيونو سؤال عن بين ما حدا سأل شو اللي بيطلعلي وشو اللي بيطلعلك الك وقتا صار اول شرار ومن بعدا شعلت نار الأول قرر انو ياخد كل شي وبيعتبر انو حقو انهضم والتاني عم يحاول يقنع الكل انو من حقو الدار هاد يلي بدو يبيع ويمشي ما بيهمو لو بيتو انقسم كل نهار نفس الحوار بيبشر بانفجار *********************************************** يا ترى شفت قدسيا........ وانسيت قلبك عباب السرفيس يا ترى فلست شي مرة.......... وصرت من الفقر قديس يا ترى طليت من شباك........ فايق ع جبال لبنان وبعد الفنجان الألف........... لقيت الحلو نعسان يا ترى شفت.... جمعة عزا جمعة عزا والميت نهر بالشام نحنا...... جمعة عزا جمعة عزا والميت نهر نشيع الهوا...... بورق الحبق نشيع الحزن..... بكاسة عرق نشيع الضجر..... بشدة ورق ونحنا الحبق ونحنا العرق ونحنا الورق ونحنا كل شي جاية من المطر وكل شي فيه بخور انحرق يا ترى شفت قدسيا........ وانسيت قلبك عباب السرفيس يا ترى فلست شي مرة.......... وصرت من الفقر قديس *********************************************** كل يوم بقول...... انو بكرة رح بيكون احسن بشوي بس شوي بكفي شوي كل يوم بقول....... انو بكرة رح يتغير شكل الحي وبعده الحي هو الحي شو بدك تحمل يا بكرة لتحمل الله يحمل معك امال الناس يلي ما بتقدر الا تلجأ الك الاب اللي عم يسال حتى قالوا مجنون ما بيعرف ابنه وينه ميت ولا مسجون الشباب الي عم بيهاجر وضجر الامهات ولا اللي بعده ناطر عبواب السفارات كل يوم بقول...... انو بكرة رح بيكون احسن بشوي بس شوي بكفي شوي كل يوم بقول....... انو بكرة رح يتغير شكل الحي وبعده الحي هو الحي شو بدك تحكي مهما تحكي مافي مين يسمعك بتحس انك بوطنك منفي والهوا عم يخنقك ضايع بزمن الحرب بتدور على هوية جرفتها ريح الغرب ... ريح الغرب القوية هالريح اللي سرقت اسمك وما بتعرف انت مين انت مجرد رقم وطابع وصورة عاليمين كل يوم بقول بتمنى بكرا انو يكون اسوأ بشوي بس شوي بكفي شوي كل يوم بقول يا ربي ما يتغير شكل الحي ويبقى الحي هو الحي *********************************************** الله خلق الدنيا وقسمها على تنين وقت اللي بتشرق عالاول تغرب عالتاني العين نحنا اللي بيناتن عاتيشن على حسناتن عم نشقى ونركض وما عم نحلق نسد الدين شرق وغرب......... نحنا وين شرق وغرب ..........ما عم نلحق نسد الدين شرق وغرب .........نحنا وين شرق وغرب ............سكابا يا دموع العين الاول عندو نار التاني عندو حديد ولعت بيناتن بالماضي وصارت تقيد تصافوا بعد العلقة وباخر الحلقة طلعنا نحنا الهدية وصرنا خاروف العيد شرق وغرب........عيد سعيد شرق وغرب.......الله يبارك ويزيد شرق وغرب........شو طالع بالايد شرق وغرب......راحت عالعيد والعيد بعيد كل بيعرف انو الارض مدورة بتدور طيب ليش كلن عم يدوروا ونحنا ما عم ندور ما عم نلحق نركب ولا ما عم نلعب ولا عجبتنا الفرجة وما عاد في النا دور شرق وغرب ......... ما عاد في النا درو شرق وغرب..........لركب حدك يا الموتور ***********************************************
__________________
خلقت الجمال لنا فتنه *** وقلت لنا:ياعباد اتقون وانت جميل تحب الجمال *** فكيف عبادك لايعشقون
|
|
05-02-2009, 19:49
|
||||
|
||||
|
عجل قوام يا عبد السلام ...........عجل قوام يا عبد السلام سهرتنا سهرة فوق الكلام السهرة الليلة بصالون المدام عجل قوام يا عبد السلام ..............عجل قوام يا عبد السلام السهرة حلوة واللمة الكبيرة فيها النشترية واعيان الديرة السهرة حلوة واللمة الكبيرة فيها النشترية واعيان الديرة البعض مفرفش ...........والبعض محشش والكل بدوا رضا المدام عجل قوام يا عبد السلام ...........عجل قوام يا عبد السلام سهرتنا سهرة فوق الكلام عطر هدومك الله يديمك البس جديدك واترك قديمك عطر هدومك الله يديمك البس جديدك واترك قديمك عسى المدام .........تكون نديمك يمكن يا عبده تحبك المدام عجل قوام يا عبد السلام ...........عجل قوام يا عبد السلام سهرتنا سهرة فوق الكلام هناك حتلاقي راجي ومطيع راحوا الصالون وسبقوا الجميع اخدوا مكانهن.....اه يا نيالهون شربوا المدام من ايد المدام عجل قوام يا عبد السلام ...........عجل قوام يا عبد السلام سهرتنا سهرة فوق الكلام والله يا عبده هالشغلة مو تمام اوعا تتهور يا عبد السلام كلو على كلو اوهام باوهام وما بدك هالسهرة بصالون المدام *********************************************** سما نايمة وعم تحلم بنجمة او لعبة والدنية عم تغلي بره ما فينا نخبي بتعرف تضحك ومالا سنان........ ما بتفهم بحقوق الانسان والمجلس قرر يحاصرها وهية عم تحبي سما ملت لاني قالب عالجزيرة ما عمتفهم معنى التقرير يمكن لسه صغيرة عم تطلع عالتلفزيون......... من رفقاتها يمكن مليون ماتو التقرير الماضي وهي هية السيرة سما مو خرجها عقوبات لانها حساسة ما بتحب تشوف الناس اللي عم بتقاسي وما بتتحمل منظر الجنود....... وعالم حولها عم بتموت اصلاً هي ما بتدخل باي شي سياسي سما تعلن للمجلس انه بدها تنام وتعلن مسؤوليتها عن كل الاحلام وبتوعدكن اذا ما صار............ والمجلس فك عنها الحصار رح تتعاون وتشرب حليباتها بكل الأيام *********************************************** صواتهن جاية من بعيد من خلف المدى جاية حجر بينده للايد رح نبقى للنهاية هدا صوت الارض قلوبهن صديقها الموت وعيونهن عم تطلع غضب سنينهن والوقت خلا نظرتهن توجع هادا حقد الارض بليل مجروح نايم هالولد بيحلم بتخت وبيت وبشوية بلد فاق عصوت بعيد جاية من السما شوي بيعلى وبزيد وبتشعل هالسما متل مبارح من هلق ورايح كل يوم........طبعا في قصف مهما القصف يزيد ويزيد الصدى هو تعود ما يخاف ولا يسال حدا شاف الموت صغير وصار يتقبله ما عاد تفرق كتير بالنسبة الو تعلم يكره وصار.....بيشبه يلي كل يوم بيقصفوا صار بدو يكبر ليقدر يثأر....... ليلي ماتو وهنن بين ايديه اذا كنت مفكر انو ما رح يتذكر......... بكرة بتواجه يلي مراهن عليه عم تزرع موت وتزرع كراهية.......... فكر لبكرة لما بيجي الحصاد اطفال الموت ملو دور الضحية......... وما كنت تمل تلعب دور الجلاد ميزان الضعف رح يجي يوم ويتبدل........... وقتها الولاد ما عاد يكونو ولاد واجيال الموت بكرة ما عادت تقبل............ انك تتجبر وهي بايدها الزناد هي القذائف عمتصنع مستقبل.......... مستقبل اسود ناطر تحت الرماد وتيار العنف رح يجرف اللي تأثر........... او يللي هادن او وقف عالحياد *********************************************** تارك كل شي .. ورايح عالجنوب لعندك ماشي .. ماشي عالجنوب كل الطرقات التانية مسكرة عرفنا الحقيقة لكن وصلتنا ماخرة كل الطرقات التانية مسكرة عرفنا الحقيقة لكن وصلتنا مأخرة ووحدو طريقك باقي مفتوح ماشي لعندك .. صوبك بدي روح تارك كل شي .. ورايح عالجنوب لعندك ماشي .. ماشي عالجنوب تارك احلام الماضي والكلام تارك اوهام الضعف اللي بيعمل سلام تارك احلام الماضي والكلام تارك اوهام الضعف اللي بيعمل سلام والحقيقة مافيها اوهام وحدا القوة اللي بتعمل سلام ***********************************************
__________________
خلقت الجمال لنا فتنه *** وقلت لنا:ياعباد اتقون وانت جميل تحب الجمال *** فكيف عبادك لايعشقون
|
|
01-03-2009, 04:07
|
||||
|
||||
|
مرحبا اخ خالد..
كلام بغاية ومنتهى الروعة ومستغربة ليش الردود قليلة او معدومة بالاحرى كلام حلو صور الشارع العربي بكل حالاتو والمجازو اللي عم تصير فيه انا على فكرة فيني كم صفة من مواصفات (سما)انو انا كمان ما الي كتير بالسياسة بس كتير عجبني الكلام(والارهابي الطيب تحديدا) ما فلسطين الحبيبة امك وبلدك كلام جميل وتقبل مروري
|
|
01-03-2009, 17:27
|
||||
|
||||
|
اهلا فيكي لميس وشكرا كتير لمرورك
__________________
خلقت الجمال لنا فتنه *** وقلت لنا:ياعباد اتقون وانت جميل تحب الجمال *** فكيف عبادك لايعشقون
|
 |
| عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف ) | |
| أدوات الموضوع | |
| طرق عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كلمات مبعثرة | Mooon light | بوح ووجد | 46 | 23-01-2010 02:28 |
| إذاعة كلنا سوا (( بدون تردد )) | Layana | الموسيقا الشرقية | 4 | 31-01-2009 18:00 |
| كلمات من القلب و اليه | المحبة للصداقة | كلمة طيبة ..كشجرة طيبة | 0 | 03-12-2008 12:26 |
| ضيف جديد ارجو ان اكون عند حسن الضن | kursan2002 | ركن التعارف والمناسبات | 7 | 08-04-2002 01:26 |
|
العرض العادي
