الشباب والدخان

اول شي بشكرك عالموضوع وعالاستفتاء لأن بصراحة لازم نبحث بهالمواضيع ونعمل احصاءات واستفتاءات عليها ومنوضح للعالم سلبياتها
تاني شي اذا كان قصدك حضارة لأنه تصدر لنا من الغرب ومن هيمنة وسيطرة الغرب ,,,بحب اقول ان حتى الغرب اعترفو انه تخلف وطلعو قوانين واوامر تضيق الخناق عالمدخنين فمنعو التدخين بالاماكن العامة وعملو قسم صغير بالمطاعم للمدخنين تيحسسوهم بالعزلة واجبروهم يكتبو على علب الدخان انه مسرطن ورسمو صور مقززة ومنعو الاعلانات عنها وغيرها كتير وكل هدا الشي لمنع او تقليل نسب المدخنين وبالفعل فان نسبة المدخنين عندهم بتناقص عكس عنا
بظن ان اهم شي توعية الناس وتعريفهم بالمخاطر (بتقولي ان المدخن ما بيعرف انه مضر بالصحة )
لكن وعي المجتمع ككل,,,مثلا عندنا بالجامعة اساسي كل يوم بيد الطالب باكيت دخان والنظارة الشمسية (حتى بعز الشتي) بس هي عدة الطالب حتى قلمو ودفترو بنساهم بس ما بنسى الدخان

نحنا عنا بالمجتمع العربي عم تتفشى ظاهرة التدخين ومتل ما تفضلت mu3azt انو بالمجتمعات الغربية عم تتفاقم هي الظاهرة لانو عم كبوها لهي الفضلات بالمجتمع العربي ونحنا منروح ندخن مندعمن ليهاجمونا( مثلا ارباح شركة لوكي باليوم 12 مليون من الوطن العربي بروح منن 5 مليون لاسرائيل عشان تشتري سلاح )

__________________

والله معكم حق.. بس ليش ما بيكون في منتدى ليلي بدهم يبطلو الدخان بيساعدو بعض وبيشجعو بعض..
انا بصراحة بدخن
بس ناوية بطل وبدي مساعدة..
حدا يبطل معي ويشجعني...
أم شام...

الـتـدخـيـن يتــراجع عـالـميــا ويتــزايـد عـربيــا ..
فـ هـو داء عظيــم امتـلـك الــصغيـر قبـل الـكبيــر وخـصـوصــاً الــشبـاب وللأســف أن الـكـثيــر منهــم يـدخــن لـمجــرد الإحـســاس بـإنـه أصـبـح رجــل كـبيــر ومـســتقـل .. يمـلـك قــراره بنفــســه
ولـم ينجــوا منهــا إلا مـن كـانـت لـه الإرادة الــقـويـة والـعقــل الـواعـي الـذي يغـلب الــمصلحـة عـلى الــمفســدة ..
كـمـا نـرجــو مـن اللـه أن يحفــظ جميـع الــشبـاب منهــا

خـالــد ..
شكـراً عـلى الـطـرح
دمـت طـاهــر الـقـلــب ..

هلئ الدخان أكيد شي غلط ,, وكلنا منعرف مضارو الصحيه والخ....

بس انا وقفت على شغلة لما طرحت وقلت شو رأيكن بالشب يلي بيدخن؟؟

هلئ هل تعتقد أن الإنسان يقيم على أساس مدخن أو لاء؟؟

انا أعتقد انو بيدخن ما بيدخن ما بيأثر عليه كشخصية ,, وبالنسبة يلي بيقول يلي ما بيدخن شخص واعي شخص مدري شبو بدي أسألو هي أغلب الأدباء والسياسين بيدخنو يعني هاد قلل من وعين وتدبيرهن للأمور >>هو للسياسين بشك ممكن اي ,,بس الأدباء بيزيد انتاجن مع

سيجاره وكاسه قهوة
انا بساعدك وبطل معك =)

__________________




لأن من يحب في مدينتي مجنون ,,
لأنهم في بلدي يصنفون الحب في مرتبة الحشيش
والأفيون,,ويشنقون بإسمه,,ويقتلون بإسمه,,
ويكتبون بإسمه القانون,,قررت أن أحترف الأشعار
والجنون,,

السلام عليكم ورحمه الله وبركاته..

ظاهره التدخين منتشره بشكل كبير في عالمنا العربي ..
في بعض الأحيان نشوف الشخص يدخن .. اذا حاول يفكر مثلا بموضوع او في موضوع محتار فيه و يفكر يوجد له حل .. و غيره
اسباب عديده .. تجعل المدخن يلجأ بسببها لباكيت السيجاره
التدخين بشكل عام ليس له 0% فائده على اي مدخن .. غير تبذير امواله على دخان
في نظري انه الإنسان هو بنفسه من بيده ترك التدخين او اللجوء إليه .. هي مجرد عاده سيئة
و الإنسان القوي .. من لا تهزمه مجرد سيجاره فــ يلجأ إليها وقت ضعفه أو وقوعه في مشكله و بعتقاده حلها ينوجد بسيجاره..

__________________

هلق أنا ضد التدخين
ولكن أن أعتبر الشخص المدخن متخلفا فهي تقيله
وابدا لن أحكم على شخص بأنه متخلف أو حضاري
بمجرد أن كان مدخنا أو لا

__________________
اذا لم يكن لديك ما تحب ينبغي أن تحب ما لديك

مرحبا انا بكره التدخين كتير واحيانا بكره يلي بدخنو هلق في عالم بتفهم انو انا بتحسس من الدخان وياريت تطفي السيجارة بس في عالممممممم مابترد ابدا وعنجد انا نفسي اعرف مكان ممنوع في التدخين مشان ضل في يعني لازم يخصصوا اماكن كتير بلا دخان
شكرا كتير عالموضوع الحلو

[quote]ظاهرة التدخين والاركيلة كتير منتشرة بالمجتمع العربي وخاصة بين جيل الشباب[/
Quote]

أنا أعترض على كلمة المجتمع العربي ... فالمجتمع السوري هو الذي تنتشر فيه ظاهرة التدخين بشكل كبير و مزعج .

تجولت في عدد من البلدان العربية و لم اشاهد نسبة عالية للتدخين إلا في سوريا و لبنان و مصر بينما يقل التدخين بشكل ملحوظ في دول الخليج .

فيندر أن ترى شخصاً يدخن في الطريق كما أن التدخين ممنوع في الدوائر الرسمية و حتى كثير من الشركات الخاصة .

لم اشاهد احداً يدخن في سيارته ... إلا مرتين و للأسف كان الاثنان سوريان .

كما شاهدت موظفاً في شركة خاصة يدخن خارج باب الشركة لأن التدخين ممنوع في الداخل و علمت أنه سوري .

م . أبو بكر

__________________

مراحب اخي ابوبكر بعد زمان !!

هلئ بالنسبة لكلامك صح ظاهرة التدخين بسوريا كبيرة ما مننكر هالشي
ولكن اخالفك الراي بالنسبة لدول الخليج لأنو فيها نسبة كبيرة من المدخنين باستثناء السعودية اقلها بالنسبة لدول الخليج بذكر من قبل سنة على ما اظن قريت دراسة عن التدخين يومها اليمن احتلت المركز الاول في العالم العربي بالتدخين وخليجياَ احتلت الامارات الدولة الثانية تليها قطر .

وجودك بالسعودية اخي يجعلك تلاحظ الفرق لاني متل ما خبرتك السعودية نسبتها قليله جداَ بالتدخين بالنسبة لباقي الدول العربية .

تحياتي ,,

__________________
.
.
لا يوجد رجل فاشل ولكن يوجد رجل بدأ من القاع وبقي فيه

مدونتي