|
|
|
|||
|
|||||||
 |
|
|
أدوات الموضوع | طرق عرض الموضوع |
06-03-2010, 19:38
|
||||
|
||||
لك أهليييييييييييييين بالسيد شامي المعتق شاميينا شيخ الشباب...شيخ الشباب شاميينا هلا والله... حيّ الله....إي والله عن جد سرني وجودك وأهلا وسهلا فيك. 
__________________
بلادي وإن جارت عليّ عزيزة*** وأهلي وإن ضنو عليّ كرام
|
|
06-03-2010, 20:46
|
||||
|
||||
|
انا قصدت المجال التعليمي ..
ولم اقصد المجتمع بشكل عام فعندهم كل شيء مباح والحرية ابوابها عريضة وواسعة.. لكنهم قاموا بفلترة الكثير من القصص التي تتضمنها الكتب المدرسية وخاصة للاطفال في المرحلة الاساسية وما قبلها لأسباب تربوية وأخلاقية . لم يكن غائبا عن ذهني ما ذكرتموه في تعليقاتكم..لكنني لم أحدد أن المجال التعليمي كان المستهدف في عملية الانتقاء والفلترة لاختيار قصص مفيدة نربويا واخلاقيا للاطفال. بيوتي ..أنا لا أقلل من قيمة القصص التي تكتبينها هنا..لكنها ملاحظة عابرة لا أكثر !
__________________
الانسان و الحريه .. إذا غاب أحدهما ..غاب الآخر . التعديل الأخير كان بواسطة : rdan بتاريخ 06-03-2010 الساعة 21:08.
|
|
06-03-2010, 21:22
|
||||
|
||||
|
شكراً على ترحيبك يا بيوتي ومتابع معك القصص الشيقة والممتعة بكل أهتمام
اقتباس:
وان اجينا للحق مناهجنا التعليمية كلها حكم ومواعظ وعبر وقصص بطولية كلها أخلاق وتربية سليمة ومع هيك بتلاقي بالمجتمع وبالمدارس خاصة الكذب والغش والخداع وامور كتيرة لم تذكر بالقصص البطولية لهيك مابيكفي تعديل القصص وحذف العاطل منها اذا ماترافق هالامر مع التربية المنزلية ومع طريقة معالجة المجتمع للافات الاجتماعية الغير سليمة . خرجت عن سياق الموضوع لهيك بعتذر منك بيوتي ومتابع بصمت من جديد .
__________________
سوف يأتي الحب في موعده.....هكذا قالوا.؟.؟ وأتيتِ أنتِ في موعدكِ التعديل الأخير كان بواسطة : شامي معتق بتاريخ 06-03-2010 الساعة 21:24.
|
|
06-03-2010, 21:28
|
||||
|
||||
|
مصدر هذه المعلومة يا اخ شامي الصحافة وليس الانترنيت ..وربما من زمن لا بأس به ..
أما سؤالك لصديقك ونفيه ذلك..فهذا لا يقدم ولا يؤخر في الموضوع ربما كان صديقك لا تدخل مثل هذه الامور في اهتمامه ! مثلا القصص التي اعتبروها فيها تمييز للمراة عدلوها ..بناء على توجهاتهم وسياساتهم التربوية .. أما حديثك عن الانهيار الاخلاقي في مجتمعاتنا فهذا شأن آخر يطول الحديث فيه ! حتى في بلادنا في المجال التربوي وفي الكتب المدرسية يختارون القصص التراثية بعناية وبشكل يتناسب مع اهداف التربية في بلادنا ..
__________________
الانسان و الحريه .. إذا غاب أحدهما ..غاب الآخر . التعديل الأخير كان بواسطة : rdan بتاريخ 06-03-2010 الساعة 21:32.
|
|
09-03-2010, 20:02
|
||||
|
||||
|
السلام عليكم إخوتي وأخواتي الأعزاء موعدكم مع قصة(الريح) الخميس القادم بإذن الله ودمتم في رعاية الله وحفظه 
__________________
بلادي وإن جارت عليّ عزيزة*** وأهلي وإن ضنو عليّ كرام
|
|
11-03-2010, 22:09
|
||||
|
||||
|
حكاية الريح
كان ياما كان كان في مرا عايشة لحالها مع بنتها وكانت عايشة على شغلها وهو برم السميد (بيبرمو السميد بالمي والملح ويجففوه بالشمش ويبيعوه جاهز إنو ينعمل كسكسي-أكلة شعبية مشهورة-) كانت المسكينة تتعب عليه وفيه بتتفنن، مشان ما يطلعلها سميك أو معجن. وبيوم من الإيام، كانت ماشية بأمان وسلام، بطريقها لتوصل طلبية السميد، لبيت إم سعيد، لإنه عرسو لسعيد، صار قريب ومو بعيد. وهي ماشية هبت رياح قوية كتير... طيرت الصفرة اللي بيإيدها ورمتها عالأرض. صارت المسكينة تبكي وتبكي على تعبها اللي راح، وقررت إنها تروح تشتكي للملك الأكبر تبع الرياح. وراحت للقصر..... ولما وصلت للجنينة الكبيرة تبع القصر..... شافت الجرادات بيقلمو الأشجار ويحرسو الزرعات استغربت بس تابعت طريقها وشافت الحراس تبع القصر اللي كانو كلهن ذئاب سألها ذئب.... وقاللها: تفضلي، شو بدك؟ خافت بالأول بس أسلوب الذئب الرقيق خلّها تتطمن شوي، وقالتله: بدي قابل ملك الرياح، بدي اشتكيلو من شغلة. قاللها :تفضلي، ودخّلها للقصر.... ووصلها لملك الرياح وسألها الملك عن سبب جيتها. وحكتلو عن الرياح اللي أذتها وطيرت تعبها بهبة منها. فقاللها: ما تزعلي أبداً ما بيضيع تعبك بهبة رياح طايشة، نحنا رح نعوضك أكيد، روحي هلأ جيبي الماعون اللي كان مليان سميد ورح ترجعي فيه مليان إن شاء الله. وفعلاً راحت وجابت صفرتها ورجعت للقصر ودلها لمخزن بالقصر، وقاللها: روحي بتلاقي غرفة من غرف المخازن فيها سميد مبروم وجاهز، عبي منه صفرتك متل ما كانت من قبل وارجعي لبيتك رضيانة وصفرتك مليانة. قالتلو: طيب مين من الحراس رح يروح معي؟ قاللها: روحي لحالك ما في داعي للحراس. وهي بالطريق للمخازن.... شافت أشياء غريبة عجيبة مو أقل غرابة من اللي شافتهن بجنينة القصر شافت قطط بالمطبخ بتقطع اللحم ، وشافت فيران بيحرسو بيت المونة ، وشافت كلاب حاملين الحلاب، وطير المقر(طير بيآكل الزيتون) بيجيب الزيتون للقصر و..... كان القصر كتير غريب، وكل واحد بالقصر عندو وظيفته بيأديها على أكمل وجه وبأتم أمانة وصلت أخيراً للغرفة اللّي قاصدتها، وعبت منها صفرتها، ورجعت لبنتها، وحكتلها الاشياء اللّي شافتها. وبعد شوي كشفت عن صفرتها اللي عبتها..... والصدمة.... إنها لاقت هالصفرة مليانة ذهب، خافت المسكينة ورجعت للملك بس هو قاللها: هذا نصيبك وحظك ما تخافي. فرحت بالشي اللي صار، لإنها صارت غنية بظرف نهار. فصارت بنتها تقلها: إمي! خلينا نوزن هالذهب ونعرف قديه كميته. قالتها: طيب مو مشكلة روحي استلفي الربعية(شي بيستخدموه للكيل والوزن)من بيت جارتنا فوزية. بس الجارة فوزية كانت فضولية وحشرية، وذهنت الربيعية بالعسل مشان تعرف لشو استلفته جارتها وشو كالت بيه. ولما أخدت البنت الربيعية لإمها وكالت فيه الذهب... علقت قطعة ذهب صغيرة بالربعية، وعرفت فوزية إنو جارتها كالت ذهب. فطارت لعندها وما حلت عنها لعرفت القصة اللي صارت معها. ولتحصل ع الذهب هي كمان برمت سميد وراحت لنفس المكان اللي انكب فيه السميد من جارتها، وكبت الصفرة عالأرض وراحت للقصر، وشكت للملك إنو الرياح هي اللي كبت منها السميد، ونفس الشي دلها للمخزن. بس هي لما راحت للمخزن.... طالعت كياس قماشية وصارت تعبيها بالسميد وعبتهن لحد ما صار حملهن ثقيل عليها، ومع هيك طلعت فيهن من القصر ورجعت لبيتها، ولما فتحت الكياس.... لقت السميد تحول كلو لأفاعي وعقارب التفو عليها ولدغوها جزاء الطمع والخيانة. العبرة: 1- اللي بيشتغل بامانة الله ما بيضيع تعبه. 2- الصادق والأمين الله بيجازيه الخير دائما وفوق ما يتصور. 3- الكذّاب والطمّاع مصيره الهلاك، وهلاكه بإيده نتيجة لأفعاله.
__________________
بلادي وإن جارت عليّ عزيزة*** وأهلي وإن ضنو عليّ كرام
التعديل الأخير كان بواسطة : Beauty100% بتاريخ 11-03-2010 الساعة 22:19.
|
|
11-03-2010, 22:37
|
||||
|
||||
|
تابعت معك يا بيوتي القصص بمتعة وبشوق لكل تفصيل كتبتيه ، وبصراحة كنت عم أحسدك على كتابتك وتعابيرك وحبكة القصص والتشويق الي بكل قصة والي بيخليني تابعها للنهاية دون أي ملل أو كلل .
شو رأيك تطبعي وتنشري هالقصص بكتاب ؟ وبأكدلك رح تطبعي منه اكتر من طبعة ورح يكون اله وقعه الحلو والمحبب بنفوس الصغار والكبار ، وخلص رح وصي من عندك على نسخ كتيرة الي ولناس بحب اهديهن كتابك !! يلا شدي الهمة وطبعيهن .
__________________
سوف يأتي الحب في موعده.....هكذا قالوا.؟.؟ وأتيتِ أنتِ في موعدكِ التعديل الأخير كان بواسطة : شامي معتق بتاريخ 11-03-2010 الساعة 22:38.
|
|
12-03-2010, 00:26
|
|||
|
|||
|
عن جد يسلمووووووووووووووووووووووووو
__________________
يا رب..اؤمن كثيراِ..ان المساحة الفاصلة بين الارض و السماء..والواقع و الخيال..مجرد دعــــــــــاء
|
|
12-03-2010, 20:32
|
||||
|
||||
|
اقتباس:
 إي مو لهالدرجة يعني شكراً كتير لمتارعتك وإطرائاتك ياللي فرحتني كتير بس أكيد هذا من ذوقك الحلو --------------------- اقتباس:
__________________
بلادي وإن جارت عليّ عزيزة*** وأهلي وإن ضنو عليّ كرام
|
|
12-03-2010, 20:46
|
||||
|
||||
عجبتني الفكرة
اقتباس:
وبناء على هذا رح وقف هالموضوع وما رح حط قصص فيه لحد ما حقق عدد مبيعات منيح  واللي بدو القصص بيشتري نسخة طبعاً  وحق النسخة لعيونكم ما رح يكون غالي كتير بس 100 دولار اعذروني يا جماعة بس كتير محتاجة إشتري سيارة 
__________________
بلادي وإن جارت عليّ عزيزة*** وأهلي وإن ضنو عليّ كرام
التعديل الأخير كان بواسطة : Beauty100% بتاريخ 12-03-2010 الساعة 20:55.
|
|
12-03-2010, 20:54
|
||||
|
||||
|
عم إمزح يا جماعة ما تصدقو أنا صحيح رح غيب يعني الخميس الجاي واللي بعدو ما رح حط قصص بس السبب مو إني رح إطبعهن، السبب هو إني رح يكون عندي إمتحانات الإسبوع الجاي وما رح إفضى طبعاً. دمتم في رعاية الله وحفظه.
__________________
بلادي وإن جارت عليّ عزيزة*** وأهلي وإن ضنو عليّ كرام
|
|
22-03-2010, 16:02
|
||||
|
||||
|
اقتباس:
 طماعين نحن شو تعملي  بانتظار عودتك المحمودة والله يوفقك بالفحص
__________________
سوف يأتي الحب في موعده.....هكذا قالوا.؟.؟ وأتيتِ أنتِ في موعدكِ
|
|
| عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف ) | |
| أدوات الموضوع | |
| طرق عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| للحفاظ على التراث الفلسطيني والكوفية الفلسطينية لا للكوفية الملونة , هام جداً | rm85 | اسرائيل من مرصد شبابلك | 1 | 15-01-2009 12:47 |
| الحلقة الثانية - حكاية انتظار | قطة شامية | درج الياسمين | 7 | 08-07-2008 15:48 |
| نانسي عجرم تبحث عن شاب من الجلفة وتعشق التراب الدي يمشي عليه | محمد بن نعامة | كراكيب | 1 | 03-06-2008 13:51 |
| حكاية انتظار | قطة شامية | بوح ووجد | 0 | 19-03-2008 16:18 |
|
العرض العادي
